Manmaw na ja seng langai, damya mya hkrum

Jinghpaw mungdaw, Manmaw mare, Myoma gat kaba e July praw 6, ndai bat langai ya shani hta ja seng langai na ja rai ni hpe masha lahkawng mya la mat sai lam, Manmaw buga masha ni tsun dan wa ai.

Ja seng ‘San Shwe Myint’ ngu ai gaw, Manmaw e mying kaba ai ja seng langai rai nna, jahpawt gat n'nan hpaw wa ten hkying 9 a.m. e damya lahkawng gaw yu maya buhpun palawng hpun let arai mari masu, ja mari masu rai nna, ja rai ni mya la mat ai re lam chye lu ai.

“Aw ra shaw yu, ndai shaw yu rai nna, sinat nhkyi hte n shagyeng ai sha, ja rai ni mya la na hprawng mat ai re lam” gat lawk shiga lawk kawn chye lu ai.

Damya shang ngut ai hpang, gat kata na ja seng ni lapran, ja ‘kachyi mi sha' mya la hkrum ai lam tsun hkat nga timung, kaja wa gaw, tsawm ra mi lawm mat ai re lam, gat dut masha ni kawn chye lu ai.

Ya na zawn, myo kata na gat seng kaba de, damya shang ai gaw, shawng e n byin ga yu ai rai nna, ya ten buga masha ni lapran, ‘mungmasa shuk wa ai lachyum' re nga nna, myit sawn nga ai lam, KNG kawn sagawn chye lu ai.

Seng ang ai Myen hpyen asuya ahkaw ahkang lu ni gaw, damya yan hpe ya ten du hkra n lu rim shi ai rai nna, ja seng e mung, camera hte hkrak n tawn ai majaw kadai re n chye kau dat ma ai lam, matut chye lu ai.

KNG