Anhte Wunpawng Mungdan Shanglawt lu na matu woi-awn ningshawng tai nga ai Hkungga, tsaw ra kam hpa ai, Myu tsaw, Mung tsaw share shagan ni, mung shawa hpyeng la ni myu hpe tsaw ai kanu kawa manaw manang ni yawng hte hpyen yen mung masha ni hpang de laika kadun mi hte hkrum shaga n gun jaw dat n ngai.
Anhte Jinghpaw Wunpawng Mung daw hte lahta Sam mung hta myen ni hte shani shana gasat nga ai hpe myit hta grai hkam sha la n ngai. Rai tim, dai ni n dai zawn n gasat la yang mung anhte a mungdan lu madu la na lam n mu ai re. Shanglawt ni rawt malan ai gaw ya na zawn n hkru n shawp ai, tara n lang ai, matse labye Roi rip ai, zingri ai kaw na lawt na matu she rawt malan ai re. Myen ngu ai gaw tsa dan kaba nan re ai majaw kaning di n mai pawng na re. Ya yang jamjau nga ai Mung masha ni hpe mung n a gam ra ai, awng dang hkra she shakut ga. Anhte a myu sha ni Karai Kasang lata la ai amyu ni re. Nsin lai jang, nhtoi htoi wa na re.
Ya yang e gap hkat nga ai lam ni hpe jahkring na simsa lam galaw ga nga ai, kaga myusha rawt malan ai ni hte jahta masu jahkrup ma tim myit ung ang na lam n mai nga na re .Hpa majaw nga yang, dai tsa dan hpyen gaw masu magaw myu hkum sum hpa hte gunglau na matu lam shagu ladat shaw wa sai lam hpe galaw bang wa nga sai re. Myen a masu magaw ai lam hpe gaw ya sha nrai, Aung San a prat kaw na ya ten du hkra lam amyu my hku masu sha nga ai hpe dum saga hprang saga. Simsa la lam nga masu na myu tsaw ni hpe sat kau ai ni law law gaw anhte myusha ni hpe hpa zawn n nawn ai hte maren sha re. Dai ni Aung San a kasha hpe yu ga nga yang shi mung lahkum ra mayu taw sai, dai wa grau kawa hta grau hkrit ra ai. Ya lang shapraw jang hkin nyunt pru na re, dai wa pru jang marai lahkawng pawng na (ta-sa-nya) hte NLD pawng na re lam shan hte kata na shi ga re. Makaw jan a laknak mung myen mung kaw Wut tawng naw ra ai lam madung re lam, kawa a jahkrat da ai tara hpe shadik shatup na matu re nga ai majaw dai ni anhte myusha ni manang hpe n kam ai sha tinang a mungdan tinang gaw gap la ga ngu tsun mayu ai re. Manang wa hpe kam yang a rang grai law jaw kau ra ai lam galoi ma dum ga. Karai lu ai Amyu ni re hpe n malap kau ga. Tinang galaw ai tinang a matu sha re, manang wa galaw jang manang wa na re hpe mung dum ga.
Masha amyu ni ya yang e sim sa lam la sai ni hpe na lu ai rai tim Hkungga, tsaw ra kam hpa ai ningbaw ningla ni ndai sim sa lam hpe n mai hkap la na re hpe tau hkrau na, chye na re ngu kam dat n ngai. Shaning law law wa jam jau hkam mat wa sai re. Ya matu kaw sha rai sai. Myit n daw ai sha naw shakut ga, myen ni kade wa htu lung wa ai rai tim dai ni Karai Kasang sakse hpe a dan sha mungkan ting mu mada nga ai re. Mungdan shara shagu nga nga ai myu tsaw mung tsaw ai Wunpawng shani a hkrap let kyuhpyi ai n sen gaw anhte a sak hkrung ai Karai Kasang teng sha na ya, hkap la ya sai lam hpe a san sha mu lu sai re. Karai n galaw lu ai lam hpa mung n nga ai. Lam shagu Karai Kasang hpe ap na matu sha tsun ai majaw hpa bungli rai tim Karai hpe ap na sha re, Karai yawng lit la ya sai.
Tsawra hkung galet,
Wunpawng Shayi
0 comments:
Post a Comment