Slideshow Image 2

NOVEMBER 13 YA NA MYITKYINA BAWM HTA

November (13) ya shana de (7:45) PM aten hta Myitkyina, Njang kawng kaw nga ai Slg. Dingyau Tang Gun woi awn ai Jinghpaw Madum sumpyi hpung Band hte tsang 10 jawng ma ni tution sharin nga ai Jinghpaw kasha ni marai 40 ram shanu nga ai dum nta hta bawm kapaw ayai dat ai re. Dai hta si mat wa ai ma kaji marai 12 ram du nna, ramma langai gaw ayai aya bawnu she malawk mat hkra si hkrum ai. Ma chyangai langai gaw bawm nsa hte pyen mat nna AG nawku jawng ntsa kaw na mu hta la ai. Bawm hkala hkrum let Myitkyina tsi rung kaw rawng nga ai ma kaji gaw marai 20 ram tsi tsi nga ma ai. Ndai ma ni laja lana nma kap machyi hkrum ai hte hkrit kajawng let hkrap nga ma ai.

Ndai bawm kabaw ai hpe kadai wa re tup hkrak nchye lu shi ai. Raitim ya ten hta Mung masha ni law malawng tsun jahta ai gaw, ya bawm kapaw ai shara gaw Jinhpaw kasha ni hpaji sharin hka ja taw ai shara re. Myen hpyen dap kaw na kapaw ai lam she mai byin ai. Myen hpyen wa gaw KIO hpe sha nrai, Kachin mying mying ai mung masha yawng hpe du hkra kasat shamyit mat wa ai lachyum rai nga ai.

Hkru lawm mat ai dum nta ni 1. Slg. Dingyau Tang Gun, (Jinghpaw dum sumpyi ningbaw) 2. Slg. Hpaga Naw Ring (Sut Du) 3. Slg. Lashu Hpung Nung a nta. 4. Slg. Mashaw wa a nta ni rai nga ai. Dum nta (3) gaw atsai bawm hte wan hkru mat nna, nta langai gaw ntsa na hpri tsut pa hte hkuwat chyinghka na pat ni yawng malawng mat sai hku re.

Ndai gaw No.1 lang na sawng dik ai Jinghpaw mung, Myitkyina mare kaba na Terrorist bawm kapaw ai lam rai nga ai.

Jinghpaw Wunpawng myu sha ni yawng kajawng kaja hte hkrit mat ai nre sha, Karai Kasang kaw kyu hpyi da ting let, ya ten hta tinang hpa baw galaw ra sai ngu ai hpe zai ladat hte sadi maja let galaw sa wa rai sai lachyum rai nga ai.

MKA Jau Man masha myi chyaw mu ai wa

7 comments:

Anonymous said...

wupawng myusha ni a matu yawng kyu hpyi myit dum nga ga lo.ya aten anhte myu sha ni myit hkrum na aten du sai lo.hto le nau n-myit ga,lam woi nga ai ning baw ni na ga madat let yawng jawm shakut sa wa ga lo.

Anonymous said...

Anhte jing hpaw shi ga ni hpe Myen mang ni hpe nau n-sha poi yang mai na re.Anhte myu sha ni grai shim ra ai aten du sai ngu sha du ai.shada manawn ma sham mu sadi ra na re.

Anonymous said...

Ndai zawn mung masha ni hpe bawm kapaw bun ai gaw mala la sawng ai amu nan re. Ndai hpe lawan dik ai hku mungkan de shana ra ai. Kadai kapaw ai hpe hkrak n chye shi tim, dan dawng ai gaw Jinghpaw ni nga ai shara kaw sa kapaw ai lam re majaw yawng gaw myit hkawn chyalu rai na re. Mungkan ningbaw ningla ni hpe matut hkan tsun dan chye ai ni lawan tsun shalai dan ga.

Jinghpaw Shadang

Anonymous said...

N'masu hkrum u ga!

Ndai gaw myen ni a masing hte hkrak galaw ai lam rai nga ai. Ndai laman dai zawn re mabyin ni hpe htawng madun nna gap hkat ai lam lawan jahkring ra sai nga, myen ni a dat kasa(jinghpaw) ni MKA masha ni hpe n'gun gang myit ra lam shapraw (San-dah-pyah) lu na matu ginjang tam shakut ai lam rai nga ai.

W'P myu sha ni a matu hpa a-ma hkam ai lam nnga ai kaw gara hku nna mung simsa lam nmai la na re.
17 ning tup simsa lam la ai lapran, anhte myu sha ni hpe shanhte kade wa tsawra myit madun lai wa sani?
17 ning laman Myen mare kaba hkan nanghpam lusha tsai ra ai nga masat galaw nga ai ten, hpa rai Jinhpaw mungdaw de nanghpam lu sha ni htaw bang ma ta?
Hpa rai shang lawt du ni hpe lai amyu myu hte gyam sat ai amu galaw ma ta?
Asuya hpyen dap kaw magam gun nga ai amyu sha ni hpe hpa majaw garan ginhka ai lam(discrimination)galaw ma ta?
Anhte a sut du ni hpe hpa rai kam mara rai shangun sha nna, hkrat sum mat hkra ginjang tam a ta?
Lungseng pru ai mungdaw,mare daju MKA kaw lungseng gat lawk n'glaw ai sha, hpa rai myen mare daju hkan sha lata galaw ai rai ta?
Hpa majaw mare daju hku tawn ai MKA gaw Yangon mare a shing nawm daram pyi madang n nga ai hku tawn da ma ai ta?
Hpa rai MKA hkrang leng lam ni n'gram ai, myit kahpra let jawn ra ai hku tawn da ma ai rai ta?
Jinghpaw mung na lu ai shang gumhpraw hte Naypyidaw shachyaw nga ai ten, hpa rai shawa masha gaw matsan mayen rai nga ma ta?
Myen gaw anhte amyu masha ni rawt jat wa na matu hpa baw wa galaw ya nga a ta?
Rawt jat wa na hpe hkrit ai majaw jahten ai lam hpe chyu shakut galaw nga ai satan nat sha nrai ni?
Mung shawa yawng, mungkan ting hpe gaya nchye masu nna lung wa ai asuya hpe gara hku kam lu na kun?
Masu ai wa gaw, shi grin nga na matu naw matut masu ra na sha re.
2014 ning hta gaya nchye asain ning baw galaw mayu ai majaw masu shakut ai lam ni, bawng dung ai ni hpe dat ai ni gaw, aten hte hkrak hkrak masu ai bungli ni hpe galaw nga ai nrai ni?

Dai daram hkrit ra ai satan gaw gara kaw nga a ta?
Dai majaw myen hte shanhte a dat kasa ni hpe nmai kam na re. Hpa majaw nga yang, kasa ni tsun ai ga ni gaw, myen ni tsun shangun ai ga ni sha rai nga majaw re.

Anonymous said...

ndai bawm kapaw ai lam hpe myu sha ni yawng sadi maja let sagawn
yu ga .myen wa a masing nan rai na re.ngai hku na myit shachyaw yu yang ndai MKN bawm nka paw shi ai lai wa sai bat 6 ya(5.11.2011)ya shani hta PUTAO na( HK.L.Y 46)hta ngun grai kaba la ai bawm 5 ram hpe bawm chyam kapaw wa sai,grai ngun kaba ai majaw deng 7,8 ram tsan la ai dukdang lawk du hkra dum nta ni ganan wa ai majaw ngai pyi she gajawng kau ai,bawm kapaw ai maga de yu dat yang wan
hkut ni grai mawng nga ai hpe mu ai.MKN bawm gaw ndai PUTAO bawm chyam ai hte matut manoi ai lam nga na re ngu kam ai,W.P myu sha ni yawng lawan she jawm shagawn yu ga.

JUDGE said...

ASEAN NING BAW HPANG DE N DAI BAWM KAPAW SUMLA NI HPE DU HKRA LAWAN SHE SA JAW MU LO SENG ANG AI NINGBAW NI E. ASEAN NINGBAW LAHKUM N LU NA MATU KANGDA NA LAM RAI NGA AI. LAWAN SHE CHYE SHANGUN MU LO. ASEAN LAHKUM LU MAT JANG GRAU GAWNG BA, ARAWNG MALA LET JINGHPAW NI HPE GRAU DIP SHA NA RA AI. LAWAN CHYE SHUN DAT MU LO. HPAN DA MADU A MAN HTA MYIT MATSIN MA HKRA HTE JAJA KYUHPYI YA NGA GA//

little Jinghpaw sai jet said...

Karai Wa e,nang tsaw ra la ai A myu ya a dai zawn byin hkrum nga ai le,gara hku di na ta?An hte chye ga ai that Nang Karai Wa lam shagu hpe dang di ya lu ai a tsam nga ai hpe chye ga ai,naw matsan dum la ai hte an hte WP sha ni gara hku galaw hkawm sa wa na hpe naw lam madun a tsam jaw ya rit law,grau n na an hte hpe woi awn let makawp maga shawng lam hta tsap nga ai Ningbaw ningla share shagan ni yawng hpe mung makawp maga n den marai,n gun a tsam machye machyang naw jaw ya rit law,

Post a Comment