De,
Anhte daini myen kaw hpabaw hpyi ai ta? Hpa baw hpyi shara nga a ta? Myen tai hpyen kaw ,tara shang ai ,mungdan ting ra ai Goverment nre ai majaw, kaga amyu kaji laknak lang uhpung ni ndai aten gaw yawng a matu ahkaw ahkang kaba nan re, yawng tai hpyen hte anhte gaw gara hku mung nmai hkrum sai re ai hpe dum ga. Karai Kasang gaw dai ntara ai Hpungkyi nawku ai ni hte n ganawn shangun mayu ai hpe Ja Ja wa chye ju shakawn ga. Moi na Ningbaw kaba ni woi shut ai marang e, annau ni daini du hkra jamjau, a myu shamat wa ai maga de du wa sai hpe dum ga,
Karai Kasang ra ai gaw, Shi jaw da ai annau ni a Buga, Anhte a Wunpawng Mungdan hpe asan sha gaw de sa wa na, bai madu la na hpe sha ra ai re. Tai hpyen wa a npu de bai nhtang shang wa na hpe gaw hkum myit sa, Anhte a mumgdan hpe anhte gaw gap di la ga, ga garan taw nga ai hpu nau U Hpung ni mung Wunpawng mungdan hpe lu la na, gawde sa wa na re ai hpe, Gwi Gwi daw dan ra na aten re, ntsa na ni tsun shagu galaw ai baw aten nre, Gara jaw ai, njaw ai ngu ai hpe madu daw dan ra na aten re, madu a labau madu ka na aten re. Madu a kashu kasha ni hpe Myen tai hpyen wa, Roi Rip, Sat Nat nga sai le, nang hpai nga ai laknak gaw Amyu shada sat hkat na matu kun? Myit malai lu hpang hkrat na yaw. Madu a myu shada sat gwi ai ngu ai gaw du satmyit re, gaya ai baw re. Madu a myu shada sat mayu ai ni nga yang , Ngai Hpa kasha, kadai na kasha, Maung Hpyu, Maung Nyo, re ai kun? Anhte gaw amyu Htung Hkring nga ai ni rai ga ai. Nang hpe Myen tai hpyen ni tsi htu, tsi jaw sat gya nga ai gaw dum nga u yaw, Myit malai ai hte Madu a Wunpawng mungdan hpe jawm gaw gap sa wa ga.
Myen tai hpyen wa tsun ai, Panglung ga sa di nnga sai nga majaw, annau ni myen hte lai wa sai aten hta ga sa shalai da ai majaw Karai Kasang annau ni hpe ari jaw ai, daini du hkra re, Shi langai , shanhte ga sa shalai da ai majaw re, dai ni dai ga sadi nnga sai nga majaw gaw, asan sha re ai hpe dum ga. Bai sa gayau pawng na, Myen tai hpyen npu de bai dun bang ai ladat, Tai hpyen hte bai jahkrup ga nga gabaw gaw ram la sai, nmai byin na re. Karai Kasang nra ai amu rai na re. Karai Kasang kaw shawng nnan kyu hpyi nna galaw ra ai magam bungli ni hpe Gwi Gwi galaw daw dan sa wa ga. Anhte a ntsa, anhte hte a rau Karai Kasang nga ai. D ai rai yang Karai Kasang mahtang Tai hpyen ni hpe gasat kau ya na re, Kam ai myit hte galaw sa wa ga, Awng padang gaw Karai Kasang kaw na shye re.
Laiwa sai aten hta Mung Lahpai Naw Seng U Hpung ni Madu mungdan madu gap di la saga nga ai shaloi mung Myen tai hpyen a shat sha nga ai anhte a Du, Slg. ni nhkraw ai majaw annau ni dai ni Myen tai hpyen a mayam madang kaw du wa sai hpe dum nga ma ai kun? Nang hpe rim sat kau yang hpa akyu, kade a akyu nga a ta? Myen Tai hpyen wa a akyu sha rai na re. Myen tai hpyen a Shabrai sha nna Madu amyu hpe ndut sha ga, nsat ga. Nang kade lu la sha da sa ta? A tsawm myit yu ga yaw. Myit malai nhpang hkrat shi ai yaw. Kachin Land, Kachin Country, Wunpawng Country ngu ai kade madat pyaw a ta? Myen tai hpyen wa pyi nkam pawng sai nga dai ram tsun nga tim ,gaya nsu wa rai nna Myen tai hpyen wa gap hkat jahkring ga nga tsun yang hkraw na re nga ai gaw, Karai Kasang annau ni hpe jaw da ai Lamu ga hpe gum wai ga hku nna Madu a lamu ga hpe jaw kau mayu ai ngu ai lachyum hku chye na ga ai.
Tawngkyantu nga (gumlau hpyen), dai ram tsun tim hpa rai nlu ninghkap tsun ma a ta? Madu a lamu ga hpe madu makawp maga ai gaw anhte jaw ai, Tawngkyantu ajet gaw Myen tai hpyen nan re ai majaw, kaga ngam nga ai amyu kaji uhpung ni yawng hpe mung daini kaw nna Gwi Gwi ninghkap sa wa saga ngu ndau dat yang kaja na re. Madu a buga hpe madu lit la nna dan di lasa ga ngu ndau shabra dat yang mai na re hpe mu lu ai. Hpunau Miwa hte Gala ni hp mung anhte a Buga kaw Nanhte a saidaw sai chyen ni grai naw nga ai hpe dum ga, nanhte hte anhte gaw amyu bung ai ni re ai majaw anhte a mungdan, anhte a buga kaw galaw na hpaga ni gaw anhte hte shaga ga, Myen tai hpyen hte sa shaga ai gaw ta ra nshang na re, Buga madu gaw anhte re, Hku Hku Hkau Hkau nga mayu ga ai re lam, anhte amyu shani mung Nanhte mungdan kata kaw law law nga nga ma ai re le, anhte hte nanhte gaw langai sha re ai hpe dum ga, Myen tai hpyen wa nanhte hpe maw masu sha na ra ai hpe gaw dum ga. Nang Hpa ra a ta? Hpa galaw mayu nga a ta? Ntara ai hku galaw na rai yang gaw anhte a Karai Kasang nanhte hpe pawt, a ri jaw na ra ai hpe dum ga. Nang Myen tai hpyen wa hte pawng mayu ai rai yang gaw, Madu Hkum Madu shawng pat kaw yu la ga. Hpa Amyu re ai ta? Wunpawng Jet Jet Re.
Wunpawng Mungdan hpe Mu mayu dik ai yaw, Wunpawng PassPort hte Mungkan ting madun hkawm mayu sai yaw,
Wunpawng Mungdan tup hkrak lu la u ga, Kyu hpyi dat ai yaw,
Wunpawng Myusha ni yawng hpe, Karai Kasang Bau sin ya u ga, Shaman ya u ga.
MATUT HTI NA »
