MUNGDAN ASUYA DU/SALANG NI NTSA CHYUM LAIKA MU JUT

Mungdan uphkang ai du salang ni h te seng nna Chyum laika(Rm 13:1-4) hta asan sha tsun da nga ai.

V.1-For there is no authority except from God, and the authorities that exist are appointed by God..ndai chyum ga yen ai npawt gaw, Chyum laika aten, Madu YeSu gaw anhte chye nga ai Isreal mungdan e paw pru wa ai ten, sak hkrung nga ai aten hta e, Israel masha ni gaw shanhte a amyu lakung ni hpe woi awn na matu hpa-awn ra wa ai shaloi Karai Kasang gaw SHI a dat kasa ni rai nga ai myi-htoi ni hpe yup mang shingran hku nna mahtai jaw ai masha hpe sha tam la nna myi-htoi/hkin jawng ni gaw dai masha ni hpe shaman sau kahtawk chya ya ai h te Karai Kasang a shaman ga matsun maroi ni tsun hkam la ngut sai wa hpe sha Karai Kasang kaw nna lata san dat ya sai ngu nna hkap la kam sham nga ma h te dai ni hpe sha shanhte a my u sha h te mungdan hpe up-hkang shangun nga ma ai, dai majaw shannhte matsun ai ni hpe madat ra ai, nmai ninghkap ai ngu ai hpe tsun da ai lam re.

V.3-For rulers are not for terror to good works, but to evil, up hkang du/salang ni gaw kaja ai bungli galaw ai ni hpe jahkrit na, rim jep na matu nre sha, evil – nkaja ai jahten shabyak ai ni hpe je yang na matu re, bai There is no need to be afraid of the authorities, Just do right, up hkang du slang ni hpe hkrit ra na lam nnga ai, kaja ai lam sha galaw yang.

V.4 – they are God’s servants, and it is their duty to help you, if you do something wrong, you ought to be afraid, because this rulers have to punish you; mungdan up hkang du salang ni gaw Karai a shangun kasa ni re majaw garum jaw ya na ni re, tim tara hta nhtan shai nna shut hpyit ai rai yang jawm hkrit ra ai, hpa majaw, shanhte hta dam jaw lu ai tara nga ai nga ai.

Ndai chyum laika kaw tsun da ai asuya du/salang ni hte myen a asuya du salang ni gaw bung pre nga ai kun shingdaw yu ga!

- Myen mung a asuya du/salang ni gaw Karai Kasang mahtai jaw nna sape myi-htoi ni lata san dat ni nre hte na-man chya nna Karai Kasang kaw na shaman hkam la ngut nna asuya tai wa ai ni nre,

-Myen mung asuya du/salang ni gaw shanhte hkum shan hte asuya du/salang ngu shaming galaw nga ai ni rai nga ai. Rap ra ai tara nlang ai matse labye ladat h te dip up sha nga ma ai. Shing gyim nau na myit masa kata ai ni re majaw mung masha ni shanhte hpe hkrit nna sha nga ra nga ai.

-Myen mung asuya du/salang ni gaw Chyum laika hta tsun da ai asuya h te nbung ai majaw ti nang a mung masha ni garum ai lam nnga ai, tara rap ra ai hku galaw ai lam nnga ai, kaja lam galaw na hta jahten shabyak lam galaw ai sha nga ai

Dai majaw;

- Karai Kasang lata san ai ni nre ngu masat la mai nga ai, shanhte gaw Karai nra ai gaw-ngu sumla galaw nna naw ku ai ni re

-Shanhte ka da ai tara u-padi ni hpe masat masa galaw ya nmai nga ai,

- Shanhte hpe Chyulaika e ka da ai hku nmai hkan sa ya nga ai,

- Shanhte gaw shagrau sha-a ging ai ni nrai nga ai

Yesu gaw masu magaw galaw ai ni, hkalem hkalau galaw ai ni, nding nman galaw ai ni, jahten shabyak galaw ai ni hpe Satan ngu tsun da nga ai. YESU nan Satan hpe n’ju nga ai, shaden kau nga ai, n’tara ai hku, maru marang re hku galaw ai lam ni hpe YESU nan nra ai majaw shaden kau ai, masin pawt nga ai hpe ndai (Mt21:12-13, Mk11:15-17, Lk19:14, 15-17) hta adan aleng mu lu nga ai. YESU gaw nawku Htingnu de shang nna, dai Htingnu kata e rai dut mari ai ni hpe shaden mu ai rai nna, gumhpraw byan ya ai a ku ni hte hkrudu dut ai ni a punghkum ni hpe kanawng kadawng kau ya mu ai. YESU hpa majaw masin pawt ai, SHI akyu hpyi ai shara, Chyum laika hti ai shara hta gat shatai kau ya, dut mari hpa-ga shara galaw ya ai majaw mana maka pawt ai let gat dut taw nga masha ni hpe shaden kau ai hte shanhte a gat rai ni hpe kanawng shapyen kau ya nga lu ai.

Ndai chyum ga hte maren rai yang, myen mung asuya du/slang ni galaw nga ai masu magaw galaw ai ni, hkalem hkalau galaw ai ni, nding nman galaw ai ni, jahten shabyak galaw nga ai, mung masha ni hpe kam mara zingri re galaw nga ma ai kaw nna lawt lu na matu gaw shaden kau ra nga ai, kanawng agrawp kau ra nga ai, ninghkap ra nga ai.

Teng man ai hku asak hkrung galaw sha taw nga hta matse labye mya lu mya sha sa galaw nga ai ni hpe makawp maga garum ya na kadai nnga, tara u-padi hta mung atsawm makawp maga jaw da ya ai lam nnga rai yang lu ai lak nak hte makawp maga lam ai gaw Chyum laika h te nhtan shai lam hpe nmu lu nga ai.

Ntawng Nhtu
Ref: Holy Bible, Gideon Bible, hte Jinghpaw Chyum laika