Ya hkyak hkyak KIO/KIA ningbaw ningla ni sim sa lam hte seng nna grai maja ra na re, hpa majaw nga yang, dai daram shanhte myen ni a hpyenla du kaba ni hpe gap sat kau ya ai hpe wa shanhte hku nna grai shagrit shanem let anhte hte sim sa lam galaw ga ngu lajin wa ai gaw myit yu hpa re, shi a hpyen du hpyen ma dai daram sat kau ya sai KIA hpe myit san seng ai hte sim sa lam galaw ga ngu lajin wa ai gaw grai myit yu hpa re, grai kabu let myit dik nna sharawng shara hte sim sa mayu ai gaw nrai na re. Hpa majaw nga yang, gap hkat nga magang shanhte a mung masa hkrat sum wa magang rai nga sai majaw anhte hpe si mani ai hku nna shaga la n-htawm langai hpang langai shakrip kau na masing she rai na re, 2009 ning hta sam ningbaw langai hpe sim sa lam la nga ai aten Tawng Ji Myo shi a nta kaw nga nga yang hkre hkre sa nna sa gap sat kau ya ma ai, hte Karean ninggawn amu madu 1 Badu Man sha hpe mung dai zawn Htai mung rung nta kaw hkre hkre sa gap sat kau ya wa masai, dai ni hpe yu yang ya Myen ni simsa lam galaw ga ngu ai lam gaw shanhte grai myit dik la na saw taw nga ai nre, anhte a ningbaw ni hpe langai hpang langai shatsai kau mayu ai majaw, hte mung masa hku nna myi man bai lu wa na matu sha re. Dai majaw simsa lam galaw ai gaw anhte a matu hkrit hpa mahkam de shang wa ai lam she rai na nhten, si hkam sa wa ai lam she rai na re, dai majaw anhte a ahkyak ai ningbaw ningla ni ndai lam hpe grai maja, myit sumru yu, kyu hpyi let she shawng de sit sa ga ngu ngai hku nna tang madun dat ai.Ya Yang gap hkat ai lam hpe rai nmai jahkring shi na re, dai gaw shanhte a mung masa policy hpe agrip shanem ya ai lam langai rai nga ai majaw matut manoi gap let bawngban sa wa yang she mai na re. Amyu kaji ni mung hpawm kaw na garan pru na hpe Awng san Kaw mung grai myit tsang nga sai, hpa majaw nga yang amyu kaji ni garan pru mat jang shanhte NLD ni mung hpa la myen mung dan hta mung masa galaw na lam nnga sai, shanhte myen shada ga law ai lam sha rai mat sai, Su Kyi mung shi uphkang na shara nnga wa, kaji wa na hpe grai tsang wa nga ai. Dai majaw myen gaw myen sha re, mung hpawm naw hpawm nna anhte grai naw ba na malai, ya aten masa hkrak nga ai ten garan pru na lam de shanang sa wa yang grau mai na nhten, anhte hkrai san san re mungdan hpe ya mung naw mai gaw gap nga ai, gasat di la yang pyi lu na masa re, dai majaw matut manoi amyu sha ni hpe Awm Dawm Shanglawt ai de she woi sa wa marit ngu ngai hpung magan gun langai wa hku nna lajin laroi ai hte ndai hte wa tang shawn dat ai.
Hpung magam gun langai mi
Hpung magam gun langai mi
16 comments:
grai ka ja ai ning mu she rai sai grai ma n gun lu ai grai she sha kut ga myen ni na ga gaw ka ji myi ma n mai kam ai ASSK mung myen sha re ai shi mung shi ah myu ni hpe shawng no 1 tsawra na she re ai mung kan ma sha gaw yawng dai hku she re ai dai ma ajw ASSK na ga mung nau n mai kam ai shi mung shi na mying ga ba na ma tu she shi galaw taw ai la ga ah myu ni hpe gaw ma jan n ka sat sha ngun di an shan hte myen wa ah ma yam tai na ma tu sha yaw sha da taw ai re
Grai jaw ai ning mu rai nga ai law, ya a ten gaw anhte shanglawt n dau la na matu kaja dik htum ai a ten she rai nga sai. A ten na magang anhte kaw mung machyi magang she rai wa na re. Ya jam jau ai gaw hpawt de pyaw lu na re. dai majaw jamjau yang kalang ta jamjau kau ai hku di ga..ya Awng Sang Kaw wa Aung Kyi hte hkrum ai hpang n dau laika pru wa ai gaw myit yu hpa nan rai nga ai law.. Ya aten anhte mung dan n dau kau yang mara n nga na re.. hkrak dik manu dik a ten re.
myen a ga hpe kachyi mi pyi nmai kam sai di ni na prat hta,4thBUMER empire hpe gaw gap hkyen ai myen hte sim sa lam la,mung hpawm naw la nga yang gaw an hte myu sha yawng mayam kan dang hpai ai du wa ra na re,dai ni anhte myit yu saga shan hte a ginjaw shara hpe nepyidaw ngu shamying na hkaw hkam mana ai (bayin yu yu ai)than shwe,ya na asuya nnan a dawng hkawn hpe yu yu ga, myen amyu langai a masat ding sat sha re,munghpawm gaw lai mat sai myen sha nga na ngu ai lachyum she rai n hten,karai kasang kaw kyu hpyi manaoi manat let,nsm kaba hte gasat di la saga ngu,hpung magam gun langai a simsa lam shagun lai ka hpe madi shadaw dat nngai,Esearel hpa majaw nam mali kata shaning 40ning hpa majaw hkawm sa ra ai hpe myit dum ga
Ya na zawn hpung magam gun Sara langai mu ai ningmu gaw garai teng jaw hkrak ai ngu Ngai langai hku tim mu mada let [ Tau ai hte Shawn ] dat n'ngai law.
Moi Jinghpaw Wunpawng myu sha ni tinang ginra hta tinang up hkang na nga lai wa sai NO .2 majan [ Second World War ] hpang myen aumg san wa woi kale galau re majaw ya na zawn Jinghpaw wunpawng myu sha ni hte sam karen ni mung jamjau hkrum nga ai re ya na zawn assk ( aung san kaw ) wa gap hkat jahkring ga ngu tsun yang kam mai na kun ? myen gaw myen sha re hpe dum let sadi majar ga ! Ga sat ai lam gaw sapkawp n'mai jahkring kau na re ngu mu mada let tang shawn dat ai.KARAI KASANG BAU SIN U GA MYU SHA YAWNG HPE.
Grai jaw ai ning mu ni rai nga ai.ASK tsun ai ga hpe rai tim majoi nmai hkap la,majoi nmai kam sai yaw Salang gaba ni e.Shi mung maren sha re.Moi ya hkan gaw ndai mabyin ni hpe nna ai zawn nchye ai zawn nga lai wa na ya U Aung Kyi hte hkrum ai hpang she ga shaga wa ai hpe yu yang shi mung myen wa a KASA langai sha tai nga sai.
grai teng ai lam ni she rai nga ai hte grai myit sawn yu ra na re myen wa hte simsa la na matu gaw,anhte jinghpaw Wunpawng myu sha ni moi na zawn graimyit hkrum tagindun ra ai ten mung rai sai re lam mung hkam sha ai, anhte myu sha ni yawng sha myit hkrum nna shawng lam de kawm sa wa yang gaw awng dang teng man ai awmdawm shanglawt lu wa na re, MYEN asuya hpe gaw ya ten hta gara hku mung re nmai kam shi na re, Myen ni lani myi na aten hta Karai Kasang hpe chye nna hkap la wa shani she mai kam wa na re ngu nna hkam sha ai re. JW myu sha yawng a nta Kara wa shaman ya ua ga law..
Kaga gaw n tsun mayu ai.. 'amyu kaji' nga ai hte seng nna re... moi ya KNG kaw mung Myen ni gaw 'amyu kaba' lai ladat lang ai, nga nna ka wa ai hpe mu lu ai. Mungkan hta 'amyu kaba', 'amyu kaji' ngu ai n nga ai. amyu law ai, n law ai, ngu ai sha nga ai... masha ni anhte hpe 'amyu kaji' ngu nna shamying ai hpe pyi ninghkap ra ai re. dai gaw shinggyim ahkaw ahkang hku sawn yu yang 'roi ai' ga re... Ethnic hpe gaw 'amyu bawsang' ngu yang htuk manu na re, ngu kam nngai... Majority hpe gaw 'law dik amyu bawsang' ni, minority hpe gaw, 'n law ai amyu bawsang ni' ngu yang kaja na re, ngu kam nngai...
Garaikasang jaw ai MYIHTOI ga rai sai ngu hkam la n_ngai law.Dai ni na Majan gaw K.I.A hte Myen Hpyen lapran byin taw ai Majan n rai na re.K.I.O Asuya woi Awn let Myen a lata hta hkrat sum mat hkyen nga ai Wunpawng Mungdan hte Myu sha ni hpe hkye la na BADANG Masing n dai hta Chyurum Wunpawng Myu sha ni a Mauhpa Garai kaw n na Myit kahkyin Gumdin ai lam lula ai Labau shang Majan poi kaba rai mali ai law.n dai zawn re ai Myit hkrum lam Kaba hpe (NGA BYAA,SEBYAA) hte sha gaw n galai kau ga ngu,Ningmu tang madun dat n ngai law.....
KA JA DIK AI NING MU RE ngu mu nngai. Anhte W/P myu sha ni Myen ning baw AUNG SAN (ASSK a ka wa) a ga hpe kam ai majaw ya dai ni du hkra jam jau taw ai ram la sai.Ya ka lang bai shi a ka sha (ASSK) a ga hpe mung bai mai kam na kun???? Myen ndai ni gaw shan hte sha ni sha gu naw nga ai HPUN KYI hpe pyi rip rip sat gwi ai ni she re! anhte ni hpe sha gaw hpa zawn pyi nawn na n re . Dai ma jaw ning baw ni e sung sung she chyawm myit yu ga ngu tang shawn dat nngai.
Lahta de na Ningmu ni yawng, Grai nan hkrum tsup nga ai.Ngai hku nna hpa ntsun taw ra sai.
(Jinghpaw Mung)ngu luhkra gawde lahkam saga.
A.Wupawng a hkying aten gaw dai ni re.
B.Htawng hpang a kam maga gaw shanglawt re.
ngai hku na mung hpa wa nre ai ah ngy chalang langai mi hku nna mung tang shawn mayu ai, MA GAM GUN wa tsun ai hte maren ndai AUNG SAN KAW wa hpe mung an hte JP WP Myu sha ni a matu hpa ah kyu rawng wa na nre, moi de English prat hte Japan prat zawn langai hpe lu sha chyut kau sai nga na langai bai shang wa yang mi na hta grau sawng ai baw byin wa na hpe gaw an hte JP WP myu sha ni hku na nmai hkap la sai dai re majaw MYU TSAW MUNG TSAW share shagan ni hte MUNG UP (KIA) Du kaji Ba yawng hpe matut manoi ah nut sa wa ga ngu, bai langai mi gaw Jinghpaw gum gai ding la ni hpe san dat shagu na lu na re DAW DAP KAW NA SHA TIM ngun jaw na, sha naw lu hkawm taw ai rai jang gaw myu tsaw share shagan ni a matu lu sha naw shadu sa na nga, MYU ting pyaw lu na hte prat tup awm dawm WP mungdan gaw lu na matu gaw dai ni an hte sai hte galai di la ra sai re ngu na nchye nchyang tim prat tup wp sha ni sim sim sa sa rai ai hpe KK mung ngun jaw nga na re
ASSK is Very honest and simple as his Father. She always seek for the peaceful way. Her Father and She also know Burmese people are not trust worthy, very curning, very selfish. They even kill each other, including monks. Along the history of Burma, those who are good and talent people all had been killed. Do you know These military general have a big stupid plan. This is they found/build the MYANMAR DYNASTY again.
Never trust them. Think carefully before you decide.
d
Ngai wunpawng amyu sha langai hku nna mung Hpung magam gun langai hku nna ndai zawn tang madun shadum ai hpe grai hkap la madi shadaw ai hku re. Anhte wunpawng amyu sha ni ndai myen mung a munghpawng kaw nna pru nna moi ji woi ji wa prat kaw na madu lai wa ai anhte a wunpawng mungdan hpe bai madu nan madu lu la hkra myit n'daw nhten ai myit shut ai lam nnga ai sha matut shakut sa wa ga ngu grai n'gun jaw dat nngai law. Anhte wunpawng amyu sha ni Karai Kasang hpe madung tawn let myithkrum mangrum rau jawm shakut sa wa yang gaw lani mi wunpawng mungdan ngu ai lu nan bai lu madu lu na re ngu kam nngai.Ndai amyu nbung makam masham nbung aga laika mung nbung ai ndai amyu ni hte sha munghpawm langai hku sha matut sa wa na nga jang gaw anhte amyu ni a shawng lam hta hkrat sum hpa lam ni hkrit tsang hpa lam ni hte kaga manghkang lam amyu myu nga na re ngu mu mada lu nngai. Anhte a mungdan hpe anhte nan madu nna anhte a htung hkying hte rau anhte a ga anhte shaga, anhte a laika anhte ka lang nna Jinghpaw wunpawng amyu sha yawng hpe Myen mung ngu ai kata kaw nre sha Jinghpaw wunpawng mungdan ngu ai kata kaw she shanu nga pra sa wa shangun mayu nngai. Jinghpaw wunpawng mungdan ngu ai bai lu madu la yang she hpang na ban prat ban hte ban nga pra sa wa na anhte a shu mashi shu masha ni a shim lam a matu myit tsang shara nnga na re ngu mu mada nngai law.
Karai a Magamgun hte NuWa ni a ningmu hpe gai hkap tau n ngai law Wunpawng Myusha ni a Ahkaw ahkang hte Simsa lam hpe (Makaw) jan lapran tsap woi galaw ya na ngu ai gaw (grantee) n nga ai magam bungli share..Shi Hkum shi pyi(garantee)n lu jaw ai jahkring sha rim bang hkrum hkrum re ai jan she rai lu ai. ya aten Wunpawng Myu sha ni Grai myit hkrum let Mungkan ting na Wunpawng Myusha ni yawng Ganu Mungdan hpe Hkye la na Myit dating taw ai a ten hta.Myit masin Laknak n mai jahkrat na n hten.(Makaw) jan a Ga hpe mung simani ai hku Koi Yen yang she mai na ngu shadu n ngai.Majan hpe dang shangun ai KARAI KASANG kaw akyu hpyi let Ahkaw Ahkang lu la ai shani du hkra Myithkrum shakut sa wa ga.N.D.A.K hte,K.D.A,Dukaba lasang Awngwa hpung, Magam gun ni yawng mung JIWOI,JIWA ni a Labau Magam hta shang lawm saga ngu ngai shayi sha tang shana dat n ngai law.
w p sha yi sha ja tsin 1 ah mu ma da ai pyi naw grai nan ma dang tsaw mat sai ahn hte KIA kio NING BAW NI YAWNG AH NING MU GAW DAI HTA GRAU NA RE NGU KAM AI YA NA ZAWN SHA YI SHA 1 HKU NA AH SAN SHA TSUN LAI WA AI GA HPE SHA KAWN AI
Post a Comment