October (25) bat Lahkawng,
Wunpawng Mungdan Shanglawt Asuya hte myen asuya a lapran byin nga ai dinghku majan hta myen tai hpyen ni gaw mung shawa masha ni hpe sat zingri ai hte mung shawa masha a sutgan a rung a rai ni hpe mya lu mya sha ai lam ni tara shang galaw wa nga ai hpe na chye lu ai.
October 25 ya dai hpawt Manmaw de na masha njawn ai hpyen mawdaw kaba (10) tup gaw N Mawk Hkawan Bang de lung wa nna mare masha ni a dum nta ni hpe adup hpaw let shaw la da ai sutgan hte kaja ai arung arai ni, u,wa yamnga ni hpe htaw la mat wa ai lam buga masha tsun shana wa ai. Ndai zawn mung masha ni a sutgan arung arai ni hpe majoi mya lu mya sha ai lam hpe ya ten myen shawng lam dap awn ningbaw ni kaw na tara shang ahkang jaw da ai re lam hpe mung na chye lu ai. N dai zawn byin ai lam gaw, myen hpyenla ni majan nkam gasat wa ai majaw ahkaw ahkang ni jaw nna shalen da ai re lam chye lu ai. "Atsa e...gara hku tsun na pyi nchye mat sai, ndai gaw galoi prat kaw na yawbak gaw mai gaw sha wa rai kun i? Anhte hpe garum la na kadai nnga sai kun i..." nga nna hkrap n sen htet tsun dan wa ai.
1 comments:
Ndai shiga hpe Na majaw grai myit npyaw nga ga ai Hte maren Karai Kasang kaw aja awa akyu hpyi ya nga ga ai lam htang shana dat ai sha n ga anhte Jinghpaw myu sha ni hpe Karai Kasang garum la na re lam htang shana dat ai law. Jinghpaw Wunpawng myu sha yawng hpe Karai Kasang shaman ya u ga law.
Post a Comment