Hkungga Tsaw ra ai,
Shara shagu chyambra nga ai, chyurum ai WP myu sha ni e, ndai ten hta annau ni yawng a matu, sadi maja ra dik ai aten du nga sai, sadi maja ngu ai lai ngu n'nga ai zawn, malap mali nga kau yang tinang prat langai sha n ga, myusha yawng sum machyi hkra machyi dik wa na re ai hte, tsadan sawa gaw anhte gawng kya ai, malap mali rai, myitmu samsi temsi rai, yup nga ai ten hpe yu nna du shang wa chyalu re.
Yup wa rawt wa, sha ai ten, lu ai ten, shang wa pru wa, hpawng de ai ten hkawm sa ai ten, shani shana n'sin n-htoi, pru shang masha yawng hpe jen yu chyoi yu, maram yu let ten hpring sadi maja nga ga ngu sadi jaw lajin dat mayu nngai, myu kaba kata mi rai rai, maigan e mi du du, mare buga kaw mi rai rai,bungli sa ai wa ai, jawng sa jawng wa, zuphpawng hpawng ai ten hte, grau nna gaw, myusha yawng a matu lawt lam tam nga ai tinang shing wang kata grau sadi ra nga ga ai.myit malai ai gaw hpang e she lu ai, myit malai lu ten gaw hpang hkrat sai, ten grai nlai yang tau nau nna galoi mung sadi maja sadi dung nga ga. Masha law law hpawng de ai shara shimlam hpe madung dat ahkyak la ga.
Masing kaba [4]
Masin machyi ai, Myit n'gut dik ai.
Baren Numraw
Shara shagu chyambra nga ai, chyurum ai WP myu sha ni e, ndai ten hta annau ni yawng a matu, sadi maja ra dik ai aten du nga sai, sadi maja ngu ai lai ngu n'nga ai zawn, malap mali nga kau yang tinang prat langai sha n ga, myusha yawng sum machyi hkra machyi dik wa na re ai hte, tsadan sawa gaw anhte gawng kya ai, malap mali rai, myitmu samsi temsi rai, yup nga ai ten hpe yu nna du shang wa chyalu re.
Yup wa rawt wa, sha ai ten, lu ai ten, shang wa pru wa, hpawng de ai ten hkawm sa ai ten, shani shana n'sin n-htoi, pru shang masha yawng hpe jen yu chyoi yu, maram yu let ten hpring sadi maja nga ga ngu sadi jaw lajin dat mayu nngai, myu kaba kata mi rai rai, maigan e mi du du, mare buga kaw mi rai rai,bungli sa ai wa ai, jawng sa jawng wa, zuphpawng hpawng ai ten hte, grau nna gaw, myusha yawng a matu lawt lam tam nga ai tinang shing wang kata grau sadi ra nga ga ai.myit malai ai gaw hpang e she lu ai, myit malai lu ten gaw hpang hkrat sai, ten grai nlai yang tau nau nna galoi mung sadi maja sadi dung nga ga. Masha law law hpawng de ai shara shimlam hpe madung dat ahkyak la ga.
Masing kaba [4]
- Myu shamat shamyit masing
- Makam masham htung hkring laili laika ga shamat shamyit masing
- Sutgan malu masha dawm di shamyit shamat masing
- Matut mahkai hkrun lam, shiga dandi masing
Masin machyi ai, Myit n'gut dik ai.
Baren Numraw
6 comments:
Baren numraw nga mying shing-teng hta lai nna laga shamying yang nkaja ai i? Baren ngu gaw chyum mung ga hta Tsa-dan hpe htawng madun da ai nrai i?
ya na zawn shadum la ai majaw chyeju kaba dik sai.
Buren numraw ngu ai mying lang tim hpa n ra ai. Hkau Buren Numraw tsun ai lam ni mahtang anhte Amyu sha ni matu naching ahkyak nga ai. Buren numraw sha n-ga, Lucifer ngu mi mying hpe lang da tim, shi a kata na myit masin hta, Wunpawng myit jasat hte myu tsaw mung tsaw myit rawng na sha ahkyak madung re.
Hkau Buren Numraw hpe chyeju dum sai. Myen hpyen a gasat shamyit masing hta Hkau nang tsun ai lam ni teng sha wa rai nga ma lu ai. Anhte daini KK kaw manoi manat, mara tawng ban, hpyi nem let, awng padang jaw na matu akyu aja awa hpyi nga ga.
Mying Gaw hpami rai rai madung nre hpe myit dum la
ga myit masin she madung re.LAPU hpe KARAI KASANG
hpan da ai shaloi gaja dik ai ,myitsu dik ai hku re,LAPU kaw SATAN wa shang wa ai she re, MYING hpe sha ahkyak la taw nga ai MYIT SU wa a kraw kata de SATAN wa nshang wa sadi nga u LAPU gaw KARAI KASANG hpan da ai re majaw MADUNG gaw Anhte a Hpan Madu gadai rai nga ai hpe chye na hte K K hta manoi nga na gaw madung re hpe dum nga ga
KARAI KASANG hpan da ai Baren hpe tsaw ra let
kcfchannel
karai hpan da ai yawng gaw kaja ai hkrai re
chyum lai ka kaw lapu zawn si mani ra ai nga pyi tsun da ai n,rai i! karai hpe manoi manat na tsadan myen hpyen nihpe gasat Aungdang la lu na lam hpe
Akyu hpyi let ladat jawm shaw ga.
Ahkyak gaw Myen labe,n shawp ni hpe Jinghpaw mung kaw kachyi pyi n lu gabye mat hkra yaw shada ra ai,masin grai machyi mat ni ai.Karai Wa an nau ni hpe galoi mung lam madun shaman nga u ga law.
W.P shani yawng duhkawm nga ai shara shagu kaw HKRUDU zawn sumnung nna,LAPU zawn zai rawng nga ga.Galoi mung Mi,Na hpaw let,sadi maja nga ga.
BUGA de nga ai W.P hpunau ni hpang de,Ya yang masa lam kahtet taw nga ai ten hta tai hpyen ni myi yu ju na zawn re,zuphpawng kaba (Gashadawn;X!mas poi kaba,Jubilee poi kaba,Jaw poi...,) zawn re ni hpe koi gam yang mai na re ngu shadum mayu ai re.Bai nna, Mare kata na Nawku jawng hkan e hpyen yen machyu nga ai,W.P shani majaw ai shara shagu hkan e tinang a masha ni nan shim lam ni hpe greng di nna, shimlam galaw ra sa na re hpe myit dum lu ai hku re.Ndai hta grau ai laja lana masa de du wa yang na matu mung tau hkrau shajin ai lam ni hpe mung myit shajin da ra na re.Jinghpaw langai hpe hkra yang yawng jawm ai baw ladat,gahkyin gumdin ra ai ten du sai re ngu myit dum lu ai.
Jing hpaw gamalai nga ai hte maren,Du sat yam nga ni U hpung hkra bra yang Hkang Hkyi,Sharaw ni hkum tsun Chyahkyawn ni pyi gang amya sha mai ai re majaw,SADI GA,MAJA GA,ZEN GA!!
YUP SU SUN NGA AI KAW NA LAU RAWT SA GA! W.P MYU SHA NI E.
W.P myu sha ni a matu myit dum shagu kyu hpyi ya nga nngai.W.P Myu sha yawng hpe KARAI KASANG BAU SIN YA U GA.
Post a Comment