NAWKU HPUNG WOI NI SUNG SUNG MYIT YU GA

Myen Asuya gaw KIO/KIA Hpe shi ra sharawng ai hku n byin mai hkyen yang Nawku hpung ningbaw ningla ni hpe bai jahkrup bawngban sa wa ai lam gaw agent (kasa) bai shap ai rai nga ai. Daini anhte J.W mungmasa lam hta hkrat sum taw ai mung nawku hpung woi hpung sara ni a majaw re. Hpung woi hpung sara ni a laknak gaw chyum laika (tengman ai K.K a mungga) re. Tengmam ai lam hta gwi gwi n wam tsap ai ni gaw hpung magam lit hpe tsepkawp hkum galaw mu ngu tsun ma yu ai. Myen asuya hpa woi galaw yang mung hpa hkan nang, Zuphpawng woi hpawng yang mung tengman ai ga tsun na hta Myen wa a tsun ai ga si ga ngau ni hpe baw gum la let sha zuphpawng na bai wa, gara hku nna ti nang myusha ni hpe Wye nyi lam hta shakung ya lu na. Hpung woi hpung sara/ma ni tinang a hpung masha ni hpe alu gara hku law law bang ra ai lam gaw Laban bat shagu sharin hkaw tsun chye ma ai raitim ja gumhpraw lawlaw tam lu na lam n chye sharin jaw ma ai. Ndai lam ni hpe hpung woi ni gaw myit hkrup ma ai kun? Daini na ten hta project chyu jawm kashun sha hkat, galaw, hpang jahtum gaw rung shawt hkat rai. Ya mung Myen asuya a ga madat nna shada shingjawng let hpa bai woi galaw hkyen na myit da masai kun? Ndai laika hta Tengman ai lam hta woi ningshawng taw ai hpung woi ni hte gaw hpa n seng na re.