Hpu Nau myit su ni e, ya yang na mung masa lam yan hpe nau nchye na shi ai sha laika majoi hkum shagun, KIO/KIA gaw majan hpe grai ra sharawng nna gasat nga ai nre, du daw sai hkaw nbyin na matu jahtum du hkra saboi ntsa kaw jahkrup ai lam htum hkra sharang nna galaw ngut sai, nmai byin ai majaw ya na zawn gasat ra ai she re. Bai, Sam, karean hte Mon ni simsa lam jahta ai gaw "pamana" hku nna hkrum shaga ai lam she rai na re, tinang ra sharawng ai lam ni hpe sa tang madun ai lam she rai na re, kaja wa simsa lam (peace-talk or cease-fire) hpe myit hkrum mat ai rai tim jahkring mi na matu she rai na re, UNFC hte Myen Asuya ni sha njahta dingsa gaw myen mung jet ai simsa lam lu na nre.
Nang ra ai Sim Sa lam gaw kaning re sim sa lam rai kun? Tinang ra ai ahkaw ahkang nlu ai sha, myen wa a dip sha ai, up sha ai kata kaw rawng nga nna sim sa ai gaw hpa akyu nga a ta? Dai majaw kaning re Sim Sa lam hpe ra sharawng ai hpe myit su wa nang ngai atsawm sha naw myit yu ra na re, gasat gala lam nnga ai hpe simsa sai ngu tsun lu na kun? Awng San Kaw mung shi a democracy bawng masha ni lawt na lam chyu sha tsun, amyu kaji ni shani shagu sat, nat, zingri zingrat hkrum, let hprawn koi yen hkawm ai hpe gaw nau wa nkam tsun, dai i Myen mung a ningbaw, myen mung hpe up na wa, Myen gaw Myen sha re.
Bawng ban ai hku jin hkra galaw ngut sai, myen a masu ai hpe mung nau wa law law lang hkrum sha lai wa sai, dai majaw myit su wa nang ngai anhte Jinghpaw amyu ni yawng gaw KIO/KIA a woi awn sa wa nga ai mung masa lam yan hta rau nsen langai hte madi shadaw sa wa ga, Karai Kasang gaw anhte maga tsap nga ai, majan ngu ai gaw asak apnawng ai lam loi gaw nga ra na re.
Gap hkat ai hte sha mung masa awng dang na ngu myi di chyip ntsun lu nga ai, gap hkat ai gaw mung masa ku ntsa de du wa na matu, anhte ra ai lam myen ni myit hkrum wa na matu, bawngban hpawng byin wa na lam de ganawng sa ya ai leng hte bung nga ai. Ten du jang jahkring kau na re, mung masa bawngban ai lam hpe mung nsim nsa galaw nga dingya re. Dai ni du hkra KIO hta lai nna kadai hpung wa Kachin ni a lawt lu lam galaw nga ma ta? Gara wuhpung wuhpawng wa Kachin ni a matu mung masa galaw nga ma ta? NDA, KDA hte kaga Pyitu Tsit (n-gawn hpyen) ni law law nga tim kachin ni yawng lawt na lam kadai wa myit nga, galaw nga ma ta? Tinang lu lawm lam chyu sha myit nga ai hkrai, myen a shingna tai let KIO hpe jahpyak dingbai dingna jaw rai nga ai, KIA hpe gasat ai hta pyi tatut shang lawm taw nga masai. Dai ni KIO chyu sha amyu sha yawng a matu ngang ngang kang kang tsap let yawng a lawt lu lam hpe myit ningchyan shaw woi awn sa wa nga ai re.
KIO/KIA ngu ai nnga yang anhte Jinghpaw wunpawng ni ngwi ngwi pyaw pyaw hte nga lu na nang shadu nga nni? Dai majaw mara mu na malai myit hkrum kahkyin gumdin lam de she jawm sa wa ga, annau ni hpe hka wa shai wa shangun ai baw sumprat hpyen ma hkra hpe jawm ninghkap ga, Jinghpaw shada nmadi shadaw yang myen hpang maga lawm yang nang lawt lu na shadu nga nni? Dingg hta ga e gyit hkang ai ma hkra hpe Sum Sing Mungdan e mung gyit hkang da na lam chyum mungga hta rawng nga ai.
Gum shem Asuya ngu ai gaw gara wa mung shanhte a Arna (ahkaw ahkang tingnyang) hpe loi loi hte galoi mung nkam tat ai, hpyen asuya ngu ai gaw shi hte maren ja lu ai wa hpe she hkrit ai, mung masa bawng ban ai hku lu na rai yang Awng San Kaw moi jau jau lu sai, Ra Lata Poi pyi dang sai NLD hpe Arna (ahkaw ahkang tingnyang) galoi ap a ta? Dai majaw ndai hpyen asuya hpe gaw bawng ban ai hte sha nmai ai majaw ya na zawn gasat ra ai re. Ganing Re Simsa lam Hpe Nang tsun mayu a ta? Laiza De sa nna sa tsun dan rit, yawng la nga ma ai.
Hkawng Lum
6 comments:
grai kaja ai,grai madi shadaw ai yaw.Ndai majan hpe Hkristu a Kingdom mind set hte gasat wa yang myen mung ting lu zing kau na re.dai hku she Ningbaw ningla ni hpe shadut ya marit.Ndai myen mung gaw Hkristu a mung dan tai na matu anhte myusha ni lata kaw K.K ap rit,yesu hkristu a hkyela ai lam hpe mung dan ting tsun dan na ngu na ningbaw ningla ni jahkrup nhtawm K.K hpe tang shawn ga K.K gaw anhte byin mayu ai hpe mung shi shabyin ya ai K.K re.Kingdom mind set hte ndaimajan hpe matut kasat ga.Myen mung ting sing kau na matu K.K hpe tsun ga nmai byin na re ngu ai lam ni hpe shabyin ai K.K gaw anhte hpe lata la ai wa anhte kamsham ai wa nrai nga ni?yerimyi17:7-8, 9: 24 ,yerimyi 27:5,29:13,33:3 chyeju hte hti nhtawm K.K kaw tsun dan wa ga.Maisau pa kaw K.I.A/K.I.O ningbaw ning la ni nawku hpung ningbaw ningla ni jawm bawng nhtawm maisau pa langai kaw ka let K.K kaw ning ngu byin mayu ga ai,Myen mung ting zing kau nhtawm na mung dan shabyin mayu ga ai ngu maisau pa hta ka let sen htu nhtawm K.K htu na mung sha-ngam da rai kyuhpyi majai ap let kalaw sa wa ga.Hkrak sha myen mung ting Kachin ni lata kaw K.K ap kau na ra ai.Ndai hpe kam ya marit law. Hkung ga la ra let.......
N tsa na comment hpe a Ja a wa madi Sha Daw ga ai.K.K mung madat hkap la ya na re.an hte mung ma Sha ni mung kyuhpyi n la gawn ga.KIO/KIA myutsaw ni a n tsa Karai wa bau sin nga u ga law Amen.
N dai zawn re n gun lu ai mung ga hpe lu hti ai majaw ngai ma grai n gun lu ai,,ya na zawn du daw sai hkaw let anhte w.p mung dan a matu shakut hkawm nga ai anhte a myu tsaw mung tsaw share shagan ni yawng a n tsa k,k wa galoi mung bau sin ya nga u ga anhte ni yawng a ja a wa kyu hpyi ya nga ga ai ,,,dai ni na ten hta anhte w,p sha ni k,k a shawng e sak se hkam a kyu hpyi let n dai majan hpe matut n na myit hkrum jawm gasat sa wa ga ,,dai rai yang k,k wa gaw anhte hpe galoi mung bau sin makawp maga ya nga na re,,n gup a ga hte sha myit hkrum ga ai ngu n tsun taw ai sha, ta tut galaw sa wa ga, dai rai yang she anhte a w,p mung dan tsit tsawm galu kaba wa na re,,,w,p mung dan a matu a kyu grai hpyi shakut let Awng badang dip lu wa hkra jawm shakut sa wa nga ga,,
yawng hpe hkung ga let,
MYU TSAW SHAGAN
KCFchannel mu mada
grai kaja lam ni hpe htilu chye la lu ai majaw grai gabu ai madi shadaw ai lu. Dai ni Anhte jinghpaw Wunpawng myu sha ni gaw DAWI hte bung nga ga ai, MYEN hte MIWA gaw ma naw rai nga DAWI kasat dang kau ai GOLIAT wa hte mren re ai ni rai nga ma ai. Dai ni An hte tsaw ra Hkung ga ai kam hpa nga ai K I O / K I A hpe woi awng nga ai Ning baw Ningla Hpyenma hte Jinghpaw Wunpawng sha ni yawng ndai mung ga hte matut nna majan gasat sa wa ga law++++++++++++++
SAMUELA LAIKA LANGAI 17:45-47
(DAWI MUNG,NANG GAW RI NHTU HTE NGAI HPANG DE SA NDAI; NGAI CHYAWM GAW,NANG ROI RIP AI, ISRAELA(JINGHPAW)HPYEN LABA NI A KARAI KASANG, ZAW NAWNG ZAW WA UP AI YEHOWA A MYING NINGSANG HTE NANG KAW SA RING NGAI. YEHOWA ,DAI NI NYE A LATA HTA NANG HPE AP NNA , NANG HPE NGAI SAT NHTAWM, NA BAW DAW LA NA WE AI;SHING DI, HPILISTI(myen) HPYEN LABA NI A MANG HPE,NTSA MALEN U HTE NAM RAI MATSE NI HPE , DAI NI NGAI JAW KAU NA WE AI:SHALOI,ISRAELA(JINGHPAW) AMYU HTA KARAI KASANG NGA NGA AI GAW, MUNGKAN GA TING CHYE LU NA MARA AI: YEHOWA GAW , RI NHTU HTE SHA HKYE LA LU AI N RE AI GAW, NDAI SHAWA MASHA NI YAWNG CHYE LU NA MA RA AI: MAJAN NDAI YEHOWA GUN NGA AI RAI NNA, SHI NANHTE HPE ANHTE A LATA HTA AP KAU NA RA AI, NGU NNA HPILISTI(MYEN)WA HPE HTAN WU AI. NDAI MUNG GA HTA MANOI LET MATUT NNA GASAT SAWA GA LAW
kcfchannel
galoi mung myit hkrum let kyu hpyi nga ga , ndai zawn laika ni hpe lu hti n'na mung, grai n'gun lu ai , kyu hpyi na pan dung hpe mung chye wa ai . karai kasang a kasha MADU YESU a AMYIN NING SANG HTE AUNG DANG AI LAM byin wa u ga.
Grai n-gun lu ai law. comment ni Karai Kasang aq mung ga ni hpe mu hti la lu ai majaw Yehowa hpe grai chyeju dum ai. Karai kasang aq kasha ni hpe mung grai chyeju dum ai hku re. Myu hte Mung dan hpe woi awn nga ai KIA/KIO ni yawng hpe mung grai chyeju dum n-ngai. Yawng aq n-tsa Yehowa Karai Kasang kaw na mau hpa chyeju hkam la lu mu ga. Lahta na myitsu yen shaw madun da ai Ja chyum ga ni hpe hti let w.p mung dan aq matu ajaq awaq kyu hpyi na n-ngai yaw.
Post a Comment