November (6) Laban,
Jinghpaw Mung Mali Hka sinpraw hkran Wa Shawng mare de myen tai hpyen mawdaw ni gaw mana yup tung ten kaw na dai hpawt manap ten du hkra du shang wa sai lam shiga na chye lu ai. Matut nna dai myen hpyen mawdaw ni gaw Wa Shawng mare kaw na bai shamu shamawt wa sai lam, dai hpawt hkying (9:30) ram kaw na Wa Shawng mare a dingdung daw hkau na pa ni hta lak nak kaba ni grai ngoi sai lam na chye lu ai. Wa Shawng mare a sinpraw maga de mung KIA myu tsaw share shagan ni hte myen tai hpyen ni gasat hpang wa sai lam shiga na chye lu ai.
Ya yang Wa Shawng mare ting shingran katsi mat nna Kan Paiti sa lam hpe mung myen hpyen ni pat di kau sai lam, Wa Shawng mare kaw na Gaw Set Yang mare de sa wa ai lam hpe mung pat kau sai lam buga masha ni kawn shiga na chye lu ai.
2 comments:
dai sawa ni sawa hku si na matu bai sawa sai --
shawng lam kaw shang lawm nga ai share shagan ni a myit masin kata hta hkrit hpa nre. gasat ai hpe ti nang ra sha rawng ai myit lawm ai pyaw hpa langai hku ngu myit la na gasat ga--dai ni na ram ma ni kaw yak ai bung li ,lam amyu myu nga wa jang myit daw mat ai .n-kam sha kut mat ai .galaw ai bung li hpe mung hpat wat kaw jahkring kau ai. tang du hkra n-ga law mat ai -- n-kam ai bung li hpe mung grai pyaw ai ngu myit hpe ga lai kau na sawa jang hpang jahtum kaw awng padang hpe lu la na re--
Myen ni shawng de htu wa jang, yen ya nna, shingdu kaw na galaw htu gumpye kau mu.
Lam pat ai gaw shan hte a hprawng lam shanhte pat la ai lam rai wa u ga.
Post a Comment