Jinghpaw Wunpawng Shanglawt (KIO) hte Myen tai hpyen ni gaw February praw (7) ya jahpawt myen mung hkying (8) jam ram kawn gap hkat hpang wa sai lam chye lu ai. Shawng nnan gap hkat ai hta Myen tai hpyen de na Tat Yin Mu (1) hte hpyen ma (7) hkala hkrum wa sai lam mung na chye lu ai.
Majan byin ai shara gaw Manmaw a sinpraw maga de na Man Win maga de re lam mung na chye lu ai. N dai majan hta Myen tai hpyen de na, Mohnyin hta dap dung ai “Hka Ma Ya (15)” hte KIO de na Dap Ba (3), Dung (27) ni re lam chye lu ai. KIO a Up Hkang Ginra de Myen tai hpyen ni gaw sadi jaw ai hpe n hkap la ai sha maja ganaw shang wa ai a majaw KIO kawn n shang na matu sadi jaw Sinat kapaw ai kaw na hpang wa ai re lam chye lu ai.
Ya ten Myen tai hpyen wa gaw majan grai shajin nga sai majaw Myu Sha ni shawoi na hta grau sadi maja ra sai lam buga masha langai tsun shana wa ai. Mungdan kata na Myu Sha ni sha nre, Maigan Mungdan shara shagu de du nga ai Wunpawng sha ni mung sadi maja ra sai hte lama Wunpung Shang Lawt (KIO) hte Myen tai hpyen ni n dai hta grau n na majan ja wa yang Buga de nga ai anhte a Myu Sha ni a shawng lam a matu jawm myit yu ra na ga ai.
N dai majan gaw zim mat na lam n nga ai sha n ga, Myen tai hpyen ni gaw grau nna majan a matu shajin nga ai hte, ya majan byin nga ai shara de hpyen n gun grau gahtap sa wa nga ai hpe mung chye lu ai.
U hpung lahkawng maga de na gaw n dai majan hpe tara shang n dau ai lam n nga shi ai hpe chye lu ai.
0 comments:
Post a Comment