Myen mung a dingdung daw, Jinghpaw mungdaw mare daju Myitkyina e, chyauman Jinghpaw jawngma ni jawm pawng nna, Myen hpyendu 2 hpe jawm adup tawn ai majaw, mare daju e shimlam shaja tawn ai lam, buga masha ni tsun ai.
Lai wa sai January shata htum 31 ya shana hta Myitkyina Dakkasu na Jinghpaw jawngma ni hte lahta tsang jawngma ni jawm nna, Myen a Myitkyina-daju Dingdung Daw Daju (Ma-Pa-Hka) a hpyendu 2 hpe jawm adup gayet ai re lam, jawngma shiga lawk tsun ai.
Byin wa ai manghkang ningpawt gaw, Ma-Pa-Hka na Myen hpyendu ni hku nna, “Jinghpaw amyushayi ni hpe gumhpraw jaw na loi loi hte shaga mai ai” nga nna, tsun ndau nga ai majaw, dai hpe Jinghpaw jawngma ni n hkam lu ai hte, ya na zawn Myen hpyendu ni hpe jawm adup ai madang du wa ai re lam, ndai manghkang hte ni kahtep ai ni tsun ai.
Maga mi de ndai mabyin a majaw, manghkang byin ai shana kaw na Myitkyina mare kata shana hkying 10 hpang kawn kadai mawdaw lam de n mai pru na aming hpe, Myen hpyen asuya matsun tawn sai lam, Myitkyina buga masha ni Kachin News Group de tsun shana wa ai.
Ndai manghkang hte matut nna, Myen gaw shanhte n’tsen ai jawngma marai 6 hpe lu rim sai raitim, law malawng hpe n lu rim ai lam, KNG sagawn chye lu ai.
KNG
0 comments:
Post a Comment