Nhtoi 10-1-2012 ya shana 5:00 p.m kaw nna 8:00 p.m lapran Myitkyina mare, Jinghpaw Mungdaw Mare Daju Gawknu (Myodaw Khanma) hta (64) Ning Hpring Jinghpaw Mungdaw Nhtoi Shana Lusha Poi hpe Hot Pot hte hkik hkam dik ai hku galaw lai wa sai lam shiga na lu ai. Dai lusha poi hta Jinghpaw Mungdaw Hkringmang Daju Salang Lajawn Ngan Seng gaw, jahpawt manap e hti dan ai mungga hpe sha bai kahtap hti dan ai rai tim, “Makam masham hpung ningbaw ni” ngu ai ga hkum hpe tsun shalawm jat nhtawm, “KIA ni” ngu ai dinglun ai ga hkum hpe gaw, n tsun shalawm sai lam na chye lu ai. Malu masha a matu mung, MCC Amu Madu Rev. Abraham Zau Hkawng hpe kyuhpyi shaman shangun ai lam na chye lu ai.
Lusha sha nga ai ten hta, Jinghpaw Wunpawng htunghking bawsang ni hte hpunau Sam ni a htunghking yungwi shayi shadang ni, ka manawt hpung ni shangwi shapyaw dan lai wa sai lam na chye lu ai. Lusha poi hta du dung lawm ai ni gaw, Asuya magam dap shagu na du salang ni, Lai sai shaning na Manau Shabyin Shatai Komiti ni, Hpyendap de na hpyendu hpyen jan ni hte htunghking bawsang salang ni yawng hpawn 500 jan daram du sa ma ai lam na chye lu ai.
Shatapru Manau Wang de gaw, shawoi shaning na zawn nawn nna, maigan masha (tourist) ni sa du chyan mada hkawm tim, manau poi galaw ai lam n mu nna mau ma ai sha n-ga, Jinghpaw Mungdaw Asuya Wang kata e galaw ai poi de lanyan sa wa yang gaw, pyada ni e hkap gau shabawn kau dat ai hkrum ma ma ai lam na chye lu ai.
Lusha sha nga ai ten hta, Jinghpaw Wunpawng htunghking bawsang ni hte hpunau Sam ni a htunghking yungwi shayi shadang ni, ka manawt hpung ni shangwi shapyaw dan lai wa sai lam na chye lu ai. Lusha poi hta du dung lawm ai ni gaw, Asuya magam dap shagu na du salang ni, Lai sai shaning na Manau Shabyin Shatai Komiti ni, Hpyendap de na hpyendu hpyen jan ni hte htunghking bawsang salang ni yawng hpawn 500 jan daram du sa ma ai lam na chye lu ai.
Shatapru Manau Wang de gaw, shawoi shaning na zawn nawn nna, maigan masha (tourist) ni sa du chyan mada hkawm tim, manau poi galaw ai lam n mu nna mau ma ai sha n-ga, Jinghpaw Mungdaw Asuya Wang kata e galaw ai poi de lanyan sa wa yang gaw, pyada ni e hkap gau shabawn kau dat ai hkrum ma ma ai lam na chye lu ai.
0 comments:
Post a Comment