Mali Zup madim a majaw, buga masha ni gau katut

Myen mung a dingdung daw, Jinghpaw mungdaw, Mali Hka hte N’Mai Hka Mazup e galaw na, Myen hpyen asuya a hka wanjak masing kaba a majaw, grup yin buga masha ni, grau grau gawt hkrum nga sai re.

Ndai shata praw 7 ya shani hta mung, Mali-N’Mai Zup mare Tang Hpre buga salang ni hpe, Myitkyina Mare Uphkang Rung (Ma-Ya-Ka) de alak mi shaga la nhtawm, “kahtawng htawt sit na lam” atik anang lata masat htu, yin la shagun wa sai lam, buga masha ni tsun ai.

Dai hta sha n ga, Ma-Ya-Ka salang ni nan mung, Tang Hpre mare de jahkring hkring sa nna, “dum nta htawt sit na ningdang ai ni gaw tara upadi hte ahkyak la na hkrum na, pyada dap hkyuk de rim bang hkrum na” nga nna mung, jahkrit shama nga ai lam, chye lu ai.

Ya ten, Mali Zup e hka wanjak a matu hka madim kaba n galaw shi yang, jau ja htu sha ai lam ni galaw nga ai re. Raitim, daini tam daini sha buga masha ni ja htu ahkang pat hkum ai lam hpe, lai wa sai January shata praw 2 ya shani, hpyen asuya ndau shana wa ai lam, sagawn chye lu ai.

email kaw na la bang da ai.