Ngai hku nna hpyen wa a manawn masham myit hpe kaji mi jahta mayu ai. Anhte yawng chye ai hte maren Madu Yesu gaw asak 12 ning kawn Yerusalem nawku htingnu de sa nna laika ka sara ni, saduke ni, hparishe ni, hkyinjawng agyi ni hte dangrang hkat sai, sanhtai galaw hkat ai shaloi Madu Yesu hpe shanhte mau ma ai, shi tsun ai lam mahkra shanhte a matu mau hpa rai mat ai, shante mahtang Madu Yesu a man e hpa n chye ai ni tai mat sai. Laika ka sara ni, saduke ni, hpari she ni, hkyinjawng agyi ni gaw shanhte hkum shahte grai chyedum ai grai chyoi pra dum ai raitim shanhte hta grau ai Madu Yesu hte hkrum wa ai shaloi shanhte grai manawn mat sai, shanhte hta grau ai wa du nga sai majaw shawa a man e shanhte ni miman sum ra nga ma ai dai majaw Madu Yesu hpe manawn sai, mara tam na sha myit mat sai sat kau na sha gyam mat sai.
No.II mungkan majan ngut mat ai hte mungdan law law gaw shanglawt la na masing byin wa ai, shaloi n tai n mai san ai, Jinghpaw ni mung shanglawt la na matu shamu shamawt wa sai. Raitim myen ningbaw Aung San gaw Jinghpaw ni hkrai san san shanglawt hkum la mu, anhte hte rau jawm la ga ngu Myitkyina Manhkring Mare e Jinghpaw ningbaw ni hpe shaga kakhin n htawm alau la nu ai, Jinghpaw ni san san shanglawt la na hpe manawn ai majaw rai na sai.
1961 ning hta hpushawng hpuba ni Myen ni hte n dai hku sha matut nga yang gaw n jaw na sai ngu jawm dawdan n htawm rawtmalan hpang sai. 1947 ning Panglong mare e bawngban da ai mungmasa ginlam ni hpe mung hkrang n shapraw mat sai majaw, Jinghpaw salang ni gaw mi shawng e Myen hte pawng yu nna n byin jang gaw shanglawt mungdan gawgap na ngu tsun shaga da ai hte maren Kachin ni a Republic of Kachinland Mungdan (Mungdaw n re) gawgap na shamu shamawt wa sai. Raitim Myen ni gaw anhte Kachin ni hpe shanglawt lu ai amyu langai hku n mu mayu ai J.W ni ngangwi ngapyaw na hpe manawn ai. N dai manawn ai lam gaw le ra Jinghpaw ningbaw kaw sumprat bang yu, aw ra Jinghpaw salang kaw tsun a chyaw yu di nna, anhte j.w sha ni nan shanglawt la na myti masin n rawng mat hkra awu asin di kau hkrum nga sai.
Dai majaw 1975 ning kawn n dai maga de gaw Awmdawm Shanglawt ngu hpe kabai kau nna Myen hte Jawm nga na pandung de bai shayawn mat sai. N dai hku galaw dat ai ten kawn anhte j.w sha ni a kata hta mung myit n hkrum n ra ni byin nga sai, ya dai ni du hkra rai nga sai.
Pratdep wa sai ramma ni mung ya kaba wa ai ma ni mung n dai zawn re masa ni hpe myit kraw kata hta jung nga sai majaw moi na hpushawng hpuba ni hpang da ai magam yi ngam hpe n kam hkan mat sai shanhte a myit hta prat n dep dum mat sai, grai nan mungding masa (conservative) shanang ai ngu sawn la ma sai. Myen ga mung atsawm chye shaga nga sai majaw, myen hte kanawn nna galaw lu galaw sha yang nga pyaw na shadu mat sai.
Myen ni gaw J.W sha ni shanglawt ngu ai n gazik mat hkra sat nat htim sai, mare masha ni num kasha ni hpe roi rip sat sharu sai. N dai gaw manawn masham myit a majaw galaw wa ai lam ni rai nga ai.
N dai shara kaw ngai tsun ai gaw, anhte ra (tsawra ) ai hpe tsun ai n re, ra nan ra nga ai hpe tsun ai she re, kaning n chye di nna myen hte jawm nga kau tim kade nna yang kashu kasha ni a prat hta myen hte bai kasat hkat wa na sha re.
Uma ga hte n gringdan ai rai yang anhte a kaji kawa ni Uma ga de buhtawt kasat shang bang wa ai chyoiloi n hkoi ten hta, mi kawn nga taw sai Sam hpunau ni hte kasat hkat ai poi ni hta anhte a kaji kawa ni si htum mat sa na re. Karai Kasang gaw J.W Myusha ni hte gringdan sai majaw ya nga ai Uma ga hpe kaji kawa ni a lata de ap da ya sai.
Raitim ya dai ni na aten hta Jinghpaw Mung hpe j.w sha ni n madu sai gaw nang ngai dum nga myit ni, anhte a daru magam aya hpe Myen la wa she jum da sai. Myen i jaw ai federal ngu ai mungmasa n pu e nga nang tim daru magam gaw myen a ta kaw sha re majaw, shanhte pru mu ngu ai n htoi hta pru mat ra na, shanhte dung mu nga yang dung ra na re.
Dai majaw Jinghpaw Mungdan hpe shalawt na magam hta “ tengman ai maga de tsap na i?” shingnrai “manawn masham myit rawng ai maga tsap na i?”, nang gwi gwi daw dan sa nu.
Ka ai
Slg. Naw Kham
No.II mungkan majan ngut mat ai hte mungdan law law gaw shanglawt la na masing byin wa ai, shaloi n tai n mai san ai, Jinghpaw ni mung shanglawt la na matu shamu shamawt wa sai. Raitim myen ningbaw Aung San gaw Jinghpaw ni hkrai san san shanglawt hkum la mu, anhte hte rau jawm la ga ngu Myitkyina Manhkring Mare e Jinghpaw ningbaw ni hpe shaga kakhin n htawm alau la nu ai, Jinghpaw ni san san shanglawt la na hpe manawn ai majaw rai na sai.
1961 ning hta hpushawng hpuba ni Myen ni hte n dai hku sha matut nga yang gaw n jaw na sai ngu jawm dawdan n htawm rawtmalan hpang sai. 1947 ning Panglong mare e bawngban da ai mungmasa ginlam ni hpe mung hkrang n shapraw mat sai majaw, Jinghpaw salang ni gaw mi shawng e Myen hte pawng yu nna n byin jang gaw shanglawt mungdan gawgap na ngu tsun shaga da ai hte maren Kachin ni a Republic of Kachinland Mungdan (Mungdaw n re) gawgap na shamu shamawt wa sai. Raitim Myen ni gaw anhte Kachin ni hpe shanglawt lu ai amyu langai hku n mu mayu ai J.W ni ngangwi ngapyaw na hpe manawn ai. N dai manawn ai lam gaw le ra Jinghpaw ningbaw kaw sumprat bang yu, aw ra Jinghpaw salang kaw tsun a chyaw yu di nna, anhte j.w sha ni nan shanglawt la na myti masin n rawng mat hkra awu asin di kau hkrum nga sai.
Dai majaw 1975 ning kawn n dai maga de gaw Awmdawm Shanglawt ngu hpe kabai kau nna Myen hte Jawm nga na pandung de bai shayawn mat sai. N dai hku galaw dat ai ten kawn anhte j.w sha ni a kata hta mung myit n hkrum n ra ni byin nga sai, ya dai ni du hkra rai nga sai.
Pratdep wa sai ramma ni mung ya kaba wa ai ma ni mung n dai zawn re masa ni hpe myit kraw kata hta jung nga sai majaw moi na hpushawng hpuba ni hpang da ai magam yi ngam hpe n kam hkan mat sai shanhte a myit hta prat n dep dum mat sai, grai nan mungding masa (conservative) shanang ai ngu sawn la ma sai. Myen ga mung atsawm chye shaga nga sai majaw, myen hte kanawn nna galaw lu galaw sha yang nga pyaw na shadu mat sai.
Myen ni gaw J.W sha ni shanglawt ngu ai n gazik mat hkra sat nat htim sai, mare masha ni num kasha ni hpe roi rip sat sharu sai. N dai gaw manawn masham myit a majaw galaw wa ai lam ni rai nga ai.
N dai shara kaw ngai tsun ai gaw, anhte ra (tsawra ) ai hpe tsun ai n re, ra nan ra nga ai hpe tsun ai she re, kaning n chye di nna myen hte jawm nga kau tim kade nna yang kashu kasha ni a prat hta myen hte bai kasat hkat wa na sha re.
Uma ga hte n gringdan ai rai yang anhte a kaji kawa ni Uma ga de buhtawt kasat shang bang wa ai chyoiloi n hkoi ten hta, mi kawn nga taw sai Sam hpunau ni hte kasat hkat ai poi ni hta anhte a kaji kawa ni si htum mat sa na re. Karai Kasang gaw J.W Myusha ni hte gringdan sai majaw ya nga ai Uma ga hpe kaji kawa ni a lata de ap da ya sai.
Raitim ya dai ni na aten hta Jinghpaw Mung hpe j.w sha ni n madu sai gaw nang ngai dum nga myit ni, anhte a daru magam aya hpe Myen la wa she jum da sai. Myen i jaw ai federal ngu ai mungmasa n pu e nga nang tim daru magam gaw myen a ta kaw sha re majaw, shanhte pru mu ngu ai n htoi hta pru mat ra na, shanhte dung mu nga yang dung ra na re.
Dai majaw Jinghpaw Mungdan hpe shalawt na magam hta “ tengman ai maga de tsap na i?” shingnrai “manawn masham myit rawng ai maga tsap na i?”, nang gwi gwi daw dan sa nu.
Ka ai
Slg. Naw Kham
11 comments:
Aung san suu kyi hpe mung n mai kam ai.shi hkum kaw lwi taw nga ai sai gaw PANAU sai sha re.
Myen mung shinggan du sai, KNG,AKSYU,KWAT, hte Jing HPaw WUNpawng Myu sha yawng hte e....Tnang KIO, KIA, ni LAKNAK kaja gara kawna, mai lula na chyu madung ma bawng ban ga, dai gaw n-galaw n-mai ai a-mu langai myi re,
Anhte gaw Masha jahpan n-law ai, dai majaw gaw laknak gaja graw krung ra ai, Gap nan gap shamyit ra ai,
Myen wa shi nan mung shi a-kawng gaw, shi hpyen dap re, dai hpe dawkau ya ra ai,
Nam bai 2 Mungkan majan ni hpe yu mu, JAPAN hpe NGARAI bawm sa jahkrat jaw jang she mai bawng ban nga ai, GARMAN Hpyen dap hpe mung A-grawp kaw ya jang she sim mat nga ai,
Anhte Jing Hpaw Wunpawng Myu sha ni Myen hpe galoi n-dang ai ngu shum myit la mu,
Bai UN, USA,hte Kaga Mung dan ni hpang de, Myen hpe garum ai gaw,A-Myu baw sang masha ni hpe sat ai lam sha re, hpe laika hte mung , Ninghkap n-gun madun ai hte mung shana ra ai,
Ya Mungkan gaw Myen hpe sha madung tawn n-na sha bing li galaw ai zawn zawn rai taw nga ai,Myen a-hpaga lam yawng hpe rai n-mai hpaw ya ai,
hkun man ,,e she stun dat yu u,,dai hpa kan gin ra ma,,ma wa n kau myi a myi man tau na rai na re,,dai hpa kan ga hpe lu pat da yang gaw ,,lak nak ga ba hpe lu ,ka paw ai hte bung nga ai,,,dai myi wa lau ban n kau myi hpe dai myen sa wa n kau myi hku na ,,hpa kan gin ra hpe ga law sha na ma tu sa hpyi yang jing hpaw ni a hkaw a hkang bai hpaw dat ya nga ai,,myu mi hku n gun ma chyi na hpaw ya tim,,myu myi hku nga yang,,mung kan A sum ga ba rai nga ai,,,,,,ja hkring na hpe yu yang gaw ,,hkrat sum ga ba de du wa na re,,,,
hkun man ,,e she stun dat yu u,,dai hpa kan gin ra ma,,ma wa n kau myi a myi man tau na rai na re,,dai hpa kan ga hpe lu pat da yang gaw ,,lak nak ga ba hpe lu ,ka paw ai hte bung nga ai,,,dai myi wa lau ban n kau myi hpe dai myen sa wa n kau myi hku na ,,hpa kan gin ra hpe ga law sha na ma tu sa hpyi yang jing hpaw ni a hkaw a hkang bai hpaw dat ya nga ai,,myu mi hku n gun ma chyi na hpaw ya tim,,myu myi hku nga yang,,mung kan A sum ga ba rai nga ai,,,,,,ja hkring na hpe yu yang gaw ,,hkrat sum ga ba de du wa na re,,,,
Slg Naw Hkam hpe grai chyeju dum dat ai. Yana zawn law law tsun dan ra nga ai. Grau nna ramma ni chye da ra ai.
Slg Naw Hkam tsun ai zawn sha myen sa wa ni gaw anhte W.P myu sha ni hpe manawn n'na daini na mungdan up ahkang aya hpe shanhte sa wa ni chyu madu da mayu ai majaw Democracy jahpai n'na kalang bai masu taw nga masai. W.P sha ni yawng moi na hta grau sadi machya let sak hkrung ra nga sai.
Slg e ya na zawn anhte ramma ni hpe law law sawk madun ai majaw grai chye dum ai yaw anhte ramma ni myu amatu shawng lam de gara hku myit hkrum na gara hku galaw sa wa na lam nihpe lam madun let saw shaga sa wa na hpa chyi ni mung latdak law2 shawya mu law chyegaba slg naw kham
Salang Naw Hkam hpe grai chyeju dum dik sai,Ya na zawn htawng madun ai Grai gaja sai law KARAI KASANG matut nna Slg wa hpe mung KIO/KIA Hpyen Du Hpenla Jinghpaw Wun pawng shana ni hpe KARAI KASANG shaman ya ai hte myen wa matut na masu maw ailam Manawn ai lam ni yawng hpe SADI LU U GA DUM HPRANG NGA LU U GA LAW KARAI KASANG a teng man lam hta sha manoi manat nga ga law ( RAI DUM AI MYIT<>HKRIT AI MYIT ndu npru u ga law) Yawng hpe tsaw ra hkung ga let
kcfchannel
Salang Naw Hkam hpe grai chyeju dum dik sai,Ya na zawn htawng madun ai Grai gaja sai law KARAI KASANG matut nna Slg wa hpe mung KIO/KIA Hpyen Du Hpenla Jinghpaw Wun pawng shana ni hpe KARAI KASANG shaman ya ai hte myen wa matut na masu maw ailam Manawn ai lam ni yawng hpe SADI LU U GA DUM HPRANG NGA LU U GA LAW KARAI KASANG a teng man lam hta sha manoi manat nga ga law ( RAI DUM AI MYIT<>HKRIT AI MYIT ndu npru u ga law) Yawng hpe tsaw ra hkung ga let
kcfchannel
Salang Naw Hkam hpe grai chyeju dum dik sai,Ya na zawn htawng madun ai Grai gaja sai law KARAI KASANG matut nna Slg wa hpe mung KIO/KIA Hpyen Du Hpenla Jinghpaw Wun pawng shana ni hpe KARAI KASANG shaman ya ai hte myen wa matut na masu maw ailam Manawn ai lam ni yawng hpe SADI LU U GA DUM HPRANG NGA LU U GA LAW KARAI KASANG a teng man lam hta sha manoi manat nga ga law ( RAI DUM AI MYIT<>HKRIT AI MYIT ndu npru u ga law) Yawng hpe tsaw ra hkung ga let
kcfchannel
Ningmu grai hkrak ai,
Dai zawn An hte a hpyen masa(laknak) kung krang lu wa hkra. Matut nna ningmu ni naw garan ga.
Post a Comment