October (30) Laban,
Wunpawng Mungdan Shanglawt Asuya hte(6) ya tup gap hkat ai Ga Ra yang, Shwi Nyawngpin Lung Zep kadawng majan hta myen Asuya hpyen dap hpyen hpung ni gaw hkrat sum ai nau law wa ai majaw Mungkan Ninggawn rap daw kaw na pat tawn da ai Dadu lak nak (chemical weapon) ni hte KIA hpyen hpung ni hpe gap bun ai lam na chye lu ai, myen a prat dep hpuntang (shingchyai) laknak nsa marawp hkrup ai tinang KIA hpyemnla marai 10 daram gaw baw sin, matut manoi madawn ai hte kya gumhpap mat nna nmai gasat mat ai lam na chye lu ai.
Bai, mani Oct. 29 bat kru ya Laiza hte nau ntsan ai Ntap Bum gasat poi hta mung myen hpyen ni gaw shanhte dap ni nau si hkala wa ai majaw Dadu (shingchyai) laknak (chemical weapon) ni hte KIA hpyen hpung ni hpe gap bun ai majaw KIA myu tsaw hpeynla marai 4 daram gaw matut gap nmai hkum ting kya gumhpap mat ai the madawn hkrai madawn rai byin ai lam tatut majan shang nga ai shawng lam ginra de na ni shana wa ai.
Gara hpan ganing re laknak re hpe hkrak nchye tim dai gaw prat dep hpuntang laknak (Chemical Weapon) re hpe asan sha dan dawng nga sai lam hkrum katut ai ni sakse hkam dat wa ai. Ndai zawn n-tara ai ladat hte UN mungkan rapdaw a hpyen ritkawp tara hpe tawt lai ai myen Asuya hpyen dap ni hpe mungkan rapdaw UN kaw na mung, mungkan mungdan shara shagu na ni mung jawm ninghkam mara shagun ra nga sai ngu mu mada ai.
CHEMICAL WARFARE
The Kachin Independence Army has been defending against the offensive Burmese military in the areas of Ga Ra Yang and Shwi Nyawngpin Lung Zep village for 6 days now. During the six days of fighting, casualties and death tolls of the Burmese military arose as now they ended up using Chemical weapon against the KIA soldiers. 10 of the KIA soldiers had incapacitated as being exposed to the chemical weapon by inhaling the lethal airborne agent which caused them dizziness, vomiting continuously and weakened.
Again, yesterday on Oct.29, Saturday, many Burmese soldiers were killed in the battle zone at the Ntap Bum village (a strategic location of KIA) not very far from the KIA head quarter in Laiza. 4 KIA militias were gassed and incapacitated by the lethal chemical weapon of the offensive Burmese military.
Although what kind of chemical weapon exactly used is not yet known, but the lethal agent of chemical weapon affects the KIA soldiers severely. It is a crystal clear-cut indication that the Burmese military really possesses the Weapons of Mass Destruction and showing off these weapons of massive destructive power to the whole world in this renewed civil war. Burma is the signatory of the Chemical Weapon Convention but has not ratified the treaty yet as of today. The United Nations, The Organisation for the Prohibition of Chemical Weapons (OPCW), and the International Communities must condemn and ban the uses of the chemical weapon by the offensive Burmese military against the KIA.
10 comments:
ndai lam hpe seng ang ai UN de lu shalai ya lu na masha ni hpe lawan garum hpyi ra sai! Anhte zim taw yang grau grau roi katut na ra ai.
Hpa hka mung sti ga Ba ,,1,,re da chyam yu ga
Myen ni a Dadu Laknak(chemical weapon) dai hpe luzing la hkra Masing kaba shaw,kashun lalu n na Mungkan U.N rapdaw de lu madun dat yang gaw....Masa kaba langai mi galai shai wa na shadu n ngai law....an hte maigan kaw nga ai ni mung...ladat hkum hkra hte daini na labau shang BADANG HKRUNLAM Masing kaba kaw Myit hkrum let shang lawm saga lawww...Tsadoi ni gaw hpang magang sai hku re..'
chying chying tsun ai hkap la ai,,,lawan ai hku UN de n dai mang hkang hpe.n rai yang grai hkrat tsanng ai kaw du wa na re,,,mung kan shara shagu na W.P ni mung mau nga n mai sai,,,media prat re majaw mung kam de law law ma rawn ra sai ,,,
hpri rung shawng hkan ni ka lang bai ja ja ning hkap ma rawn ga date hpe lau lau daw dan di mung kan ding hkrum hkrum ra ra ka lang ai ma rawn ning hkap ga lau di ga n mai hpang hkrat ai ah ten n nga sia lau lau di ga
Nangkang ai sak se lawan lu ra sai ,ya byin hkrum nga ai ni a mabyin hpye hkrak sagawn jep joi rai lawan ai hku action galaw ra sai nangkang ai sak se hte mungkan de madi madun ra sai yawm jawm shakut ga.
Myen ni amyu myu bawnu shakri nga ai Lam hpe anhte dum ga. UNFC hpaw ai gaw hpyen man law law kaw nna Myen hpe gasat na matu n re ai kun?KIA ni hte simsa Lam bawng masu nga yang Sam ni hpe gap ai. Ya shanglawt ni hpe htim gasat nga yang KNU ni hte bai simsa Lam bai bawng nga ma ai. Sam ni hpe sa gap hkat lam jahkring da ai. Myit yu na lam re. Dadu laknak amyu myu nga ai nga na yu ai. Symptoms ni hpe atsawm sha kahkyin nna research galaw nna tum paw kre lu tang madun yang grau kaja na re.
Myu tsaw hpyen la ni a matu Gas Mask (myiman magap) ra na re. Lawan ai hku karum la ra nga ai law.
US Hpyenla ni gaw, majan pa de ye n sa shi yang, Hpyenla ni hpe gawk kata kaw lama ma ju, gangau shamawng na manam shagram re wunhkut nsa ni hpe hkam jang lu hkra shaman shakeng ai lam mu lu ai. UN ni gaw galoi she karum la na nchye tsun ai. Anhte lagaw anhte tsap lu hkra mung shakut shaman sa wa ra na re.
Hka lup taw ai wa hpe hka hpungyawt sharin taw ai gaw nre, Shanglawt hpyenla/num ni hka grai chye hpungyawt ai hpe mung shakawn ai, hkungga mung jaw nngai.
Ahkyak Kaba anhte yawng chyawm galaw ra na gaw, Myu Tsaw Hpyen La ni gaw, majan gasat let, documentary record tawn nna, shinggan de shale, shinggan na ni gaw, mungdan shara shagu de kalang ta ta marawn shana..dai hku ni galaw ra sai. Statement ni shapraw di ra ai. N-dai lam kaw anhte n-gun naw yawm nga ga ai.
Myu tsaw hpyen la ni nan record galaw nna, shinggan de n-sa shapraw jang, shinggan NGO ni, news group ni gaw, majan poi de, mare masha ni hpe zingri ai de gaw, gara hku bai n-lu du rai nga ai. Dai re majaw, KIO/KIA kawn n-dai lam de mung n-gun dat na matu tsun mayu n-ngai.
Post a Comment