Slideshow Image 2

JINGHPAW KASA A SHIGA HTI MUNG CHYING SHA NI YAWNG HPANG DE

Jinghpaw Kasa Blog Shiga hpe n gun jaw nga ai Jinghpaw Wunpawng Myu Sha, Nu Wa Hpaunau Mungchying Sha ni yawng hpang de shana dat n ngai. Jinghpaw Kasa hku nna dang lu ai a tsam marai hte Wunpawng Mungdan kata hta byin nga ai SHIGA ni hpe nchye n chyang rai tim dang lu ai daram mi Nu Wa Hpunau Mung Chying Sha ni hpang de htawn shalai ya taw nga n ngai re. N dai zawn SHIGA ni hpe htawn shalai ai hta ra rawng gawng kya ai lam ni mung law law rai na re. Jinghpaw Kasa hpe n gun jaw nga ai Kanu Kawa, Kahpu Kanau ni kawn myit galu ai hte n gun jaw nga ai hpe mu lu ai majaw mung grai myit pyaw myit dik ai hte n gun lu n ngai. Matut nna mung Myu hte Mungdan a matu jut shara mi kaw na chye tawn ai hpaji loi mi hte ap nawng mat wa na n ngai.
Ya ten hta Jinghpaw Kasa kaw yak hkak ai lam ni loi nga wa ai hpe mung SHIGA hti myitsu ni yawng hpang hpe makoi magap ai lam n nga ai sha tsun dan mayu n ngai. Jinghpaw Kasa lang ai Computer bungli nau n galaw hkraw mat wa sai, bai Jinghpaw Kasa a Phone mung n kaja mat sai. Dai re ai majaw SHIGA la, SHIGA htawn ai lam ni hta loi ningra wa ai lam ni nga wa na re. N dai zawn SHIGA la, SHIGA htawn ai lam ni hta ningra ai lam ni nga wa yang Jinghpaw Kasa Blog hpe n gun jaw, la hti nga ai myitsu Kanu Kawa, Kahpu Kanau ni yawng chye na ya na hpe tau hkrau hpyi nem da mayu n ngai. Yawng chye na ya na hpe mung kam dat n ngai.

Yawng hpe hkungga manu shadan let,

Jinghpaw Kasa

4 comments:

Anonymous said...

Ya na zawn jinghpawkasa blog hpe shalat ai wa a shagrit shanem myit hte akroi anoi hpyi shawn ai laika yan hpe mu hti ai majaw grai n kabu ai... Jinghpawkasa ngu blog sha ndai mungkan ga kaw nga dingsa n gun jaw mat na re...shiga galaw ai hkan e lang ra ai IT hte seng nna financialkaw ra kadawn ang ai lam ni nga wa yang mung ndau shabra mai ai .. anhte maigan kaw du nga ai JPKasa a Audion ni hku nna dangdi ai daram shanglawm ga saw mat wa na re..

hkum said...

Anyway your place is essential for us. Thanks for everything.

hkum said...

Anyway your place is essential for us. Thanks for everything.

Unknown said...

Jinghpaw Kasa hpe yawng jawm karum la ga.... Mai byin yang, ndai shiga blog hpe shiga dap hku gyin shalat wa lu yang kaja na re. KRC (Malaysia) kaw e, fund grai nga na hpe kam nngai. Mai byin yang gaw loi li sha pyi shang lawm ya lu yang kaja na re.

Post a Comment