KACHIN BIBLE

April (3) bat Masum

Jinghpaw Wunpawng Myusha ni yawng hpang de, Jinghpaw Chyum Laika hpe tinang a Phone ni kaw Free Install galaw la nna mai hti sai lam shana dat n ngai. iPhone hte Samart Phone ni hkan mai lang ai hpe mu chye lu ai. Ya yang gaw Ga Shaka Ningnan hpe sha naw lu nna, gade nna yang Ga Shaka Dingsa ni hpe mung galaw mara mat wa na re lam hpe mung na chye lu ai.

Jinghpaw Mobile Chyum Laika galaw mara da ai wa ai numhtet ga hpe mung mara dat ya ai,

Mungkan shara shagu de nga ai Jinghpaw Wunpawng Sha ni yawng a matu Mobile application kaw na Jinghpaw Chyum Laika hpe FREE download galaw na mai hti ai lam hpe shana dat ai. Jinghpaw Chyum Laika hpe download galaw la ngut jang Internet access nnga tim galoi ten mung mai hti ai. Tinang na manaw manang ni hpe mung Jinghpaw Chyum Laika hpe Mobile kaw na free download mai galaw ai hpe tsun dan ga.

Install galaw la ai ladat,

iPhone hta App Store kaw sa nna Kachin Bible ngu gayet bang nna tam la u,

Smart Phone ni hta Market kaw sa nna Kachin Bible ngu ka bang nna tam la u,

Yawng awng dang lu u ga.

MATUT HTI NA »

FIREFOX HPE LAWAN HPAW LU HKRA

Firefox Browser nau lanyan ai majaw lang n pyaw na myit ru nga ai manaw manang ni a matu yaw shada let, Firefox lawan ai hku lu lang na matu ladat hpe tsun dan dat n ngai.

Shawng nna Firefox Browser hpe hpaw u, ngut yang address bar kaw about:config ngu hpe ka bang dat nna Enter dip dat u.

Dai ngut yang Search bar kaw pip hpe gayet bang dat u.

Dai shaloi network.http.pipelining nga hpe double clik dip nna true galaw dat u.

network.http.pipelining.maxrequests nga kaw na (4) hpe dip nna (30) galai ka bang u.

network.http.proxy.pipelining hpe mung double clik dip nna true byin hkra di ya u.

Dai ni yawng galaw ngut yang Na a Firefox shawoi na hta grau lawan wa ai hpe mu na ra ai.

(Ndai gaw Window 7 a matu sha re.)

MATUT HTI NA »

i-PHONE VERSION 5.1.1 KAW MYEN FONT BANG NA

Dai ni gaw i-Ph Version 5+ (sOS 5.1.1, i-Pone 4, 4s) kaw myen font bang la ai ladat hpe tsun dan na n ngai. (Version 4+ hte lawu de na i-Ph ni kaw myen font bang ladat hpe gaw Jinghpaw Kasa Blog kaw ka bang da ga sai.)

Shawng nnan myen font bang na i-Phone hpe Jailbreak shawng galaw kau ra na re. Jailbreak galaw kau sai i-Phone kaw she myen font mai bang ai majaw re.

Shawng nnan i-Phone kaw na Cydia kaw shang dat u. Cydia kaw na Source kaw sa, dai kaw na Manage kaw shang u, ngut yang Add nga kaw dip u. Shaloi link bang na shara pru wa na ra ai.

Dai kaw http://cydia.macforus.com n dai hpe gayet bang na shang dat u. Dai hku gayet bang dat yang na Phone kaw shi chyu bungli galaw mat wa na ra ai. Yawng ngut sai nga yang nnan kaw na bai galaw hpang u.

Cydia kaw na sa Source de sa... dai kaw na mi nang bang dai ai http://cydia.macforus.com  (Mac For US repo) nga hpe mu na ra ai, dai hpe dip dat u. Shaloi lahkra maga de na sumla zawn pru wa na ra ai.

Shawng nnan Zawgyi iS0 4.3 Font hpe shawng install galaw la u. Dai install galaw da yang Na a i-Phone kaw myen laika mai hti sai hpe mu lu na re.

Bai Myen hku Type lu galaw na matu Kyeboards hpe mung naw bang la ra ai. Dai hpe bang la na matu gaw-

Nnan kaw na Cydia kaw na bai shang u. Shaloi MMKeyboard for iOS5+ nga hpe mu na ra ai. Dai hpe install bai galaw la u. Dai hpe install galaw ngut sai nga yang, lawu na hku hkan galaw mat wa u.

Phone kaw na Settings--> General--> International--> Keyboards--> Add New Keyboard--> dai kaw na Czech nga hpe lata dat u.

Shaloi na Phone kaw myen laika mai ka sai hpe mu lu na ra ai.
Myen hku ka na rai yang Keyboard kaw na world sumla kasha kap ai dai kaw dip dat yang myen keyboard le wa na ra ai.

N chye na ai lam nga yang muttsawm@gmail.com de bai shana wa marit.

Yawng awng dang lu u ga,

Mut Tsawm

7/6/2012

MATUT HTI NA »

SUMLA SHATSAWM LA GA

Dai ni gaw Kanau Ramma ni grai ra sharawng ai baw Site langai hpe madun dat n ngai. Laga gaw n re, tinang a sumla (photo) ni hpe tsawm ai hta grau tsawm hkra galaw la mai ai Site langai mi re. Lang na mung hpa n yak ai, Link hpe hpaw dat nna computer kaw bang da ai tinang a sumla ni hpe gang bang la nna shatsawm la sha re. Sumla dem yang n tsawm ai nga na myitru taw ai Kanau ni hpa myit hkum kaji sa yaw. N dai kaw grai tsawm hkra mai galaw la ai. Grai grai lawan she shatsawm dat yu ga. :P.
Lang ai ladat gaw: 
1. Sumla kaw madun da ai Computer kaji sumla kaw dip dat u.
2. Tinang a computer kaw bang da ai sumla hpe lata la u.
3. Tinang ra ai effect ni hpe lata la nhtawm galaw mat wa u.
4. Yawng ngut yang galaw da ai sumla hpe mying jaw nna, SAVE galaw dat u.

N Dai Kaw Dip Dat U>>>

Mut Tsawm

14/5/2012

MATUT HTI NA »

FACEBOOK TIMELINE SHAW KAU AI LADAT

N dai laman Facebook lang ai ni yawng ngu na daram a Facebook Interface gaw Timeline maga de gale ma wa ai hpe mu mada na re. Tinang hkum nan n galaw ai rai tim dip shut dat ai marang e ra ai rai tim, n ra ai rai tim Timeline galai mat wa ai lam byin wa ai. Timeline hpe nra nna myitru taw ai ni mung law law nga ai zawn, Timeline nra nna garum hpyi wa ai ni mung law law nga wa ai. Timeline mung chye jai lang ai ni a matu gaw a kyu rawng ai hpe mu mada ai.

Hpa mi rai rai, Timeline n ra ai na myit ru taw nga ai manaw manang ni a matu tinang a Facebook Timeline kaw na mi na Interface bai gale la mai ai software hpe mara dat ya n ngai.

Timeline Remove... Version 0.7.2 Freeware re... Size gaw 1.26MB sha nga ai. Windows XP, Vista hte Windows7 hpan masum a matu rawng ai. Ra ai ni n pu kaw Download galaw la ga. Tinang lang ai Brower hpe Download galaw na ma n malap ga.

Firefox, Google Chrome hte Internet Explorer tinang lang ai hpe lata la ga.

Timeline App hpe download galaw ngut ai hpang download galaw da ai hpe hpawt dat yang lawu na sumla zawn pru wa na ra ai. Dai kaw LIKE galaw ya ra ai. Like galaw ngut ai hpang nang na Facebook page hpe refresh bai galaw dat u. Shaloi nang na Facebook kaw na Timeline mat mat nna mi na raw bai rai mat na ra ai.

N DAI KAW GARAWT LA GA>>>>

Mut Tsawm
15/4/2012

MATUT HTI NA »

FACEBOOK KAW MAHKAWN BANG AI LADAT

Ndai lang gaw Facebook prat re majaw Facebook kaw mahkawn (mp3) bang ai ladat hpe tsun dan nna n ngai. Rai n chye shi ai manaw manang ni a matu rai u ga.
Madun da ai sumla ni kaw yu let hkan galaw mat wa ga, hpa yak hkak ai lam n nga ai.
Shawng nnan N DAI KAW shawng shang nna account hpe hpaw la ga.

NDAI KAW YAW


Account hpaw la ngut yang n dai zawn pru wa ai hpe mu na ra ai. Shawng nnan Audio nga kaw dip u, Ngut yang ntsa kaw na File nga kaw dip dat u.

File nga kaw dip dat yang, lawu na zawn pru wa na ra ai. Select a file on your computer nga kaw dip dat u, shaloi na a Computer kaw na nang ra ai mahkawn hpe mai lata la na ra ai. Nang ra ai mahkawn hpe mu jang Double Click di dat u. Shaloi shi chyu upload galaw mat wa na ra ai.
Upload galaw ngut yang lawu na sumla zawn sha pru wa na ra ai. Tinang a mahkawn upload ngut yang kalang lang List hkaw byin taw chye ai, shaloi Grid nga kaw dip dat u. Grid hpe dip dat yang mahkawn ni list hte n madun ai sha lamu na zawn kaba law rai madun wa na ra ai. Shaloi tinang bang da ai mahkawn hpe Click di dat u.


Upload galaw da ai mahkawn kaw dip dat yang lawu na sumla zawn madun wa na ra ai. Shaloi View nga kaw dip dat u.

View nga kaw dip dat ai shaloi tinang a mahakwn hpe mai madat sai hkru re.
Facebook de mahkawn hpe mara mayu yang, lawu na sumla kaw mu lu ai hte mare Link hpe Copy galaw la nna, tinang a Facebook (sh) manang wa Facebook (tinang mara mayu ai kaw) mai sa mara sai hku re. Facebook kaw mara nna na a (sh) manang wa a page hpe refresh (reload) galaw kau dat u, Shaloi nang mara da ai mahkawn hpe Player hte pru wa ai hpe mu lu na ra ai.

Mahkawng bang ai ladat gaw tsun dan ngut sai, Facebook kaw sumtsaw sumra mahkawn ni chyu hpring nre ai sha, Myu tsaw Mung tsaw mahkawn ni hpe mung mara ga. Myu Sha ni myit rawt ai baw yu ngwi mahkawn ni law law hpe tam mara sa wa ga. N chye na ai manaw manang ni nga yang C-Box kaw rai rai, comment kaw rai rai ka da ya marit. Chye na sanglang hkra bai tsun dan na n ngai.
NDAI KAW

Yawng awng dang ai lam lu la u ga,

Mut Tsawm
18/1/2012

MATUT HTI NA »

AISEESOFT VIDEO CONVERTER

Aiseesoft total video converter Portable

Converter n lu na myit ru taw nga ai manaw manag ni a matu ya ngai lang nga ai Converter hpe HKRISMAT KUM HPA hku yawng hpang de shalai dat ya n ngai.
Grai lang pyaw ai Converter langai mire, sha n ga hpan hkum hkra de mai Convert la ai hpe mu lu ai. MP4, MKV, WMV, AVI, H.264/MPEG-4 AVC, FLV 3GP, DivX, VOB hte HD Video n dai zawn re popular format ni yawng hpa mai gale la ai hku re. N dai langai nga ai hte nan hpring zup sai ngu mu mada ai.
Bai nna, Portable re majaw Install galaw n ra ai hku re.
Converter rai n lu shi ai manaw manang ni a matu rai u ga.
Ra ai manaw manang ni nga yang gaw N DAI KAW Garawt (Download) laga.
Size gaw 9.39 MB re. RAR file hte mara da ai.
Site ni grai law hkra jaw da ai tinang kaw mai ai wa hpe Garawt la ga.
Download galaw ngut ai hpang RAR file hpe yan yang password hpyi wa na ra ai.
Shaloi pooh ngu gayet bang dat u.
Yawng Ngwi Pyaw Kabu Gara ai Hkrismat rai u ga.
DOWNLOAD

Mut Tsawm
21/12/11

MATUT HTI NA »

BLUMAIL

Galu galang n tsun na sai, myen mung kata de gmail hpaw yak na jam jau nga ai Kanu Kawa, manaw manang ni a matu Gmail hte maren sha re mail langai hte shachyen ya mayu ai. Laga hpa mung nra ai, Phone No mung n jaw ra ai. Gmail hte maren sha mai lang ai, lang mung grai manu ai.

Gmail raw sha mai lang ai.

Chatting grai sharawng ai manaw manang ni a matu mung mai ai.

..............@blumail.org

Grai grai lawan she chyam dat yu ga.

N dai kaw Sign Up galaw na lang ga.

Manang ni hpe mung tsun dan na hkum malap yaw.

Aw.... langai mi tsun na malap ai.

Sign In galaw yang mying@blumail.org n dai hku htum hkra kabang ra ai yaw.

http://bluworld.org/registration/account/signup.php

MATUT HTI NA »

LIVE GO MESSENGER

Dai ni gaw grai lang pyaw ai Wepsite langai hte sha chyen ya mayu ai.Dai gaw Live Go Messenger ngu ai re. Grai nan lang pyaw ai hpe mu mada ai. Ngai mung grai ra mat ai hku re. Shi gaw mail ni yawng hpe kalang dat mai hpaw yu ai hku re, ga shadawn gamil, yahoo mail hte nga manga mail ni hpe mai hpaw yu ai, bai facebook hte twitter ni hpe mung kalang ta hpaw da n nhtawm shara mi kaw na sha mai chat ai hku re. Manang ni mung ra sha mat na hpe myit mada ai. Grai grai tsun nga yang na ai lawan she galaw dat yu ga.
Npu na gaw Live Go a sumla rai nga ai.

Gmail, yahoo mail, facebook kaw na mail ni hpe kaang kaw madun ya ai.

Lahkra maga de na gaw Messenger re, gtalk hte facebook ni hpe dai kaw na mai chat ai hku re. Kalang ta dai kaw yawng lawm sai.

N dai gaw Love Go kaw na chat da ai sumla re.

Hpa yak ai lam ma n nga ai. Link hpe hpaw nna Sign In galaw dat sha re. Connection n kaja na Web Browser law law n mai hpaw ai ni a matu mung grai a kyu rawng ai majaw manaw manang ni yawng ra sharawng na re ngu mu mada ai.
Website link kaw n dai re.
http://www.livego.com

Yawng awng dang lam lu la u ga,

Mut Tsawm
6/10/2011

MATUT HTI NA »

WEB BROWSER LANGAI KAW SHA GMAIL ACCOUNT LAW LAW HPAW AI LADAT

Gmail, Gtalk account gaw grai law hkra hpaw da, rai tim kalang ta gaw yawng n mai hpaw lang rai nna jam jau nga ai myit rum manaw manang ni a matu Gmail account yawng (nga manga) hpe mai hpaw ai ladat loi mi bai tsun dan na n ngai yaw. Chye ai ni mung gaw nga na sai, raitim rai n chye shi ai manaw manang ni a matu yaw shada let ka mara dat ya n ngai.

ွShawng nna gmail hpe hpaw dat u, ngut yang gmail setting kaw shang dat u. shaloi lawu na sumla zawn mu na ra ai. Dai zawn re mu yang dai kaw "Multiple sign-in" nga hpe mu na ra ai dai kaw na "Edit" hpe dip dat u.

Edit hpe dip dat yang lamu na zawn bai pru wa na ra ai. Shaloi "On - Use multiple Google Account in the same web browser." nga hpe mu na ra ai. Dai shaloi lamu na sumla kaw madun da ai zawn yawng hpe "tick" galaw dat u. Yellow Colour hte madun da ai kaw. Ngut yang n pu na "Save" kaw dip dat u. "Save" galaw ngut sai nga yang nang hpaw da ai gmail account hpe Sign Out galaw kau di kalang bai Sign In galaw dat u.
Sign In galaw dat yang mi na, na a mail de bai du sai re.
Laga Account langai bai hpaw mayu ai nga yang Setting kaw bai shang dat u, shaloi lawu na sumla zawn bai mu na ra ai. Dai kaw "Switch account" nga mu na ra ai, dai kaw dip dat u."Switch account" kaw dip dat ya n pu na zawn bai pru wa na ra ai, dai shaloi "Sign in to another account" nga kaw dip dat u. Shaloi nang na gmail laga account bai mai shang sai hku re.
N dai kaw Web Browser langai kaw sha Gmail Account law law mai hpaw ai ladat re.
Yawng hkra myit dik myit pyaw let awng dang ai lam hpe lu la mu ga.

Mut Tsawm

MATUT HTI NA »

FACEBOOK HPE G-TALK ZAWN CHAT GA

N dai kalang mung Facebook hte seng ai lam hpe sha bai tsun dan na n ngai yaw. Laga gaw nre Chatting grai sharawng ai ramma manaw manang ni a matu yaw shada ai re. Facebook Account hte G-talk zawn sha mai chat ai lam hpe tsun dan mayu ai. N dai Facebook Chat gaw G-talk ram connection lawan n ra ai kaw mai lang ai majaw a kyu nga na shadu ai. Grai wa mi yak hkak ai lam gaw n nga ai. Download galaw la na RUN da yang n pu na sumla ni zawn mu na ra ai.

Ra sharawng ai ni nga yang N DAI KAW>>>> mai garawt la ai hku re. Jinghpaw mung de nga ai manaw manang ni a matu gaw a kyu rawng na re ngu kam ai.

Awng dang lam lu la u ga.

MATUT HTI NA »

FACEBOOK KAW NA FILE NI SA AI LADAT

Mung masa shiga chyu hkan taw di Computer hte seng ai lam n ka ai mung na mat sai. N ka ai na yang lagawn wa di bai n kam matut ka mat na tsang ai majaw n dai langai mi bai ka mara dat n ngai. Ya ten yawng a matu akyu rawng ai rai na re ngu myit ai majaw n dai hpe mara dat ai re.
Laga lak lak lai lai mi gaw n re, ya ten yawng lang nga ai Facebook kaw na file hpe sa ai ladat re. Facebook kaw na file, mahkawn ni hpe aloi sha hte mai sa ai hpe mu mada ai. Yawng ra sharawng na re ngu myit mada ai. N dai hpe chye ai ni mung gaw nga na sai, tim rai n chye shi ai manaw manang ni a matu rai u ga.
Shawng nnan, https://apps.facebook.com/filefly/ n dai hpe hpaw dat u. ( tinang a Facebook account hpe hpaw da na gaw hkum malap yaw)

Ngut yang lahta na sumla kaw mu ai USE FILEFLY nga ai hpe dip dat u.

Dai ngut jang Allow kaw bai dip dat u.

New Folder nga kaw bai dip kau dat u yaw.

Ngut jang lahta a sumla kaw Add Files nga mu na ra ai, dai kaw dip nna tinang mara mayu ai File/ mahkawn ni hpe tinang a computer na mai lata mara sai. File hpe upload galaw ngut yang Invite Friends nga kaw dip dat yang lamu na sumla na hte maren pru wa na ra ai. Dai shaloi tinang sa mayu ai manang ni hpe lata la nna, ngut yang Send Repuests nga kaw dip dat u. Madu sa dat ai wa sha dai File hpe mai hpaw hti, mai download galaw la ai hku re.


Hpang de tinang ra ai hku bai Manage galaw la mai ai.
Wunpawng Sha ni yawng awng dang ai lam lu la u ga.

MATUT HTI NA »

SUMLA SHATSAWM AI PORTABLE NI

Photo Edit Portables

N dai kalang gaw Photo Edit galaw ai Portable ni hpe tang madun dat ya n ngai. Photoshop ram gaw Function n hkum na re. Rai tim tinang a sumla ni hpe shatsawm mayu ai ni a matu gaw ram daw kaja ai hpe mu mada ai. Portable re sha n ga, tinang ra ai galaw mayu ai hta hkan nna a kyu rawng na re ngu kam ai majaw mara dat ya n ngai. Photo Edit galaw ai Software ni law law hta na n dai gaw n kau mi re. Ngai gaw Photoshop n chye gajam ai, ra ai ni nga yang ngu na mara dat ya ai.

PhotoFilter

N sai Software gaw Sumla kaw madun da ai hte maren tinang ra ai shara kaw Highlight jaw nna ngam ai shara hkan n sam hpe jahtoi na i, jasan na i, n pra hkra galaw na i yawng mai galaw ai hku re. Bai colour ni hpe mung tinang ra ai mai galai la ai. Tinang ra ai hku mai galaw la ai hpe mu mada ai. Ra ai ni nga yang gaw n pu kaw garawt la ga.

Photo Filter

PhotoInstrument

N dai gaw, masha myi man hte hkum shan ni hpe madung da shatsawm ya ai Portable langai re. Tinang ra ai n sam ni hpe myi man n tsa hkan mai shatsawm la ai. Tsawm mayu ai ni a matu grai kaja ai re. Tinang a sumla n tsawm ai majaw tsaw tsaw ni hpe shagun ya na myit ru nga ai ni a matu grai nan a kyu rawng nga ai. N pu kaw garawt la ga.

Photo Instrument

PhotoMatrix

N dai wa gaw, sumla lahkawng hpe langai sha byin hkra pawng kau ya lu ai Portable langai re. tinang a sumla hte laga tsawm ai view ni hpe langai sha byin hkra galaw ya ai. Shara lahkawng hpe tinang ra ai shara langai mi sha byin hkra galaw ya lu nga ai. Tinang n du ga ai shara mungdan ni hkan passport visa n ra ai sha du hkra mai sa ai software re majaw mungkan hpe kam ai hku mai shinggrup hkawm nga ai. Ra ai ni nga yang n pu kaw garawt la mu yaw.

Photo Matrix

Yawng hkra myit ngwi sim sa nga mu ga,

Mut Tsawm

7/6/2011

MATUT HTI NA »

ONLINE DICTIONARY

Dai ni gaw Mut zawn English laika nau n chye ai ni a matu yaw shada nna ONLINE DICTIONARY langai hpe tsun dan mayu ai. N dai Dictionary gaw hpa software ma n ra ai, Download, Install galaw la ma n ra ai. Kalang ta Online kaw na mai lang ai hku re. Chye ai ni mung law law nga na sai, tim rai n chye ai ni a matu yaw shada nna mara dat ai re.

N dai Dictionary gaw Myen kaw na English de, English kaw na Myen de lu gale ya ai. Sha n ga Myen kaw na laga myu sha ga law law de mung lu gale ya ai hpe mu mada ai. Mut Tsawm zawn English laika n chye ai ni a matu gaw grai a kyu rawng ai Dictionary langai re hpe mu mada ai. Manang ni yawng mung ra sharawng na re ngu kam ai.

Ra sharawng ai rai yang gaw n pu kaw na Link de sa ga i????

N DAI KAW YAW

Wunpawng Myu Sha ni yawng awng dang lam lu la u ga.

Mut Tsawm

30/5/2011

MATUT HTI NA »

FACEBOOK HPE G-MAIL KAW LANG AI LADAT

G-Mail kaw Facebook mai lang sai hku re

Tinang a Facebook Account hpe Gmail kaw Add galaw na mai lang sai.

Grai rau sha galaw yu ga hpa n yak ai. Shawng nnan Gmail kaw na Setting kaw shang u, ngut na Labs kaw bai shang dat u.

Labs kaw du yang (Add any Gadget by URL) nga hpe Enable galaw na Save Changes di dat u. Shaloi nang na Gmail Restart bai byin mat wa na ra ai.

Gmail Page bai pru wa yang Mail Setting kaw sa na Gadgets kaw na Add Bar kaw n dai link hpe Copy galaw la na bang na Add di dat u.

http://hosting.gmodules.com/ig/gadgets/file/104971404861070329537/facebook.xml

Yawng galaw ngut sai nga yang Gmail page na lapai maka Invite bar na n pu kaw Facebook link hpe mu na ra ai. Dai link kaw na Extand hpe dip dat yang Facebook Page pru wa na ra ai.

She galaw chyam yu mu.

Yawng awng dang ai lam lu u ga.

Mut Tsawm

29/5/2011

MATUT HTI NA »

COMPUTER SCREEN NA SUMLA NI HPE PHOTO DEM LA LADAT

Computer Screen n tsa na nga manga sumla ni hpe Photo hku nna dem la mayu ai a matu n dai Software mara dat ya n ngai. Photo sha n rai Video mung record mai galaw ai hku re. Ra ai rai yang gaw n pu kaw garawt la mu yaw. File size gaw 1.66MB sha re.

http://www.mediafire.com/?9qeqp5m7vczpd6s

n dai kaw garawt n mai yawng Ifile kaw na bai garawt la mu.

http://ifile.it/ya5pfdq

Software hpe Rar file hte mara da ai re majaw garawt la ngut jang WinRAR hte bai yan la ra ai. Software hpe RUN n ra ai hku re. Portable file re majaw memory stick kaw mai bang lang ai hku re. Software hpe hpaw dat yang Green hte Red FSCapture nga ai kaw double click dip dat u. Shaloi lawu na sumla hte maren pru wan a ra ai.

Sumla hpe yu u

1. White Arrow sumla hpe click yang gaw Computer Screen kaw hpaw da ai Window box yawng hpe sumla dem ai re.

2. Yellow Arrow hpe dip yang gaw tinang ra ai Window Box hpe sumla dem la ai re.

3. Red Arrow hpe dip yang gaw Screen ntsa kaw na tinang ra ai shara hpe kam ai hku mai sumla mai dem la ai. ( n dai hpe malawng lang ma ai )

4. Blue Arrow hpe dip yang gaw Screen yawng hpe sumla dem la ai re.

5. Green Arrow hpe dip dat yang Firefox kaw hpaw da ai Blog Page ting hpe Scroll Bar hpe n gang ra ai sha htum hkra sumla dem ya ai re.

6. Purple Arrow hpe dip yang gaw Video Record galaw ai re. VZO/ Skype? Video Chat ni yawng hpe record mai rim da ai. N dai No. 6 hpe dip dat yang n pu na zawn pru wa na ra ai.

Tinang ra ai shara hpe she record galaw mayu yang Rectangular Area lata u. Record hpe dip nna tinang ra ai shara hpe lata u. Ngut yang Start hpe dip dat u.

7. Light Blue Arrow gaw tinang dem daai sumla ni hpe hpa baw file hte Save galaw da na ngu ai hpe lata ai re. To Editor hpe lata nna Save galaw dat u.

Yawng awng dang lam lu la u ga.

Mut Tsawm

27/5/2011

MATUT HTI NA »

CONVERT GALAW MAYU AI FILE NI NGA YANG

Grai lang pyaw ai Converter langai hte sha chyen ya mayu ai. Download, Install galaw ma n ra ai online kaw na lang dat mai lang ai hku re. Anhte hpa baw file ni hpe rai rai Convert galaw na nga yang shi hte shi seng ai Converter (software) ni law law hpe lang ra ga ai. Ya sha chyen ya na site gaw hpa software ni mung nra ai hku re. File ni law law hpe Online n tsa shara mi kaw na sha Convert mai galaw la ai.

MP3, MP4… Document ni hpe mai Convert galaw ai. MP3 hpe Convert galaw yu yang n sen mung pru kaja ai hpe mu mada ai. Bai Youtube na mahkawn ni hpe mung URL link bang nna mai Convert galaw la ai. Hpa baw file hte ra ai mung mai lata la ai hku re. Install n galaw ra ai majaw jak li na mung n tsang ra ai.

Grai grai tsun taw yang na ai, gara hku galaw na lam gaw n tsun dan na sai.

N DAI KAW SHE>>>> lawan dip dat mu….

Mut Tsawm

18/5/2011

MATUT HTI NA »

NA A GMAIL LAGU LA KATUT WA YANG

Dai ni na ten hta masha wa a Email ni hpe lagu ai lagut ni grai lawa nga sai. Masha wa a Email lagu nna Password ni yawng galai kau ya ai majaw Email madu kawn hpa n mai galaw mat ni byin chye nga ai. Dai lam hpe hparan lu na matu chye ai hte loi mi tsun dan na nngai.

Na a Gmail hpe masha ni lagu la kau ya nna na a Password, Security Questions, Secondary Email ni galai kau ya katut sai nga yang hpa baw matut galaw na law…? Rai tim hpa hkum tsang, Gmail kaw nna Na a matu Service langai jaw da ai hpe dum nga u.

Galaw na ladat gaw

Google kawn jaw da ai FORM hpe ka bang ra ai. Account nnan hpaw yang ka bang da ai gasan gahtai ni hpe bai ka bang ra nga ai. Bai nna Nang hpang jahtum na a mail hpaw ai n htoi, na a Account nnan hpaw ai n htoi, bai dai account hte nang lang nga ai Google hte seng ai Products ni a lam, Google Blog lang ai rai yang Blogger Account a kata lam ni, hpe matsing da ra nga ai.

A hkyak ai gaw san da ai ga san ni hpe mai byin ai daram jaw hkra htai ya ra ai lam re. Tinang malap mali rai mat tim pi byin mai ai daram bung hkra shakut na htai ya ra ai. Nang na Account bai lu n lu ngu ai gaw Nang htai ai ga san ni hta she hkan nga ai .

Matut nna sadi ra ai lam gaw nang Form sa yang KALANG SHA sa na matu sadi u (Form hpe grai law hkra n mai sa ai). Bai nna tinang law malawng lang ai jak (computer) kaw na sha form hpe sa u. Hpa majaw nga yang nang sa dat ai Form a IP Address hpe Google gaw matsing mat wa ai majaw re.

N dai Form hta lawm ai ga san ni gaw Na a Gmail Account hpe masha ni lagu la ai lam kaw nna makawp maga ya lu nga ai. Gara hku makawp maka ya a ta nga yang, ga san ni hpe hkaja la nna nang hte seng ai kata lam ni hpe shim ai shara (ga shadawn: Infofreakz nta) kaw mai zing da nga ai. Hpang kalang Na a Mail lagu la katut yang dai nang matsing da ai ni hpe ka bang nna bai mai lu la nga ai.

Form mara na matu hkring dat gaw

N DAI KAW RE>>>>>

Yawng tinang a Mail ni hpe masha wa lagu ai lam kaw na makawp maka lawt lu muga.

Mut Tsawm

18/5/2011

MATUT HTI NA »

FLASH SONG A MATU HTML CODE LA GA

Flash mahkawn ni hpe HTML code galai mayu ai manang ni a matu Ngai chye ai hte ai mi tsun dan mat wan a n ngai. Chye ai ni ming gaw nga na re, tim rai n chye ai ni a matu yaw shada ai re. Manang ni ya sha sha san wa wa re ai majaw ka mara dat ai re.

No. 1 Hku nna tinang ra ai Flash Mahkawn a link hpe copy galaw la u

No. 2 Ndai kaw sa u>>>>

No. 3 Sumla kaw madun da ai hte maren Flash (SWF) hpe lata la u.

No. 4 Copy galaw da ai link hpe Enter Media File Location (url): nga ai shara kaw bang dat u.

No. 5 Choose Publishing Style: nga ai kaw Embed the Player hpe lata u

No. 6 Media Player Width: hte Media Player Height: kaw tinang ra ai size hpe lata la u.

Ngai gaw 600 + 400 hpe lang ai.

No. 7 Playback Quality kaw gaw High galaw u.

No. 8 Yawng ngut yang gaw Make Html kaw dip dat u…. OK rai sai.

N pu na Code hpe la ai shaloi du hkra sha la u, yawng la yang Code shajan ni lawm wa na ra ai.

Grai ya gaw yawng ngu sai hku re, Code hpe la nna tinang ra ai site hkan mai hkan bang sai hku rei.

Langai mi naw… Wunpawng Zupra zawn re ning site hkan comment bang na rai yang gaw HTML nga kaw dip nna bang u yaw.

Yawng awng dang lam lu la u ga.

Mut Tsawm

6/5/2011

MATUT HTI NA »

WEBSITE HKAN VIRUS RAWNG AI KUN

N dai lang gaw tinang hpaw yu ai Website ni hkan Virus rawng n rawng jep ya ai WOT a lam hpe tsun dan na n ngai.

WOT hpe anhte mozzila/ IE ni hkan Add On hku nna install galaw da ra na re. N dai galaw ai shaloi account ni hpaw shangun na ra ai, n hpaw tim mai ai hku re. Shi hpe install galaw nna browser hpe restart bai galaw dat yang mai lang sai hku re.

Gara hku bungli galaw ai i nga yang, anhte internet webpage/site hkan shang tam ai shaloi rai rai, link ni site ni hkan shani shagu shang yu ra ga ai. Tinang sa yu ai site ni hkan virus rawng n rawng hpe anhte n chye lu ga ai. WOT gaw anhte shang yu ai site ni hkan virus rawng n rawng hpe jep ya ai re majaw virus a mahkang kaw na mai lawt lu nga ai.

WOT gaw n dai hku masat ya nga ai,

1. Green (atsit) madun yang hpa virus n rawng ai majaw tsang n ra mai shang yu nga ai.

2. Yellow (a htoi n sam) madun yang gaw loi tsang ra ai page/site ni re

3. Red (a hkyeng) madun ai rai yang gaw hkrit ra ai site ni re. Virus ni malawng gaw dai Red (a hkyeng) madun ai page/site ni hkan na shang ai re.

Dai re majaw WOT hpe lang ai a marang e anhte shang yu ai page/site ni hkan na VIRUS shang wa ai lam kaw la lawt lu ai.

Virus langai ngai kawa nna tinang a ahkyak ai file ni hten mat nna computer hpe a tsawm n mai lang mat mat re hpe anhte yawng hkrum yu na re. Dai re majaw Virus a mang hkang jaw ai lam kaw na lawt lu na matu WOT hpe garawt na lang ga.

Mozilla lang ai ni a matu n dai kaw garawt la ga.

https://addons.mozilla.org/en-US/firefox/addon/3456/

MATUT HTI NA »