Ngai gaw, mung masa la nrai nngai. Mung masa hpe maram dinglik na matu laksan hpaji mung nchye nngai. Raitim, amyu sha ni a lam hpe myu tsaw myit, mung tsaw myit hte myit masin hkrat nga ai wa rai nngai. Lawu e tang madun ai lam ni hta shut shai lam lawm yang, mara dat ya na shawng lajin nngai. Ngai mu mada, hkam sha lu ai lam hpe tang madun ai she rai li ai. Dai ni na majan hta, KIO/A tsap ai shara gaw.., 1947 ning Panglung Ga Shaka rai nhtawm, Myen Asuya tsap ai gaw, 2008 Constitution rai nga ai hpe mu lu ai. Ya ndai 2008 Constitution a ntsa mungdan kata na ningmu, mungdan shinggan na ni a ningmu ni loi li galai shai wa ai hte ta tut galaw sa wa nga ai lahkam ni hpe yu nna, 2008 Constitution gaw yawng a matu kaja nga ai ngu, mu lu ai masha ni law wa mai ai. Ndai zawn mu mada ai hta ningpawt nna, dai ni KIA gasat nga ai majan gaw, shut nga ai, ngu ai ningmu de gale wa mai ai hpe maram lu ai. Hpa majaw nga yang, ya hte NLD Aug San Su Kyi ni party registration galaw na hkyen wa ai shaloi, Myen mung the Asia mungdan n kau mi a lam specialize galaw ai wa Georgetown University kaw na David I. Steinberg hpe gara hku mu ai lam san yu ai shaloi, shi hku nna, NLD gaw, party registration galaw mai nga ai, ngu bai htan nu ai. Tsun mayu ai gaw, law law ni ninghkap tawn da ai, NLD shi nan mung ninghkap tawn da ai 2008 Constitution gaw gau ngwi ngwi sharai hkap la wa ai de sa wa ang sai, ngu dinglik lu ai.
Ndai kaw madung tsun mayu nngai gaw, Aug San Su Kyi gaw myen mung masa galaw nga ai wa re majaw, Thein Sein hte hkrum jahta ngut ai hpang shi a myit ai lam ni galai wa sai lam nga nhten! Shi a myit hta, ethnic masha ni matu shara nau nnga lu ai. Ga shadawn, Hilary Clinton hte shi nta wang kaw, Press Conference galaw ai kaw shi tsun ai ga langai mi gaw, လက္နက္ကုိင္တုိက္ခုိင္ေနတဲ့ တုိင္းရင္းသားနက္လက္ကုိင္ အဖြဲ႕အစည္းမ်ားအေနျဖင့္ အတတ္ႏုိင္ဆံုး အျမန္ဆံုး အပစ္အခတ္ရပ္စဲရမည္ nga tsun nga ai. Ndai ga hta, gasat gala shazim na lit lu ai gaw, laknak lang gasat nga ai ethnic hpung ni mahtang re ai hku nsen manaw pru nga ai. Gasat gala shazim ra ai gaw, Thein Sein asuya re hpe shi n tsun nga ai. Kaga sakse ni mung nga nga ai. Dum ai ni mung dum na re. Aung San Su Kyi gaw, ethnic people ni a matu kade myit n myit ngu ai ahkyak ai lam gaw, Mungkan gaw Su Kyi hpe mahtang myit maju jung nga ai. Shi hpe kam nga ai. Dai majaw, ning re masa lam kaw, anhte tsap ai shara hpe mungkan e n mu ya, Myen asuya wa hte Su Kyi a jawm pawng maw mawn ai lam hpe sha mungkan e mu ya rai jang, anhte gaw, tara n shang ai wuhpung wuhpang zawn tai mat lu, mu mada hkrum lu na lam nga ai. Ya, Myen asuya ningnan a ladat langai mi gaw, media hpe media hte bai gasat ai ladat rai nga malu ai. Gashadawn, President Thein Sein wa a shingdu hpaji jaw wa kadai hpe shaga tim, bai hkap htan shaga ya nga ai. Shi laika ni hta mung, KIO gaw namhpam lusha lagu lang nga ai lam ni masu shi ga ni ka shabra nga ai. Dai majaw, ndai laika ka ai lam madung gaw, KIO/A, KNO ningbaw ningla ni hku nna, anhte a tsap shara hpe atsawm sang lang dan ai laika langai ka nhtawm, UN rung de, Obama hte Hilary Clinton ni hte kaga ahkyak ai rung ni de lawan shabra ra sai ngu mu ai.
Ga shadawn, simsa lam ngu ai shaloi, Myen a simsa lam gaw hpa hpe tsun ai, anhte ra sharawng ai gaw, hpa baw re, ngu ai zawn re ni hpe atsawm sang lang ai ndau shabra laika hpe lawan ka ra sai, Myen hku, Jinghpaw hku ka ai laika ni mung gaw nga nga na sai. Raitim, English hku ka nhtawm, mungkan a ningmu hpe lawan jahpra dan ra sai, ngu mu n nngai law. Shing n rai yang, maga mi de na propaganda a majaw, anhte hpe shut ai hku mungkan e mu mada kau na tsang shara nga ma li ai. Anhte amyu sha n kau mi nan mung, myen hpyen wa a lagaw lata tai let, shanhte a ga manaw nsen hpe ndau karum nga ai ni law law nga ai mug yawn hpa kaba rai nga mali ai. Ndai lam ni yawng hpe mungkan de, anhte gaw tengman ai masa lam ntsa tsap nga ai lam lawan ndau shana ra sai law.
KIO/A hte shawng lam majan pa na myu tsaw share shagan ni yawng hpe teng man ai Karai Kasang tut nawng bau sin makawp maga u ga law.
Tsawra let,
Nhkaibum Shalawng
39 comments:
moi ji woi ji wa prat hta ti nang W.P mung dan san san re.PANG LUNG ngu ai gaw masu ai,n hkru ai myen satan amyu a ning baw aung san masu ai majaw myen mung dan ngu ai kaw an nau ni a MUNG DAN mung (state ) langai hku sha dai ni ten du hkra masat hkrum ai.dai majaw PANG LUNG a shawng hta na W.P mung dan a lam,PANG LUNG a hpang myen satan a masu magaw n shawp ai lam,n tara ai lam ni yawng hpe mung kan tin shabra n htawm myen mung kaw na ga garan ai mung dan (KACHIN LAND) ngu yawng a man e n dau let htu majan hte gap di la ra ai.....
prat ban langai hte langai she lai mat tim myen ngu ai amyu a masu magaw n hkru ai myit gaw nan nan sha re.
dai ni kaw na gaw ram sai.myen ngu ai amyu hte gaw an hte mung dan langai kaw rau n mai nga sai...
Lahta na tang madun mat ai nhkaibum shalawng a Laika ngau hpe teng ai ning mu ngu hkap la ai. "Like" !!!
Nhkaibum shalawng a tang madun ai ning mu mung gaja al ning mu langai rai nga ai,Myu tsaw Mung Tsaw Tang madun ai Lam hpe nchye ai JINGHPAW WUNPAWNG sha ni mung law law rai nga ga ai law chye ju du dik ai. Tang Madun ai LAM LAHKAWNG YAN HPE SHING TAW LET (OUR ORIGIN KACHIN LAND) Byin pru wa hkra MYIT HKRUM LET CHYENA HKAT LET MATUT NNA, Shawng lam de Myit kalu kaba ai hte hkam sharang ai hte KARAI KASANG hpe sha manoi manat let shakut sa wa ga law YAWNG HPE HKUNG GA TSWA RA LET
kcfchannel
A ngawk ai masha wa e… nang she angawk yang masha yawng hpe angawk hkum shadu. Na ningmu gaw “nga” madim sin ai wa ram pyi myit masa n-sam nga ai le. Karai Kasang a myi man hpe pyi n tau N’NU BA a lam chyu hkum jahta. Matsing da u, Amyu Kaba hte Rawt Jat nga sai mungdan kaba ni hpe Kawa Di shatai, Kam hpa ai myit gaw Gipsy myit jasat rawng ai mayam amyu da yaw. Magam sari hkum jahpoi.
TAWK HKAM WA E… N MARA GING NA ZAWN RE AI LAIKA GAW N’MARA GA YAW, NA BLOG GAW MYU SHA YAWNG GRAI HPAW HTI, KAM HPA AI RE YAW.
Byin Zai Howa
Ah ga.. Hkau Howa(maran) e, N hkai Bum tsun ai lam hpe mung ngut hkra a tsawm hti yu u le. Ga gachyawt na hkrai lawan n mai na re. Nang du ngai du nga ai prat gaw moi lai mat sai. N Hkai bum a ningmu mung asan sha shadum ai lam rai nga ai. Anhte Pawngyawng ramrawt na hpang ai shanglawt majan a yaw shada lam gaw hpa rai ta?
-Munghpawm myen mung(Panlong Agreement) hpe shagrin na matu kun?
-Democracy (shinggim ahkaw ahkang) hpyi ai majan kun?
-Pawngyawng Jinghpaw mungdan(Kachin Land) masat lu na matu kun?
-Du magam(bum du) ni a nga mu nga mai lam matu kun?
N dai yaw shada lam majing hpe Pawngyawng myu sha(kachin, singpho, jingphaw su) ni yawng chye hkra,hpyendu hpyen la/num ni, shanglawt magam gun ni yawng chye hkra asan sanglang dan n na, pawngyawng myu sha yawng hpe majan ga saw ra sai.. ngu mu mada ai law.
myen sa wa gaw labau ting hta myit magaw ai, myit nsan ai re hpe anhte mu hti sharin hkam la nna mung, hkam sha ai hku na mung chye nga sa ga ai.
Myit san seng ai ni gaw a lu ma ai. Kaning rai n me law, shan hte Karai Kasang hpe mu lu na mara ai.Karai Kasang Yehowa e, Pawngyawng Jinghpaw ni hpe lam woi ya myit law..
awng san kaw gaw galoi anhte matu galaw ya yu na ta?tsun ya yu nga ta?awng san kaw mung banau sha re hpe dum ga ya dai ni gaw democracy sha lu nna anhte myu ni matu n'ngut ai,tinang up hkang ai
amyu tai ra ai,Kawa a maw lanyet a majaw ya du annau myu shamyit,makam shamyit,sut shamyit,
lamu ga shamyit ai hkrum nga ai hpe mung dum ga law.awng san a Bukda mungdan shatai na,ga langai sha shaga lu hkra,laika langai sha lang na ndai myu kaba ladat gaw shani kaw na rai sai law.awng san kaw hpe mung anhte nmai madi shadaw ai,myen gumshem asuya hte maren sha re.
K.K hpe manoi manat, akyu hpyi, kam sham nna myit hkrum mang rum let...amyu langai sha, makam masham langai sha rai nna, gasat yang kaja wa awng dang na re hpe kam ai. K.K gaw amyu bung, makam masham bung ai ni hpe sha hkap la ai.... Madu Yesu gaw, majan gasat ai kaw na..simsa ai lam hpe mu lu na matu du sa ai wa re.. htaw de.., le de nga jang lapran kaw kaman lila rai mat na..yawng hpe K.K bausin makawp maga ya u ga..
Anhte gaw K.K a kasha ni re majaw K.K hpe sha mai kam ai, kadai hpe mung nmai kam ai.
chyurum shayi
Hkau wa ningmu jaw ai ngu mu mada ai. An hte mung dan kta hte an hte WP myu sha ni gde jaw ai ldat hte glaw taw nga tim, lga mung kan msha ni dai lam hpe n chye jang gaw an hte glaw ai padang hkrun lam,an hte glaw ai lmang ni gaw tang du wa na matu loi gaw yak na n hten! dai mjaw hkau wa na mu mda lam hpe mung ahkyak la n na myit yu re nga na re ngu ngai mung mu mda n ngai law.
Wp,myo sha ni E ,,mho she ma yam prat na Woi wa ai hpe dum ga ,sa mwi sha daw hte garai gasanglam ma dun ai hpe mu n na ,Ung Ang ai ,ma sha ni zawn ,hkum Aung Ang nga mu law ,,,,KK hpe kam hpa let ,KIO,A Woi Awn ai hta yawng n sen la ngai hte hkan Nang ga ,KK gaw KIO ,A n sta mau hpa n gun A stam jaw na re ,Gawng ngu naw ai ni ,n shawp ai ni ,A n sta KK ga ra hku ja hten dat na mu yang she kam na ma dai kun ,,,,KK la jang ai mu hpe ,ma sha a baw nu hte n sawn lu ai mau hpa A stam gaw ,WP myu sha ni hpe makawp ma ga la ai ,KIO,A ,A shawng kaw KK stap nga sai ,ding ding sha hkan Nang ga ,
N-hkai bum shawng lam wa e na a myit tsi tsi la ra mat nit dai
N-hkai bum shawng lam wa e na a myit tsi tsi la ra mat nit dai
Comment jaw ai ni yawng hpe chyeju dum nngai. Hkau Zai Howa hte hkunman yan mahtang nye a tsun mayu ai lam hpe nchye na nna tsun ai lam re hpe dum nngai.
Karai Kasang hpe kam ai gaw kam ra ai sha re, Raitim, realistic byin ai masa lam ni hpe mung KK hte rau myit shalawm ra nga mali ai
Nhkau bum shalawng
Laikan hpe ka shalai ya ai myit su wa ngai mung lai wa sai shata 2 daram kaw na an hte Jinghpaw Wunpawng mungdan hpe ntara ai hku majan nzim nsa gasat ai hpe yup nlu sha nmu myit gajaw gajap nga hkam sha na ngai mung ngai dangdi ai media hpe matut nna mungkan mungdan kaba yawng chye hkra grai shakut yu ai NHK ngu ai shiga dap kaba ni hte matut mahkai let ya hkyak hkyak byin nga ai lam ni sumla yawng hte sakse ni law law jaw ai rai tim myen hteing seing gaw an hte hpe terrorist re nga sha poi ai majaw an hte alam hpe cancer galaw ai hkrum sha nngai .hpa mi rai tim myit ndaw ai sha tengman lam hpe lawan dik ai hku mungkan de lawan ladan tsun dan ra sai ngu ngai mung mi jut mi hte nye ningmu hpe ndai salang wa hte rau madi shadaw let tang madun mayu ai hku re.
Aung San Su kyi a lam tsun shalawm ai lam gaw, mungkan e Aung San kaw hte NLD a sat lawat hpe yu azi nga ai. Augn San kaw e hkrak ai, ngu jang, mungkan gaw hkap la na lam nga ai. Raitim, Aung San kaw e hkrak sai, ngu shagu anhte a kata kaw hkrak na lam nnga ai. Hpa majaw, shi gaw, ethnic issue hpe ahkyak shatai ai masa nau npru ai. Myen mung masa galaw ai jan she rai nga ai. Shi tsun jang gaw, သမၼႀကီ္းက ၿငိမ္းခ်မ္းေရးတံခါးဖြင့္ထားတယ္.ယုံၾကည္စြာျဖင့္ လက္နက္ကုိင္ လမ္းစဥ္စြန္႔လႊတ္ၿပီး ဥပေဒေဘာင္အတြင္းအျမန္ဆုံး၀င္လာ ၾကပါ ngu sha tsun na lam nga ai. Dai majaw, mungkan e n chye ya ai myen hte anhte kata na shai hkat ai position ni hpe mungkan de lawan ndau shana na lam KIO/A ningbaw ni hpang tang madun ai she re.
Nhkaubum shalawng
N dai laika ngau gaw teng ai ga hpe tsun shadum madi ai re hpe mu mada ai. Jinghapw wunpawng myu sha ni a shawng lam a matu ning mu kaja madi madun ai Laika ka ai myitsu hpe ning mu ni matut ka hpa ji jaw na matu saw lajin dat ai.
Thanks
Maji Roi
kks hte kio ginjaw kom gaw myu sha ni hpe gloi lam nwoi yit ai hpe kam hpa nga ga.myit katu ai mjo rai na sai akyu sha jawm hpyi ya nga ga .myu sha ni myit shabawn ra ai yo hkau.
Um.Ndai laika gaw K.I.A/K.I.O hpe shut ai ngu madi madun ai nre hpe hkrak chyena ra ai.Mungkan hpe anhte tsun dan ra ai law law lang kalaw law rai ra ai.K.K gaw labau ning nan hpe jaw ya lu ai.Labau gaw Dang ai wa na labau re.Dai majaw ndai majan K.K lawm ai majaw labau ning nan anhte lu ka sana re ngu K.K a mying ning sang hta grai kam ai,masha galaw ra ai hpe masha galaw K.K galaw ra ai hpe K.K galaw na ra ai.
kaning re ningmu hpe ka tim kaja ai law yawng gaw annau ni lawt sa wa na lam tam ai laika hkrai rai na re ngu kam ai,kaja dik ai gaw mungkan na ni annau ni lam grau chye wa na she ahkyak masha ni chye na ai engliht miwa laika ni hte annau ni rawt malan hkrun lam hpe grau grau chye hkra shana shabra lu na she ahkyak sai law.awng san kaw hpe mungkan na mada shadaw yu nga ai teng tim anhte nmai madi shadaw ai
Ting tsing hte rau myen mung a matu shanhte myu kaba a matu shakut ai sha re,shanhte lam shanhte galaw mu ga anhte lam annau ni galaw ga
nhkaibum shalawng tsun ai grau kaja ai annau ni dai de du hkta lawan lawan shakut sa wa ga law.
shanglawt lu na de she lawan chyawm myit ga law,
Ya ten gaw Media hte grau gasat ra nga ai ten re
myen,miwa,Engliht hku lu ra shabra yang mai ai.
Awm dawm shanglawt nna shadip jahpang ai wunpawng gumrawng gumtsa mungdan gaw shrawt shagrin na ngu ai pandung re hpe myusha ni yong dumchye ra nga ai.
KIO /KIA, Ya gap nga ai majan hpe shut ai ngu hkum ka mu.Myen a krw kade sung ai, kade dam ai hpe labaw hpe yu n-na chye mu le.myen a magaw manai ai hpe USA wa mung n-mu ai n-dep ai,Kalang lahkam shut kaw yang grai yak ai manghkang re,Anhte myusha ni a ra ai lam hpa re, Myen a galaw ai lam gara ram hkrit hpa manai gasup nga ai ngu ai hpe english,Jinghpaw, Myenhku mungkan de SHIGA law law htawn shabra ra ai gaw teng ai.
Masha a Bawnu, Myit zasat hte hkum daw dan mu,
Karai a Mungga hku n-na gade yu tim gaja ai hku gade myit yu tim ngai gaw myen n-dai hpe gara hku n-kam ai
Ya na zawn yawng ga hpra jawng ai gaw ,Aawng dang ai lam rai nga sai,,,n dai ten ,an hte n ga hpra yang ,n rawt yang ,yawng a myit hpe n kam hkam sha ngun wa ai gaw ,,myo hpe staw ra ai ni yawng gaw ,myit ga hpra wa na re ,,myit sum ru ngut ai hpang ,,ta tut ma ga de ga ra hku ,ga ra ma ga hku ,ga ra lam hku ,Nang la ngai myi lu shang lawm ga rum na ,ngu ai ma ga de ,bai ,,,,ma re ka ta hkan ,mai gan ga hkan du nga ai ni yawng ,,ya na ten ,,hkyak hkyak ,la wan shang lawm na hpe ,ga ra ma ga hku shang lawm na. Hpe ,,jawm myit ga ,,,,yawng myit ma da ai gaw ,la ngai sha re hpe mu ma da ai ,,,
Baw hpraw
Ma Nang ni E ,,ning hkyau ngu ai ,preng ai sha ni she myen a ga hpe kam ga,,
Wa Di wa rum
ndai hkau nhkai bum shalawng ka madun ai lam hpe n chye na ai Zai Howa yan Hkunman e, nan a bawnu de hkyi rawng ang sai... KIO/A hpe mara shagun ai ga si ga hkaw langai mung hkau nhkaibum shalawng a laika hta n rawng nga ai. Nan gaw, bawnu de hkyi tawng rawng ang sai..
Nhkai bum shalawng ngu ai myitsu wa tang madun ai lam ahkyak nga ai. Dai ni Myen a masu maw lanyet gaw mungkan hpe mung lu masu na masa de rai wa nga ai. Dai majaw, anhte galaw ra ai lit law law hta, myit su wa tsun ai lam mung ahkyak nga ai. Yawng jawm shakut ga
myutsaw shadang, laiza
USA said ; Wp sha ni e n ga law hkat ga law.Mung dan rai nlu shi yang nan hte gaw hpa baw....shada da wa
KIA/O ningbaw ningla ni gaw shanhte ra ai,kam ai hku chyu woi galaw nga ai ni NRE yaw.Aten law law la,mung masa,sut masa chye salang kaba ni
shawng bawng ban nna she woi galaw ai lam re..Rai tim ningmu amyu myu le i,myit nhkrum ai ni mung gaji gajaw nga chye ai le i,Chye na hkat ra ai.
n dai lai ka ka ia gaw jaw jaw nga di na shut ai ma lawm ai awng san kaw wa myi ga lai shai wa tim ahn hte ni hpa n tsang ra ai grai sha nut nga ai mung ma sa re ma re tim ti nang galaw taw ai hpe mung kan ma sha ni yawng chye na hkra tsun sha bra ra ai lam gaw teng sa ya KIA kio NI WOI AWN GALAW TAW AI lam hta myit ung ahng na lam hpa n nga ai ahn hte ni gaw tara n shang galaw taw ai ma n re majaw awng pa dang gaw K k kaw hpyi ai baw she re
Seng ang ai, USA, UK asuya kaw na asuya salang ni, Myen wa madaw simsa lam galaw na, naw gasat nga na madung nga ai lam, anhte amyu sha ni KIO/KIA kaw langai sha rai mung shawa, uhpung yawng nnga myithkrum nga ai lam, masa hi hpe hkrak chye na ma ai. Bai nna DSSK gaw shiga hkan amyu bawsang shara ni hta gasat shazim na matu, shi hkrum ai maigan salang ni hpe tsun nga ai hpe chye lu ai.
Maigan asuya ni anhte amyu ni a masa chye hkra kata na amyu sha ningbaw ni, shinggan na ni jawm galaw nga ai zawn, anhte hte matut mahkai nga ai uhpung ni mung grai shakut lawm nga ma ai. Matut nna dating shakut ra ai aten re majaw shada n gun jaw hkat ga. Grau nna shawng lam majan pa hta myu hte mungdan a matu magam gun nga ai myu tsaw hpyenla ni hpe garum sa wa ga. Hkye Fund shata shagu matut bang nhtawm Padang Hkrun Lam Rung de shagun nga ga. N gun jaw laika, laksan akyu hpyi ya ai lam ni matut galaw sa wa ga.
Padang Hkrun Lam manga la lu na hpe teng sha kam let.
Masha kalaw ra ai hpe masha kalaw ra ai,K.K kalaw ra ai hpe K.K maga shi kalaw ra ai,Ndai lahkawng kapyawn sa wa ra ai,K.K mung masha nkalaw ai kaw nau nchye shaman ai.Yerami 27:5 hti yu ga.Dai tsun da ai wa Yes nga jang ndai lamu Ga anhte bai lu na re.Myit hkrum ga i!!! K.I.A/K.I.O woi awn ai hpe 100% hku kam ga.Myit ndaw ga,shada da kade nhkrum tim laga myusha ni hte anhte myu ni mang hkang byin yang anhte shada hkrum ga.hpyen hpe kanawng kau ga.
n dai comment ni hta yawng a ning mu gaw ti nang a myu hte mung dan hpe tsaw ra ai lam ka da ai hkrai re hpe mu ai.hkau howa hte hkau hkunman yan a myu tsaw mung tsaw ai myit mung htam kaba la nga ai.laika ngu ai gaw ka da ai wa a hkam sha lam rai nga ai.hti ai wa she jaw ai,kaja ai lachyum hku hti la ra nga ga ai.....
ngai mu ai hku gaw, ndai comment ni yawng gaw, manu dan ai; raitim, nkau mi hku nna gaw, laika ka ai wa madung lachyum hpe atsawm n myit yu ai sha, premature judgement galaw ai lam hpe mu lu ai. Hkau Howa yan Hkunman ngu yan a manghkang gaw dai rai nga ma lu ai....ndai laika gaw, Kachin ni yawng hpaw hti nga ai website rai nga ai. Dai majaw, n dai zawn re ai kaw, madang nga ai ga si ga hkaw ni hte, masa lam yan hpe madung dat nna comment jaw bawngban hkat mai nga ai. Howa a ga gaw, mala la madang nnga ai ga si ni rai nga lu ai. Ngai a nga ai wa pyi grai ka-un mayu ai; laika ka ai myitsu wa Nhkaibum shalawng wa kaning nga hkam sha na kun?
Howa hku nna Mala shala madang nnga ai ga si ni lang da nga ai. Ndai zawn re lam anhte amyu ni sharai ra na ga ai. Yawng a ningmu manu dan ai, myu tsaw ai majaw, nga tim, kam ai hku mi gaw nmai nga mali ai. Constructive approach hte ningmu jawm gahkyin nna anhte a lawt lam matu shakut ra ga ai.
Shawnglam Brang, Laiza
YAWNG tang madun ai lam ni yawng gaw myit yu hpa,sadi hpa ni hkrai rai nga law yawng hpe chyeju dum nga ai law, Raitim anhte jinghpaw wunpawng sha ni yawng gaw Mungkan ga hpe hpanda ai madu Mungkan a madu hpe n malap ga manoi manat nga ga.Anhte Nga Nga ai MUNGKAN, AMRECAN ,MIWA,AUNG SAN KAW, Masha hku hpan da tim masha myit nrawng mat sai thein seing ni yawng hpe KARAI KASANG hpan da ai ni kaw na kaji sha re hpe dum nga let KARAI hpe sha manoi nga ga law
CHYUM LAIKA hta rawng nga ai MASHA MAW AI LAM RAI YANG GAW HTEN MA NA RA AI, KARAI MAW AI LAM RAI YANG GAW HTEN NA N RE NGA GASIDI JAW DA NGA AI HPE AYAN DUM LET ,HKAM SHARANG LET AN NAU NI YAWNG MYIT HKRUM LET, HPA MUNG KARAI A LATA HTA SHA RAI NGA AI HPE DUM NGA LET SHAKUT NGA GA LAW
MASHA WOI AWN AI K I A / K I O HPE GARA HKU MUNG KAM SHARA N NGA AI GADAI MAI KAM NA KUN?
THEIN SEIN HTE MAREN SHA RE
RAI TIM DAINI NA K I O / K I A GAW MASHA WOI AWN AI ZAWN RAI TIM NRAI NGA SAI, KARAI KASANG HPE KAP LA KAM SHAM AI HTE WOI AWN NGA AI MA JAW SHA KAM GING AI NI BYIN NGA SAI RE , MATUT NNA MUNG KARAI A TENG MAN LAM HTA SHA RAI NGA YANG GAW K I O/ K I A A LATA KAW NAN MYEN MUNG DAN HPE AP YA NA MATU RI RI RAI NGA SAI HPE SHIN RAN MU TAW NGA SAI RE LAW
KARAI KASANG A HPYEN HPUNG KIO/KIA NI HPE KAM DIK LET
kcfchannel
Anonymous A bawnu kaw kyi hpring hkra graw rawng nga lu ai shihkum n-mula lu ai.
lai ka ka ai n dai lai ka gaw lam 2 hpe tsun taw nga ai ma sha law law hpe myit ung ahng sha ngun taw ai lai ka re shut ai zawn nga di na jaw ai jaw ai zawn ma re tim ma sha na myit hpe ung ahng sha ngun nga ai hpa majaw nga jang n dai lai ka ka ai wa gaw shing let 2 hte sha ga taw ai re byin mai jang lai ka ka ma yu jang shing let 1 hte sha ka ga ngu hpyi shawn dat ai
Grai manu dan ai lai ka a manu hpe nchye na nga ai ngu mu mada nngai..Ganing re masha, mung up nga ai masha wa hpe re tim,uhpung kata hta re tim hpa ji jaw ai ngu gaw nga nga ai.ndai lai ka mung tang madun ai lam langai sha rai nga ai.nchye na yang gaw zim sha nga yang gaja na re..byin zai hte hkun man e..byin zai tsun ai ga si ni gaw grai madang nnga ai..na a makau gup yin hta nang gaw dai hku tsun sha ga chye ai masha re na hpa nra ai zawn nawn tim masha law law hti ai shara kaw na a madang hpe tang madun dat ai hte bung ai..na a ga si ni gaw nau nan hprau sai..K.K hpe kam sham ai masha ni gaw dai hku nmai tsun ai nmai shaga ai yaw..myit su u ya kaw na.. ga hpaw kaw mung mara dat ya mi nga tsun da nga ai le nhkaibum shalawng kaw na hpa ji la u yaw....
shayi sha
NYE A LAIKA HTA TSUN MAYU AI LAM HPE CHYE NA YA AI HPU NAU, NA, NI YAWNG HPE CHYEJU DUM DIK NNGAI. NGAI TSUN MAYU AI LAM HPE NCHYE NA NNA, NEGATIVE COMMENT JAW AI NI HPE MUNG CHYEJU DUM NNGAI.
HKUNGGA AI KIO/A NINGBAW NINGLA NI CHYE YA SHUT YA NA HPE SHA TSANG DIK NNGAI. SHANHTE A NSEN HTE BUNG AI COMMENT NMU LU AI.
NHKAI BUM SHALAWNG
lahta na laika hpe ngai hku nna maram yu yang,ya ndai aten hta kadai hpe mung nmai kam na re.kam ra na gaw hpan wa ningsang chye wa ningchyang hpe sha re.and hte a gam maka self -determination hpe anhte nan tinang dang di ,dang dep ai daram yawng shang tsap ra nga ai .ya ndai aten gaw grau ahkyak maja ra ai.majoi nbung nmai kawut nga sai re.di bu hte n gu gun ai wa hkrum yang bung li byin ai baw re.
Post a Comment