Slideshow Image 2

i-PHONE VERSION 5.1.1 KAW MYEN FONT BANG NA

Dai ni gaw i-Ph Version 5+ (sOS 5.1.1, i-Pone 4, 4s) kaw myen font bang la ai ladat hpe tsun dan na n ngai. (Version 4+ hte lawu de na i-Ph ni kaw myen font bang ladat hpe gaw Jinghpaw Kasa Blog kaw ka bang da ga sai.)

Shawng nnan myen font bang na i-Phone hpe Jailbreak shawng galaw kau ra na re. Jailbreak galaw kau sai i-Phone kaw she myen font mai bang ai majaw re.

Shawng nnan i-Phone kaw na Cydia kaw shang dat u. Cydia kaw na Source kaw sa, dai kaw na Manage kaw shang u, ngut yang Add nga kaw dip u. Shaloi link bang na shara pru wa na ra ai.

Dai kaw http://cydia.macforus.com n dai hpe gayet bang na shang dat u. Dai hku gayet bang dat yang na Phone kaw shi chyu bungli galaw mat wa na ra ai. Yawng ngut sai nga yang nnan kaw na bai galaw hpang u.

Cydia kaw na sa Source de sa... dai kaw na mi nang bang dai ai http://cydia.macforus.com  (Mac For US repo) nga hpe mu na ra ai, dai hpe dip dat u. Shaloi lahkra maga de na sumla zawn pru wa na ra ai.

Shawng nnan Zawgyi iS0 4.3 Font hpe shawng install galaw la u. Dai install galaw da yang Na a i-Phone kaw myen laika mai hti sai hpe mu lu na re.

Bai Myen hku Type lu galaw na matu Kyeboards hpe mung naw bang la ra ai. Dai hpe bang la na matu gaw-

Nnan kaw na Cydia kaw na bai shang u. Shaloi MMKeyboard for iOS5+ nga hpe mu na ra ai. Dai hpe install bai galaw la u. Dai hpe install galaw ngut sai nga yang, lawu na hku hkan galaw mat wa u.

Phone kaw na Settings--> General--> International--> Keyboards--> Add New Keyboard--> dai kaw na Czech nga hpe lata dat u.

Shaloi na Phone kaw myen laika mai ka sai hpe mu lu na ra ai.
Myen hku ka na rai yang Keyboard kaw na world sumla kasha kap ai dai kaw dip dat yang myen keyboard le wa na ra ai.

N chye na ai lam nga yang muttsawm@gmail.com de bai shana wa marit.

Yawng awng dang lu u ga,

Mut Tsawm
7/6/2012

6 comments:

Larin said...

N-chye na ai lam gaw....Hpa majaw myen font lang na dai ram ahkyak re?

Jinghpaw laika n-chye hti ai ni a matu i? Jinghpaw ga n-chye madat ni a matu i?

'Myen' ngu ai ni Jinghpaw wunpawng amyu sha ni hpe roi rip, gasat shamyit na hku matut manoi galaw nga ai ten hta, Myen laika lang, Myen ga shaga shakut nga ai Jinghpaw ni gara hku Myen mayam tai taw ai kaw nan lawt lu na?

Shanglawt lu ai hpang e mung n-dai hku sha rai taw yang gaw lam amyu mi hku nna gaw Myen mayam, myen hpe madi shadaw ai ni she rai mat na re.
Shiga hti na ngu Jinghpaw Kasa hpaw dat shaloi n-mai hti ai, n-chye hti ai laika dai hpe mu jang pawt mayu, masin n-gut mat mat re ai.

Myit su ni e atsawm myit yu ga.

Tawk Hkam said...

Larin
Myitsu wa a ningmu shut taw nga ai...
Larin tsun ai lam mung jaw ai lam re..
Majan shiga sha a hkyak nre...
Hpa masa lam hta mung a hkyak ai...
Mung masa mi galaw na rai tim.. Mung masa lam hka ja na matu Jinghpaw Laika hte ka da ai laika buk ni n nga shi ngu mai tsun ai daram re...
Myen laika lang nna myen mayam tai na nga Ningmu gaw Ningmu jashut re...
Myen hpe dang mayu yang Myen wa ai laika chye ra ai, Myen a htunghking chye ra ai, Myen a nga sat nga sa lam chye ra ai..

Larin said...

Myen laika hte sha galaw sa wa ai rai yang gaw hpa mung Myen mungdan kata na matu sha rai taw na hpe mung atsawm dum ra. Shiga rai, article ni rai rai Jinghpaw re ai shagu hte Myen n-re ai ni yawng mung chye lu hkra di na ahkyak re. Myen laika bang na matu baw nu jai shama ai hta grau English hkaja na mungkan madang dep lu hkra anhte shakut ga. Shabra ai laika ni, n-dau ni Myen mungdan kata hta sha rawng nga ai hte Myen ni a matu sha rai yang wunpawng Myu sha ni a matu hpa lachyum n-pru na n-hten. Ga tsawra, htunghkring tsawra, nga sat nga sa hpe tsawra yang amyu hpe mung tsawra mat ai lam n-yet lu ai....dai zawn re ai Jinghpaw amyu sha ni mung nga ai. Jinghpaw Kasa hpe n-jaw ai ngu mara shagun ai gaw n-re, tim myit yu ra ai lam 1 re majaw comment dat ai hku re.... myit yu ga law. Chyeju kaba. Long live Jinghpaw kasa!!!

Jinghpaw Duwa said...

Jailbreak galaw ai ladat hpe asan sha naw sharin ya marit law. Ndai zawn hpaji lu ai baw ni hpe ka shakap ya ai majaw grai chyeju kaba sai.

Jinghpaw Duwa said...

iPad a matu Cydia hpe gara hku bang la ra na kun? Chyeju hte naw sharin ya rit law. kachinduwa@gmail.com

dumsi gam said...

samsung galaxy s2 kaw gaw gara hku bang na i?

Post a Comment