Teng simsa mayu ai rai yang tara shang ndau shana mai nga ai, bawsang yawng hpe asan sha asuya langai hku ndau shana ra ai rai yang, hpa majaw mayun mayoi hkuwat hkinchyi hku masem mada pru nna yawng hte ten langai hta mung masa lam yan hpe rapdaw hta mungkan hte mung chying shawa yawng mu mai chye gin ai hku nmai bawngban jahta jahkrup nga ai kun? Pahkam kaba hkam tawn ai gaw asan mu mai nga ai.
1-shada hkungga lara ai ningsam ningmu shawng gran ra ai.
2-Kam hpa kam gin ai ningmu masa shawng hpyen dan ra ai.
3-Tengman myit hpraw san ai lam madun dan ra ai.
4-Shada langai hte langai a ahkaw ahkang hpe manu shadan lit la ai lam nga ra ai.
lahta na masing ningmu shawng manaw shapraw madun dan yang she simsa lam a matu myit mada tawn nna masing jahkrat hkyen tawn let bawngban sa ra nga ga ai.
1-hpyen masa n'jahkring ai.
2-2008 tara masing n'galai ai.
3-mung masa lam hku rapdaw hta tara shang bawngban ra ai.
4-Democracy hkrang hte teng galai shai ai lam nga ra ai.
5-Masha a ahkaw ahkang lu gin galai sha ra ai.
ndai lam ni shawng masing jahkrat galaw sa wa ai lam n'nga yang Annau ni bawngban tim lachyum npru shi na re, Ningbaw kaba ni hku na shamu shamawt yang mung nau grai nhtap htuk shi ai jau ai, Sari rawng ai hte ngang ngang kang kang sadi maram yu nna ten hte masa hpe lagaw lahkam jaw jaw, maram shamawt yang kaja na re.
Thein Sein a ga manaw gaw ma ginsup chyai ai daram re ai masa sha naw re majaw annau ni hku na grai ahkyak la nmai shi nga ai.manu dan ai ga manaw li li namnak nga nga, tsun shaga wa ai shani, rapdaw Slg. ni yawng kaw na tsun shaga wa ai shani she annau ni myit yu ra nga ga ai, Thein Sein a lani mi sha annau ni hpe gasat shamyit kau lu ai, gasu kabrawng hpung jahten sharun hpung nga nna sha manaw shapraw tsun nga yang, jahta na ten nre, bai hkranglen rapdaw Slg tsun ai ndai ram shata 6 jan gasat wa ai majan hpe Gumsan magam langai tai nga sai, Thein Sein nchye ai nga gaw masu myit nmat ai, kaya nchye ai madu kraw hpe hpaw dan ai hte bung ai.
Masha shada manu shadan ai, Tara hpe hkungga ai, Ten hpe lachyum pru hkra akyu jashawn ai, Tengman san seng ai myit masa nga yang she Simsa lam tsun jahta yang manu dan na re.
1-mung masa.
Lapu kaba a baw hpe lapai lagaw lahtin hte hkindit kabye dip tawn nna zimsha nga let pru wa na shinglet 2 bra hpe matep di kau ya ra ai. KIO gaw zim sha nga nna, Myi kaba, Na kaba, Sum tsan pala hkyen tawn ai hte bum tsaw kaw na mada mu tawn ra ai, KIA a shamu shamawt lam gaw mung masa hkrang hpe asan mu wa na, Amerika asuya hte masha ahkaw ahkang hpyi ai Wuhpung wuhpawng ni hte matsan grit nyem dik ai masa gaw annau ni hpe madu awm dawm up hklang ai de dun sa wa na re, sadi hte lahkum hta ngang ngang dung taw ra ai.
Amerika hte Miwa a shamu shamawt masa hpe joi si hta shen maram yu let UNFC hku sha nrai yang nmai shamu shamawt na re. UNFC gaw lapu a baw hpe dip tawn ai hte bung nga ai. Yaju yahkyeng nmai ai. Ten masa hpe la nna gamawt ra ai. Masa zai ladat ginsup ra ai raitim Media hte ginsup ai grau naw hkra machyi na re. Mung masa shamu shamawt lam gaw gangwi galai shai wa ai baw re majaw, tin nmai nga ai.
2-Hpyen masa
Hpyen masa hku yu ga nga yang mung bawnu hpe hpaihka hte madi tawn nna lashawng gang tawn ai hte bung nga sai ten re, myit marai masa,atsam marai hku mung lamu ga madu re majaw lamu ga masa dang ai, mung tsaw myu tsaw myit jet ai, tengman ai majan re, magrau grang ai myu re, labau rusai nga ai myu re, Bum nga masha ni gaw mazut ai, jamjau hkam ai,ntara ai lam hpe nkam hkam ai,gumlang ai myu re.
Sadi dung ai, masin ja ai, myu sha yawng madi shadaw nga ai ten re, matsan lusu masha nga pra madang nau nshai ai myu re majaw myit hkrum ai n'gun nga ai, mung shawa yawng madi shadaw ai ten re majaw majan mai dang ai. Tai hpyen gaw galoi mung kasi kaja nlu madun ai majaw hkrat sum ai kum la re, shanhte myit hta numla nsan ai madu buga lamu ga nre chye ai, ndai gaw shanhte hkrat sum na npawt re. Ten galu machyu pala law law nlu gun ai. Shingdu de myit dun nga ai, shingdu de tingsan waw taw sai, mungkan a ningmu hta kaya kaba hkrum nga sai. Tai hpyen,gumshem hpyen gaw hkrat sum nga sai, hpyen masa nmai shayawm ai.
3-Shi htawn shi gunhtin majan.
Tengman shihtawn shi shabra lam,Media,mung masa ninghkap n'gun madun ai lam Tara ai mabyin ahkaw ahkang tang shawn madun ai lam, hpyen yen tsin yam lam, masha ahkaw ahkang hpyi shawn ai lam ding ding galaw ra ai zawn zai ladat hkum hkum tara ai jaw ai shiga hpe lawan ai hku tang madun lu ai gaw ndai ten mung masa hpyen masa hta grau masam sa, hkra machyi na re.
4-hpaga majan
Miwa ga de nhkrang rai len shalai la mayu ai, madim kaba law law gawgap mayu ai, arang kata nhkrang sutrai htu shaw la mayu ai Maisak mailung, ja lung seng manu dan rai ni lamu ga majoi madu la mayu ai a majaw, mung masa bawngban ai rapdaw kaw du na yak nga ai. Mung masa rapdaw de du hkra shihtawn shi shabra ladat gaw sinat law law gap ai hte bung ai. Amerikan Maigan dat kasa hkringmang kaba Hillary Clinton a myen mung de sadu maram yu ai ndai ten masa gaw ahkyak ai lamang rai nga ai, democracy tara hkrang, masha a ahkaw ahkang, bawsang myu tsaw hpyen hpung [UNFC] ni hte jet ai tengman ai simsa lam bawngdung sharen da ai hkrum ai mung masa la ni hpe teng galai shai ai lam hte hkrang shapraw nga ai kun? Shaning galu hpyen langai hku masat nna, tsun jahpoi nga ai myen asuya gaw Amerikan a man kade ram galai shai galaw dan lu na kun? Mungdan langai hku nna mungdan langai a kata lam hpe atit anang shang shamawt nmai nga ai majaw mungmasa lam gaw gangwi she galai shai wa na re. Yajang gaw kalai shai na re ngu nmai myit mada nga ai. Myen gaw grau nna anau ni hpe jut de htu bang lu hkra naw shakut nga na sha re.mungkan hte mung shawa hpe matut nna masu lu ai daram masu na sha re. Ndai ten hpyen masa grau shaja ai rai yang gaw, galai shai lawan na re, myen a shaning galu ginsup lai wa sai lam hpe yu yang hpyen masa hta teng hkrat sum machyi wa magang maga mi de gap hkrat lu jahkring hkra ladat tam wa ai gaw moi mung galaw lai sai, ya mung dai masa de yawng nga ai.
Sum tsan pala hpe masing jaw jaw gap ga.Padang dip la na ten grai nyi kahtep wa sai.
Gasat ga.
Baren Numraw
1-shada hkungga lara ai ningsam ningmu shawng gran ra ai.
2-Kam hpa kam gin ai ningmu masa shawng hpyen dan ra ai.
3-Tengman myit hpraw san ai lam madun dan ra ai.
4-Shada langai hte langai a ahkaw ahkang hpe manu shadan lit la ai lam nga ra ai.
lahta na masing ningmu shawng manaw shapraw madun dan yang she simsa lam a matu myit mada tawn nna masing jahkrat hkyen tawn let bawngban sa ra nga ga ai.
1-hpyen masa n'jahkring ai.
2-2008 tara masing n'galai ai.
3-mung masa lam hku rapdaw hta tara shang bawngban ra ai.
4-Democracy hkrang hte teng galai shai ai lam nga ra ai.
5-Masha a ahkaw ahkang lu gin galai sha ra ai.
ndai lam ni shawng masing jahkrat galaw sa wa ai lam n'nga yang Annau ni bawngban tim lachyum npru shi na re, Ningbaw kaba ni hku na shamu shamawt yang mung nau grai nhtap htuk shi ai jau ai, Sari rawng ai hte ngang ngang kang kang sadi maram yu nna ten hte masa hpe lagaw lahkam jaw jaw, maram shamawt yang kaja na re.
Thein Sein a ga manaw gaw ma ginsup chyai ai daram re ai masa sha naw re majaw annau ni hku na grai ahkyak la nmai shi nga ai.manu dan ai ga manaw li li namnak nga nga, tsun shaga wa ai shani, rapdaw Slg. ni yawng kaw na tsun shaga wa ai shani she annau ni myit yu ra nga ga ai, Thein Sein a lani mi sha annau ni hpe gasat shamyit kau lu ai, gasu kabrawng hpung jahten sharun hpung nga nna sha manaw shapraw tsun nga yang, jahta na ten nre, bai hkranglen rapdaw Slg tsun ai ndai ram shata 6 jan gasat wa ai majan hpe Gumsan magam langai tai nga sai, Thein Sein nchye ai nga gaw masu myit nmat ai, kaya nchye ai madu kraw hpe hpaw dan ai hte bung ai.
Masha shada manu shadan ai, Tara hpe hkungga ai, Ten hpe lachyum pru hkra akyu jashawn ai, Tengman san seng ai myit masa nga yang she Simsa lam tsun jahta yang manu dan na re.
1-mung masa.
Lapu kaba a baw hpe lapai lagaw lahtin hte hkindit kabye dip tawn nna zimsha nga let pru wa na shinglet 2 bra hpe matep di kau ya ra ai. KIO gaw zim sha nga nna, Myi kaba, Na kaba, Sum tsan pala hkyen tawn ai hte bum tsaw kaw na mada mu tawn ra ai, KIA a shamu shamawt lam gaw mung masa hkrang hpe asan mu wa na, Amerika asuya hte masha ahkaw ahkang hpyi ai Wuhpung wuhpawng ni hte matsan grit nyem dik ai masa gaw annau ni hpe madu awm dawm up hklang ai de dun sa wa na re, sadi hte lahkum hta ngang ngang dung taw ra ai.
Amerika hte Miwa a shamu shamawt masa hpe joi si hta shen maram yu let UNFC hku sha nrai yang nmai shamu shamawt na re. UNFC gaw lapu a baw hpe dip tawn ai hte bung nga ai. Yaju yahkyeng nmai ai. Ten masa hpe la nna gamawt ra ai. Masa zai ladat ginsup ra ai raitim Media hte ginsup ai grau naw hkra machyi na re. Mung masa shamu shamawt lam gaw gangwi galai shai wa ai baw re majaw, tin nmai nga ai.
2-Hpyen masa
Hpyen masa hku yu ga nga yang mung bawnu hpe hpaihka hte madi tawn nna lashawng gang tawn ai hte bung nga sai ten re, myit marai masa,atsam marai hku mung lamu ga madu re majaw lamu ga masa dang ai, mung tsaw myu tsaw myit jet ai, tengman ai majan re, magrau grang ai myu re, labau rusai nga ai myu re, Bum nga masha ni gaw mazut ai, jamjau hkam ai,ntara ai lam hpe nkam hkam ai,gumlang ai myu re.
Sadi dung ai, masin ja ai, myu sha yawng madi shadaw nga ai ten re, matsan lusu masha nga pra madang nau nshai ai myu re majaw myit hkrum ai n'gun nga ai, mung shawa yawng madi shadaw ai ten re majaw majan mai dang ai. Tai hpyen gaw galoi mung kasi kaja nlu madun ai majaw hkrat sum ai kum la re, shanhte myit hta numla nsan ai madu buga lamu ga nre chye ai, ndai gaw shanhte hkrat sum na npawt re. Ten galu machyu pala law law nlu gun ai. Shingdu de myit dun nga ai, shingdu de tingsan waw taw sai, mungkan a ningmu hta kaya kaba hkrum nga sai. Tai hpyen,gumshem hpyen gaw hkrat sum nga sai, hpyen masa nmai shayawm ai.
3-Shi htawn shi gunhtin majan.
Tengman shihtawn shi shabra lam,Media,mung masa ninghkap n'gun madun ai lam Tara ai mabyin ahkaw ahkang tang shawn madun ai lam, hpyen yen tsin yam lam, masha ahkaw ahkang hpyi shawn ai lam ding ding galaw ra ai zawn zai ladat hkum hkum tara ai jaw ai shiga hpe lawan ai hku tang madun lu ai gaw ndai ten mung masa hpyen masa hta grau masam sa, hkra machyi na re.
4-hpaga majan
Miwa ga de nhkrang rai len shalai la mayu ai, madim kaba law law gawgap mayu ai, arang kata nhkrang sutrai htu shaw la mayu ai Maisak mailung, ja lung seng manu dan rai ni lamu ga majoi madu la mayu ai a majaw, mung masa bawngban ai rapdaw kaw du na yak nga ai. Mung masa rapdaw de du hkra shihtawn shi shabra ladat gaw sinat law law gap ai hte bung ai. Amerikan Maigan dat kasa hkringmang kaba Hillary Clinton a myen mung de sadu maram yu ai ndai ten masa gaw ahkyak ai lamang rai nga ai, democracy tara hkrang, masha a ahkaw ahkang, bawsang myu tsaw hpyen hpung [UNFC] ni hte jet ai tengman ai simsa lam bawngdung sharen da ai hkrum ai mung masa la ni hpe teng galai shai ai lam hte hkrang shapraw nga ai kun? Shaning galu hpyen langai hku masat nna, tsun jahpoi nga ai myen asuya gaw Amerikan a man kade ram galai shai galaw dan lu na kun? Mungdan langai hku nna mungdan langai a kata lam hpe atit anang shang shamawt nmai nga ai majaw mungmasa lam gaw gangwi she galai shai wa na re. Yajang gaw kalai shai na re ngu nmai myit mada nga ai. Myen gaw grau nna anau ni hpe jut de htu bang lu hkra naw shakut nga na sha re.mungkan hte mung shawa hpe matut nna masu lu ai daram masu na sha re. Ndai ten hpyen masa grau shaja ai rai yang gaw, galai shai lawan na re, myen a shaning galu ginsup lai wa sai lam hpe yu yang hpyen masa hta teng hkrat sum machyi wa magang maga mi de gap hkrat lu jahkring hkra ladat tam wa ai gaw moi mung galaw lai sai, ya mung dai masa de yawng nga ai.
Sum tsan pala hpe masing jaw jaw gap ga.Padang dip la na ten grai nyi kahtep wa sai.
Gasat ga.
Baren Numraw
6 comments:
Hkau myit su Ni e dai Laika glu glang re baw nau Hkum ka shaja mu, ya gaw dai zawn zawn glu gland Hti chyai na ah ten gdai n Nga ai, jp Laika hpe chye Hti chye ka ai wp Ni grai yawm mat sai, dai majaw gaw grai glu jang dai n chye Hti n chye ka ai Ni myit daw mat na Ra ai, dai zawn ngu tsun yang myen Laika hpe ka ai Ra sharawng ai zawn Nga na Ra ai, dai hku n re yaw teng sha an hte wp myu sha (sha Ra sha gu) hta Nga ai Ni yawng jp Laika hpe ah tsawm sha rin ya na gadai n n Nga na re dai majaw gara hku tsun na kun n chye mat sai
Tinang laika hpe chye nan chye hti shakut ra ai
dai she myu tsaw mung tsaw myit re.shalut na hti u
ningmu ngu ai gaw simai hkum hkum sha ai shatda hte bung ai,jinghpaw jet jang gaw jinghpaw ga jinghpaw laika hpe manu sjadan ra ai tsaw ra lu hkra shakur ga.
Media masa hte gasat ai gaw pala law law n'gun kaba dik ai laknak re,barennumraw e myu a matu
kaja dik lam ni hpe matut nna naw tang ya kaja ai.
n'gun lu ai tinang myu hpe tsaw ra ai ni gaw tinang myu htung hking laili laika hpe
manu shadan ra ai.
Hpu/nau Baren Numraw e,shakut na re law,Karai Wa Padang jaw ai ten du wa sanu ga law,n dai zawn an hte a lam hpe a san pra mu mada hkra galu tim a zing a yan
tang madun shadum/n gun jaw ai grai chyeju dum sai yaw.Ngi gaw bungli kyin n na ma hkra n lu hti yang hpa hpe tsun mayu ai hpe n tsa lam shawng ma hkra a lawan hti la n na,rau ai ten hkan she n pawt n dung hkran bai hti la ai,Na a lai ka ni hti shagu an nau ni a mung masa lam hpe chye na lu ai hta n ga Jinghpaw lai ka/ga mung grau chye jat la ai,chyeju gaba sai yaw.
Baren Numraw e, nang gaw mying hte hkan nna, baw nu grai kaba hpaji kaja jaw, Jinghpaw wunpawng sai jet rai ndai. Na Laika ni hti nna tu nga ai wan shadaw hpe jak sau jaw shagrung ya ai zawn nga grai a myit rawt, n gun da ting nga nngai. N dai daram manu dan ai Laika hpe galu ai ngu n tsun dam. Mali manga lang kahtap hti nngai. Grai chyeju kaba sai. Matut nna mung Law law, laika pa n law htum mali manga re mung ka ya rit.
UNFC dap nawng hpyen hpung hku shamu shamawt ra ai,myu lakung yawng a matu kaja dik sai dai ni myen makrim ai gaw UNFC hpe re.Sihkam dap nawng hku hpaw ninghtan yang majan awng dang na re.nmai
hting nut sai.matut gasat sha mai sai.yawng chyawm
gasat wa yang lawan mahtai pru na re hte myen lawan hkrat sum na re.
Post a Comment