Anhte ni Malay kaw na june 31 hta Romania de sa wa na july 1 ya hta Romania kaw du ai. shana hkying 10 pm daram kaw shana shat jaw sha ai ,hpang shani e mu jahpawt shat hte hpawn shana de hkying 2pm kaw she jaw sha ai ..de hpang e anhte tsin yam ni hpe garum ai nga bat 2 hta Romania gumhpraw 54 lei = $17 sha jaw ma ai ...dai gumhpraw gaw yawng hkum sum hpa a matu re ai lam...shan hte malysia kaw information jaw ai shaloi gaw lu na sha na bu na hpun na hpa n la sa ra ai yawng shan hte garum na nga ga sadi jaw wa ai .bai n na ya anhte nga taw ai centra kaw mu 1 ning mi tup hpa manu n la ai sha nga shangun na nga na malaysia kaw ga sadi jaw wa ai.ngut jang Augas shata kaw na EURO 150 hpra garum la na nga ga sadi ma jaw wa ai lam. ya n dai kaw bai byin wa ai gaw shan hte jaw da ai ga sadi hte langai ma n bung ai lam..bat 2 hta Romania gumhpraw 54 lei=$17 sha gaw anhte malu masha hte pi gara hku ma n law sha ai lam hpe ma grai lang hpyi shawn saga ai .rai tim n galaw ya ma ai .lu na sha na n law sha na lam n tsa kaw tu ai nam lap ni sha di sha na nga ai ..n gu ma law hkra n lu mari sha ai majaw hpa sha shadu sha na nga taw ai....dai zawn yak hkak taw ai a ten hta Romania Catholic Mama jawng kaw na n gu, sau, shapre, muk ni a lu sa jaw sha ma ai ..de hpang gade n na yang mu kalang mi bai dai zawn sha ma ma jawng kaw na garum ai hpe lu la ga ai ..dai Mama ni gaw FCJ u hpung u hpawng Mama ni rai ma ai......n dai zawn grai yak hkak taw ai ten hta anhte yawng hpe garum ya ai ma ma ni yawng hpe mu an hte hku na a kyu hpyi ya let grai chye ju dum dat ga ai ....anhte ni a mayak mahkak lam ni hpe grai law lang hpyi shawn tim hpa ma n galaw ya ma ai..shan hte hku na an hte hpe jaw sha ai gaw dai ni du hkra raitim n gu tum mi pi rai n lu sha shi ga ai....anhte hpe August shata kaw na Romania gumhpraw 540lei=RM 540 jaw ai dai kaw na she centra kaw nga ai jahpu shata mi 120lei=RM 120 hte hkam ja dap kaw 33lei yawng 158 lei bai n htang jaw ra ai lam tsun wa ma ai.
Dai 540 lei gaw anhte hpe garum ai gumhpraw n re ai sha hkoi shap da ya ai gumhpraw re ai hpe ma anhte yawng chye lu saga ai n dai lam ni hpe malaysia kaw ma shan hte tsep kawp n tsun shapraw dan wa ai sha anhte hpe masu na woi sa wa ai ..shan hte malaysia kaw tsun lai wa ai ga hte langai ma n bung ai ..1 ning mi tup manu jahpu n la ya ai sha centra kaw nga shangun na nga na ya gaw majoi n lu nga na re lam hpe shan hte hku na tsun wa ai majaw anhte hku na grai myit ru myit tsang hkrum sha taw ai lam re .dai hta n ga 540 lei dai mu hpang e a mu lu ai shaloi bai wa jaw ra ai lam... Romania kaw bung li lahka shabrai ma shata mi 600 daram sha lu ai lam chye lu ga ai .nga shara n lawm lu na sha na ma n lawm ai .dai gaw anhte mi chyaw Romania lau ban ni anhte kaw bungli galaw na matu interview sa ai kaw chye la ga ai re.
Dai majaw bung li galaw na hte seng n na mu yawng hte wa grai myit daw myit ru jawng taw nga ga ai .Romania mung dan masha ni bungli n lu ai masha mun 6 daram nga taw ai lam ma chye lu ga ai..bai n na shanhte mung dan masha n kau mi gaw kaga mai gan de ma bungli sa galaw Refugee sa hkam la na. nga hkawm ai lam hpe mu anhte sagawn chye lu ga ai .
Tsi mawan hkam ja lam hte seng n na mu anhte ni yawng gaw grai myit ru myit tsang ra taw ai hku re..anhte kaw ma shangai na hkyen ai ma hkum hte re ni marai 7 lawm sa wa ai .marai 3 gaw mayak mahkak law law hte lu shangai shaprat la lu saga ai ..marai 4 gaw naw ngam ai hku re ...dai a matu ma yawng gaw myit tsang taw ga ai ..NO,1 lang shangai ai .tsin yam masha Tsin yu kai htang shangai na matu ma na n tsin hkrat wa ai majaw tsi rung de woi sa na matu tsi rung maw daw shaga ya rit ngu chying hka lam hkap ai pya da ni hpe garum hpyi tsun ai shaloi shanhte gaw lagaw hte hkawm sa mu nga na tsun wa ma ai .dai shaloi gaw anhte du ai n na shi ai majaw tsi rung gara de re ma anhte rai n chye ga ai .dai majaw Romania UN rung na masha kaba ni hpe ph bai set yang she tsi rung maw daw bai du wa ai.bai na ma ni machyi makaw hkrum ai ten hta rai tim galoi ma n sa yu lajang ma ai ..ganing gana rai na machyi hkrum ai raitim tsi hte seng n na gaw tsep kawp n lu sha shi ga ai.
Anhte hpe gaw shanhte ni woi na myi man madun na n gu hpyi sha taw ai zawn rai taw ai. Romania a su ya hku na garum la ai gaw hpa mu n nga ai .anhte hpe jaw ai gumhpraw ni yawng pi EU kaw na she re nga ma shan hte a n gup kaw na tsun lai wa sai re..ya ten hta Romania a su ya magam gun balik ni rung bung li galaw ai ni shara sharama ni hte mung dan masha ni yawng gaw a su ya hpe mayak mahkak lam grai law wa ai majaw DABIK MAUK taw nga ma ai ,shan hte mung dan masha ni a matu sha pi grai mayak mahkak lam law taw ai hpe anhte ni mu hkrum sha taw nga ga ai majaw anhte a myit hta Romania mung dan kaw shanu nga sa na lam hpe kachyi pi n gwi taw saga ai law.
Bai majaw an hte yawng gaw chye ju hte kaga mung dan de bai htawt sit ya marit ngu Romania a su ya ni kaw tang shawn garum hpyi taw ga ai .ya ten hta anhte hpe shan hte hku na garum jaw ai lam hpa ma anhte ni n lu la saga ai .lu na sha na a matu anhte nau yak wa ai majaw ya ten hta yawng hpe chye ju hte garum la marit ngu na garum hpyi taw ga ai law..ya hte sha US .MALAYSIA mung dan kaw na garum jaw ai gumhpraw ma lu la ga ai ..garum ya ai yawng hpe wa k.k shaman ya u ga anhte yawng kyu hpyi ya dat ga ai.
Ya ten hta n shung ta rai na hkyen ni mu hkrat na maw taw sai .anhte ni yawng shan hte hku na ga sadi jaw lai wa ai hpe nau kam kau ai majaw anhte ni yawng malay kaw na hpa mu nau n lawm sa wa ga ai .ya ten hta grai kashung ai dam hpe mu anhte hkam sha taw ga ai hku re.shan hte hku na anhte hpe n shung shang wa sai nga na hpa labu palawng ni ma sa jaw ai lam n nga ai majaw anhte yawng gaw n shung dam hpe grai hkam sha taw ga ai.bai na shanhte hku na anhte hpe ya ten hta lu na sha na hpa langai mu tsep kawp n garum la ai ten ma shata 2 hpring na hkyen taw sai..
US hte Malay kaw na garum ya ai gum hpraw hte sha anhte yawng gaw hpa hpa sha na sha jawm sha sak hkrung taw nga ai hku re..an hte yawng gaw grai ma jam jau taw saga ai.dai majaw tsaw ra ai manaw manang nu wa hpu nau ni yawng hpang de garum matsan dum la marit ngu kam hpa let garum hpyi shawn dat ga ai law...
Anhte jinghpaw w.p tsin yam ni yawng 38 bai shangai ai + 3 yawng 41 rai saga ai..
0 comments:
Post a Comment