Slideshow Image 2

NAM YA LAM KAW JINGHPAW MA (2) HPE MYEN HPYEN NI GAP SAT

January (11) bat Masum,
Jinghpaw Mung Uru Seng Maw, Hpakant lam Kap Maw hte Nam ya lapran mahkrai lai hpung gaw kaw Jinghpaw num lahkawng hpe January (11) ya jahpawt hkying (9:30am) ram hta myen hpyen la ni gap lai wa sai lam shiga na chye lu ai. Myen hpyen hpung ni nau htu lung wa ai majaw Kap Maw mare kaw na Nam Ya mare de hpyen yen na matu sa wa ai lam gaw myen hpyen la ni hkap gap ai re lam na chye lu ai. Jan Ying Wawm (asak 23) gaw mahkum shata (4) rai nna lapai maga sinda kaw gap hkra Kamaing tsirung de sa nna tsi tsi hkam la nga ai ten si mat ai re lam na chye lu ai. Ja Seng Awng (asak 29) ( Jan Ying Wawm a kaning) gaw du hte magyi kaw hkra nna ya ten Kamaing tsirung kaw tsi tsi hkam la nga ai lam na chye lu ai.
Ya na zawn Jinghpaw Num lahkawng hpe myen hpyen ni gap ngut ai hpang dai shara kaw sha KIA myu tsaw share shagan ni hpe myen tai hpyen ni gap gasat ai lam byin lai wa sai lam hpe mung matut chye lu ai. Yaten Hpakant lam hte htu lung wa ai myen hpyen hpung ni gaw hka-la-ya (37), (54) hte hka-ma-ya (460) dap ni re lam hpe mung buga masha ni kawn na chye lu ai.

7 comments:

Anonymous said...

Goi e.......... lamu madu ga madu e.. chye ya rit law na ya rit.... Myu sha ni hpe roi rip ai sat ai nat ai amyu hpe gaw... mung dan up hkang na ahkang kaw na ya jang dawm kau ya nu .. Jinghpaw lawan hkye la rit law..................

hkunman said...

Jinghpawkasa e Myusha ni hpe naw tsun ya rit, N-dai a-hkying a-ten hta, dai zawn rai shum nga hkawm mu, u-hpung u hpawng hte shim ai shara hta sha nga na lam tsun ya rit,gade ra hkyin tim,Myen nga ai,shara, n-shim ai shara de shum nga hkawm,

hkunman said...

Jinghpawkasa e Myusha ni hpe naw tsun ya rit, N-dai a-hkying a-ten hta, dai zawn rai shum nga hkawm mu, u-hpung u hpawng hte shim ai shara hta sha nga na lam tsun ya rit,gade ra hkyin tim,Myen nga ai,shara, n-shim ai shara de shum nga hkawm,

Anonymous said...

Shiga n lu ai majaw rai nhten? Hpyen ni a shamu shamawt Lam ni hpe matut manoi ginlen ya ra na re. Grai yawn ai.

myutsaw tutu said...

ma du e ..wp myu sha ni hpe aoi hkye la rit law...

Anonymous said...

ya aten hta anhte jinghpaw myu sha ni yawng ya ahkyak byin ai shiga ni hpe matut manoi nang ngai yawng sagawn, tam, hti nna she hkawm sa yang she mai na re. Myen hpe gaw galoi nmai kam ai yawng a myit hta bang da ga. ya ten hta shiga grai ahkyak ai.

Anonymous said...

n.dai zawn nga na yang myit machyi n.ngai ..myen ngu ai hpe mungkan grin nga dingsa kasat shamyit ga law..

Post a Comment