Slideshow Image 2

DUM GA

Chye chyang ai myit, dum hprang ai myit, n'chye ai, ndum hprang ai myit hpe ten hpring sawn dinglik yu, maram yu, dinglun yu ai lam n'nga ai a majaw n'sum ging ai sum, n'machyi ging ai machyi, n'si ging ai si, n'byin ging ai byin re hpe shingra tara ngu na kun? Jan shang jan du jang shana, janpru manap hpe shani ngu yu shalai kau na kun? Ningsin ninghtoi hta byin chye ai hpe sadi ai gaw lai ai ngu n'nga mat na re dum ga.
Dai ni Ningbaw kaba ni, Slg kaba ni hpe shadum mayu nngai law. Madu jaw ai hku, madu tara kata, madu ahkaw ahkang kata, galaw dan nga dan ga ngu tsun mayu nngai. Madu gun ai madu lu, madu sha mayu ai madu gun sa na sha, masha ni jaw na sha sak hkrung ai nre hpe madun yu ga. Lai sai ten kaw na ndai hpe grai tsun mayu nga ai re. Dai ni tai hpyen wa gaw annau ni hpe tara nlang ai sat sharu nga ai myu shamyit nga ai, shingja laknak nmu ai mu ai laknak yawng hte gasat nga ai re du baw law law htu jaw nna, dang hkra gasat nga ai re majaw hpa lam hta mung sadi ai gaw nlai na re.
Myen hte mung masa bawngban sa ai ten ni hta tinang lu hka tinang gun sa nna shadan lu dan ra ai, myen hpe nmai kam ai lam shamu shamawt ningsam hkrang hte n gup ga ntsun ai galaw dan ra ai, myen jaw ai kum hpa ni hpe mai byin yang nhkap la yang kaja na re, lama hkap la yang pyi dasang palatsatik ta mawza sumbu hte la dan ra ai. Kade hkrit hpa yet manam ai myu re hpe htawng madun ra ai, dai hpe yu nna mungkan na mung sakse hku, mabyin hku, hpang na ma ni yu la mai ai hte labau re, mung masa amyet kaba tai na re. Myen hpe sadi dung u, teng ai galaw u tsun u ngu ai lachyum mung rai na re.
Hpa majaw, mu yu na yu ai shari mung grai law wa sai, myen a pale palau masu magaw sadi ndung ai gaw ya dai ni du annau ni hkam sha nga ai. Namdan myetle ga hta gahtawk tsi, jinat, numla shapoi sha ai, sara shaga nna nat galaw chye ai ni re hta n ga makam n bung ai nat sara grai shagrat nna wa bawng na re. Dai hta grau hkrit tsang ra ai gaw ga ngwi si chye ai, shingja tsi ni n bang ai ngu gadai tsun lu na ta? Annau ni makam sham lam grak na re raitim Karai nre hpe dum ga, dung lahkum kaw na hkawt pyi atsawm gatsut dan ra ai. Dai gaw n'gasat ra ai hpyen gumshem hpe dang la lu ai lam langai re. Shaning (60) du wa sai hpe mung dum ga, ngai hku na tsang ai lai mat sai kun?
Mungtsaw myutsaw myit a jaw re hpe sawn la ya marit.

Hkungga let,
Baren Numraw

11 comments:

shanglawt said...

Baren Numraw e grai jaw nga ai law myen hpe mai kam ai rai yang shanglawt lu ai na sai,dai ni mung myen a tsi kadai mi bai katut na kun?bawngban sa ai ni yawng a shingdu hpe maram dik yu ra nga ai,
byin lai wa sai manghkang ni grai nga wa sai,myen a tawn jaw ai sut masa hpe yu nna myu sha kaw na kade ram naw gadawng bang na kun? la yu ga chyurum ai myu sha ni e.myen a namkyaw na kade mi lawm nga ai kun?

MYU TSAW MUNG TSAW said...

TSAW RA HKUNG GA AI W.P MYU SHA NI E..DAI NI AN NAU NI MYIT MADA AI PAN DUNG GAW MUNG DAN LU NA MATU RAI NGA AI.DAI MAJAW AN HTE A AWNG PADANG GAW YEHOWA K.K RAI NGA AI HTE MAREN DAI YEHOWA K.K HTE GA SIDI LA NA AHKYAK DIK RAI NGA AI.DAI GA SADI GAW (MUNG DAN LU YANG K.K A MAN HTA MATSAT SHABAT RAI NGA AI,K.K N RA SHARAWNG DIK RAI NGA AI MYEN SAWA NI A GAWT NGU YAWNG ATSAI AWAI DI KAU NA) HPE K.K HTE GA SADI LA LET SHAWNG LAM HTA MYU SHA NI YAWNG K.K KAW MANOI MANAT SHAKUT SA WA GA NGU....MYU SHA NI YAWNG HPE HKUNG GA LET......

nnye la nau said...

Hpyen kaba Myen ni hpe shanhte gaw gade ram nhkru nga ai hpe madun dan na matu Hkau Baren Numraw tsun ai hku mung galaw shajang ga. Dai lam gaw anhte Myu Sha ni Myen hpyen hpe ndai lam hku kam ai lam re ngu tsun dan ai hku rai wa ga . Ngai shadang sha ga grai myit hkrum ga ai.

jidwi said...

sadi dung ga gumhpraw mu jang myu hpe malap kau chye ai ni ntai saga law,saidaw saichye hpang na ma ni hpe matsan dum ai myit hte sawn yu na galaw sa ga law,kata hpyen hpung shagrat tawn ra sai.kata masing majan gaw ya she hpang wa nga ai.
grau sadi ga,mu ai hku gasat ai gaw nau nhkrit ra ai nmu ai hpyen she grau hkrit tsang ra ai chyurum ai myu sha ni e.

maji Bum said...

hpyen majan hta njaw n'ang ai simsa lam gaw grau hkrit tsang ra dik ai,myen a ten garawt nna shu mung n'rai,nga mung n'ngut re hku gangwi makru daw kau ai masa hpe hkrit ra dik ai.Medai majan gaw ya she hpang wa ai.shiga sumbu bawm kaba ni hpaw kapaw saga law.

hkunman said...

Teng ai teng ai, dai hku galaw dan mu, GLOVES,lang mu, hkan hte hpa jaw jaw, dung pung hkum hpe mung gatsut n-na she dung mu,hkan hte kawna lai wa ai n-bung pyi nau n-mai marawp ai,GOD, kaw Myit masin mahkra hte kyu a-tsawm hpyi la n-na she bungli shachyen sa wa mu.

Anonymous said...

Salang wa tsun shadum ai hte seng na grai teng nga ai.lama la teng ai myen hpyenla pru langai ngai hpe tsun dan ga ai,machyu hpe shat shatmaini hta rau jawm shadu na shat jaw sha dat yang machyu gung hkum kaw shang nhtawm 3,4 ning nga jang si chye ai hku kalaw ai da.dai majaw simsa lam hte mung masa hkrum zup hpawng kalaw sa shagu nawku makam masham na hpung woi langai ngai hpe woi sa nhtawm kyu shawng hpyi di hpawng hpang wa yang kaja dik re na shadu ai.

Anonymous said...

ya myen ni ja hpawng sh aga ai hta shang lawt du ga ba ni n sa shi jang grai ka ja na re shan hte myen ma ga de na mung hpa ah hkyak n re ni sha sa ai re majaw luk chyan na tsang ra ai ahn hte KIA ni gaw 1 re tim grai reng ai ma sha n law ai grai ma nu dan ai du ni re sadi ga

Bumdu said...

dai majaw ningbaw kaba ni kachyi mi pyi nmai sa na re,anhte myu sha ni gaw nlaw ai hta n'ga
hpaji chye ai mu gun grai shau ai hpe dum ra ai bai myen a mung masa hpyen masa dang na matu hpraw ai chyang ai yawng galaw ai ni re,shanhte hpyen ma ni hkying kaba si sai mung dum nna bawngban ai kaw sadi dik ra na re.miwa hpe mung nmai kam ai.mung msa bawng tim shanhte dang hkra jaw hkra galaw la na re.

hkri ma said...

myen a masawp shatsawm ai mung masa bawngban lam hte tawn jaw masu ai hpyen masa hpe mung grau naw hkrit ra na re.shada myit garan na hpe grai tsang ra ai.myen grai sum machyi sai majaw dai kaw na lawt pru na matu mung masa hpyen masa ginsup ai masa hpe mung maran dik yu ra ai.

shanglawt said...

ya ten hpakan maw hpaw ai gaw anhte myu sha ni a matu hpa akyu myen ni sha madu sha kau na re anhte gaw makau kaw na n'sha u zawn yu nga na hta lai nna pa yawng gaw myen hkrai gun sha mat wa na re.maw yawng pat kau yang mai na re.

Post a Comment