Merry Christmas December
Shaning htumpa Sayonara,
Hpraw tsawm numri hkyen pa pa
Bunghkup saiwan ni mya mya,
Bungli katsi bung ahpawt shara
Nra shaw shi mung she nga,
Makau grup-yin azi chyan mada
Hkristmat pan hkyen pu abya,
Wunpawng htinggaw yawng gu ra
Hkristmat kumhpa shat htu Bapa,
Ashu ashan yawng sumhpa
Mungkan kabu Yesu yu wa.
Duhkra ladaw Gintawng kaba
Mungkan yubak tsin-yam kata,
Shinggyim mara shingnoi htingga
Galwi pyau chyai lup si nga,
Sin dun sumri noi abya
Pungkum kawng na Wudang ningtsa,
Hkye mawai hkrang shaw la ai wa
Hkristu Yesu Meshia,
Daidaw jahtawng Birth day shata
Nshung Hkristmat ten hta wa,
Sumsai kabu myiman mya
Pyaw htum mungkan prat dingsa.
Hkristmat pyi she du sai nga
Shada tsawra masat kumla,
Hkristmat kumhpa matep kaji kaba
Mayawn makai shalai hkat na,
Mungkan pyaw hpa shing-ra tara
Gadaw len chyai n mai hpa,
Sin hpraw salum jut shara
Hkristu shangai shimlum nta,
Kri dung jet ngang myit masa
Hkyen lajang shachyip ten tup hkra
Sumsaw chyinghka hpaw maja ala
Madu galoi du sa wa.
Shi sak hkrun lam ( 30 ) laman
Masha yawng matsat Samari num yat,
Akaw alaw Yesu shaga
Chyahten labye hkum katsing si,
Myi kyaw sai htaw kalang gyi
Si hkrung si htan maroi nni,
Myit chyum mamu yawng hpe pyi
Matsan dum tsawra n-gaw n wai,
Yawng hpe mara dat shamai shatsai
Sape ( 12 Shi hte rai, mauhpa lamik kumla hkrai,
Hkye la Madu majing Dai
Hkristu Yesu nan she rai.
Mara kata Madu rai
Hpri ju Lagup bawchyawp shatai,
Li la Wudang lahpa jahpai
Roma hpyen la adup shachyut,
Lahkam htawn n jin hpum kazut
Wudang ningtsa lalam jen da,
Matsat shabat matsa mawa
Jahpoi asawng mani ha ha,
Yesu palawng raw hpai daw
Namkye kawk let mayen mahtaw,
Adup abyen n htum nni
Ning-ri ninghkyi abraw zing-ri.
Shinggyim yubak yawng hkra
Mara raw gun kau ya nga,
Hpri adit ningma hku latsa
Sai hkaw si hkam lai wa,
Sumsai kabu myiprwi mya
Ga ngwi ga pyaw mara raw ya,
Hkristu tsaw myit dam lada
Shagrit shanem myit masa ,
Sai kap wudang dingsa
Galeng taw nga dai shara,
Sai hkashi lwi latsa
Pungkum sakse rai nga.
Shi sak hkung lam myit masa
Shi tsun hkai da numhtet numra,
Kraw sung lungpa tawk ka la
Myit masin machyan yawng shaw da,
Shada tsawra mara raw ya
Nang shoi nang sha ga n kra,
Lahtin sharawt du dawng n kra
Shagrit shanem Sagu la kasha,
Hkristu shawang myit kumla
Kasi yu la kanan ka ra,
Baw hpraw wa rum wundoi hkra
Pungkum Wudang yawng hpai ra.
Bumwa Hkri Ma
Fuji Majoi, Japan.
1.12.2011 ( Bat mali ) ya.
Shaning htumpa Sayonara,
Hpraw tsawm numri hkyen pa pa
Bunghkup saiwan ni mya mya,
Bungli katsi bung ahpawt shara
Nra shaw shi mung she nga,
Makau grup-yin azi chyan mada
Hkristmat pan hkyen pu abya,
Wunpawng htinggaw yawng gu ra
Hkristmat kumhpa shat htu Bapa,
Ashu ashan yawng sumhpa
Mungkan kabu Yesu yu wa.
Duhkra ladaw Gintawng kaba
Mungkan yubak tsin-yam kata,
Shinggyim mara shingnoi htingga
Galwi pyau chyai lup si nga,
Sin dun sumri noi abya
Pungkum kawng na Wudang ningtsa,
Hkye mawai hkrang shaw la ai wa
Hkristu Yesu Meshia,
Daidaw jahtawng Birth day shata
Nshung Hkristmat ten hta wa,
Sumsai kabu myiman mya
Pyaw htum mungkan prat dingsa.
Hkristmat pyi she du sai nga
Shada tsawra masat kumla,
Hkristmat kumhpa matep kaji kaba
Mayawn makai shalai hkat na,
Mungkan pyaw hpa shing-ra tara
Gadaw len chyai n mai hpa,
Sin hpraw salum jut shara
Hkristu shangai shimlum nta,
Kri dung jet ngang myit masa
Hkyen lajang shachyip ten tup hkra
Sumsaw chyinghka hpaw maja ala
Madu galoi du sa wa.
Shi sak hkrun lam ( 30 ) laman
Masha yawng matsat Samari num yat,
Akaw alaw Yesu shaga
Chyahten labye hkum katsing si,
Myi kyaw sai htaw kalang gyi
Si hkrung si htan maroi nni,
Myit chyum mamu yawng hpe pyi
Matsan dum tsawra n-gaw n wai,
Yawng hpe mara dat shamai shatsai
Sape ( 12 Shi hte rai, mauhpa lamik kumla hkrai,
Hkye la Madu majing Dai
Hkristu Yesu nan she rai.
Mara kata Madu rai
Hpri ju Lagup bawchyawp shatai,
Li la Wudang lahpa jahpai
Roma hpyen la adup shachyut,
Lahkam htawn n jin hpum kazut
Wudang ningtsa lalam jen da,
Matsat shabat matsa mawa
Jahpoi asawng mani ha ha,
Yesu palawng raw hpai daw
Namkye kawk let mayen mahtaw,
Adup abyen n htum nni
Ning-ri ninghkyi abraw zing-ri.
Shinggyim yubak yawng hkra
Mara raw gun kau ya nga,
Hpri adit ningma hku latsa
Sai hkaw si hkam lai wa,
Sumsai kabu myiprwi mya
Ga ngwi ga pyaw mara raw ya,
Hkristu tsaw myit dam lada
Shagrit shanem myit masa ,
Sai kap wudang dingsa
Galeng taw nga dai shara,
Sai hkashi lwi latsa
Pungkum sakse rai nga.
Shi sak hkung lam myit masa
Shi tsun hkai da numhtet numra,
Kraw sung lungpa tawk ka la
Myit masin machyan yawng shaw da,
Shada tsawra mara raw ya
Nang shoi nang sha ga n kra,
Lahtin sharawt du dawng n kra
Shagrit shanem Sagu la kasha,
Hkristu shawang myit kumla
Kasi yu la kanan ka ra,
Baw hpraw wa rum wundoi hkra
Pungkum Wudang yawng hpai ra.
Bumwa Hkri Ma
Fuji Majoi, Japan.
1.12.2011 ( Bat mali ) ya.
5 comments:
Madu Yesu shangai wa ai a lachyum hpe n dai ga shagawp hpe hti ai hte asan sha chye na lu nga ai..Grai kaja ai..
Tsawra Hkunga ai Nale!!! N dai ga shagawp hte rau Ngwi pyaw ai X'mas rai u ga yaw!
Nale na Gasha gawp gasi ga ngau ni grai hkrak ai. Myen mung du mat jang n dai website n lu hpaw mat na tsang na Na le na ga shagawp ni hpe print mat na ngu. Ban ban mahkawn ka ai hkan Na le na gasi ni hpe bai jang lang na ngu le .Hehe. Thanks God for giving such an amazing talent that has been given to you...I am so proud of you . Nale
Post a Comment