Hpyi tsawp galai nna myit masin kraw lawang kachyi mi mung n'galai ai, myen gumshem Thein Sein asuya a shingdu e hpyen dap sha lawa lep palawng kaba gaw hkrang gran taw nga ai kaw shingna shingnyip zawn shamau shamawt nga ai lawu lahta rap daw Slg. ni gaw dwi ai ntsa lam hpe yu nna hkali tsi sha hkrup ai nsam hte bung nga ai zawn, shang yang gaw loi nna pru yang chyat ai masa de yawng nga ai. NLD hte Awng San Kaw mung dai hte maren sha rai na re. Bawsang ni hpe ya du hkra tara shang simsa lam tsun ai lam n'nga ai, sharen da hkrum ai mung masa masha ni grai nlawt pru shi ai. 2008 tara masing grai nlu galai ai, ahkaw ahkang hpraw chyang asan grai nmu mada shi ai, bawsang ni lam manaw hta ten tup tsun tim ya du hpa grai n'galaw ya ai, hpyen yen tsin yam ni hpe garum na lam galoi ntsun ai, shanhte kata de shanhte myu ni matu sha galaw ya nga ai, ya gaw tara shang paty hku kaja nan pawng sai, dai gaw annau ni a matu hpa madi shadaw shara n'nga ai zawn, ung ang shara n'nga ai.
Asean rapdaw zahpawng grai nsa shi yang gaw Mung masa hte sharen da ai ni hpe dat ya na Bawsang laknak hpai hpung yawng hte rapdaw kaw nan simsa lam bawng na tsun wa sai, 2014 Asean ningbaw mung lu tai sai hpang, mung masa hte sharen da ai masha n'nga ai, mara lu nna rim sharen ai sha nga ai nga, bai simsa lam hkum tsun lani hte pi KIO/KIA hpe shamyit kau na gasu kabrawng hpung gumlang hpung nga tara shang Thein Sein a n'gup na tsun pru wa ai gaw bawnu naw kaji ai ma langai mi a n'gup manaw nsam sha rai nga ai. Bai Hillary Clinton du sa wa yang No,2, sumtsan Slg. hpe sha sa tau shangun ai, kade ram sari n rawng ai hpe mu mai ai, Mungdan langai hte langai na Slg shada hkrum shaga yang myi man nsam, ga manaw, ga ngau, bu hpun sumli ai labu palawng nsam kaw na hkawt maram nna buhpun ra nga ai, simsa lam hte seng ai mahku mara ai hte seng ai mawn sumli nsam hpe chye ginhka hpun ra nga ai zawn dai hpe yu nna myit masa hpe maram mu mai ai. Ya du, shanhte shi laika kaw anhte hpe gasu gabrawng hpung, jahten hpung nga nna sha tsun nga ai gaw simsa na hte naw tsan nga ai kumla re zawn mung masa hku rapdaw kaw hparan na matu grai naw tsan nga tim mungkan mung masa, grup yin mungdan a hpaga masa gaw annau ni hte teng mung masa bawngban na de n'htu n'hkyi hte madi tawn nga ai.
Dai ni myen mung a bungli dap shagu hpe yu yang hpyen dap na lahta tsang du kaba ni hkrai jum tek ai, sum tsan Slg yawng mung hpyen dap na hkrai re,Dai ni a ahkaw ahkang arawng aya,shabyi shabrai gaw kaga mu gun ni hta grau law grau ahkaw ahkang nga ai.. law malawng shanhte hkrai re majaw,manam zawn sha sa matep ai kaga mu gun ni hte paty ni gaw madi shadaw pa nlaw ai majaw tara hkrang hte mung shawa a kaja ai nsen ahkaw ahkang ni hpe tatut hta lu galai shai na n'loi ai. Masha hte masa hkrang yawng galai kau yang she kalai shai ai de du na re.
Thein Sein asuya a galai shai sa wa na lam yawng hpe ninghkap dingbai dingna jaw ai gaw hpyen dap na re hte, Gumchying gumsa arang madu tingkyeng hpaga lauban sut du ni hkrai rai nga ai majaw, dai ni myit jasat n'gun hpe galai shai lu na yak ai. Bukda makam bung ai, myu bung ai ni sha ntsa tsang arawng aya mai lu ai, hpaji ninghkring ni madi shadaw ai lam n nga ai.
Rapdaw a Democracy Tara rapra masa kaba hku gara hku mung nmai sa nga ai. 2008 a gawda ai tara hpe mung kade nhtuk tim nmai galai ai mung mayak rai nga ai. Hpyen masa kaba hku Min Aung Hlaing Bayetnam- Miwa mung sa ai, Soe Win Bangladesh sa ai lam ni gaw makau grup yin hpe mung masa hkrang hpe maga mi de myi man kaba pa ai lam madun jahkrit ai lam re. Tinang rapdaw hpe mung nanhte gaw anhte ra ai hku n galaw yang palawng kata sinat kadun hte madi tawn ai, lak san nga lu na matu bungli n galaw ra ai shat da man man lu ai shawa nta kaba hpe manyi sum tsun masu nna jahkrit ai kum la madun ai.
Myen hte Miwa a lapran matep hkrum ai masa kata kaw mung masa shawng lam gaw madu dawng hkawn gwi gwi sharawt na, madu lamu ga dailup daihpang ga hpe, sadi dung, magrau grang ai myu tsaw myit hpe jum tek nna Annau ni kaji tim reng ai, nyam ai, sai kaba magam myu, tinang lamu ga ntsa tsap ai, kadai hpe shingnyeng nra ai. Lahpum sharawt dan nna, anhte lamu ga hku gas len shalai la mayu ai hpaga lam law law hkang nhpyi ai,madu yi ngam ntsa majoi hkai sha lu na hku galaw ai. Masu hkawm nga ai lam ntsa na chyatam hpe nhprang rai manu dan ai rai ni kaman shaw la shangun na kun? Mung masa hpyen masa,UNFC gaw lapu baw hpe gabye dip tawn ya ai hte bung ai.
UNFC hpyen hpung gaw madu up hkang ai mungdaw byin na de woi lakawn na re. Lawan hpaw lu yang kaja dik htum re, Miwa gaw hpaga sha lu ga na tai jang kadai hpe mung garum na sha re. Si na nhkrit, nlu sha na she hkrit ai myu re majaw miwa arang kaba hpe shatsang ra ai, miwa a hpaga masa yawng hpe pat ra ai jahten ra ai, shaloi she myen gaw hkumbawt lawu ai myi nmu gwi mana hte bung nna zinlawng hku de jau hkrat bang na re. Maga mi de miwa hte mung jahkrup jahkra galaw ra ai. Masa 2 hku tsap sa wa yang kaja na re, htingbu miwa hpe mung si mani dik ai hku masawp yu ai hte kata ang ang lu shang hkra myen a manaw hpe galai kau lu hkra shakut yu ra ai.
Miwa mungdan hte Gala mung kaw shanu nga ai tsaw ra ai chyurum ai hpunau ni e dai ni na, madu saidaw saichyen ni hkrum sha nga ai ,tara nlang roirip sat shamyit nga ai hpe myitsu hpu nau ni hku nna tinang Miwa Gala gum san magam ni hte myen mung Thein Sein asuya hpe madu ru sai langai hku shinggyin nauna myit hte tang shawn lu yang kaja na re. Masa hta mung kaja ai, htap htuk ai. Shanglawt gaw anhte lata kaw re shawng de matut gasat sa wa ga.
Baren numraw
Asean rapdaw zahpawng grai nsa shi yang gaw Mung masa hte sharen da ai ni hpe dat ya na Bawsang laknak hpai hpung yawng hte rapdaw kaw nan simsa lam bawng na tsun wa sai, 2014 Asean ningbaw mung lu tai sai hpang, mung masa hte sharen da ai masha n'nga ai, mara lu nna rim sharen ai sha nga ai nga, bai simsa lam hkum tsun lani hte pi KIO/KIA hpe shamyit kau na gasu kabrawng hpung gumlang hpung nga tara shang Thein Sein a n'gup na tsun pru wa ai gaw bawnu naw kaji ai ma langai mi a n'gup manaw nsam sha rai nga ai. Bai Hillary Clinton du sa wa yang No,2, sumtsan Slg. hpe sha sa tau shangun ai, kade ram sari n rawng ai hpe mu mai ai, Mungdan langai hte langai na Slg shada hkrum shaga yang myi man nsam, ga manaw, ga ngau, bu hpun sumli ai labu palawng nsam kaw na hkawt maram nna buhpun ra nga ai, simsa lam hte seng ai mahku mara ai hte seng ai mawn sumli nsam hpe chye ginhka hpun ra nga ai zawn dai hpe yu nna myit masa hpe maram mu mai ai. Ya du, shanhte shi laika kaw anhte hpe gasu gabrawng hpung, jahten hpung nga nna sha tsun nga ai gaw simsa na hte naw tsan nga ai kumla re zawn mung masa hku rapdaw kaw hparan na matu grai naw tsan nga tim mungkan mung masa, grup yin mungdan a hpaga masa gaw annau ni hte teng mung masa bawngban na de n'htu n'hkyi hte madi tawn nga ai.
Dai ni myen mung a bungli dap shagu hpe yu yang hpyen dap na lahta tsang du kaba ni hkrai jum tek ai, sum tsan Slg yawng mung hpyen dap na hkrai re,Dai ni a ahkaw ahkang arawng aya,shabyi shabrai gaw kaga mu gun ni hta grau law grau ahkaw ahkang nga ai.. law malawng shanhte hkrai re majaw,manam zawn sha sa matep ai kaga mu gun ni hte paty ni gaw madi shadaw pa nlaw ai majaw tara hkrang hte mung shawa a kaja ai nsen ahkaw ahkang ni hpe tatut hta lu galai shai na n'loi ai. Masha hte masa hkrang yawng galai kau yang she kalai shai ai de du na re.
Thein Sein asuya a galai shai sa wa na lam yawng hpe ninghkap dingbai dingna jaw ai gaw hpyen dap na re hte, Gumchying gumsa arang madu tingkyeng hpaga lauban sut du ni hkrai rai nga ai majaw, dai ni myit jasat n'gun hpe galai shai lu na yak ai. Bukda makam bung ai, myu bung ai ni sha ntsa tsang arawng aya mai lu ai, hpaji ninghkring ni madi shadaw ai lam n nga ai.
Rapdaw a Democracy Tara rapra masa kaba hku gara hku mung nmai sa nga ai. 2008 a gawda ai tara hpe mung kade nhtuk tim nmai galai ai mung mayak rai nga ai. Hpyen masa kaba hku Min Aung Hlaing Bayetnam- Miwa mung sa ai, Soe Win Bangladesh sa ai lam ni gaw makau grup yin hpe mung masa hkrang hpe maga mi de myi man kaba pa ai lam madun jahkrit ai lam re. Tinang rapdaw hpe mung nanhte gaw anhte ra ai hku n galaw yang palawng kata sinat kadun hte madi tawn ai, lak san nga lu na matu bungli n galaw ra ai shat da man man lu ai shawa nta kaba hpe manyi sum tsun masu nna jahkrit ai kum la madun ai.
Myen hte Miwa a lapran matep hkrum ai masa kata kaw mung masa shawng lam gaw madu dawng hkawn gwi gwi sharawt na, madu lamu ga dailup daihpang ga hpe, sadi dung, magrau grang ai myu tsaw myit hpe jum tek nna Annau ni kaji tim reng ai, nyam ai, sai kaba magam myu, tinang lamu ga ntsa tsap ai, kadai hpe shingnyeng nra ai. Lahpum sharawt dan nna, anhte lamu ga hku gas len shalai la mayu ai hpaga lam law law hkang nhpyi ai,madu yi ngam ntsa majoi hkai sha lu na hku galaw ai. Masu hkawm nga ai lam ntsa na chyatam hpe nhprang rai manu dan ai rai ni kaman shaw la shangun na kun? Mung masa hpyen masa,UNFC gaw lapu baw hpe gabye dip tawn ya ai hte bung ai.
UNFC hpyen hpung gaw madu up hkang ai mungdaw byin na de woi lakawn na re. Lawan hpaw lu yang kaja dik htum re, Miwa gaw hpaga sha lu ga na tai jang kadai hpe mung garum na sha re. Si na nhkrit, nlu sha na she hkrit ai myu re majaw miwa arang kaba hpe shatsang ra ai, miwa a hpaga masa yawng hpe pat ra ai jahten ra ai, shaloi she myen gaw hkumbawt lawu ai myi nmu gwi mana hte bung nna zinlawng hku de jau hkrat bang na re. Maga mi de miwa hte mung jahkrup jahkra galaw ra ai. Masa 2 hku tsap sa wa yang kaja na re, htingbu miwa hpe mung si mani dik ai hku masawp yu ai hte kata ang ang lu shang hkra myen a manaw hpe galai kau lu hkra shakut yu ra ai.
Miwa mungdan hte Gala mung kaw shanu nga ai tsaw ra ai chyurum ai hpunau ni e dai ni na, madu saidaw saichyen ni hkrum sha nga ai ,tara nlang roirip sat shamyit nga ai hpe myitsu hpu nau ni hku nna tinang Miwa Gala gum san magam ni hte myen mung Thein Sein asuya hpe madu ru sai langai hku shinggyin nauna myit hte tang shawn lu yang kaja na re. Masa hta mung kaja ai, htap htuk ai. Shanglawt gaw anhte lata kaw re shawng de matut gasat sa wa ga.
Baren numraw
8 comments:
Barennumraw tsun ai hte maren miwa kala mung na hpunau ni hku nna tinang lu gin ai ahkaw ahkang hte madu kahpu kanau ni matu kaja nan hpyi shawn tang madun wa yang masa gaw kalai wa na re law,
dai hta n'ga mungkan hta chyam bra nga ai hpunau ni yawng lu ai ten hpe manu shadan nna ninghkap
madun ra ai hte laika law law lawan tang ra ga ai.
Myen gaw annau ni hpe ga garan sai re gaw asan mu sai,anhte mung myen a myu kata shingdu de ten shagu shatsang ra ai,kai chya ni hku shi shabra
laika pa law law shabra ya yang kaja na re.myen gaw moi kaw na galoi myit hpraw san seng ai lam galoi n'nga ga ai hpe mung dum nna shara kachyi mi pyi nmai jaw ai.
Jaw dik ai ga tsi ga ngau ni nan rai sai
Moi,miwa gum san Tingshaufing gaw banau nay win hpe shaga la nna, miwa mung kaw nga ai jinghpaw ni hte jinghpaw mung daw hpe ginhpawn nna mungdan langai gyin shalat ya na matu jahkrup sai re. Dai lam hpe nay win wa hpa mahtai mung njaw, a katsin nga tawn shalai kau ai. Dai ni, dai lam atawm sawk nna Miwa gumsan ni hte jahkrup na ten du sai.
Miwa, GAla hte Jinghpaw mungdaw ginhpawn nna SHANG LAWT MUNGDAN gaw gap sa wa na de myit ga.
Baren Numraw a ning mu ni grai nan jaw nga ai law..
1. Ya ten hta shanglawt gaw majan mung gasat ra mung shawa tsin yam hpe mung yu ra rai nga ai majaw, miwa hpe mung kasa ginsup ai hku nna mung rai u ga tsin yam ni hpe lit la na n dang lu wa sai lam mungkan UN hpe a san sha laika bang yang kaja ai shaloi gaw miwa hpe tsin yam ni hpe yu na matu mung kan ting mung tsun wa na re. Shanglawt Asuya gaw myu sha ni hpe n kabai da ai sha makawp maga lit la ya nga ai hpe mung chye na ai. Raitim masa hpe gaw yu n na ginsup ra na re. n rai yang gaw lit li nna shawng lam mung masa hta ding bai ding na mung byin wa na re.
2. Miwa hte gala mung de nga ai Jinghpaw Wunpawng chyurum hpunau ni hpe shanhte hte seng ai mungdan Asuya ni kaw tangshawn shangun ai lam ni hpe galaw yang kaja ai.
3. Miwa a hpaga lam hpe direct or indirect hku mi rai rai mungdan jarit shara sha n ga Myo mare kaba kata hkan mung hkra hkra ladat tam galaw ra na re.
4. Ya ten majan gaw bumga mare kahtawng hkan sha byin nga ai zawn re majaw Myo nga masha ni grau nna Yangon, Mandalay lawu ga na Myen ni gaw shanhte n seng ai zawn she rai nga ma ai, dai hta Myen ningbaw ning la ni mung lawm nga ai. Dai majaw civil war mungdan majan gaw shanhte hpe mung direct hkra byin mai ai ladat hkum sum hpa hpe jasat sa ra na re hpe mu ai.
Dai rai yang gaw kade n na ai a ten ni hta Myen Asuya gaw mungdan majan hpe jahkring nan jahkring ra ai kaw du wa na re...
Myu kata de na miwa kala ni hpe a sutlu nga mai lam hpe hkawn laja lana hta lahkawn ra ai,mungkan mungdan law law hta,tinang myu sha hta kaja ai hpe
yawng gasat ra ai hpraw ai chyang ai nau nmai yu nga sai,dai hpe agam nga jang gaw annau ni sha grau duhka na re,Manmaw,myitgyina,Mugawng,Hupin
Munyin,anhte lamu ga kaw na mare kaba ni hkan shanu nga ai Miwa yawng hpe laja lana du hka jaw
anhte a mung chyin masat ni jep ra ai,anhte lamu ga kaw nga na ahkaw ahkang masat pa la shangun ra ai,nlu ai nla ai ni hpe sharen ra ai.
mungdan kaw lagu shang ai kaichyan masha hku ahkyak la ra ai.Miwa kala ni majaw annau ni yak ai ngu kaja sha mai tsun ai re.
kutkai,lashu,Namtu,Muse,munggu,Namhpakka,Tangyan,
hte mare kaba hkan shanu nga ai miwa kala yawng hpe shatsang ra ai,Hkawn laja lana hta ai,anhte
lamu ga hta nga ai manam masat pa galaw shangun nna jep ra ai,shaloi majan gasat nga ai lam loi
masa gayin wa na re,Zahkungtingying hpung ni gaw
Miwa hpaga la law law hpe hpaga ga shangun nga ai majaw tinang kahpu kanau ni kade si tim madu kan wang na sha myit nna,myen a mayam tai nga ai re.
Bai anhte hpu shawng hpuba Myen du kaba Lazum Kum Hpang a hpang jahtum ten hta tsun ai ga hpe mung myit dum ga,madu jan san ai ya na myu ni sha nang hpe sat sai i rai da? shaloi Lazum Kum hpang tsun ai ngai mu gun ai nye hpyen la she re da,tsaw ra ai KDA,NDAK,Lasang Awng,agudang,
Hkum myet,ni e nanhte shu mashi du hkra duhka jaw sat nga na gaw nanhte sat ap nawng nna nchyang shang nga ai myen ni sha rai na re,
Moi jinghpaw dap ni hpe sat shamyit lai wa sai hpe mung dum ga law,majan pa hta sinat ngoi sai hte tinang hpang de na hkrai gap sat kau kau re hpe ten naw lu yang myit dik yu nna lawan galai shai u,Na kashu kasha ni hpe matsan dum u uhpung
hka yang sharaw dun ai da yaw,dum ladum hka yawn na.
Post a Comment