Slideshow Image 2

GANDAU YANG MAKAU KAW GAP

January (3) bat Lahkawng,
Jinghpaw Mung daw kata Myikyina Manmaw lam lapran matut manoi gasat hkat nga ai gaw dai ni rai yang bat mi rai sai, Manmaw Laiza lam mung pat tawn ai majaw Laiza du nga ai gun rai htaw mawdaw nkau gaw ya du hkra Laiza kaw wa chyat rawng nga ai lam na chye lu ai. Manmaw lam Dawhpum Yang Lawu Wuhtang yang hte Loi Jaw kadawng shara ni hta shani shagu KIA myu tsaw dap ni hte myen asuya dap ni gasat hkat nga ai lam, dai ni January (3) ya shani hta mung matut manoi gasat hkat nga ma ai lam na chye lu ai. Myen asuya dap ni gaw Jinghpaw mung de lani hte lani hpyen n-gun grau grau she htu lung wa nga ai lam na chye lu ai. January praw kaw nna (15) ya laman Laiza hpe lu zing madu la hkra nga shiga ni mung Jinghpaw Mung kata grai mawng nga ai lam, dai majaw Laiza mung masha ni mung ya yang grai tsang nga ma ai lam na chye lu ai. Bai Sama Bum maga de mung dai ni myen hpyen hpung langai htu lung wa ai lam na chye lu ai. Myimyina Manmaw lam Gangdau Yang makau kaw mung dai ni January (3) ya shani hta myen asuya hpyen hpung langai hte tinang KIA myu tsaw dap ni laja lana gasat hkat lai wa sai lam na chye lu ai. Dai myen hpyen hpung gaw ya yang Namsan Yang maga man yawng nga ai lam na chye lu ai.

2 comments:

hkunman said...

KIA/KIO, Myutsaw share shagan ni hpe GOD, bawsin nga u ga,Myen SATAN hpe sat shamyit Aung padang dip lu mu ga, Kyuhpyi jahtau nga n-ngai, KIA/KIO, Myutsaw share shagan ni e, Kraw kata kaw na GOD, hpe marawn jahtaw n-na gap tiktik di mu.

Jatawng Naw said...

Tsaw ra ai Shapawng Yawng myu sha/tsaw ni e.. myen sa wa ni n dau ai masing lamang ni hpe anhte Shapawng yawng(KIA) hpyen hpung ni hku n na mung nhtang kasat masing jahkrat n na, anut gasat dat sa ga law. Myen ni a htim gasat hpung ni hpe hkang sim kasat ladat(control) hte hkang da n na, maga mi de hpyen man hpawl et, htim gasat sa ga. Hpyen ni myit n tau da ai shara de commando ladat hte htim gasat sa ga law.
May Myo hpyen du jawng hte hpyen Engineer jawng yan hpe shang hpra sha kau ga law. Myen hpyen ni kajawng mat mu ga. Myit mak mat mu ga. Shagri brep mat n na, hpyen masing ni shanut mat mu ga...
Karai Kasang Yehowa, KIA du salang ni hpe myit hpaji atsam, n den marai jaw ya let Shapawng Yawng JInghpaw sha ni hpe shanglawt ai de woi wa mi ga law.

Post a Comment