Wunpawng Mungdan Shanglawt Asuya ya hte myen tai hpyen ni simsa lam bai jahta na lam rai n mai byin shi ai lam shiga na chye lu ai.
Wunpawng Mungdan Shanglawt Asuya Ginra rai nga ai Laza mare kaw hpawt ni (8.8.88) masat n htoi galaw na lam hpe mung na chye lu ai.
Myen Jawngma hpyen hpung (ABSDF) (100) jan mung KIO/KIA ginjaw Laiza mare kaw du nga sai lam mung na chye lu ai.
8 comments:
tsaw ra ai Ningbaw ningla ni e anhte gaw Wp mungdan hpe lu mayu ai majaw anhte amyu ni ya jahkring sha gaw kade ram yak hkak tim anhte lu sharang nna ndai sawa ni hpe lu dang manga mayu ga ai anhte laten langai matsat nna gasat ra na nhten nrai yang gaw anhte amyu ni a
hpaji lam, sut masa lam nga ai lam ni yawng hta hkra wa na re majaw anhte lawan ladan daw dan nna gasat dang la ga ngu n-gun jaw mayu n
ngai law.
Zahkung Yawhan
Chihpwi
Um jawng ma ni mu dulawm ai nga na chye lu ai majaw gaja ai lam gaw re rai tim ndai kata kaw myen sawa a masha ni matep lawm wa na sadi ga ngu mayu ai ndai ni gaw ladat grai hkum ma ai
Myen Jawngma hpyen hpung (ABSDF) (100) jan KIO/KIA ginjaw Laiza mare kaw du nga sai nga shiga na lu ai hte rau myit kata hta labau hta byin lai wa sai mabyin langai myit kata a kajawng sha pru wa ai. KIO a ginjaw ginra hpe Laisin bum kaw naw jung tawn ai shaloi..shanglawt ni hku nna myen jawngma hpyen hpung (ABSDF) ni hpe Laisin kaw nga shara jahkrat ya nna..laknak hte hpawn nga na ahkang jaw tawn lai wa sai re. Dai myen jawngma hpyen hpung hta hpaji chye ai wunpawng shayi shadang ni mung shang lawm ai lam nga ai. Myen a jet dakkasu jawngma ni mung law law re lam chye lu ai. Ndai zawn rai nna nga nga ai aten n myit mada ai sha manghkng kaba langai pru wa ai. Dai gaw myen jawngma laknak lang hpung ni hku nna KIA/KIO ningbaw ni hpe lusha poi shaga jaw ai lam galaw sai. Dai lusha poi hta hpa baw byin ai i nga yang, hkyen tawn da ai malu masha ni hpe sha na matu ningbaw ni saboi grup rai dung nga yang ..jinghpaw unpawng dakkasu jawngma hku nna simai wan ni hpe htu kadawng ru kau ai lam hpe galaw dat ai hte rau myen a maw lanyen kaba hpe aten dep chye kau dat sai. Dai maw lanyet kaba gaw KIO/KIA ningbaw ni hpe lagu sat na matu simai ni hta gung(poison) bang da ai lam chye lu sai. Ndai zawn byin ai hpe atsawm sha jep sagawn yu ai shaloi myen jawngma laknak lang hpung hta myen hpyen asuya a masha (spy)lagu bang da ai re lam hpe chye lu sai. Ndai mabyin hpe bai dum wa ai shaloi,labau hta myen a maw lanyet a maajw manu dan ai myu a share shagan ningbaw ningla ni hkrat sum ai lam ni law law rai sai. Ningbaw kaba Lahtaw Zau Seng, Lahtaw Zau Tu ni hpe mung lagu gyam sat kau ya ai. Laisin kaw mung kalang bai lagu gyam sat na matu galaw tim n awng dang mat ai. Ya KIO a ginjaw ginra hpe Laiza kaw htawt tawn nna mung masa gasu gabrawng rai nga aten hta ya na zawn..myenhpyen ni laknak hte hkrak rai nna wa nga nga ai gaw...myit yu hpa n rai na i? Sagu hpung lapran kaw chyahkyawn gaw sagu hpyi hpun nna sagu ni hpe ashep ashin di amya sha na matu shang wa ai zawn, tai hpyen myen wa gaw mazat ai ladat hte n lu jang kya ai ladat hte n sam hpan a myu myu bu hpun nna KIA ginra de shang wa wa sha a rai nga ai. Moi mung byin ai, ya mung n byin na re ngu kadai lu tsun na rai ta? Labau hta byin lai mat ai RED MARK ni hpe myit dum let...sadi maja nna tau hkrau makawp maga yang sha..myu sha ni hta hkrat sum machyi n byin ging ai ni n byin na re ngu..salum kata, myit kata grai tsang ai majaw...KIO/KIA myu a nibaw ningla ni hpe sadi jaw shadum dat ai ga rai sai.
Lahta na myitsu langai shadum ai lam hpe KIO/KIA ni sung sung myit yu ra na re.. Ngai chyena ai daram mung Karen ni ga kaprang hkrat sum mat wa ai gaw..ABSDF kaw lawm wa ai kai chyan ni a majaw re hpe ah san sha chye na ai.. ABSDF hpyen hpung ni Padang Hkrun Lam kaw sha lawm na mung kade wa ah kyu jat ai lam nnga na re.... WunPawng Shanglawt hkrun lam hta ABSDF ni ding bai ding na jaw chyalu re... Shanhte hpe Shara nmai jaw ai.... ah san sha re.. shara nmai jaw ai.. grai rai nna kam mai ai hpyen hpung mung nre...
myen gaw myen re ya ahn hte ni gap sat taw ai ni mung myen ah myu ni re dai majaw shan hte sha da da galaw hkat ma kam tim ahn hte ah myu n bung ai ni shan hte ah myu ni hpe gap sat ai gaw shan hte mung shang n ra na re ngu sha du ai ,, ga ning re ai ma nam ma du tim hkap la na ma tu gaw ah hte gaw lit nga sia ma re tim sa di ai gaw na gaw n lai ai ti nang ma sh ani chye nga ra ai dai jawng ma ni ah la pran hte du ga ba re ai ni nau n sa ga nip ga ngu tsun ma tu ai ahn hte jp myu sha ni gaw ma grau grang ai ning baw ning la ni n law la taw ai re 1 re ti grai ah kyu nga ai re dai majaw hpyen du ga ba ni shim lam ah ma tu no 1 tawn di na hkawm sa ga ngu tsun ma yu ai ma sha gaw hkrit ra ga ba gaw ti nang ka ta lam gaw na ma sha re ,, ya gaw ahn hte wp myu sha sha da da pyi naw n mai kam jang ka ning re ma sha sa sam ah myu sha ni hpe kam na ma tu gaw ka ji myi pyi hkum myit myu sha da da gaw bu kan sin ma ji ai mung ah rau re myu n bung ai ni gaw dai hpe n chye hkam sha ai shan hte ah bu kan sin kin dun ai ngu gaw shan hte ah hpyen wa she re taw ai
RE AI LAW, MYIT SU NINGBAW NINGLA NI E...
MYEN SAI GAW MYEN SAI SHA RE, KACHYI MI PYI N MAI KAM AI. DAI MAJAW ABSDF DAP NI HPE HKAP LA TIM, SAN SAN SHARA JAW NNA, NGA SHANGUN RA AI.
HKRIT TSANG RA AI.
SADI GA!!!
jaw dik ai
myen gaw myen sha re
myen hpe sha gaw gatsun gala hka n shakap ga oiiiiiiiiiiiii
htawm hpang de hka bai ji hkrum na lu yawwwwwwwwwwwww
Anhte WP sha ni a Padang hkrunlam hta ABSDF ni hte n gayau gau ga. Shanhte a labau ni hpe bai sawk yu ai shaloi matsan shayan mung rai ma ai.Shanhte shada mung spy lawm ai majaw shada da pyi grai sat kau sai re,Myen asuya hpe nra sharawng ai lam bung tim madu a yaw shada da lam gaw shai ai. grai shadi ra na re ngu hpe mu mada ai.
Post a Comment