Jinghpaw Mung Daw Dap Up, Tang Hpre mare hta mung shawa zuphpawng galaw.

Knet

2009 ning October (9) ya jahpawt hkying 09:30 am aten hta Tang Hpre mare Hkalup Hpung nawku jawng wang kaw Jinghpaw Mungdaw Dap Up Du Kaba Soe Win sa du nna zuphpawng sa galaw ai lam hpe chye lu ai.

Ndai zuphpawng hta Mali Nmai Zup hka madim kaba magam bungli a majaw htawt ra ai Tang Hpre mare hte mare nkau mi hpe Chying Hkrang mare maga de htawt sit na rai nna htawt sit ai lam hta Asuya ni hku nna shajin ra ai hpe shajin ngut ai hpang she htawt na re lam hte mare htawt sit ai lam hta htinghput htingra sun wang hkauhting hkauna a matu hkrat ang ai manu sang jaw ai hku n re ai sha karum ai ladat hte hparan ya mat wa na re lam Du Kaba Soe Win kawn tsun dan wa ai lam chye lu ai.

Asia World Company hku nna mung malai bai gap ya na dum nta hkrang sumla hpan (4) hpe madun dan ai. Buga masha ni hku nna gaw hka madim galaw ai a majaw mare htawt sit ra na hpe n ra sharawng ai hte myit n hkrum ai lam hpe chye lu ai.

Ndai zuphpawng hta Tang Hpre mare buga masha 300 jan sa du ai lam hpe chye lu ai.