Tsaw ra ai, Myu tsaw Share Shagan Ningbaw Ningla ni hte Myusha ni yawng hpang de,
Ngai WunpawngSshayi langai mi hkrap myi prwi hte ndai la ka hpe ka dat ai, galoi mung maroi n ni masin n si n ngai. Lung Zang ngu ai mare kasha kaw na mabyin gaw dai ni du hkra masin kaw ju langai rawng nga ai zawn hkam sha nga ai re. Mung masha ni a, a rung a rai hpe kashun mya la ngut ai hpang mare nat masha sat Num sha ni hpe roi rip zingri ai sha n ga. La wa ngan ni hpe sat n hkun langai kaw sha katawk bang na lup da ai lam ni hte Wunpawng Myusha ni roi rip zingri hkrum mat wa ai lam ni hpe atsawm sha matsing da ga, la ni myi tara je yang na n htoi du wa na re.
Dai ni hkrap ngu hkrap ngoi ai n sen hte hpyi ai ga Karai hkap la ya sai. Wunpawng Myusha ni a myi prwi Karai katsut ya sai. Annau ni myit mada da ai nga chyu hte lagat n tsin lwi ai (HKA NAN ) mung de shang lu na sha rai sai. Kam sham ai hte shakut yang teng sha lu na nga Karai ga sadi jaw da sai re. Dai ni myen hpyen wa hpe kasat ai gaw tinang a Mung dan hte Myusha ni a matu sha nrai, Karai Kasang a mau hpa hpung shing kang hpe shadan shadawng na matu re. Anhte Wunpawng Myusha ni Karai a sak se tai na matu re ai hpe galoi mung myitdum ai hte shakut shaja nga ga. Shara shagu hta nga nga ai myu sha ni tinang nga ai shara kaw kyu hpyi let Karai a hpung shingkang hpe shadan shadawng ga.
Karai Kasang annau ni yawng hte rau re.
Wunpawng Shayi
4 comments:
Ndai gaw manu mana jaw ai Ga re,K.K anhte hte rau rai nga ai hpe dum na kyuhpyi shakut lawm ga i,Tengman ai lam ngu ai gaw K.K lani myi hpyan dan na re ngu grai kam ai.
Myit ndaw nshan ai sha awng padang lam de myit n gun shaja let Myit su SL/KIO/KIA du ni share shagan ni yawng WP myu sha ni hpe lam woi awn sa wa marit ngu n gun hpyi mayu ai.WP myu shayi ni hpe roi rip ai lam ni hti hkrup jang myen ngu hpe grai nju ai wa re.
Grai n-gun lu ai shayi sha a laika hpe,, Myutsawra share shagan KIA ni mung dai zawn sha hkam madat la na re hpe kam ai..
JEREMIAH 1: 17-19
N-dai chyum laika hpe mung hti let n-gun la ga,, Moi Israel ni hpe sha garum ai n-re ya mung Karai gaw an-hte hpe kaja wa garum na re,, Jesus tsun ai an-hte yawng gaw Israel.
Awng Padang gaw an-hte kam sham ai Yehowa re..Amen
Shayi sha ka ai hta numbat 2 daw kaw ka da ai K.K a hpung shing kang hpe Masha ni grau mu na matu hte,asak hkrung ai K,K hpe anhte myusha ni kamsham nga ai hpe wut-tawng hpe nawku ai mu chye nhtawm shanhte hkye-hkrang la lu na matu yaw shada ai rai na re,,shayi sha na laika hpe grai madi shadaw ra sharawng let n-gun grai lu ai law.K.K anhte myusha ni hpe K.K nlu ai zawn nkabai da u ga law.Amen
Post a Comment