GAHKYIN GUMDIN

Chyurum Wunpawng hkum shagu, Shanglawt lu hkra jawm sumru;
Myu a matu jet ai sh’re, Paw pru ra sai anhte chye;
Adap k’ta up nga n mai, Greng ai awan n-ga dai;
Ka-up nga ai adap hpe, Gawut shapoi kau jang she;
Greng ai awan n-ga mu, Hkyeng ai awan n-ga lu;
Tinang nga ai shara hta, Lahpum malu di nga ga;
Greng ai awan n-ga dai, Daini shaw jai lang ra sai;
Share amyit rawng ni e, Kahkyin Gumdin ra sai le;
Htaw de le de hkum numshe,Nang chyu sha mung hkum dumbre;
Uhpung hka yang sharaw kawa, Dumshai ra sai myit Ningja;
Hpyen wa tsun ai gumlau ga, Asansha she chye na ra;
Gumlau ga hta gadawng bang, Shawng si gwiran tai chyalang;
Kaning di na annau ni, Hka bra n mai chye sai i?
Tsadan wa a gumlau ga, Sai g’ran ga chyu shi jahta;
Kahkyin gumdin ra sai yaw, Ahkyak ai lam paw sai law!
Ru yak jam jau hkrumshaloi, Hpan K’rai hta jawm gumnoi;
Tsadan wa a ga hkum kam, Namyit hpe mung hkum kajam;
Gumlau hpe shamyit lu hkra, Annau ni yawngmyit hkrum ra;
Myutsaw Share a lashawng, Ahke dat sh’guTai Hpyen mawng;
Karai anhte hpang lawm ai, Danleng la ai kumla dai;
Yup yang pyi gyepdin hkum raw, Tensh’gu majoi hkum majaw;
I hteng n-gun yawm ai ngu, Myit kaji na lam n mu;
Sumsing Lamu Kasa ni, Shawng lam de lawm ai sen mi;
Chang Ying wa a numla mung, Lamu kasa tai di kung;
“A” lu ai Share tai ai, Si mat timung hkrung rawt sai.
June marang htalaknak zeng, Myit daw lam loi pyi n teng;
Kachin laknak mau hpa re, Tai ni mau ai myi she le;
Dai hta grau mau na lam gaw, Hpang de naw nga ai lu yaw;
Remote control hte shading, Nepyidaw mat na masing;
Hpan K’rai dai hku lam woi ai, Anau ni sha Kahkyin ra sai.

MyutsawTsing
(20.6.2011)