Dai ni na anhte KIO/KIA a sa wa nga ai mung masa lam yan ni hpe bai dinglik yu nna galai ra ang yang galai ra sai. Ya yang anhte lang ai masa gaw Mung masa/hpyen masa (fire & Talk) lahkawng maga labra nna saw wa nga ai hpe ngai asan sha chye na nngai, rai tim ya yang Tingsing asuya gaw KIO hte mung masa bawng ban na nra sharawng mat sai hpe asan sha mu mada lu nga sai. KIO hpe shiga (media) hku nna mung, jahpoi asawng jahpyak, nteng ai lam ni hpe shapoi, sai garan, maga mi de hpyen n-gun la ba hte htim gasat rai ladat amyu myu hku anhte hpe gasat nga ai re. Ya hpang jahtum na Jinghpaw Mung de dai daram law ai Tat-Ma ni hpe sa let gasat nga ai gaw anhte KIO/KIA hpe maigan hpyen majing hku masat sai ngu ai hpe asan sha mu mada lu nga sai re.
Dai majw anhte KIO a masa hpe asan sha tawk hprut, pra pra rai dawdan nna sa wa ra sai, maga mi de myen Democracy hpung ni hte sa achya ai baw, UNFC mung hpawm hku nna she sa wa na zawn zawn nmai sai, asan sha Awm Dawm Shang Lawt (supreme Independence) rai yang mung dai de asan sha sa wa ra sai, hpa majaw nga yang myen gaw anhte hte nkam bawng sai hpe asan sha mu lu ai majaw re. Awm Dawm zawn zawn, Mung Hpawm (Union) zawn zawn nmai galaw nga ai, aten nnga mat sai, ya yang na mungkan mung masa mawru hta anhte lawan ru lawm ra ai, aten lai magang wa nga ai. Gasat na rai yang mung lawan ninggam shatsaw nna gasat, hkap ninghkap majan (defensive or resistance) hku nna sha nmai sai, htim gasat ai majan hpe lawan galaw ra sai. Sinna mung ni hpe nmai kam mat sai, Miwa mung anhte hpe kau da sai, kaga hpu nau baw sang hpung ni mung anhte hpe kau da magang wa sai, shanhte lam sha myit mat masai. Dai majaw anhte Gam Maka anhte Karai Kasang hte rau daw dan sa wa ra sai.
Dai majaw, Mung Hpawm i? Awm Dawm i? Langai ngai hpe lawan ai hku tawk hprut masing jahkrat sa wa ra sai. Myen hte gaw tsep kawp nmai jahta mat sai, anhte hpe dai daram maigan hpyen hku masat nna n-gun kaba hte htim gasat taw nga sai myen hpe naw agam taw, matsan dum taw ai baw nrai sai, lahkawng maga labra ai ladat (lahkawng bra masa) hpe galai ra sai, bawng ban ai masa gaw htum mat sai hku re, lam maga mi de asan sha n-gun da ting nna sa wa saga ngu ngai hpung woi wa langai hku nna mu mada ai hpe tang madun dat ai rai. Shut yang mung sharai la myit.
Hpung woi Langai
Dai majw anhte KIO a masa hpe asan sha tawk hprut, pra pra rai dawdan nna sa wa ra sai, maga mi de myen Democracy hpung ni hte sa achya ai baw, UNFC mung hpawm hku nna she sa wa na zawn zawn nmai sai, asan sha Awm Dawm Shang Lawt (supreme Independence) rai yang mung dai de asan sha sa wa ra sai, hpa majaw nga yang myen gaw anhte hte nkam bawng sai hpe asan sha mu lu ai majaw re. Awm Dawm zawn zawn, Mung Hpawm (Union) zawn zawn nmai galaw nga ai, aten nnga mat sai, ya yang na mungkan mung masa mawru hta anhte lawan ru lawm ra ai, aten lai magang wa nga ai. Gasat na rai yang mung lawan ninggam shatsaw nna gasat, hkap ninghkap majan (defensive or resistance) hku nna sha nmai sai, htim gasat ai majan hpe lawan galaw ra sai. Sinna mung ni hpe nmai kam mat sai, Miwa mung anhte hpe kau da sai, kaga hpu nau baw sang hpung ni mung anhte hpe kau da magang wa sai, shanhte lam sha myit mat masai. Dai majaw anhte Gam Maka anhte Karai Kasang hte rau daw dan sa wa ra sai.
Dai majaw, Mung Hpawm i? Awm Dawm i? Langai ngai hpe lawan ai hku tawk hprut masing jahkrat sa wa ra sai. Myen hte gaw tsep kawp nmai jahta mat sai, anhte hpe dai daram maigan hpyen hku masat nna n-gun kaba hte htim gasat taw nga sai myen hpe naw agam taw, matsan dum taw ai baw nrai sai, lahkawng maga labra ai ladat (lahkawng bra masa) hpe galai ra sai, bawng ban ai masa gaw htum mat sai hku re, lam maga mi de asan sha n-gun da ting nna sa wa saga ngu ngai hpung woi wa langai hku nna mu mada ai hpe tang madun dat ai rai. Shut yang mung sharai la myit.
Hpung woi Langai
8 comments:
Hpung woi sara ning mu hpe madi shadaw dat ai. Ya aten gaw Wunpawng Mungdan Shanglawt n dau la yang manu dik ai aten rai nga sai. Anhte myu ni mungdan langai gaw gap na matu jin jin rai nga sai hpe mu ai. Magau grang n gun ja ai hpyen dap nga sai hta n ga KIO mung mungdan langai hpe uphkang (run) na matu institutions ni hkum hkra nga sai. Dai majaw UNFC kan dang hpe kaga hpunau ni mung rau n gun grai wa n gun n shadat lawm yang gaw anhte hkrai mi raitim li la ai kan dang hpe anhte hkrai sha n dang n la hpai taw nga na malai tawk hprut shanglawt n dau kau yang kaja she mai na sai. Nau agam nga yang mung aten she lai mat wa na.
11.11.11kachin movement langai galaw saga law!!!
Grai hkrak ai masa re.graimasi shadaw n-ngai.Hkristtu a Kingdom masing hku sa yang myenmung ting atsawm sha lu zing kau na re hpe dum ga.K.I.O ningbaw ning la ni ndai sara tsun ai zawn anhte buga de na ramma ni yawng num/la ma hkra hte hpe sanat jahpai nhtawm rawt saga.
K.I.A/K.I.O ningbaw ning la ni K.K a kingdom plan hku sa na kaja wa K.K kaw mahtai la nhtawm laja lana kasat wa na ngu K.K kaw tawk hprut dai hku sa sana nga yang ndau dat marit.ngai U.S.A kaw na kalang ta wa nhtawm majan kasat shang lawm na n-ngai law
Grai kaja ai masa she rai nga ai .Ngai mung ndai hpe madi shadaw ga ai.ya gaw shanglawt mungdan ndau na hte ga sat la na ten du sai. karai kasang hta akyu hpyi mahtai la let rawt sa wa sa ga law..............
Lahta na Hpung Woi wa Tang Madun ai Grai htut ai hpe Mu mada n ngai.Hpamajaw nga yang Panglung ga sadi a Shawng e gaw Gadai Mung gade shara kaw Awmdawm a hkaw a hkang hte nga ai hkrai re.Shawang a myit Kaba hte Jet ai PIHTAWNG ZU Gaw de ga ngu Ta masat shagrin n na PIHTAUNG ZU TAMADA MYANMAR NAING GAN DAW ngu shangai la lu saga ai re. dai ni na Thing Tsing Asuya wa dai hpe n hkap la sai nga yang gaw Mina Raw Gadai mung gade shara Lawan Madu ra ai hku re..PYI HTAUNG ZU hpe jahten ai gaw An hte n re THING TSING ASUYA re hpe mu mada n ngai
UNFC kaw myen mung, Shawnglam a matu hpawng da ai rai ga ai.(Mung masa, Hpyen masa lam hte myen wa hpe rau ning hkap na matu) Ya kaw asan sha, yawng mu nga ai hte maren, Jinghpaw Wp Mung ngu nan laksan de lahkam ai aten rai ga ai.
Mungkan de tau shabra na, Nsen langai sha ra sai.
N'dai hpung sara wa tsun ai hpe 100% madi shadaw n'ngai.mung hpawm a matu du daw sai hkaw she hkrum hkra majan gasat ai gaw n'ging dan la nga ai law.awm dawm a matu ngu ai byin tai wa hkra she shakut shaja sa wa ga law.
Post a Comment