Teng man ai jet ai ahkaw ahkang sha nlu ding sa laknak hte anhte ra awng sharawng ai awm dawm shim lum ai u hpung uhpawng de du lu hkra matut gasat ra nga ga ai. Galoi mung naw yak nga na malai ndai lang sha yawng myit hkrum ai hte yak shalai kau nna matut ga sat ga.
Myen gaw awng san su chyi hpe ning hpai masu nna mung masa man gayin lu hkra sha kut ai. Tinang galaw ai lam jaw hkra madun mayu ai,hpang jahtum anhte hpe gasu kabrawng hpung, gum lang hpung re majaw gasat shamyit ra ai mungdan simsa lam hta dingbai dingna jaw ai, hpung ni re ngu madang de du hkra hkrang shapraw lu hkra shakut nga re, mare ni hpe gahkyin kau na, shanhte a myu kaba ladat masing kaba rai nga ai.
1-myen ngu langai sha nga hkra-myu shamyit-myu gayau masing
2-makam langai sha nga hkra-baw sang n-nga hkra-ga langai sha shaga lu na-htung hking-laika langai sha nga hkra-
3-Rap daw langai sha nga hkra-mung masa hpung langai sha nga hkra
4-hpyen hpung langai sha nga hkra,
Ndai masing kaba kata kaw sat nat, mya,dawm di masing kaba jahkrat nna galaw sa nga ai majaw, myen hpe gaw galoi mai kam na lam n-nga ai, ten galu majan chying hkraw galu hkra, shagyip shagyeng ai ladat hte anhte a gawng kya ai lam hpe yu nna matut gasat na re majaw anhte mung myen a gawng kya ai lam tam nna masing jahkrat matut gasat ra nga ga ai, grau nna myen hpe n-gun kaba hte garum nga ai miwa hpe lu ai ahkaw ahkang hpe yu nna achyaw ashun shamawt shatsang ra nga ai, hka madim masing hpe shatsang ra ai. Miwa sut du ni hpe shatsang ra ai, ya ya hkyak hkyak gum hpraw lu mai ai Hpakant ga hpe pru shang grau shagyip shagyep ra ai. Miwa hte gaw anhte mu mazut hku kanawn ra sai. La gasat sha nmai sai, shingdu de hka shan gat sa, hka ja ai hkan mayun gap ai de yawng ra sai. Myu hte mungdan a matu sak ap nawng let share shagan dik ai hte gasat nga ai majaw anhte mung masha ni grai n-gun lu nga ga ai.
Dai ni du nga ai ten ndai annau ni a matu ten kaja manu dan dik ai ten langai du nga sai re. Naw dating ga. Myen ni mare gahkyin wa nga sai hte maren anhte mung wan leng lam hpe nmai hkawm hkra jahten ra sai, bai hpyen hpyi nhpung ai myen yawng hpe nmai shang hkra galaw ra sai. Masha jendik ra saga ai, lachyum npru ai anhte shara de hkawm sa ai yawng hpe jep chyoi jen dik ra sai hte hpraw chyang lawan ginhka kau ra sai.
Maroi nni ai.
Baren Numraw
3 comments:
Immigrants(Myen hte laga Myu baw hpan ni hpe Jinghpaw wp Mungdan shawng lam matu,Matsing jahkrat let Mungdan kata kaw foreign neither legal hku nga mai, shing nrai lawu myen ga de, nhtang wa na matu galaw ra ga ai.ladat gaw an hte yawng mu nga ai hte maren, langai nngam lang ra ga ai
Dai ni anhte mung hte myusha awng dawm rap ra ahkaw ahkang lu shakut mahkrun lam hta...shaning 50 ning rai wa sai...anhte ni laknak hpe madung da nna shakut wa sai ...raitim bandung gaw naw she asan nga ai..(ndai gaw ethnics ni yawng kaw byin nga ai hpe mu mada nga ai..)...hpa mjaw ta? myen wa masu ai mjaw hkrai ngu na kun? myen njaw ai mjaw ngu na kun? myen wa power-sharing glaw na hkrit na ngu na kun?.....ngai mu mada ai gaw..anhte ni hta ndai shaning ni laman hta...politics and policy war glaw na masha nle wa ai mjaw re ngu mu mada nngai....dai hku jang anhte myu ni kaw hpaji chye ai ni nnga sa ni..? nga ma ai...Political science jawng hpe lung ngut nna..Dr...Hp.D ngu ai ni mung nga ma ai...Tara (law) hpe grai chye ai ni mung nga ma ai..raitim dai ni yawng gaw tatut masa nnga ai...ga ni hkrai tsun shaga nga ma nna...bungli masan masa nsa nga ai...
my point is---- tsun mayu ai gaw...dai ni anhte majan hte hkrai glaw na nga jang gaw dai gaw teng sha nan yak na re....majan hte mung gasat rai nna...myen wa hte politic and policy ni mung media hku gasat na grai ra ahkyak nga ai hku re....dai ni anhte ni myen wa a politic and policy lagaw htawt ni hpe mu mada chye na matu..critical evaluation on their politic and policy in everything.....hpe glaw na masha law ra nga ga ai....
Ngai hku nna mu mada ai gaw...aung san kaw hpe mung anhte sidi nna shi glaw ai ni hpe mung critical evaluation glaw ra nga ai..
Politic and policy war hpe mung ngun dat ga...ngu ning mu garan nngai...
"mtutu2010" tsun mat wa ai hpe ngai grai madi shadaw n ngai. Anhte a mungdan shanglawt lu n na galu kaba wa na matu gaw Shanglawt Myu tsaw hpyenla ni kaw sha n rai. Anhte hkum ding dek nan tinang chye ai a tsam lu malu mahkra hte shang lawm shakut shaja ra nga ga ai. Kade manu dan ai hpaji ma lu da tim masha a matu n jai lang yang gaw gaman li la sha rai nga ai hpe mu mada ai. Maigan de du hkawm nga ai myu sha ni hpe mung htet dat mayu n ngai. Tinang a kan bau lam mung galaw ga. Hpaji lam hta mung grai n gun dat ga ngu tsun mayu ai. Anhte a myu kaw hpaji lam amyu myu hta ning tawn n na tinggyeng a kyu n tam ai sha a myu hpe tsaw ra pawn ba chye ai masha law law ra nga ai law.
Post a Comment