Jinghpaw Wunpawng Myu Sha Yawng Hpang De,
Ngai gaw Wunpawng Shadang Sha jet jet rai nna, ya ten Mawlamyaing kaw magam bungli hte seng nna du taw nga nngai. Rai yang, Hpu nau Mon Amyu Sha ni a nga sat/nga sa lam ni hpe gawn yu let Anhte Myu Wunpawng Sha ni sharin la mai ai ngu myit lu ai lam ni hpe loi mi garan kachyan mayu nngai. Ra rawng ai lam hta mung shading sharai hpaji jaw la myit ngu ga saw dat nngai.
Sharin la mai ai hta ; -
1. Hkai lu hkai sha lam hta Rubbers hte kaga hkai hpan ni hpe Hpungtang Sharin Sara (Technician) byin hkra shakut nna atsawm sha ladat jaw jaw hkai lu hkai sha nga ma ai. Dai majaw Myeng Mungdan kata kaga Mungdaw ni hta grau lu sut lu su, nga mu nga mai nga ma ai.
2. Amyu Sha lam yan hta grai shakut shaja ma ai (Nationalism Strong). Buga Kahtawng Ningchyawng hkan shanhte a A Ga, Laika, Htunghkying ni hpe grai manu shadan ai. (Ga shadawn : Mare Kahtawng ni hta Myen ga pyi n-ga shangun ma ai. N kau shara hkan Myen ga ga ai ni hpe rim jep ai, adup zingri ai, Myen jet yang pyi sat kau ai daram re. Myen Amyu hpe Mare hkan n-jashawn ma ai.)
3. Htunghkying lam hta mung grai manu shadan ai. Shanhte Mungdaw hta Laban hpang bat (1) ya hte bat (5) ya shani hpe Htunghkying bu hpun sumraw Nhtoi masat nhtawm, dai shani hta Num/La/Ram n-nga Mon Htunghkying Labu Palawng ni hpe bu hpun nga ma ai.
4. Amyu Sha ni yawng mung grai myit hkrum gahkyin gumdin ma ai. (Ga shadawn : Mung Masa Party hpe langai sha hpaw ninghtan nna, Ra Lata Poi ni hpe shanhte a Party hpe sha “Me” jaw nga ma ai. Dai majaw Mungdaw Rapdaw hta Mon Amyu Sha ni “Wun Gyi” law law shara lu ma ai.
5. Ya ten Mon Laknak lang Wuhpung rai nga ai “Mon Pyi Thit Party” Uphkang Ginra ni hta shanhte a “Myu Sha Dawnghkawn Sharawt ai Lamang” hpe jahpawt shagu sinat gap kapaw let Mung Shawa, Dap Shawa yawng “Bau jaw” nga ma ai. Ya du na February (8) ya shani ang ai “Mon National’s Day” hpe mung Buga Ginra Kahtawng shagu hta Dumbu, Shap sheng dum let myit hkrum mang rum “Myit Sharawt ai magam bungli ni hpe” wu wu di di galaw let hkyen lajang nga ma ai.
6. Shanhte a moi na Labau Lasang ni hpe mung ya prat na Ma ni, Ramma ni chye la hkan nang hkan sa lu na matu yaw shada let Myitsu Salang ni, Wun Gyi ni, Dakkasu Sara/ma ni nan woi awn nna sawk shagawn nga ma ai. Lu shagawn la sai Labau ni hpe Laika Buk byin hkra ka lajang nhtawm, Mung Shawa daw tsa chye lu na matu “Research Hkaw Tsun Hpawng” ni hpe galaw nga ma ai. Laika ka ai wa du ai shaloi “Masat yan (4) Hkaw Tsun Hpawng” galaw ai hta sa du shang lawm lu nngai. Dai hkaw tsun hpawng hta (a) Num wawn num la hte seng ai Labau; (b) Laili laika hte seng ai Labau; (c) Htunghkying madum sumpyi hte seng ai Labau; (d) Buga Ginra ni a nga sat/sa hte seng ai Labau; (e) Lai wa sai ten Jiwoi Jiwa ni jai lang mat wa sai “Tara Masa” Labau ni hpe hkaw tsun ai, shada htai lai ai, jahkum shatsup ai lam ni galaw nga ma ai.
Lahta na lam ni gaw Lawng lam law law hta na Anhte Myu Sha ni mung sharin la mai ai ni hpe sha lata tang madun da ai re. Mai la ai hpe shaw la nna, anhte hte n-htap htuk ai lam ni hpe gaw kabai kau ga ngu mayu nngai. Laika ka ai wa sharin la lu ai zawn, Myu Wunpawng Sha ni yawng hpe mung garan kachyan ai lam re. Yawng hpe Hkungga Tsawra let,
Myu Sha lam yan hta,
(Kadaw Awng)
Sharin la mai ai hta ; -
1. Hkai lu hkai sha lam hta Rubbers hte kaga hkai hpan ni hpe Hpungtang Sharin Sara (Technician) byin hkra shakut nna atsawm sha ladat jaw jaw hkai lu hkai sha nga ma ai. Dai majaw Myeng Mungdan kata kaga Mungdaw ni hta grau lu sut lu su, nga mu nga mai nga ma ai.
2. Amyu Sha lam yan hta grai shakut shaja ma ai (Nationalism Strong). Buga Kahtawng Ningchyawng hkan shanhte a A Ga, Laika, Htunghkying ni hpe grai manu shadan ai. (Ga shadawn : Mare Kahtawng ni hta Myen ga pyi n-ga shangun ma ai. N kau shara hkan Myen ga ga ai ni hpe rim jep ai, adup zingri ai, Myen jet yang pyi sat kau ai daram re. Myen Amyu hpe Mare hkan n-jashawn ma ai.)
3. Htunghkying lam hta mung grai manu shadan ai. Shanhte Mungdaw hta Laban hpang bat (1) ya hte bat (5) ya shani hpe Htunghkying bu hpun sumraw Nhtoi masat nhtawm, dai shani hta Num/La/Ram n-nga Mon Htunghkying Labu Palawng ni hpe bu hpun nga ma ai.
4. Amyu Sha ni yawng mung grai myit hkrum gahkyin gumdin ma ai. (Ga shadawn : Mung Masa Party hpe langai sha hpaw ninghtan nna, Ra Lata Poi ni hpe shanhte a Party hpe sha “Me” jaw nga ma ai. Dai majaw Mungdaw Rapdaw hta Mon Amyu Sha ni “Wun Gyi” law law shara lu ma ai.
5. Ya ten Mon Laknak lang Wuhpung rai nga ai “Mon Pyi Thit Party” Uphkang Ginra ni hta shanhte a “Myu Sha Dawnghkawn Sharawt ai Lamang” hpe jahpawt shagu sinat gap kapaw let Mung Shawa, Dap Shawa yawng “Bau jaw” nga ma ai. Ya du na February (8) ya shani ang ai “Mon National’s Day” hpe mung Buga Ginra Kahtawng shagu hta Dumbu, Shap sheng dum let myit hkrum mang rum “Myit Sharawt ai magam bungli ni hpe” wu wu di di galaw let hkyen lajang nga ma ai.
6. Shanhte a moi na Labau Lasang ni hpe mung ya prat na Ma ni, Ramma ni chye la hkan nang hkan sa lu na matu yaw shada let Myitsu Salang ni, Wun Gyi ni, Dakkasu Sara/ma ni nan woi awn nna sawk shagawn nga ma ai. Lu shagawn la sai Labau ni hpe Laika Buk byin hkra ka lajang nhtawm, Mung Shawa daw tsa chye lu na matu “Research Hkaw Tsun Hpawng” ni hpe galaw nga ma ai. Laika ka ai wa du ai shaloi “Masat yan (4) Hkaw Tsun Hpawng” galaw ai hta sa du shang lawm lu nngai. Dai hkaw tsun hpawng hta (a) Num wawn num la hte seng ai Labau; (b) Laili laika hte seng ai Labau; (c) Htunghkying madum sumpyi hte seng ai Labau; (d) Buga Ginra ni a nga sat/sa hte seng ai Labau; (e) Lai wa sai ten Jiwoi Jiwa ni jai lang mat wa sai “Tara Masa” Labau ni hpe hkaw tsun ai, shada htai lai ai, jahkum shatsup ai lam ni galaw nga ma ai.
Lahta na lam ni gaw Lawng lam law law hta na Anhte Myu Sha ni mung sharin la mai ai ni hpe sha lata tang madun da ai re. Mai la ai hpe shaw la nna, anhte hte n-htap htuk ai lam ni hpe gaw kabai kau ga ngu mayu nngai. Laika ka ai wa sharin la lu ai zawn, Myu Wunpawng Sha ni yawng hpe mung garan kachyan ai lam re. Yawng hpe Hkungga Tsawra let,
Myu Sha lam yan hta,
(Kadaw Awng)
7 comments:
Myitsu salang wa ka ai laika grai kaja nga ai.anhte mung Mun ni zawn myutsaw ai myit masin rawng nhtawm htung hking bu hpun sumraw ai lam hta mung dai hku shakut shaja lu yang gaw grai htap htuk manu na tai nga ga ai ngu hkamsha n-ngai law.
KADAW AWNG wa chyeju kaba ai Karai kasang hpe nchye ai ni pyi an hte hpe kasi madun taw nga ai dai ni an hte karai kasang hpe chye nna karai a ga nhkan nang ai amyu nbyin hkra mung naw shadum ka u yaw tinang a makam masham hpe Karai Kasang gaw chyam dinglik nga ai hpe lawan myiut dum na myit malai lu na dum hprang na gaw ahkyak dik re, karai kasang gaw numhpu kaw nna hkaw hkam hkaw seng sha byin lu ai hpe mung naw ka ya u yaw ngai nau nchye ka ai law .
laika n dai lu hti yang ngai naw kaji ai shaloi hpe bai dum ai, dai hku nang rai ra ai rai nga ai an hte myu ni gayau gaya rai ma wa sai, anhte lu galaw ai lam gaw madu htung hking hte laika ni hpe jai lang na ten re, grai yu la gin ai kasi ni re ngu mu ai hku re...
chye ju hte Mun myu sha ni Myu lakung kade wa nga ma ai kun i?Tsun dan ma rit.Ngai mu mada ai gaw anhte WP myu sha ni kaw Myu baw sang shada myit hkrum lam she No.1 shawng galaw ra na nhten.Myu lakung law n na Myit hkrum marum rai nga ai kaga myu sha ni nga yang chyeju hte naw sawk tam na tang madun ya rit ngu hpyi ngem dat n ngai.
Chyeju kaba sai.
Ngai gaw jw htunghkying hte labau, laili laika hpe manu shadan ga ai.
Mai kaja ai lam ni hpe gaw kadai myusha ni kaw na rai tim sharin la ra ai law.Dusat yam nga ni kaw na rai tim, mai kaja ai lam ni hpe gaw yu sharin la ra ga ai. Masha rai tim dusat ram pi myit nrawng ai mung grai nga ma ai re.
Hpu nau Mon myu ni mung moi labau hta gaw Hkawhkam hte laili laika hte hkrak rai myu kaba hku nga lai wa sai ni re. Christan makam lam hta mung sasana shawng du, christan shawng tai ai ni re. Rai tim, myen sawa ni hte makam lam htunghkring lam ni hta nau ginkya kayau kau n na,myen ni e mayu hkrum ai majaw kanoi htum wa nga ma ai. Thai mung de hprawng shang mat ai hte myen tai mat hte rai tsam mari dum wa nna, rawt malan shakut ai hpe mu ai.
Htunghkring ru sai lam hta gaw, anhte Shapawng Yawng Jinghpaw myu sha ni zawn rai, mayu dama kashu kahkri, kahpu kanau nga n na nga pra wa ai, mungkan e kadai mung n nga sam ma ai lo. N dai hkunghkring lai len gaw Karai Wa anhte Pawngyawng myu sha ni hpe laksan hpan da ai lam nan re ngu hkam la ai. Dai majaw anhte myu ni n mat hkra, anhte myu hpe makawp maga ga. Anhte htunghkring hpe jailang nga ga. Anhte myu sha ga hpe galoi mung jailang shaga ga. Grau nna anhte Pawngyawng sha ni a buga ginra ni hpe makawp maga shakut ga, ngu ga saw dat ai law.
Karai Kasang Yehowa a myitra ai lam anhte Pawngyawng Jinghpaw myusha ni hta diktup wa u ga law. Anhte myusha ni a myitra ai lam mung Karai Wa a myit ra ai lam hta diktup wa u ga law..
ya du hkra nau hkum ma na nga mu ,,law,,JW ram ma ni,,,online kaw na sha hkum ja thau nga mu,,,naw hpu law law sha na ,,naw hka ja la ga,,,,
Post a Comment