Lat Gyi Gawmaw Chang Ying
KIO Kyit Hkai Rung Magam Gun
San Gang Mare, N Mawk Ninghtawn
June (9) ya shani manap hkying (5) ten hta myen hpyen dap kawn San Gang mare na KIO Kyit Hkai Rung kaw shang rim mat wa ai . De hpang KIO hte Myen hpyen dap ni majan baw nga yang, manap daw hkying (8:30) ten ram hta Ma Pa Hka Tai Mu kawn “ KIO kawn rim da ai myen hpyen la hte KIO na Lat Gyi Gawmaw Chang Ying hte hpawn laknak hpe mung bai ap na lam tsun shana wa ai. Hpyen bawng masha galai ngut yang myen hpyen dap hpe dawm la kau na lam sadi jaw” wa ai majaw KIO kawn rim da ai Du Myat Ko Ko (kyi/44047 – Kawa U Khin Soe, Hlaing Township, Yangon), Du Tau Ko Ko Win hte rau lawm wa ai hpyen ma Ye Naing (Balik) ni hpe dat ya lai wa sai. Rai tim, myen hpye asuya gaw Lat Gyi Chang Ying hpe n htang dat ya ai lam n nga ai.
Myen hpyen ni kawn shawng lam majan pa hta rim da ai Lat Gyi Chang Ying hpe zingri nna sat kau ya ai lam na ai majaw Ma Pa Hka de lang hte lang jahkrup hpyi shawng nna she 2011 June (11), jahpawt hkying (10) hta Lat Gyi Chang Ying a Hkum Tsawp moi mang hpe lu la wa ai.
Myen hpyen dap kawn Lat Gyi Chang Ying gaw shawng lam majan pa kaw machyu pala hkra nna sai nau htaw ai majaw si mat ai re lam shana wa ai re.
3 comments:
myen ni phe mu sat kau ra ai rai nga
Ya byin nga ai masa ni hpe yu yang, Myen ni anhte a lapran hta grai kaba ai sumprat ni bang nga ai hpe mu lu ai. Myen ni hpe sat ai gaw rai sai. Dai hta anhte a Myu sha ni hpe atik anang (forced) di na majan pa de sa ai rai jang, tinang shada da sha machyi na hpe tsang ra ai. KIO ni ndau shabra laika shabra ai hpe grai madi shadaw ai. Anhte grai maja ai hte Bawnu nyan (zai) grai shaw nga ga.
Post a Comment