English-Myen Majan Labau
1885 hta Third Anglo-Burmese War, English-Myen Majan #3 byin nna Myen hkawhkam dan yawng British colony byin mat wa sai. Sam, Kaya, Kachin hte Chin buga ni hpe 1886 ning e hpang nna laksan jat bang la mat wa nna British Burma ngu masat ai mungdan byin pru wa sai. 1947 Panglung Myit-hkrum Ga-shaka hta British Burma a masat Bhamo hte Myitkyina Distitict lahkawng hpe "Kachin State" ngu nna masat la sai re. Anglo-Burmese War yawng masum lang byin ai; First Anglo-Burmese War, 1826 hta byin hpang ai, Myen hkawhkam sum mat ai, Mali hka-nu panglai de wa shang ai daw hte Sittawng hka nu panglai hkin-gau ni, Tavoy-Meik (Mon ga) ni hpe jaw kau ra ai.
Majan #2 gaw 1844 hta hpang sai, Myen hkawhkam sum nna Pegu kaw nna lawu daw yawng jaw kau ra ai. Ndai majan hta Myen hpyen hpung a jaubu-daju gaw Maha Bandoola ngu shamying la ai wa re. Shi a Jinghpaw mying gaw Bangdu La (Labang ni du du ai lawu Sam mung Balawng nga ai ga nna pru ai) ngu ai. Hpyen dap gaw magwi jawn nna chyingbau hte garu gachyi nga let, Mali hka kau e hkap nga ai. British ni a "gun boat" - amyawk kaji hte jak sinat sharawt tawn nna hpri ninggang shakap ai sanghpaw hte lung wa nna amyawk gap dat ai shaloi magwi ni kahpra hprawng dimbri dumbra rai wa nna lagaw dap hpyen la tsawm ra hpe kabye sat kau hkrum mat wa ai majaw asum hkam kau ai. Tim Bangdu La Amyawk ngu ai gaw Majan #3 hta she lang ma ai, dai gaw 1885 October shata e rai sai.
Majan #3, English hte Myen Hkawhkam Thibaw gasat gala byin yang, Myen maga uphkang masa ayai aya n ru n ra rai mat wa ai aten re. Hkawhkam Thibaw gaw Hkawhkam-jan Su-hpaya-Lat nau gumshem ai majaw aten law law nba htinggrum kata e shi makoi nga ra mat ai, nga nna shiga mawng ai manghkang nga ai da. Gasat gala n gun n nga ai hpe chye na nna lagut damya nau sawng nna hpaga lam hta aja awa hkra ai, nga nna British ni ga-up la kau na ngu dawdan dat sai. Shanhte n la kau yang Thibaw wa French ni hte mazum wa na mung tsang ai; dai aten hta French ni gaw Vietnam hte Camobodia de du shang mat sai, Thai hkawhkam dan gaw French ni hte shani nna mazum mat wa sai majaw tsang ai lam re.
Myen maga na manghkang
Hkawhkam Thibaw gaw hpyen dap laknak n lu, magwi mung n law mat sai; larau ladau rai atsam rawng ai hpyen jaubu mung n lu ang mat sai. English hpyen sanghpaw dap langai Mali hka hku nna rawt lung wa sai nga ai na ai majaw Mali hka kau e "bandoola amyawk" sa sharawt tawn na aming jahkrat dat nu ai. Shi a hkringmang ni mung, Bandoola amyawk ngu ai hpa re n chye nna mau ai kaw nna lama mi hpe shabyin tawn manu ai.
English hpyen sanghpaw ni Sagaing lawu e du sai; kaning re hpyen hpung kaba shajin tawn ai lam n chye ai majaw sadi nna angwi sha hka nu a sinna hkingau garet lung wa ai, gan jahkring nna sumtsan yu manpyawng sharawt nna mada yu yang Bandoola amyawk 3-4 tsa sharawt tawn ai hpe mu nna grai kajawng mat sai. Tsan ai kaw nna hpa ba laknak re atsawm n mu lu ai, dai majaw "Aru e....ndai loi sadi ra na re" ngu dawdan nna lawu de htingnut yu mat wa ai. Aten hkying hkum matsat la nna hkan masem shangun yu yang, lu la ai report gaw, "Bandoola amyawk ngu ai re da, tsan tsan n lu gap ai, tim ni ai hkan gaw gara hku rai na n chye tsun ai" ngu wa ma ai da.
English captain wa grai sadi let angwi sha sinpraw hka kau de shani nna manpyawng hte kalang bai yu yu dat yang she Bandoola amyawk ngu ai gaw shawa anum ala 3-4 tsa, labu malu nna maidang dangkang achyang nre mana maka hpe kadawng dinghkrem tawn ai she re hpe mu sai. Shaloi shi nau mani nna kan hpyi machyi mat wa ai, n lu tsap nna gadawng daw yin mat wa sai; shi a npu na wa bai manpyawng sharawt nna mada yu dat, mani nna kadawng galau taw ma mat wa, hpyen la ni mung yawng dai hku rai mat wa nna hkying hkum 4 bai shalai kau ai. Jan shang nsin sin wa mahka e she mahkrai jahkrat nna hpyenla ni laknak hte grim kabye shang wa masai.
Hkawhkam Thibaw hte Hkawhkam-jan Su-hpaya-lat mung woi mat wa na matu shajin tawn chyalu rai taw nga la ai da. Bawng hku hta la nna India Mungdan a sinna maga zunlawng kaji langai kaw sa sa tawn kau ai, dai kaw aprat htum hkra nga mat masai.
2011 Bangdu La Amyawk kun?
Dai ni mung kalang bai shanhte kata e ayai aya rai wa ai zawn zawn, larau ladau hpa-awn atsam kaba ai lam woi ninghkrig n nga mat wa sai zawn zawn, rai masai. Bangdu La amyawk zawn rai n kai, n shawp n kap ai baw shiga shabra wa ai zawn zawn rai nga ai. Anhte a sanghpaw mahkrai jahkrat nna shang wa na aten du wa nga ai kun?
WP shawa hte ramma ni hpe laksan shading nna laiwa sai shaning 50-60 daram hta hkai ai maumwi hpe bai htawn hkai dat nga nngai re.
SK
1885 hta Third Anglo-Burmese War, English-Myen Majan #3 byin nna Myen hkawhkam dan yawng British colony byin mat wa sai. Sam, Kaya, Kachin hte Chin buga ni hpe 1886 ning e hpang nna laksan jat bang la mat wa nna British Burma ngu masat ai mungdan byin pru wa sai. 1947 Panglung Myit-hkrum Ga-shaka hta British Burma a masat Bhamo hte Myitkyina Distitict lahkawng hpe "Kachin State" ngu nna masat la sai re. Anglo-Burmese War yawng masum lang byin ai; First Anglo-Burmese War, 1826 hta byin hpang ai, Myen hkawhkam sum mat ai, Mali hka-nu panglai de wa shang ai daw hte Sittawng hka nu panglai hkin-gau ni, Tavoy-Meik (Mon ga) ni hpe jaw kau ra ai.
Majan #2 gaw 1844 hta hpang sai, Myen hkawhkam sum nna Pegu kaw nna lawu daw yawng jaw kau ra ai. Ndai majan hta Myen hpyen hpung a jaubu-daju gaw Maha Bandoola ngu shamying la ai wa re. Shi a Jinghpaw mying gaw Bangdu La (Labang ni du du ai lawu Sam mung Balawng nga ai ga nna pru ai) ngu ai. Hpyen dap gaw magwi jawn nna chyingbau hte garu gachyi nga let, Mali hka kau e hkap nga ai. British ni a "gun boat" - amyawk kaji hte jak sinat sharawt tawn nna hpri ninggang shakap ai sanghpaw hte lung wa nna amyawk gap dat ai shaloi magwi ni kahpra hprawng dimbri dumbra rai wa nna lagaw dap hpyen la tsawm ra hpe kabye sat kau hkrum mat wa ai majaw asum hkam kau ai. Tim Bangdu La Amyawk ngu ai gaw Majan #3 hta she lang ma ai, dai gaw 1885 October shata e rai sai.
Majan #3, English hte Myen Hkawhkam Thibaw gasat gala byin yang, Myen maga uphkang masa ayai aya n ru n ra rai mat wa ai aten re. Hkawhkam Thibaw gaw Hkawhkam-jan Su-hpaya-Lat nau gumshem ai majaw aten law law nba htinggrum kata e shi makoi nga ra mat ai, nga nna shiga mawng ai manghkang nga ai da. Gasat gala n gun n nga ai hpe chye na nna lagut damya nau sawng nna hpaga lam hta aja awa hkra ai, nga nna British ni ga-up la kau na ngu dawdan dat sai. Shanhte n la kau yang Thibaw wa French ni hte mazum wa na mung tsang ai; dai aten hta French ni gaw Vietnam hte Camobodia de du shang mat sai, Thai hkawhkam dan gaw French ni hte shani nna mazum mat wa sai majaw tsang ai lam re.
Myen maga na manghkang
Hkawhkam Thibaw gaw hpyen dap laknak n lu, magwi mung n law mat sai; larau ladau rai atsam rawng ai hpyen jaubu mung n lu ang mat sai. English hpyen sanghpaw dap langai Mali hka hku nna rawt lung wa sai nga ai na ai majaw Mali hka kau e "bandoola amyawk" sa sharawt tawn na aming jahkrat dat nu ai. Shi a hkringmang ni mung, Bandoola amyawk ngu ai hpa re n chye nna mau ai kaw nna lama mi hpe shabyin tawn manu ai.
English hpyen sanghpaw ni Sagaing lawu e du sai; kaning re hpyen hpung kaba shajin tawn ai lam n chye ai majaw sadi nna angwi sha hka nu a sinna hkingau garet lung wa ai, gan jahkring nna sumtsan yu manpyawng sharawt nna mada yu yang Bandoola amyawk 3-4 tsa sharawt tawn ai hpe mu nna grai kajawng mat sai. Tsan ai kaw nna hpa ba laknak re atsawm n mu lu ai, dai majaw "Aru e....ndai loi sadi ra na re" ngu dawdan nna lawu de htingnut yu mat wa ai. Aten hkying hkum matsat la nna hkan masem shangun yu yang, lu la ai report gaw, "Bandoola amyawk ngu ai re da, tsan tsan n lu gap ai, tim ni ai hkan gaw gara hku rai na n chye tsun ai" ngu wa ma ai da.
English captain wa grai sadi let angwi sha sinpraw hka kau de shani nna manpyawng hte kalang bai yu yu dat yang she Bandoola amyawk ngu ai gaw shawa anum ala 3-4 tsa, labu malu nna maidang dangkang achyang nre mana maka hpe kadawng dinghkrem tawn ai she re hpe mu sai. Shaloi shi nau mani nna kan hpyi machyi mat wa ai, n lu tsap nna gadawng daw yin mat wa sai; shi a npu na wa bai manpyawng sharawt nna mada yu dat, mani nna kadawng galau taw ma mat wa, hpyen la ni mung yawng dai hku rai mat wa nna hkying hkum 4 bai shalai kau ai. Jan shang nsin sin wa mahka e she mahkrai jahkrat nna hpyenla ni laknak hte grim kabye shang wa masai.
Hkawhkam Thibaw hte Hkawhkam-jan Su-hpaya-lat mung woi mat wa na matu shajin tawn chyalu rai taw nga la ai da. Bawng hku hta la nna India Mungdan a sinna maga zunlawng kaji langai kaw sa sa tawn kau ai, dai kaw aprat htum hkra nga mat masai.
2011 Bangdu La Amyawk kun?
Dai ni mung kalang bai shanhte kata e ayai aya rai wa ai zawn zawn, larau ladau hpa-awn atsam kaba ai lam woi ninghkrig n nga mat wa sai zawn zawn, rai masai. Bangdu La amyawk zawn rai n kai, n shawp n kap ai baw shiga shabra wa ai zawn zawn rai nga ai. Anhte a sanghpaw mahkrai jahkrat nna shang wa na aten du wa nga ai kun?
WP shawa hte ramma ni hpe laksan shading nna laiwa sai shaning 50-60 daram hta hkai ai maumwi hpe bai htawn hkai dat nga nngai re.
SK
1 comments:
um..grai kaja ai tang maduun ai lam raai nga ai.Ngai hku naa go grai htii n'gun awai laa lu ai..chyee ju kaba yoo myit yu na hte sawn yu na matu lam kaja langai mi raai na req nguu kam ai..
Post a Comment