Tsaw ra ai W.P myu sha ni yawng e, anhte yawng sadi maja let sak hkrung hkawm sa nna myu sha lam yan hta myit hkrum sadi dung ai myit hte W.P mung dan hte W.P myu sha yawng shang lawt lu hkra a dawt gasat la ra ai aten du taw nga sai re. Simsa lam la nna myen hte rau bai kanawn nga na gaw tsep kawp nmyit saga. Lai wa sai shi jan ning na zawn katsi majan hte bai myen amyu ni gaw an nau ni hpe bai gasat shamyit na chyalu sha re. Myen mung hpe jet ai Democracy hte up hkang sa wa na ga tim myen hte rau sha nga sai nga jang gaw anhte a laili laika hte htung hkring ni ndum shami rai hpang jahtum mat mat wa ai ga de du mat na chyalu sha re hpe anhte dum nga ra sai re. Myen gaw myit nding ai amyu re hpe dum nga ga. N-law la ai, nlaw shi ai anhte myu sha ni hpe Tsadan matse labye, jahten sharun ni gaw n-gun kaba hte W.P mung dan shara shagu jahten sharun hkawm nga ding yang, a zat shamyit taw nga ding yang rai nga ai law. Dai ni anhte myu sha ni grai jam jau taw nga sai re. Tsa dan hpyen wa gaw anhte myu sha ni hpe shada myit n-hkrum wa hkra sai garan hkawm nga ai. Myu sha shada sat hkat shangun taw nga ai re. Dai majaw anhte myu sha ni grai sadi maja let anhte myu ni grau grau gahkyin gumdin makai hkak wa na matu shakut ra sai. Wa Karai Kasang kaw akyu hpyi shakut ding yang rai ra sai re. Hpa majaw nga yang anhte myu sha ni gaw masha n-gun nlaw shi ai. Hpyen masa hte anhte myu sha ni ra sharawng ai, myit mada da ai awm dawm shang lawt lu hkra gasat la na grai naw shakut shaja ra nga ga ai re. Ndai zawn rai shakut shaja nga ai ten mung masa hpe nmai tat sum kau ai. Dai majaw ndai hpan lahkawng hpe ngang ngang jum manat da ra ai re majaw anhte myu sha ni yawng a kam hpa shara daju, a hkrung nga nna up hkang nga ai Madu Karai Kasang Wa hpe ten shagu garum hpyi, akyu hpyi ra nga saga ai re.
Anhte myu sha ni kasi la na myu sha hpan mi nga ai. Dai amyu ni gaw Ishare (Isarael) amyu ni re. Shan hte gaw mung dan kaji ai hte masha nlaw ai rai tim shanhte gaw shani shana Karai Kasang kaw akyu hpyi ai. Hpaji hpyi la ai. Dai majaw Karai Kasang a shaman chye ju hte hpaji grai kung kyang nna hpyen lak nak madang tsaw tsaw lu shapraw ai. Hpyen zai ladat grai kung kyang ai. Ishare mung dan ting hpe kaga mung dan ni grup hkara jawm wang nna gasat tim pyi galoi nsum ai. Dai gaw hpa majaw ta nga yang shanhte Karai Kasang hpe kam ai majaw shanhte hpe Karai Kasang garum la ai, shaman ya ai. Dai majaw nlaw la ai anhte w.p myu sha ni mung , dai ni dai na jang karai kasang kaw akyu hpyi let hpyen wa a zingri zingrat shamyit mayu ai ladat kaw na lawt lu nna anhte myu sha ni myit mada nga ai awm dawm shang lawt mung dan lu madu la hkra ladat amyu myu shaw nna ta tut shakut sa wa saga.Karai kasang gaw shi a amyu sha ni rai nga ai anhte w.p myu sha ni zingri zingrai sat hkrum taw nga ai hpe yu nna grai myit npyaw ya na re. Anhte myu sha ni hpe zing ri ai gaw karai kasang hpe zingri ai hte maren sha re. Dai majaw Krai Kasang gaw anhte maga tsap ya nna Satan wa hpe hkyam sa jaw na nre. Tara je yang na ra. Anhte myu sha ni yawng ahkrung nga ai karai wa hpe myit sadi dung let kam shan nga nna akyu hpyi shaja na grai ahkyak nga ga ai. Myu hte mung dan a matu, anhte kam ai hkristan makam masham a matu akyu hpyi let sak se hkam sa wa na grai ahkyak nga ai. Anhte myu sha ni yanwg myit mang langai sha hte karai kasang hpe kam sham let mung dan shanglawt lu na lam hta lahkrip ra ra rai mung kan shara shagu de hkawm sa let anhte myu sha ni ra sharawng ai awmdawm shanglawt lu mayu ai lam ni hpe tang madun, hpyi shawn sa wa ai rai yang lani mi na nhtoi hta teng sha ban dung de du lu na gaw ga lahtum nshut re. Anhte myu ni hkrai shakut la ga nga yang mung mai gaw mai byin na re rai tim grai naw na na re, grai naw jam jau ra na re. Anhte hkawm sa nga ai ban dung hte anhte myu sha ni hkam sha nga ai zingri zingrat sat shamyit hkrum nga ai lam ni hpe mung kan kaw na mu mada ya na grai ahkyak nga ai ten rai sai law. Dai majaw nsim nsa akyu hpyi let shakut shaja sa wa ga ngu n-gun jaw dat lu nngai. Wunpawng Mungdan Shanglawt Asuya ningbaw ning la ni hte Shanglawt hpyen dap na myu tsaw share shagan ni yawng a matu, hpen yen tsinyam mungchying mung shawa yawng a matu akyu hpyi shakut nga ga ngu matut nna n-gun jaw, ga saw laika ka dat lu nngai law.
Tahkaw Krung
Anhte myu sha ni kasi la na myu sha hpan mi nga ai. Dai amyu ni gaw Ishare (Isarael) amyu ni re. Shan hte gaw mung dan kaji ai hte masha nlaw ai rai tim shanhte gaw shani shana Karai Kasang kaw akyu hpyi ai. Hpaji hpyi la ai. Dai majaw Karai Kasang a shaman chye ju hte hpaji grai kung kyang nna hpyen lak nak madang tsaw tsaw lu shapraw ai. Hpyen zai ladat grai kung kyang ai. Ishare mung dan ting hpe kaga mung dan ni grup hkara jawm wang nna gasat tim pyi galoi nsum ai. Dai gaw hpa majaw ta nga yang shanhte Karai Kasang hpe kam ai majaw shanhte hpe Karai Kasang garum la ai, shaman ya ai. Dai majaw nlaw la ai anhte w.p myu sha ni mung , dai ni dai na jang karai kasang kaw akyu hpyi let hpyen wa a zingri zingrat shamyit mayu ai ladat kaw na lawt lu nna anhte myu sha ni myit mada nga ai awm dawm shang lawt mung dan lu madu la hkra ladat amyu myu shaw nna ta tut shakut sa wa saga.Karai kasang gaw shi a amyu sha ni rai nga ai anhte w.p myu sha ni zingri zingrai sat hkrum taw nga ai hpe yu nna grai myit npyaw ya na re. Anhte myu sha ni hpe zing ri ai gaw karai kasang hpe zingri ai hte maren sha re. Dai majaw Krai Kasang gaw anhte maga tsap ya nna Satan wa hpe hkyam sa jaw na nre. Tara je yang na ra. Anhte myu sha ni yawng ahkrung nga ai karai wa hpe myit sadi dung let kam shan nga nna akyu hpyi shaja na grai ahkyak nga ga ai. Myu hte mung dan a matu, anhte kam ai hkristan makam masham a matu akyu hpyi let sak se hkam sa wa na grai ahkyak nga ai. Anhte myu sha ni yanwg myit mang langai sha hte karai kasang hpe kam sham let mung dan shanglawt lu na lam hta lahkrip ra ra rai mung kan shara shagu de hkawm sa let anhte myu sha ni ra sharawng ai awmdawm shanglawt lu mayu ai lam ni hpe tang madun, hpyi shawn sa wa ai rai yang lani mi na nhtoi hta teng sha ban dung de du lu na gaw ga lahtum nshut re. Anhte myu ni hkrai shakut la ga nga yang mung mai gaw mai byin na re rai tim grai naw na na re, grai naw jam jau ra na re. Anhte hkawm sa nga ai ban dung hte anhte myu sha ni hkam sha nga ai zingri zingrat sat shamyit hkrum nga ai lam ni hpe mung kan kaw na mu mada ya na grai ahkyak nga ai ten rai sai law. Dai majaw nsim nsa akyu hpyi let shakut shaja sa wa ga ngu n-gun jaw dat lu nngai. Wunpawng Mungdan Shanglawt Asuya ningbaw ning la ni hte Shanglawt hpyen dap na myu tsaw share shagan ni yawng a matu, hpen yen tsinyam mungchying mung shawa yawng a matu akyu hpyi shakut nga ga ngu matut nna n-gun jaw, ga saw laika ka dat lu nngai law.
Tahkaw Krung
4 comments:
dai ni na aten hta W.P mung dan hpe myen mung kata kaw na ga garan sai ngu tara shang n dau ra sai.dai shaloi she amyu baw san shagu mung myi hpaw let shakut shaja wa na re.ya dai ni na masa hpe yu yang laga amyu baw san rawt malan hpung ni gaw an hte ni hpe sha kam nga ma ai.(kachin ni shakut nga ma ai,kachin ni hpe mung daw up hkang tara jaw yang an hte ni hpe mung jaw na re nga n na zim sha nga nga ma ai) myen ngu ai tsa dan a myit hta gaw kachin gaw UNFC a ning baw re.ning baw hpe lu shamyit kau yang gaw ngam nga ai group ni yawng zim mat na ngu shadu ma ai.myen gaw laga amyu baw sang rawt malan hpung ni hpe hpa zawn pi n nawn ai.dai ni an hte W.P myu sha hpe gaw myen sawa wa hkrit ai re.jing hpaw mung dan hpe myen mung kaw na ga garan sai ngu tara shang n dau dat yang laga amyu baw sang ni mung yawng gasat wa na re.dai ni an hte myu ni shakut ai gaw kachin land (or) kachin state ngu ai hpe asan sha yawng chye ra nga ga ai....dai majaw K.K kaw kyu hpyi yang myu hte mung dan a matu shakut shaja nga ai yawng a matu,mung shawa yawng matu hte MUNG DAN lu na matu myit man langai hte rau jawm hpyi ga ngu...yawng hpe hkung ga let.....
Dai ni na ten hta,KK jaw ya ai A stam hte JaJa n dau sha bra ra ai gaw ,DAI NI KAW NA GAW ,KACHIN LAND ,ngu na n dau sha bra ra sai,lam sha gu hta KK lawm ya na re,
HPA N AUNG ANG NGA GA,an hte myu sha ni hpe sha myit wa ai gaw,ban prat hku rai wa sai,,,,dai ni na ten hta KK sha dum ai ten nan rai sai,,myu n law ai rai tim KK lawm yang Aung Dang ai lam rai na re,,( TI NANG MUNG DAN HPE GA GA BA HTE LA WAN N DAU SHA BRA RA SAI,,
N SEN GA BA HTE JA JA N DAU SHA BRA DAT GA,
Baw hpraw
myen ngu ai tsa dan wa gaw myen mung kata kaw nga ai amyu baw sang yawng hpe madu mung daw up hkang tara(FEDERAL STATE) hku jaw n kam ai re.FEDERAL STATE hku she jaw na nga yang an hte W.P myu sha hpe dai ni du hkra majan n baw ai..myen mung ting hpe prat tup shan hte myen ni sha up hkang mayu nga ai re.dai re majaw she UNFC hku hpyi tim hpa n sawn ya nga ai.UNFC malawm hpung ni mung n gup ga hte sha hpyi nga ma ai.ta tut galaw sa wa ai lam mung n nga ai.kaja wa nga yang ya ten myen mung ting majan wan jahkru dat ra ai.dai shaloi she myen tsadan wa hkrit let mung masa ga shaga wa na re.ya gaw an hte a kanu kawa tai let shakut shaja nga ai KIO,KIA hpe sha kam nga ma ai.myen mung dan kata kaw FEDERAL hku nga yang laknak hpai rawt malan hpung yawng gap ra nga ai..dai majaw dai ni na masa hpe yu yang an hte myu a kanu kawa tai nga ai KIO,KIA mung myen mung ting a lit hpe gun hpai ya n ra ai.an hte KACHIN LAND a matu sha shakut ra nga ai.K.K ra sharawng ai lam,hpyi shangun ai lam mung dai hku sha rai na re.laga amyu baw sang ngu ai ni gaw K.K hpe n chye shi ai.myen hte makam masham bung nga ma ai.dai zawn makam masham n bung ai myu baw sang ni hte an hte W.P myu ni bung li arau jawm galaw ga nga yang K.K jaw da sai ga sadi hte n htan shai na re.K.K gaw mung kan n tsa nga ai amyu shagu a matu n htoi tai na matu an hte jing hpaw wun pawng myu sha ni hpe lata san da ai re.dai majaw AWNG DAWM SHANG LAWT LU AI MUNG DAN (KACHIN LAND) ngu yawng chye hkra n dau shabra na a hkyak dik nga sai.....
HPAWT NI NA SHING RAN,,
LAMA NA ,TI NANG MUNG DAN GA RAN SA NA NGU NA ,N DAU DAT YANG
(1)SHA RA SHA GU NGA AI MUNG MA SHA NI N GUN MYIT MA SIN JAT WA NA
(2)MYIT DAW NA ,STA YA ,KAWCHYANG HKAWN NA MA DU JAN TAI NGA AI NI,PYI GAW ,YA KAW NA GAW ( SIN HPAN MALA,CHYA HPAN MA LA,NGA AI BAW NI BYIN WA NA
(3)YA GA BA WA AI MA NI KAW NA SHA PYI,DAI NI KAW NA GAW AN HTE MUNG DAN RAI SAI NGA NA MYIT GRAU RAWT WA NA
(4) MYO JUT SHA GU NGA AI NI YAWNG MUNG MYIT N GUN YA NA HTA GRAU GA BA WA NA
KK ,LAM MA DUN AI TEN DU SAI NGU KAM AI,
MYEN NI HKRIT DIK AI GA GAW,JING HPAW NI ,MUNG DAN GA RAN SANA NGA AI GA RE,,,,,,
Wa Di Wa rum
Post a Comment