November (2) bat Masum,
Jinghpaw Mung Myitkyina Mare Kaba de myen asuya gaw shana shagu wanleng hte hpyen n gun mayun sa nga ai lam shiga na chye lu ai. Ya yang Myitkyina mare kaba de myihprap wan n sa ai hpe a hkaw a hkang la nna shana shagu hpyen n gun mayun sa nga ai re lam hte n dai zawn hpyen n gun nhkring n sa, sa nga ai lam gaw Wunpawng Mungdan Shanglaw Asuya hpe gasat shamyit kau na masing re lam Myitkyina buga masha ni kawn na chye lu ai.
Bai, Myitkyina Manmaw lam, mali hka a sinpraw hkran Ja Ing Yang hte Shadan Pa maga de mung myen hpyen asuya ni gaw shani shagu Helicopter (nbungli) hte hpyen n gun hte lak nak kaba ni sa tik tik rai nga ai lam shawng lam ginra de na myu tsaw sharen shagan ni kawn na chye lu ai.
3 comments:
!!! ..anhte wp sha ni wa gadai kaw ..ahka nshakap ga ai ...gadai kaw tim nsha jan la ai ..gade arai mung nsa gashun ai ..tinang nga ai dai daw bu ga kaw sha ...pyaw len chye ai myu ni re ..ya dai ni an nau ni hkrum hkra nga ai ndai tsin yam ni wa ...gadai sha jan la na mung nre ai ...an nau ni a dai daw/an nau ni a nhprang sut .. ..an nau ni galu ga ba wa nga ai hpe ..nyu ra nra sharawng nga ai ...sawa myen ndai ni an nau ni hpe myu mat masing hte galaw nga ai ..lo..tsaw ra ra wp myu sha ni e ..KK a ming ning sang hte WP mung dan hte WP myu sha hpe yawng jawm makawp maga gun hpai sa wa ga ...
Myu tsaw mung tsaw KIA hte wunpawng myu sa ni, myen tai hpyen ni tinang hpang de du wa jang she kasat na hku myit nga yang gaw kade nna yang n-gun kaba hte anhte hpe myen ni kaput kau na atsam shanhte lu nga ai. Wunpawng mungdan awngdawm ahkaw hkang hte gumrat gumsa mung dan langai tai wa na matu anhte grai naw shakut ra nga ga ai hta ya byin taw nga ai majan gaw hkum hkrang n-gun atsam hte machyu bala grai ma nga ai. Ya na majan ni gaw hpyen wa hpe ninghkap ai hta lai nna, mungdan hpe lu zing la ai masing nrai ai majaw, akyu nau nnga ai hpe mu mada lu ai. Ya yang wunpawng myu sha kaji kaba law law KIA hte rau myit mang langai sha rai nga ai ten re majaw, Jinghpaw mung hpe lawan htim kasat nna, Jinghpaw mung hte myen mung jarik lapran shawng lawm hpyen dap ni bai jat da na gaw grau ahkyak nga ai hpe mu mada ai. shani shagu jinghpaw mung de myen htu ai sha na lu ai, KIA ni mungdan lu na htim kasat wa sai ngu ai shiga gaw grai nna shi nga ai. Tinang a hpyen hpung hte wunpawng myu sha ni hpe akyu lu jaw ai gasat poi hpe sha ra sharawng nngai law.
Hpyen n'gun kade mi jat tim, lai wa sai nhtoi hkan na majan shi ga na ai majaw hkrit gari nga ai ni she law ma ai. Lahta na du ni a matsun nlai lu nna, kanga lawm nga ai ni hkrai re.
shanhte la lung wa ai laknak ni gaw KIA hpe wa ap ya na matu rai nga ai.
Gap jahkring ai 17 ning laman grai pyaw ai hku nga nga ai myen shakya ni she re. Hpa nhkrit ra ai.
Post a Comment