Dai ni share shagan masat ninghtoi lamang hpe ngwi pyaw awng dang ai galaw la lu saga ai. Lamang tingnyang up hpe Shy. Ja Seng Mai, KNO-U Amu madu Slg. Gum San kawn, KIO mungga hte laksan n-gun jaw ga, Slg.Gun Awng hku n-na, hpawnghpaw hte hkumtsup akyu hpyi, Shd. Zau Tawng kawn, dawnghkawn hkungga jaw lamang hte myu sha mahkawn ni hpe woi awn lit la rai awng dang ai hku galaw la ngut ai hpang, Shd. Seng Awng shadu jaw ai hkau soi (noodle) jawm lu jawm sha let, myusha hte seng ai bawngban gamung zuphpawng mung "America kachin fellowship" ngu ai kanawn mazum hpung pyi jawm lu hpaw ninghtan ai madang du hkra awng dang ai hte galaw la lu sai. N-dai kanawn mazum hpung gaw matut n-na, myu sha shawnglam hta matut manoi hkrumzup hpawng ni myu sha masat n-htoi lamang ni galaw sa wa na hpe jawm myit hkrum tawn da ai re.
5 comments:
Rawt malan hkrun lam hta asak jaw ap nawng lai wa sai ni gaw myu tsaw shanglawt magam gun ni sha nrai, mung shawa kaji kaba rai nga ai - num, la, ma, dinggai, dingla, hpung magam gun ni yawng mung jut maga mi hta, asak manu hpe rang let rawt malan wa sai.
Ya dai ni Rawt malan mahkrun hpe bai masam yu yang mu lu ai gaw-
1. Rawt malan lam hpe na na galaw yang, dum bru dumbra byin wa lu ai. N kau mi pu ba dum wa ai. N kau mi manu jahpu n jaw gwi wa sai. N kau mi hkring mayu sai.
2. Simsa lam la ai 16 ning laman hta n kau mi ja gum hpraw lam, hpaga lam,ni hta myen hpyen ningbaw ni zawn she lu su wa sai, Mung shawa akyu n tam tinang a akyu hta sha hkawm sa wa sai.
3. Mung shawa a rawt malan n galaw ai sha, tinang a akyu a matu rawt malan ai lam byin lai wa sai.Dai majaw mung shawa ni a myit n dik ai, madi shadaw n lu wa sai. Rawt malam lam hta June 9, 2011 kaw nna KIA kaw nna bai rawt malan lam hpe share shagan ni a mahkrun hta matut rawt wa ai majaw ya yang, KIA /KIO hpe mung shawa ni tsawra kam hpa dik ai aten mung rai wa sai.
4. Ya mung KIA/KIO a kaji kawa ni a bandung hte n htai shai ai maga bai gale hkyen wa masai.
5. Mung shawa ni grai jam jau sai nga jahpai nna simsa lam de bai woi nda hkyen masai.
6. N dai kalang na rawt malan lam hpe jasim nna, hpyen asuya hte bai kanawn na rai yang, woi awn ai KIA/KIO nigbaw, ningla ni gaw myu sha ni a hpyen tai wa na sha re. Dai zawn re ai ni hpe anhte myu sha ni galoi mung mara n raw ga ai. Anhte a matsat ai, n ju ai, hkyet rung ai hpe prat tup hkam la shajang na rai sai.
7. Bai Rawt malan lam hpe n gwi mat sai rai yang, Ap nawng na
n jinsai rai yang, KIA a laknat ni hpe Mung shaa hpe ap kau yang madung rai na re.
8. Ya yang asak, baw hpe ap kau wa sai myu tsaw share shagan ni a kasi hta bai rawt malan na mung shawa ni, Rawt malan lam hpe woi matut na KNO shing n rai myen hpen hpe bai gasat na hpung langai ngai hpe gwi gwi madi shadaw wa na sha rai sai.
9. Dai majaw, myu tsaw KIA/KIO ni e, nanhte matut n na rawt malan na kun? Mung shawa hpe jahpai nna sima lam bai la na kun? Daw dan ga. N gwi mat sai, ram sai, pu sai, n kam ai nga yang, mung shawa ni hpe laknak ap kau ga.
10. KIA/KIO hpe naw kam hpa nga ten hta matut shakut ga.
Hkrat sum mat wa sai share shagan ni hpe hkung ga bau jaw nga let,
Jinghpaw sai
Tsep kap madi shadaw ai law. KIA/KIO ni share shagan ni a lahkam hta hkan sa lu u ga.
Lahta na dinglun ai zawn zawn Shanglawt Majan hpe chyena ai zawn zawn nga ai wa chye na tawn ra ai lam gaw..KIA/KIO Uhpung tinghku nna hkumtsup ra nrawng ai ngu ntsun mayu ai, Rawt Malan hkrunlam (50)ningjan Mungmasa Laru, Amyu sha kata Manghkang, Uhpung kata shoihpa law law hpe tawt lai wa yu sai, Mung Masa ahkaw ahkang nlu dingsa mung shawa nkau shadu ai zawn Lam numshe shang na Uhpung gaw nrai na nhten..Shiga Dap nkau hta ndau ai zawn Gap hkat jahkring Sen htu ai lam mung nnga shi ma ai. Lama KIA/KIO Ginjaw salang ni tang shawn tawn ai hpe Asuya ni hkap la ai rai yang chyawm gaw Gap hkat jahkring ai Lam Sen htu ai atsang de du mat wa na malu ai.
ya ten hta tinang hku nna hpa nchye garum yang n-gun jaw ai lam hpe asan galaw ga..anhte a shawnglam magam gun ni nsin nhtoi nlata grai shakut nga ma ai..nang tsun ai rai mi san ai masha ngu ai gaw KIA/KIO magam gun 15,000 hta marai 15 nhpring na re nkau Du Kaba ni tsi mari sha na pyi gumhpraw nlu ma ai..dinglun ai ngu ai lam mung aten..ginra hkan nna galaw yang hkap la mai tim aten tup asan nchye yu ai gaw nang a manghkang she rai na re.. mung shawa nkau gaw Hpyen la galaw ga nga yang mung koi hkawm..KIA/KIO hpe garum ga nga yang mung tinang a shawang myit hte ap nawng sa wa ai lam gaw nnga mara hpe hkrai alai shaw la nhtawm dinglun ai san san sha chye galaw ai amyu sha ramma ni mung law law rai nga ai majaw..grai naw shakut ra nga ga ai.
aw ahn hte jp myu sha ni gaw ma ra mu n na ma ra ngu tsun jang n ra ma ai ,,n ra rawng ai i ngu jang mung yu dat jang n gu n lu hpa ni hkrai hkrai re re tim ngai tsun ma yu ai gaw nang ra ai law n ra ai law ngu n tsun m ayu ai re tim ma nang 1 myi ning mu 1 hku na sha dum ai hpe gaw chey na ra ai ya no 1 comment jaw lai w aia hku na mu ma da ai ni mung ma sh alaw law nga ma ai teng ai da ram ma teng ma ai hkrak tup ma n re tim ,, myitkyina ga wutdek n ta sh ajaw ai gaw miwa ni hte hpyen du ni ah n ta she re ma ai ah san sha mu ma da ai re ,, re tim dai hpe ma ra ngu di na gaw n tsun m ayu ai mai gan ga jawng lai ka hpa ji sa sha rin ai ni mung hpyen du ka sha ni chyu sh alaw ma lawng ai re dai ma ah san sha mu ma da ai ma re tim ma ra hku na gaw n mu ma da ai ,, ma sh a1 myi tsun sha dum ai hpe 1 myi gaw ma gawp ma ga le tang shawn ai wa hpe n ja hpyak tsun ga ,, mung ma sa lam hta gaw ga ra hku nga mung sha tan n hkan ai mung nga wa na re ,, mung dan lam woi ning shawng tai nga ai KIA KIO sa lang ga ba ni hpe mung ka ji myi pyi naw ma ra ngu di na n mu ma da ai law shan hte ah sha kut ai ma rang e sha ya du hkra jp myu sha ni ma sh aah man e myi man nga taw ai re chye ju dum ai re tim grau grau n na ahn hte jp myu sh ani yawng kia KIO HPYEN LA NI HPE CHYU SHA mung dan ma gawp ma ga na ma tu bung li ngu di na n myit la ai sha KIA KIO mung mung ma sh ani re mung ma sh ani mung KIA KIO re ngu ai hku ah rau jawm sh akut hpa ji jaw sa wa ga sha da da nang shoi nang sh a n nga hkat ga yawng hpe grai tsawra ai k k bau sin nga u ga
Hey..lahta na wa..Na a shadum jahprang ai lam gaw ..manang wa a myit hpe n kataw shangun u ga..na jinghpaw laika mung grai naw shakut u..jinghpaw laika zawn nnga nga ai..Ginhtawng jawng dat..zawnre hkan ..Sunday School hkan Jinghpaw laika sharin na ma ai.
Post a Comment