Slideshow Image 2

MANA MASU

Mana masu nna nga kaba kapung sha mayu ai, myen gaw Democracy masing hkrang numshawn hpe kachyi mi mung grai nchye hkawm shi ai (2) ning ma kaji zawn, sinna dan ni hte tinang shingwang kata kaw mung chying masha ni hpe n'tsa lam hpyi masu hpun tawn nna adan alen masu taw nga ai.
Bawsang yawng hte ten langai hta shara mi kaw, lamang mahkyen jahkrat nna n'gam hte n'gam langai hpang langai masing shawng jahkrat dan nna, tsang hte tsang mai bawng ai. Bai sharen da ai bawng masha ni hpe mung ten langai hta, atsawm jahpan la nna kalang dat mai dat ai re, hpa majaw ten garawt nga ai kun? Hpa majaw madu mana masu ai hpe htawng madun nga ai kun? Shingna shingnyip mu yang hkrang hpe mu chye sai ten madu myit n san seng ai hpe madu gaya n chye ai hpe hpa rai madun nga ai gaw Gumshem myit, hpyen myit grai nmat shi ai, nsawn n'ang ai gumshem daru aya hte naw up hkang sha mayu ai ladat a jaw re hte, hpyen u shoi naw dun nga ai kumla sha re.
Tinang dep magra lu ai masha, tinang shingwang hta tinang a matu hkra machyi ai lam n'nga ai ni hpe dat masu ai shatsawm masu ai, mungkan na tara shang asuya langai masat lu hkra bai pat tawn ai, hpaga masa hte bawngring lam yawng hpe hpaw ya na matu, hkabun hku mu hkrup ai shuchyit zawn, ba hkang she tat daw mi dang chyang, gungbang tawn ai nga chyayet hpe la malau sha nga ai. Shani tup gatet tim udi gaw langai sha, rau yup nna du manat sat ai masa de naw shanang na kun? Madu hkrai sha na sha shadu tawn nna shat ban (1) hta, bawsang law law hte rau chyawm sha ga nga mai na kun? Madu lamu ga na lu malu yawng gun sa nna, madu matu n'lawm ai shat hpun de sa na kun? Kadai mi simsa masat htu htu, hpa mi byin byin, annau ni hte n bung ai nseng ai, annau ni shawng lam de kara hku chyawm galaw yang shanglawt lawan lu na de she myit sa wa ga.
1-Panglong ga sadi mung shanhte ahkyak n'tawn sai.
2-2008 a gaw da ai Tara hkrang mung mai galai na nre.
3-Anhte lamu ga hta jung tawn ai, htu tawn ai hpyen dap, hpyen n'gun mung dawm kau ya na n're.
4-Hpyen majan simsa lam sha madung tawn ai.
5-Mung masa hte bawngban mahtai tam mayu ai lam n'nga ai.
6-Munghpawm hkrang masa n'nga sai.
7-Tinang up hkang mungdaw n'kam jaw ai.
8-Anhte hpe hkrai n'gun kaba hte gasat na.
9-Tara hkrang kalai kau na lam n'nga ai.
Mung masa hte bawngban sa na mahkyen masing shawng n'hpaw dan yang kara hku bawngban na lamang shawng nmu yang bawngban n'sa ai nga dan yu ra ai. N'dai ten myen hpe n'mai shakya ya sai. Ja ja mazut zut dawdan ga. Myen hpe galoi n'mai kam ai. Mung masa hte bawngban jahkrup nna mahtai tam sa wa na lam n'mu yang, hpyen masa nmai jahkring sai hte, myi htan tu ladat, jau gawng ladat hte machyu pala (1) hta tai hpyen langai hku shara shabra, masha n'gun shabra nna, n'sim nsa, gap shatsang ra sai.
Hpakant hpe pat nan naw pat kau ra ai. Hpaga masa yawng pat ra ai. Mung masa mahtai lu jang kaja nan simsa chyalu re, mahtai pru hkra shanglawt sha nlu dingsa ja ja naw gasat yang she kaja na re. Mana masu nna nga kaba kapung sha mayu ai hpyen hpe Tinang mungdaw up hkang lu ai masa sha n'du dingsa gung bang tawn ai, mung masa nga chyayet hpe madaw naw dam jaw, tawn jaw ra ai. Bawsang yawng hte simsa lam kade mi la la, shanhte hte annau ni nbung ai, annau ni hpe hkrai dasang gasat ai gaw annau ni matu grau kaja ai hte grau ga tsun n'gun nga ai hte mungkan na asan grau mu chye wa na re. Sam chyang ni hte ningma hkang alun na lam de myen gaw hkyen tawn magang sai. Sumprat kaba dawk na, wa hkali dat bang na gaw myen a bungli re.
Dai ni mahtai lu ra sai ten kaja nga yang, hka hkanu nga yang lawan nga hkwi ga. N'dai ten myen a hpyen masa mung masa mungkan na ni chye hkra n'gun hte htim gasat yu ra ai, shaloi she myen gara hku ka manawt wa na grau chye na re.

Baren Numraw

15 comments:

MYU TSAW MUNG TSAW said...

DAI NI AN HTE SHAKUT NGA AI GAW (1) MUNG DAN I? (2)MUNG HPAWNG I? (3)MUNG HPAWNG KAW NA MUNG DAN DE I? DAI MASUM KAW NA 1 HPE SHA DAW DAN LA N HTAWM SHAWNG LAM HTA K.K JAW AI N GUN A TSAM HTE RAU AN NAU NI YAWNG GWI GWI RAWT SA WA NA TEN DU SAI...(1) MUNG DAN HKU NGA YANG GAP AI HPE 100% HKU GAP N HTAWM MYEN MUNG KAW NA GA GARAN MAYU SAI LAM HPE MUNG KAN TING CHYE HKRA SHIGA HTE MUNG,N GUP GA HTE MUNG N DAU YANG KAJA AI..(2)MUNG HPAWNG HKU NGA YANG,DAI NI UNFC KAW LAWM AI LAGA A MYU BAW SANG NI HPA GALAW NGA MA TA?MYEN SAWA HTE AN HTE MYU NI SI HKRUNG SI HTAN GASAT NGA AI TEN TI NANG AMYU N MACHYI NA MATU SHA GALAW TAW NGA MA AI..AN HTE MYU HTE MYEN SAWA GASAT NGA AI HPE SHING GAN KAW NA YU LET LAHPAWK DUM NGA AI DAI LAGA AMYU BAW SANG NI YAWNG A MATU AN HTE MYU NI DU BAW,SAI HKAW JAM JAU HKAM LET YAWNG A MATU (HERO) GALAW NGA NA KUN?DAI NI AN HTE NI A LAMU GA HTA MYEN SAWA NI A GAWKNGU NI GRAI LAW NGA AI.N DAI GAWK NGU NI A MAJAW K.K AN HTE HPE JAW NA MUNG DAN HTE BAI TSAN MAT NA HPE MYIT TSANG HPA SHE RE..

Anonymous said...

Shan hte sagasat na chyu hkum lasha u ga le i.N.dai hta grau ai hpe shara shagu kaw galw ra na re.Shan hte mung hkrit ai sha re.
Yawng shakut yang shye lawan mahtai lawan na shadu ai. Gaja ai n.mai galaw yang n.gaja ai galaw ra na ten re.NGU kam ai.

Anonymous said...

Myen gaw a ten hpe lu garawt ai ram garawt nna pale palau galaw nna ga garan wa hkra chyu galaw na re. Anhte a bandung hpe hkrak sha a san sha galaw nna she maga mi de shaga masu nna anhte mung anhte ra ai hpe mung masa ningam shatsaw let galaw sa wa ra na re. Ya myen ni gaw Chin hte Karen hpe UNFC kaw nna shapraw la kau sai dai majaw gaw UNFC mung ya yang gaw hpa bungli n byin wa sai hpe mu ai dai majaw gaw anhte KIO hku nna mung hpa rai me kaba la ai kandang hpe anhte hkrai yawng a malai jawm gun taw nga sa na? jaja myit yu ra sai. N Hkang hte Karen ni gaw kalang mi mung simsa lam n la yu nna buga bawng ring galaw shangun na ngu ai hte grai myit dik ai zawn rai mat sai. Anhte a matu chyawm gaw mung masa sha n hparan ngut yang gaw bungga bawng ring lam galaw ai lam gaw kaman li la share ngu hpe lai wa sai 17 sharin la sai re.
Myen hte shaga yang gaw myen a psycho ( myit masa) hpe chye ra ai. Myen ngu ai gaw myit magaw ai hte majoi grang nga ai gwi hte bung ai ni re. Dai hpe anhte dum nna ja dan dat yang hkyung hkyung rai nna zim mat na ni re. Dai majaw gaw majoi grang ai hpe ahkyak n la ai sha n dai ni hte ga shaga yang mung n tsa kaw na shaga ra na re.

Anonymous said...

Mungmasa lam shawng de kaja wa ailam nnga jang, dai lam hpe la taw nga ai baw nrai ai hpa majaw nga yawng aten galu mat na ndai gaw myen hpyen ni a ladat re, aten na jang shan hte a myit mada ai mungmasa lam de du wa na re, anhte kachin ni hpa galaw ra ata? yalu tawn ai lamuga hpe mai bin ai hku makawp maga na, myen ni a Burma tsa di du tsa, Burma tsaga di du tsaga nga ai marawn ai hpe dang di lu ai daram ti nang a htung hkring tinang a laika,tinang a makam masham lang hpe garaw madang tsaw ai hku lang mat wa na, myen ni jahten mat sai ti nang a lamuga ni hpe lapa mi hpe lani mi lula ai baw ladat, sutmasa lam hta myen ni nlugalaw hkra ngu ai ladat hpe lani hte lani.shata hte shata , laning hte laning graw tsaw ai ladat hte gasat ra ai. tactical lai kyawng gaw kaja dik re, tactical lam tha sum jang, pandung lam dedu na grai yak ai.tactical awngdang jang ,pandung gaw luna matu nyak ai. anhte wunpawng myu sha ni (nga kaba luna matu sha shakut nga ai.nga kaji pyi nchye hkwi ai.Institution is progress of the nation, re hpe annaw ni dum nga ga, kachin institution hpe sha kawn sha graw ga, kachin ni a hpyendap, mungmasalam, hpaji lam, makam masham lam, sutmasalam,htung hkying lam lai li lai ka lam, lam hpe woiawn nga ai uhpung uhpawng hpe nang chye, ngai chye ai ngun hte myit ndaw, nhten ai sha,shakut ga , hpyen wa hpe yu azi maja let lam sha gu, lahkam lang mi htawt sha gu karai hpe kam let awng padang lam de ap nawng sawa ga,

jidwi said...

ten hpe galu hkra galaw nna n'gun kya hkra galaw nga ai myen a ladat hpe KIO/KIA hku hpyen masa mung masa hku ninghkap nga ai zawn maigan du myu sha ni mung ya ten kalang bai n'hkring nsa ninghkap n'gun madun ra sai.myen hpe dai hku la yu taw n'mai sai,hpraw ai chyang ai yawng hte lawan gasat ra sai,myen htu lung ai hpang grup grup bawm hkam tawn nna la yu ga.

mungdan said...

lam yawng jahten kau nna myo kaba de htim gasat ra sai.myen a hpyen masa bawng nna hpyen man chyawm lajang ga ngu ai gaw,shaingran she re,myen hpe mai kam yang moi kaw na shanglawt lu sai.ginwang mi daw mi hpe shanglawt hkra shawng gasat di nna le hte le madu lamu ga hpe bai zing madu la ai ladat shaw ra sai.tsit gai mahkrai kaba zawn re sa jahten kau ra ai.balamyinhtin zawn re jahten ra sai.

maji Bum said...

ngai hku na mu ai gaw KIO/KIA ni woi sa nga ai gaw
munghpawm hku sa nna madu up hklang mungdaw lu jang madu mungdan lu ai hte maren re ngu ai hku mu ai.mungdaw up hkang lam lu jang gaw laksan mungdan langai hku de sa na nau n'yak sai hte grau jaw manu ai hku mu ai raitim myen gaw munghpawm hku n'sa nga ai ,majaw ga garan ra sai ngu mu ai.myen hte gaw nmai pawng nga sai lam shanhte mung chye ai tim kara ladat hte shamu sa na masing ahkyak nga ai.

Nhkai Bum Shalawng said...

Anhte Kachin amyu ni gaw amyu mungdan lu nna, tinang myit ai hku uphkang, asak hkrung mayu ai ni hkrai rai ga ai. Kaning re ai laka ka, kaning nga ai ga mi tsun shapraw tim, dai hpe ra ai myit hte tsun ai hkrai rai na ga ai.

Ndai Jinghpawkasa hpe hti nna comment amyu myu jaw nga ai ni mung, myit masa, machye machyang hte dinglik dinglun lu ai madang n bung shajang na ga ai.

Anhte hpa mi byin mayu tim, principle hte practical step hpe garan nna yu ra na ga ai. Ga shadawn, Hpakan lam pat ra ai lam Buren Numraw wa tsun ai. Raitim, Hpakant lam hpe Shanglawt ni pat ai majaw, byin wa lu ai mahtai hte ningmu ni mung law law rai nga ai.

Shanglawt hpe ndai zawn re laika pa ntsa kaw amyu myu dinglun, hpaji jaw ga ka, re ai mung, dai ni na ten, Shanglawt gaw n-gun jaw ai hte ta tut karum shingtau lam (physical assistance) mahtang grau ahkyak nga ai.

Wunpawng Gumrawng Gumtsa Mungdan hpe marit ai gaw anhte yawng a bandung re. Raitim, dai de du lu na matu gaw, gasat noi tik tik re hte mung du lu na n re. Step law law, ninggam law law lai di ra ai long process she rai na rai nga ai.

Dai ni, anhte emotion kaw na pru ai ga ni hpe majoi n mai n dau shabra na ga ai. Myen mung asuya ningnan hpe mungkan mungdan ni e mu ai ningmu, Aug San Su kyi a sat lawat hte mungkan a ningmu, de kata na Myen Asuya ningnan a positive sat lawat ni hpe mung myit dum let, anhte Kachin ni a lam myit sa wa ra ai aten re, ngu mu ai.

Dai majaw, bawngban hkrum jahta ai mung manu dan dik ai. Raitim, hkrudu zawn sumnung nna lapu zawn zai rawng ra ai lam chyawm teng sha rai nga ma li ai.

jidwi said...

Masha yawng a myit shang sha na myit du lu ai shara ni hte mabyin hpe annau ni htawng madum ra ai,mai byin ai anhte matu mung masa amyet lu na,shara mabyin hpe galaw madun ra ai.grau nna gaw hpakant zawn re hpe pat kau yang mten a matu mung hkra machyi ai hte anhte matu amyet nga ai,
mung masa langai mi jaw ai de amyet lu ai de sa na matu sut hpaga masa hpe htawng madun ai gaw ya ten grau hkra machyi ai.

jidwi said...

bai sam mung dap kaba 4 n'pu dung 8 hku len shalai na gas salu dumlawn lam hpe jahten lu ai nmai len shalai hkra galaw ai mung myen hte miwa a
hkra machyi dik ai lam re hte dai hpe shatsang ai gaw myen hpe machyi shangun dik ai lam re hte myen gaw annau ni hpe dasang gasat ai gaw sutsu ai lamu ga a majaw re,zai bra jang she rai yang
dai ram dubaw sum hkam na kun?myit yu ga.

shanglawt said...

hpa mi nga nga myen gaw anhte hpe gasu gabrawng hpung jahten hpung nga ndau na htawng madun na sha re,dai majaw anhte mung tinang myu a matu,anhte lamu ga a matu jaw ai hpe lam 2 hku galaw ra sai,zai ladat jaw jaw shamu shamawt ra ai
bai langu sum kaw na miwa ni hpe rim gagawn ra nga ai,miwa gaw myen mung e lu nga na matu myen a kai chyan tai ya ai,myen hpa shangun ngun galaw ai
maidang masawp gashin ai re,myen hta miwa hpe grau hkrit ra ai.

Anonymous said...

shanglawt tsun ai grai jaw ai. anhte mung kaw majoi she law mat ma sai miwa ni hpe gawt kau ra ai grai na sai.

shanglawt said...

miwa hpe mung chying masat jep ra ai anhte mungdan
kaw teng galaw sha mayu yang anhte tara kata myi npu kaw nga ra ai,hkawnbang nna nga shangun ra ai hpaga galaw tim anhte hpe hkawn bang shangun ra ai,myen a mung chying masat nre anhte mung chying masat jep ra sai.miwa nyau jang myen machyi chyalu re,mung masa bawngban yang ntsa tsap nna shaga ra sai,myen daram zai ai hpe hprut hprut di di ja ja tsun shaga ra sai.

Ta Gaw said...

E mai ai le anhte miwa hpe myen mung na gawt mu.. anhte mung jinghpaw myu ni hpe miwa mung kaw na gawt na !!!!!!!!

Anonymous said...

ma na ni,,ga hpe ma nu sha dan mu,,,,nau hkum rau nga mu,,,,

Post a Comment