Miwa Ga jarit Hkan na WP Sha ni hkrit tsang nga

Miwa ga jarit hkan e nga ai WP sha ni tinang a ding hku rai ni hpe Miwa ga hkran de htawm bang taw nga sai lam na chye lu ai. WP Mungdan Shang Lawt asuya gaw tinang sara de shang wa ai myen ni hpe gap na a hkang jaw tawn ai kaw na, mung masa lam grau grau nna shuk wa ai sai re. Mung masha ni gaw galoi wa she majan byin wa wa nga nna hkrit maja let hkrai nga ra sai lam hpe chye lu ai. Grau nna Shang Lawt a gin ra ni hte ni htep ai mare buga hkan na ni grau majan byin wa na hpe hkrit tsang nga ma lam chye lu ai.
Loije buga na Salang wa tsun wa ai hte," N dai jarit mayan hkan na ni gaw mung masa grai shuk wa ai majaw dinghku rai ni hpe miwa hkrang de yawng htaw bang da wa sai, moi mung n dai zawn re ni hkrup katut sha ga wa sai re majaw, ya kalang bai dai zawn byin wa na hpe yawng hkrit nga ma ai, n kau gaw asak kaba sai dinggai dingla ni hpe miwa mung hkrat de sa tawn sai re".
Dai majaw ya ten hte jarit hkran na ni gaw sinat galoi wa she gapaw wa wa nga nna hkrit maja let nga nga ma ai lam hpe mung na chye lu ai.
Shang Lawt asuya ni hku nna gaw mung shawa masha ni hkrit gajawng mat na tsang ai majaw n dai lam ni hpe shim ai hku sha naw galaw nga ma ai re lam mung chye lu ai.