N'gup gaw baw law, lata gaw lagyaw nga ai sha n'ga, N'gup mung baw law,lata mung lagyaw, n'gup hta mung masu, lata hte mung lagu lagut, n'gup mung masu dumlawng, lagaw lata gaw lagu sha na,mya sha na, sat na, nat na, roi na, zingri na de larau nga ai myen a myit jasat kyang lai len masing masa hpe kam mai na kun? N'kaja ai, n'tara ai lam hta manai makai n'shawp dik htum re ai myen a shawng lam mabyin masing hpe lawu de na ga ngau ni hpe maram dinglun yu yang mu gin ai daram mu na re.
1-Tara je yang ai lam.
Myen asuya a tara je yang ai ahkaw ahkang gaw n tsa de na masha kaba ni hte hpyen du kaba ni a n'gup hta madung ai.
Mayun kam hpa sakye manawn hta madung ai. Tara je yang ai lam n'san seng ai. Gumhpraw myi man yu ai, ahkaw ahkang lu ai ni a myiman yu ai. Mung shawa ni a hpang de tsap ai tara Slg ni hpe htawng jahkrat ai, htawng na pru wa ai tara slg ni hpe Tara Slg galaw na ahkaw ahkang n'jaw ai. Tara je yang ai lam tengman jet ai lam n'nga ai.
2-Makam masham shagyip shagyen ai
Madu naw ku nga ai,hpung kyi ni hpe rim ai. Ya hkyak hkyak 2007 ning hpungkyi ni a ninghkap n'gun kaba hta ningbaw ai ni hpe bai rim ai. Hpungkyi shada da tara je yang ai. Kaga makam masham ni hpe shagyip shagyen ai, wanglu wanglang n'mai nawku ai. Makam masham hte seng nna sharen da ai grai naw nga ai.
3-Mung masa ra lata poi
Mung masa ra lata poi shang hkyen ai ni hpe shagyip shagyen ai, ahkaw ahkang pat shing dang ai. Wanglu wanglang nmai hkaw tsun hkra ladat tam pat hkum ai. Awng san kaw ra lata hkaw tsun hkawn ai lamang hpe pat hkrum ai. Lai wa sai ra lata hta n'lu shang lawm ai, Ningbaw malai dingsa Dr. Manam Tu Ja hpe ding hkrai ra lata shang na ahkang jaw ai. N dai lapran ra lata lam hpe la yu, maram yu ra ai. Zai bru jang kaw samyit hkrat ai hpe tam yak ai hpa, rai na Dr. Manam Tu Ja a atsam hpe sari la matut la maram yu ga. Annau ni matu kade galaw ya lu na kun?
4-Bawsang simsa lam
Bawsang ni hte simsa masat htu ai raitim grat dagra re lam n'nga, simsa masat htu ngut sai dingda Sam, kayin, DKBA ni hte bai gap hkat wa ai. Simsa masat htu ngut sai dai shara ni de hpyen n'gun grau jat tawn ai. Slg Awng Mying tsun ai shata masum tup hta bawsang laknak hpai yawng hte simsa lam lu na re nga munghpawm shani hta tsun ai. Gumhpraw madun jang kara bawsang laknak hpai mi rai rai hkam lu na kun? Nga asawng grang nga sai. Myen a kyang madun hpang sai.
5-Lamu ga zing ai
Mung shawa a galaw sha nga ai lamu ga law law hpe zing ai mang hkang. Hugawng mayan na lamu ga zing ai mang hkang, anhte lamu ga hta miwa hpe ahkaw ahkang n'hpyi ai, n'tsun n bawng ai, madim law law galaw nga ai mang hkang. Gas salu, yenan sau len shalai ai lam hta lamu ga zing ai mang hkang.
6-Shinggyin ahkaw ahkang
Tara kata ahkaw ahkang a matu jaw ai shinggyin ahkaw ahkang n'mai hpyi shawn- n'gun n'mai madun ai. Shinggyin ahkaw ahkang hte seng nna n'mai hpyi tsun ai. Shinggyin ahkaw ahkang kata nga ai.
7-Hpyen dap
Hpyen dap ni ra ai hku dawdan galaw nga ai hpe rapdaw nna n'lu hkang ai.up hkang hkrang hta hpyen dap madung rai nga ai.dai ning na munghpawm ninghtoi hta Thein Sein a tsun ai hta mungdan hta hpyen dap ahkyak madung re lam tsun ai. Hpyen up hkang lam madung re. Bawsang yawng a lamu ga hta shamu shamawt ai lam n'shai ai. Masha sat ai, zingri ai, mare nat ai. Mung shawa a lu lawm ai arung arai majoi zing la ai, num ma ni hpe roi ai. Mayan dap hte bung ai. Tara nlang dik htum hpyen dap rai nga ai.
8-Hpyen yen tsin yam
Hpyen yen tsin yam ni hpe garum ningtum na ni hpe pat ai. Shinggyin nauna myit n'rawng ai. Asuya langai mi a nga gin ai masing hkrang tara n'nga ai. Hpaw lam masa shapraw ai. Lit la gwi ai lam n'nga ai. Madang n'nga dik ai hpyen dap re.
9-Mu gun dap
Mu gun dap yawng bungli n'kangka ai, wa lang gale ai, shabri shabrai jahkut sha ai, n'tsa de na masha kaba ni hkang gayin sha ai,mayun kumhpa sha ai.
10-Hpaji Hparit
Hpaji jawng ni yawng sharin tang n'du ai, ten shama hkying majoi shalai nna shabrai jahkut sha ai,san poi awng shadang nyem ai, gumhpraw hte sharin ai, mayun kumhpa hte awng lekmat galai ai. Ma ni hpe masu sharin ai jawng, lagu sha chye hkra sharin ai jawng hte bung ai. Maza kasha yubak kasha shangai shapraw sharin ai jawng hte bung ai.
11-Galaw lu galaw sha lam
Madu yingam hpe wanglu wanglang n'mai galaw sha ai. Madu dum nta madu arung arai hkauhting hkauna yi sum lamu ga madu ra ai hku n'mai galaw sha ai. Madu lu ai ahkying aten ahkaw ahkang hpe madu ra ai hku n'mai jai lang asung jashawn ai.
12-Sut masa
Matsan grit nyem dik ai ni a matu lit la ai lam n'nga ai. Bungli ningnan tam ya lam n'nga ai. Hpaga yumga hkrat sum ai, hka kaba kap ai, hpyen du kaba ni a lata hta hpaga gayin sha ai. Mungkan a hpaga bawngring lam pat tawn ai hpaw ya lu na matu, mungkan hpe masu ai, awng san kaw hpe madun sha nga ai. Hpaga tara grat dagra n'nga ai. Matsan grit nyem dik ai mungdan re.
13- mung masa
Daru magam 2 up ai. Hpyi galai Democracy masa hte hpet-sit hpyen gumshem masa. Hkanghkyi baw hte Baren baw 2 tu ai. Shinglet lahkawng bra, lapu shalet hte bung ai. Palawn mung n'ngut, nga mung n'rai re masa, shamying yak ai hpaw dam hpaw bra mung masa re. Bawsang yawng hte mung masa bawngban ga ngu ai gabaw gaw, hta hkrup ga tsun shing jawng poi hte bung ai. Jaw ai tara pandung masing jahkrat nna galaw sa ai lam n'nga ai, myidi shim masawp hkrup ai mi tsun, myit lu ai mi tsun ai galaw ai hte bung ai. Hparan dawdan ya na lapran Slg hte bawngban dawdan na lam n'nga ai.
Dinglun ga nga yang laika man hta ka n'law she rai na re, myen asuya ni a masing gaw moi hkaw hkam prat kaw nna gawn tsun ga nga yang ma chyai chyai ai zawn rai nga ai.
Gara hku galaw sa yang mai na ta? Ngai hku na mu ai gaw n'dai hku re.
A- Panglung ga shaka hpe mahta nna mungdan ting bawsang laknak hpai yawng hpe Tara shang mung masa bawngban na n'dau shana ra ai. Bawngban na masing lamang shawng ka jahkrat ra ai. Ten ladaw masat shagrin tawn ra ai.
B- Mungdan ting hpe Tara shang simsa lam shana shabra ra ai.
C- Bawsang yawng a lamu ga hta jung tawn ai, htu tawn ai hpyen dap yawng dawm ra ai.
D- Hpyen yen tsin tam ni a matu UN hte pawng nna garum ningtum na,matut shara jahkrat na,kan bau bungli hte seng nna lit la na ndau shana ra ai. Lahta de na lam ni hpe masing jahkrat galaw sa wa ai lam n'nga yang bawngban tim hpa lachyum npru ai. Hkang hkang na nre.
Lahta de na lam yan ni hpe dinglun maram yu nna awmdawm shanglawt a matu gasat sa wa yang kaja nga ai kun? Munghpawm hku naw sa yang mai nga ai kun? Dinglun mahtai tam yu ga. Myen a ga kam mai na kun? Ga garan nna tinang lahpan tsap let shanglawt ai mungdan ngu ndau shana yang kaja na kun? Mung tsaw myu tsaw ai mung chying shawa yawng a sinda ra lata hpe madung tawn nna lawan dawdan sa wa yang kaja na re.
Law law dinglun yu ga.
Baren Numraw
1-Tara je yang ai lam.
Myen asuya a tara je yang ai ahkaw ahkang gaw n tsa de na masha kaba ni hte hpyen du kaba ni a n'gup hta madung ai.
Mayun kam hpa sakye manawn hta madung ai. Tara je yang ai lam n'san seng ai. Gumhpraw myi man yu ai, ahkaw ahkang lu ai ni a myiman yu ai. Mung shawa ni a hpang de tsap ai tara Slg ni hpe htawng jahkrat ai, htawng na pru wa ai tara slg ni hpe Tara Slg galaw na ahkaw ahkang n'jaw ai. Tara je yang ai lam tengman jet ai lam n'nga ai.
2-Makam masham shagyip shagyen ai
Madu naw ku nga ai,hpung kyi ni hpe rim ai. Ya hkyak hkyak 2007 ning hpungkyi ni a ninghkap n'gun kaba hta ningbaw ai ni hpe bai rim ai. Hpungkyi shada da tara je yang ai. Kaga makam masham ni hpe shagyip shagyen ai, wanglu wanglang n'mai nawku ai. Makam masham hte seng nna sharen da ai grai naw nga ai.
3-Mung masa ra lata poi
Mung masa ra lata poi shang hkyen ai ni hpe shagyip shagyen ai, ahkaw ahkang pat shing dang ai. Wanglu wanglang nmai hkaw tsun hkra ladat tam pat hkum ai. Awng san kaw ra lata hkaw tsun hkawn ai lamang hpe pat hkrum ai. Lai wa sai ra lata hta n'lu shang lawm ai, Ningbaw malai dingsa Dr. Manam Tu Ja hpe ding hkrai ra lata shang na ahkang jaw ai. N dai lapran ra lata lam hpe la yu, maram yu ra ai. Zai bru jang kaw samyit hkrat ai hpe tam yak ai hpa, rai na Dr. Manam Tu Ja a atsam hpe sari la matut la maram yu ga. Annau ni matu kade galaw ya lu na kun?
4-Bawsang simsa lam
Bawsang ni hte simsa masat htu ai raitim grat dagra re lam n'nga, simsa masat htu ngut sai dingda Sam, kayin, DKBA ni hte bai gap hkat wa ai. Simsa masat htu ngut sai dai shara ni de hpyen n'gun grau jat tawn ai. Slg Awng Mying tsun ai shata masum tup hta bawsang laknak hpai yawng hte simsa lam lu na re nga munghpawm shani hta tsun ai. Gumhpraw madun jang kara bawsang laknak hpai mi rai rai hkam lu na kun? Nga asawng grang nga sai. Myen a kyang madun hpang sai.
5-Lamu ga zing ai
Mung shawa a galaw sha nga ai lamu ga law law hpe zing ai mang hkang. Hugawng mayan na lamu ga zing ai mang hkang, anhte lamu ga hta miwa hpe ahkaw ahkang n'hpyi ai, n'tsun n bawng ai, madim law law galaw nga ai mang hkang. Gas salu, yenan sau len shalai ai lam hta lamu ga zing ai mang hkang.
6-Shinggyin ahkaw ahkang
Tara kata ahkaw ahkang a matu jaw ai shinggyin ahkaw ahkang n'mai hpyi shawn- n'gun n'mai madun ai. Shinggyin ahkaw ahkang hte seng nna n'mai hpyi tsun ai. Shinggyin ahkaw ahkang kata nga ai.
7-Hpyen dap
Hpyen dap ni ra ai hku dawdan galaw nga ai hpe rapdaw nna n'lu hkang ai.up hkang hkrang hta hpyen dap madung rai nga ai.dai ning na munghpawm ninghtoi hta Thein Sein a tsun ai hta mungdan hta hpyen dap ahkyak madung re lam tsun ai. Hpyen up hkang lam madung re. Bawsang yawng a lamu ga hta shamu shamawt ai lam n'shai ai. Masha sat ai, zingri ai, mare nat ai. Mung shawa a lu lawm ai arung arai majoi zing la ai, num ma ni hpe roi ai. Mayan dap hte bung ai. Tara nlang dik htum hpyen dap rai nga ai.
8-Hpyen yen tsin yam
Hpyen yen tsin yam ni hpe garum ningtum na ni hpe pat ai. Shinggyin nauna myit n'rawng ai. Asuya langai mi a nga gin ai masing hkrang tara n'nga ai. Hpaw lam masa shapraw ai. Lit la gwi ai lam n'nga ai. Madang n'nga dik ai hpyen dap re.
9-Mu gun dap
Mu gun dap yawng bungli n'kangka ai, wa lang gale ai, shabri shabrai jahkut sha ai, n'tsa de na masha kaba ni hkang gayin sha ai,mayun kumhpa sha ai.
10-Hpaji Hparit
Hpaji jawng ni yawng sharin tang n'du ai, ten shama hkying majoi shalai nna shabrai jahkut sha ai,san poi awng shadang nyem ai, gumhpraw hte sharin ai, mayun kumhpa hte awng lekmat galai ai. Ma ni hpe masu sharin ai jawng, lagu sha chye hkra sharin ai jawng hte bung ai. Maza kasha yubak kasha shangai shapraw sharin ai jawng hte bung ai.
11-Galaw lu galaw sha lam
Madu yingam hpe wanglu wanglang n'mai galaw sha ai. Madu dum nta madu arung arai hkauhting hkauna yi sum lamu ga madu ra ai hku n'mai galaw sha ai. Madu lu ai ahkying aten ahkaw ahkang hpe madu ra ai hku n'mai jai lang asung jashawn ai.
12-Sut masa
Matsan grit nyem dik ai ni a matu lit la ai lam n'nga ai. Bungli ningnan tam ya lam n'nga ai. Hpaga yumga hkrat sum ai, hka kaba kap ai, hpyen du kaba ni a lata hta hpaga gayin sha ai. Mungkan a hpaga bawngring lam pat tawn ai hpaw ya lu na matu, mungkan hpe masu ai, awng san kaw hpe madun sha nga ai. Hpaga tara grat dagra n'nga ai. Matsan grit nyem dik ai mungdan re.
13- mung masa
Daru magam 2 up ai. Hpyi galai Democracy masa hte hpet-sit hpyen gumshem masa. Hkanghkyi baw hte Baren baw 2 tu ai. Shinglet lahkawng bra, lapu shalet hte bung ai. Palawn mung n'ngut, nga mung n'rai re masa, shamying yak ai hpaw dam hpaw bra mung masa re. Bawsang yawng hte mung masa bawngban ga ngu ai gabaw gaw, hta hkrup ga tsun shing jawng poi hte bung ai. Jaw ai tara pandung masing jahkrat nna galaw sa ai lam n'nga ai, myidi shim masawp hkrup ai mi tsun, myit lu ai mi tsun ai galaw ai hte bung ai. Hparan dawdan ya na lapran Slg hte bawngban dawdan na lam n'nga ai.
Dinglun ga nga yang laika man hta ka n'law she rai na re, myen asuya ni a masing gaw moi hkaw hkam prat kaw nna gawn tsun ga nga yang ma chyai chyai ai zawn rai nga ai.
Gara hku galaw sa yang mai na ta? Ngai hku na mu ai gaw n'dai hku re.
A- Panglung ga shaka hpe mahta nna mungdan ting bawsang laknak hpai yawng hpe Tara shang mung masa bawngban na n'dau shana ra ai. Bawngban na masing lamang shawng ka jahkrat ra ai. Ten ladaw masat shagrin tawn ra ai.
B- Mungdan ting hpe Tara shang simsa lam shana shabra ra ai.
C- Bawsang yawng a lamu ga hta jung tawn ai, htu tawn ai hpyen dap yawng dawm ra ai.
D- Hpyen yen tsin tam ni a matu UN hte pawng nna garum ningtum na,matut shara jahkrat na,kan bau bungli hte seng nna lit la na ndau shana ra ai. Lahta de na lam ni hpe masing jahkrat galaw sa wa ai lam n'nga yang bawngban tim hpa lachyum npru ai. Hkang hkang na nre.
Lahta de na lam yan ni hpe dinglun maram yu nna awmdawm shanglawt a matu gasat sa wa yang kaja nga ai kun? Munghpawm hku naw sa yang mai nga ai kun? Dinglun mahtai tam yu ga. Myen a ga kam mai na kun? Ga garan nna tinang lahpan tsap let shanglawt ai mungdan ngu ndau shana yang kaja na kun? Mung tsaw myu tsaw ai mung chying shawa yawng a sinda ra lata hpe madung tawn nna lawan dawdan sa wa yang kaja na re.
Law law dinglun yu ga.
Baren Numraw
13 comments:
mung hpawm hku gaw gara hku mung n mai na re.dai ni an hte a K.I.O,K.I.A ni hte myen sawa shani shana gap hkat nga ai ten laga amyu baw sang ni hpa rai n gap ai..myen sawa a masu ai hpe n chye ti laga amyu baw sang ni gap hkat jahkring na bawng ban ai n re.shan hte kata hta gawng kya ai lam law law nga ai.dai hpe myen sawa mung chye ai..ga shadawn,KAREN amyu ni gaw shan hte kata kaw group 5 ga garan taw nga ai.shan hte shada pyi n ru n ra rai nga ma ai..ya aten DKBA hte BGF ni mang hkang byin nga ma ai.DKBA mung karen amyu sha re.BGF mung karen sha re.moi gaw KNU ni n gun grai ja tim ya gaw yawng ga garan n na n gun n nga mat sai.karen ni ya na zawn byin nga ai hpe myen sawa gaw yawng chye nga ai..CNF ni hpe shan hte hkang ni pyi n ra sharawng nga ai.hpyen n gun 900 jan daram sha nga ai re.dai CNF a lam hpe mung myen sawa gaw yawng chye nga ai.dai hte maren laga amyu baw sang ni mung maren sha re.n dai amyu baw sang ni hpe gaw myen sawa gasat shamyit ga nga yang jahkring sha re.prat tup mung masa galaw sha lu na matu n shamyit kau ai lam sha re..dai zawn hpyen n gun mung n nga,lak nak n gun mung n nga ai,sinat mahku kalang mung n shangoi ai ni hpe myen sawa gaw MUNG HPAWM (federal)jaw na lam n nga ai..dai majaw AWM DAWM MUNG DAN de ngu gwi gwi daw dan let ga garan sai lam hpe yawng chye hkra n dau yang kaja ai...
myen hpe gaw nmai shayawm ya yang kaja sai.myen hpyen dap gaw majan sa na masha pyi n'nga wa nga ai.awng san kaw hpe madi shadaw ai hpyen dap kata kaw grai law wa nga ai majaw myen hpyen dap gaw lahta na matsun hpe nkam hkan ai hpyen dap grai law nga sai.hpyen n'gun n'nga sai,lama majan byin tim dubru dubra hprawng ai she law ai.gasat ai hte laknak kabai kau nna hprawng ai hpyen la she law malawng re.dai majaw gasat di la na ten du sai.
KIA/O gaw mung shawa nsen madat ai nga n gup she galoi nmadat ai.. shan hpa nlu galaw wa ai shaloi she mung shawa a ga hpe madat ai nga.. Mung shawa man kaw gaw Wunpawng mung dan gaw de na nga shawu.. myen a man kaw gaw Federal Union nga sa tsun.. hpe she re kun?? Nchye na ya lawm sai law.. KIA/O a mung masa mung.......
Myen n kaja ai lam tsun na grai naw nga ai. Dai ni na ten myen galaw ai lam yawng shi akyu a myet lu na matu 100% re. Lai sai ten na zawn n mai galaw sha ai hpe chye ai majaw n dai zawn demogracy masu galaw wa ai re. Myen ni shi plan hpe step by step galaw ai zawn, anhte mung anhte a plan hte maren galaw sa ra ai. Ndai plan gaw myen n myit mada ai, anhte myu sha ni nga mu nga mai na lam re. dum bru dum bra, nang grau ngai grau n mai ai. Ya yang woi ning baw nga ai KIO/KIA ni zen zen re plan hte woi sa mu ga. hpa plan n nga gaw shang n rai. Myen galaw ai hpe chyu yu nna hpa akyu n nga ai. Gap hkak jahkring ga nga nna hpyen n gun shagren, myu sha ni a shara kanawng lu wa ai lam lai sai ten mu saga ai. Anhte a shara de lung wa jang anhte hpe akyu n jaw ai rai yang gawt na, gap sat na jing jing rai nga ga. Kalang dat n mai shachyut jang kalang mi kaji kaji gawt, sat ai ladat lang ga. Anhte bungga, anhte shara re ai majaw dai zawn atsawm mai galaw ai. Anhte shara lai nna miwa de dut na gas ni hpe shaw lang ga, gara hku shaw lang na ladat mung chye ga. Anhte lang na hpe n ra jang gaw jahpu manu jaw nna lai mu ga. Dai zawn galaw lu na atsam an hte kaw hkrak nga ai. Mung masa bawng jang anhte myit mada ai lu hkra bawng la ga, n shut ai. Ahkyak kaba dik htum, myen gaw satan re. satan hpe dang ai gaw Karai Kasang a hpung dagu sha re. Nang galaw na lam shagu shi hpe ap ya u, shaloi Karai shabyin ya na re.
KIO/A ningbaw kaba ni e myen ni pyi nkam bawngban nga yang anhte madaw shayawm ya ai hku kun?myen hpyen dap gaw lata sharawt na nna sai ten,matut nna naw dating ga matut nna baw ja tawn ga,matut gasat ga law.anhte Nu num ni n'dawt nga ga.Dinghku rai nga ai Nu num ni prat hpe mung sawn dum ya marit.yak tim kade jam jau jau anhte Nu num ni kashu kasha ni lit hte nanhte wa la ni hpang lam de sadi gung ai hte madi shadaw nga ga ai hpe dum ya marit.wa la ni nau pu ba jang mung anhte nu num ni bai kalai gasat na re.wa la ni dinghku lit bai la ya marit.nu num ni rawt saga law.
Jaw dik ai law Bum shayi e mungkan madang hte maren anhte nu ma ni mung wa la ni hte rau shawng lam de rawt saga,bawngban ai hta mung anhte nu num ni lawm ra ai,myen mung ting na la kaba ni pyi num langai hpe sha chyawm hkrit nga ma ai,awng san kaw a kasi la nna anhte nu num ni mung masa hpyen masa hta wa la ni hte rau bungli hprai nna galaw ra sai.shat gawt kaw sha rawng n'mai sai.nu num ni myit sharawt myit shajin tawn saga,wa la ni grai puba sai.nu num rawt.
Nu num BUM SHA YI,tsun ai grai teng ai,bum sha yi na ,APPLE jaga mung ka langlang grai ma nu dan ai,myen sawa ni hpe bum sha yi na APPLE jaga hpaw ma dun dat mu,dai hte mawng dat na hku di ga,,
Apple ,n re sumwum si ja ga hte rai yang grau gaja ai,dai hte mawng dat mu,sawa ni hpe nunum ni na lak nak gaba re
myitrum ni e"manang jan grai myit rawt na tsun ai hpe atsawm madi shadaw mu loo.
Lahta de na lam yan ni hpe dinglun maram yu nna awmdawm shanglawt a matu gasat sa wa yang kaja nga ai kun? Grai ka ja ai.
Munghpawm hku naw sa yang mai nga ai kun? Mai ai.Rai tim mung myen hpyen ni Jing hpaw mung dan kaw nna shawng pru mat wa ra ai.
Myen a ga kam mai na kun?
N mai kam ai law.Hkritan rai nga sai myen hpe pyi n mai kam ai law.
Ga garan nna tinang lahpan tsap let shanglawt ai mungdan ngu ndau shana yang kaja na kun?
Grai she ka ja nga ai.
Bum shayi e na myu tsaw myit hpe gaw hkung ga ai...Rai tim masha hpe a htu a gawng nga ai hku nrai yang na nu num myit sharawt ai lam grau masan sa na re ngu hpa ji jaw mayu ai...Wa la ni kaw na lahpa galai la na du hkra myit ai rai yang gaw jinghpaw lai ka ma jaw hkra naw sharai u...Kanu mung dan de ma du hkra wa su yaw...Shakut u yaw...
Wala ni hpe nau tsaw ra ai majaw myit ndawt nna tsun ai she re law.shanglawt lawan lu mayu dik ai majaw Nu num ni mung lawan rawt nang ra sai ngu ai she re law.Ma hte ngak chye e chya e nga ma ba let dinghku lit gun sak ap nna ma shangai shaning grai na wa ai majaw n'gut ai n'dawt ai,n'tsam ai majaw anhte nu num ni mung rawt ra sai ngu ai re law.kanu kaw na n'shangai ai pra wa ai kadai nga a ta?anhte kanu ni grai masin n'si nga ga ai yaw.sawa ni hpe lu ai atsam hte nu num ni mung gasat na re law.
Nu num ni hpe shagrau ai matsan dum dik ai yaw,Kanu num rai nga ai Bum shayi e hkungga ai yaw
chyinghkai nu ni a majaw ndai zawn byin lu ai hpe arawng la nngai.chyinghkai nu ni yawng ngwi pyaw sak galu mu ga law.Nu a shayi ngai kyu hpyi dat ya nngai..
Post a Comment