Malaysia du nga ai Wunpawng Myu Sha ni a Htunghking Buhpun mawn sumli hte yu ngwi pyin ra hte ka hkrang ni hpe dai ni November 5 ya shani ngwi pyaw awng dang ai hte galaw la lu sai.
N dai lamang hpe KRC, Kachin Refugee Commettee kawn woi awn galaw ai re lam chye lu ai. U hpung u hpawng shagu dena saw shaga da ai dak kasa ni mung sa du kabu lawm ai. Wunpawng Myu Sha ni a Htunghking bu hpun mawn sumli ni hte buga shakawn yu ngwi mahkawn ni, ka hkrang ni hte du sa ai shawa masha ni hpe shangwi shapyaw la lai wa sai. KRC a Lucky Draw (Gam Chyam) lamang hpe mung galaw lai wa sai lam chye lu ai.
N dai lamang hte Saw shaga da ai u hpung shagu na dak kasa ni hte Malaysia du Wunpawng Myu Sha ni 300 daram sadu kabu shang lawm ai hpe mu chye lu ai.
N dai zawn galaw ai lam gaw, Wunpawng Myu Sha ni hpe laga myu sha ni grau chye wa lu ai hte, Wunpawng Myu Sha ni ga Htunghking hte, Myu Sha ni a buhpun mawn sumli lam ni, Wunpawng Myu Sha ni gara kaw mi du tim myit hkrum myit ra nga ai lam ni hpe htawng madun ai lam ni rai nga ai.
0 comments:
Post a Comment