14th Oct 2011 (Friday) shani hta KNO (UK) kaw nna UK kaw du nga ai amyu bawsang ni hte ginlung nna, amyu bawsang ni a shara hta Myen hpyen gumshem ni baw nga ai majan hpe jahkring na hte jet ai simsa lam galaw na matu masha n gun madun lai wa sai.
Myen dat kasa rung hta n gun madun ngut ai hpang, London na Miwa datkasa rung de mung sa nhtawm, Myen hprawng tsinyam ni hpe madi shadaw hkap la na lam, majan simsa lam hta Miwa madi shadaw ya na lam, Myen asuya hpe hpyen masa hku garum ai jahkring na lam, ngang grin ai- mung shawa kaw nna madi shadaw ra sharawng ai asuya byin pru wa ai shani du hkra lat nhtawm, ya galaw nga ai hpaga lam ni naw jahkring da na matu hpyi shawn lai wa sai.
Amyu bawsang shagu hte Myen mung masa uhpung shagu na sa du shang lawm ma ai lam KNO (UK) kaw nna chye lu ai.
2 comments:
Lchyum n-nga UK ngun madun
Ti nang u hpung a matu sha myit na woi galaw re hpe mu mada ai.Ya ten nang ngai u hpung a dawn hkawng hpe sha madun sha ngun la nga na ten n re.Ya ten Wunpawng myu sha ni a pangdung gaw hpa rai ta?Yawng chye chyulu re hpe kam ai.Ti nang u hpung dawn hkawng hpe ti nang a rung kaw sha tawn da sa ga.Dawn hkawng nau law lang ai mungdang hte myu sha ni ya du hkra nlu kaba nsim sa lu ai yawng mu mada chye na re ngu kam ai.Myit hkrum ga dai ni an hte myu sha ni nsen langai,dawn hkawng langai sha lang ga.Dawn hkawng gaw KIO,KIA dawn hkawng hpe sha mungkan shara shagu hta sap nga ai W.P myu sha yawng htawn madung Lang sa wa ga.
Kumhtaw nang zawn nga ai anhte amyu ni kaw nga nna dai ni du hkra Myen mayam kaw chya nga ai re. Dai myit jasat lawan gram kau u.
Myen banau nau sha nna htau li htau la myit hpa nnga sai kun? Shanhte hpa hpe protest nga ma ai kun atsawm sagawn yu u. Majoi kaya mai yan hkawm ai nrai ma ai. Dai n gun madun sa ai ni aten majoi jan taw nna, aten shama sa nga ma ai wa shadu ai kun?
Dai kaw lawm ai Jinghpaw ni yawng ngu na ram KIO magam gun u sa ni a kasha ni, KIO lit gun nga ai ni hkrai re. KIO hpe nang ram nrai tim pi, n yawm ai sha tsawra ai ni, KIO hten bya wa na tsang ai lam ni a majaw galaw nga ma ai re. Protest woi awn ai ningbaw Kaba Malizup Zau Mai a jinghku kasha wa hpa tsun ai kun madat yu u. http://www.facebook.com/photo.php?v=284404244917903
Post a Comment