LAZING GAWNG MARE HPE BAI GASAT MADU LA

July (25) ya shani, Waimaw ginwang, Wunpawng Mungdan Shanglawt Asuya a bawng ring hkai sun dap de sa wa ai lam na Lazing Gawng Mare hta myen tai hpyen ni hte Shanglawt hpyen hpung ni gap hkat ai lam byin wa sai lam na chye lu ai. Lazing Gawng Mare kaw dap jung shara la tawn ai myen Mapa Hka a hpyen hpung langai hpe Wunpawng Mungdan Shanglawt Dap Ba (5) n pu na Dap Dung ni (25) ya shani chying tung hkying (12) ram hta shang htim gasat ai re lam hte (26) ya jahpawt daw du hkra gap gasat wa na myen de na lak nak ni hte bawng masha law law hpe mung lu rim la ai lam shiga na chye lu ai.