Hka kata sumla zawn hkrang shapru nga ai, mung masa bawngban mahtai chyawm tam chyawm shapraw nga ai hpe dum gin saga ai. Laika man law law hta ka sang lang lai wa saga ai. Mu yu na yu hkrum sha yu sai moi mwi mabyin hpe lang hte lang naw kai dan ra nga ai gaw kai dan ai wa madaw kaya nsu ai she byin tai sam sai.Shaning galu anhte ra awng sharawng ai Madu Mungdan Mungdaw madu up hkang lu na hpe hpyi ai gasat ai gade ning na wa saga ta? Anhte ra awng sharawng ai hpe asan chye saga ai mi, hpa rai myen hte naw bawngban chyai nga na rai ta? Alang lang masu sha ai, alang lang sadi hpyen ai hpe shari mu hkrum sha wa saga ai. Tsaw ra ai myu tsaw mung tsaw ai ningbaw ningla ni e jaw ai zawn zawn rai nna, tai hpyen wa hpe n'gun jaw ai, ma ginsup chyai ai zawn byin nga ai. Ningbaw ningla langai mi a dawdan ai ga gaw mung chying sha law law a lu lawm ai manu dan dik ai asak hkrung lam hte seng ai re. Dai hta n'ga madu lamu ga hta nga pra ai hkrung mahkrung tu matu yawng hte seng ai. Tinang prat hta tinang dawdan ginlut ai a majaw yawng mai hten run chye ai hte galai shai chye wa ai re. Mung shawa law law a nsen gaw hpa pru nga ai kun? Gara de yawng nga ai kun?
Myit yu yang nshut na re.
1-Dai ni myen gaw hpyen masa nshai ai.
a-Anhte lamu ga hta htu tawn jung tawn ai hpyen dap grai n'dawm ai.
b-Hpyen yen tsin yam ni a matu masing masa jahkrat nna galaw sa wa ai lam n nga ai.
2-Panglung ga sadi.
a-Panglung ga sadi hpe ahkyak n.tawn sai.
b-Munghpawm masa n'nga sai. Shagan 14 nkap sai. Dai ni na dawnghkawn gaw shagan 1 sha kap sai. Munghpawm n'nga sai lachyum re.
3-2008 gaw da ai tara.
a-Dai ni myen ni ra lata galaw nna chyawm hpawng de nga ai rapdaw gaw 2008 tara kata kaw daw dan shagrin da ai rapdaw re.
b-2008 gawda ai tara galai lu na lam n'nga ai. Ra lata hta anhte shang lawm lam n'nga ai.
4-Mung masa bawngban ai.
a-Mung masa bawngban ai hta mung shaning galu anhte hpa baw ra ai hpe alang lang hpyi ai hte dai ni du ninghkap gasat nga ai gaw sakse re.
b-Simsa ga baw dat nna bawsang ni hpe shazim tawn ai masa sha re.
c-Ten garawt ai masa hte n'gun ban la nna myit makru shadaw ya ai masa re.
d-kalang tsun tawn hpyi tawn sai majaw alang lang bawngban nra sai, mahtai jaw na lam sha ang sai.
5-Hpyen masa.
a-2008 a gawda ai tara hta hpyen dap (1) sha nga na.
b-Rapdaw hte Gum San Magam madung nre. Hpyen dap hpe n'lai lu ai..
c-Myen mung hta daru magam arawng aya (2) jum tek ai masa re.
d-Simsa lam bawngban nga ai myen a dat kasa ni gaw sumla hkrang sha re. Hpyen masa shai ai lam n'nga yang gaw hpa bawngban nra sai ngu mu ai.
Anhte hpa hpyi nga ai, hpa ra ai hpe mung myen chye chyalu re majaw sari sadang nga nga hte mahtai hpe la madat yu nna matut sa wa na anau ni a mung masa hpyen masa hpe dawdan galaw sa wa yang kaja na re. Myen tsun shagu hkan galaw nga ai mung myen a npu taw ai hte bung ai zawn, myen gaw shanhte ra ai madang de ndu dingsa ten garawt nna maw lanyet shachyai nga na sha re. Munghpawm masa n'shapraw sai hta annau ni hpa rai myi man kaji hkam nna naw sa pawng na rai ta? Langai sha ngam tim matut gasat sha mai sai ngu mu ai.
San seng tsawm htap ai mara kata ai n'sam hte ma kaji ni nang hpe mau let yu nga ai, hpu shawng hpuba ni e.
Naw dating gasat ga.
Baren Numraw
10 comments:
Manu mana jaw ai,anhte Ningbaw ningla ni myen ni kamsham ai tsadan wa Wu da ai hkrum ma sam sai gaw.anhte kaw hpan madu Hkrung ai K.K nga ai hpe malap kau sam nga ai,Hpan da ai wa gaw shi jaw mayu ai wa shi jaw na nga asan sha tsun da sai re.anhte shi kashu kasha ni hpe jaw njaw kam na gaw n-nga na re.Hpa majaw K.K kaw mahtai hpyi na hte K.K kaw kam na hpa rai anhte myusha ningbaw ni Du(neck) ja nga a ta oi.Mung masha law law myitra ai hpe ningbaw ni shadik ya na dai ni na mungkan mung masa re le i?anhte ningbaw ni gaw mungchying sha ni myitra ai hpe madat shatup ya na matu kaloi she myit hprang kun gaw nchye sai.
KIO,KIA
,ning baw ni zahpawng hta mung Dan ga ga ran sana ,nga ai ga hpe n tsun sha praw ai ma jaw ,myen ni gaw ,hpa pyi n ja hta ra ai hte ,Aawng dang mat sai da ,,ya du hkra dai ga n tsun gwi Yang ,,sha ning 60 Jan de bai wa na kun
sadi ai lam dumhprut kau ai ngu gaw sum machyi ai lam sha re,hpyen re chye nga na hpyen hpe kam ai gaw sum na lam sha re.myen hpe nmai kam ai ngu gaw yasha nre shaning grai na sai.hpa rai myen a maw lanyet hpe naw kam ai kun?mau ai.matut gasat tik tik sha mai sai.
bawngban tim hpa lachyum npru na re.myen a manaw masa hpe maram chye saga ai le.matut nna yak tim gasat tik tik sha mai sai.ndai lang sha gaw yawng chyawm jamjau kau saga.lu ai atsawm yawng hte chyawm dating gasat ga law.
e le... myen hte bawngban hpawng hta awngdawm shanglawt anhte mung anhte dan ngu nna nga sa na nga nna hpa rai n hpyi ai kun gaw... panglung ga sadi hkrai tsun taw nga ai shut ai ngu mu ai.
Lang hte lang ding lun hpaji jaw ai lam grai galaw sai, ndai lam hte seng nna.laika ka sara wa hpe madi shadaw nngai.Ndai lang na majan gaw KIO?KIO wa majan hkyen madang grai shatsaw kau ai hpe mu lu ai. (G.sh: Mung Shawa Hpyen Hpung sa hpaw dat ai.. Ndai gaw hpyen masa hku grai hkak ai rai tim, Shing Gyim U Hpung
masa hku gaw grai hkrat sum ai ngu mu ai. Jing Hpaw ni a social building yawng hkra machyi
taw nga ai.
Dai Majaw majan ndai gaw...
1. Nmai na ai( na magang anhte machyi magang rai na re.)
2. Nmai sum ai.
3. Lahkawng magam gata hta loi li shut wa jang sat wa ai baw kachyi mi pyi nmai ai.
4.Myen hte zuphpawng hpawng na sha la nga nna aten nmai shama kau na re.
5. Myen ni anhte hpe kade pawt hkra galaw, jek-hkrek tim shawng lam na KIO myu shaw myen la ni nnai "sin dawng" ai.
6. Kade jamjau tim, teng man ai wa, myit kalu ai wa dang chyalu re hpe myit dum ga.
Dawng hkawn kaw shagan langai sha kap ai lachyum gaw shi hkrai sha aumhkang na nga ai lachyum re majaw ah hte ni nmai gaphkat jihkring ai gap tik tik di ga law dang hkra gasak ga yak tim pyaw tim rau di ga law....
Dawng hkawn kaw shagan langai sha kap ai lachyum gaw shi hkrai sha aumhkang na nga ai lachyum re majaw ah hte ni nmai gaphkat jihkring ai gap tik tik di ga law dang hkra gasak ga yak tim pyaw tim rau di ga law....
Dawng hkawn kaw shagan langai sha kap ai lachyum gaw shi hkrai sha aumhkang na nga ai lachyum re majaw ah hte ni nmai gaphkat jihkring ai gap tik tik di ga law dang hkra gasak ga yak tim pyaw tim rau di ga law....
Dawng hkawn kaw shagan langai sha kap ai lachyum gaw shi hkrai sha aumhkang na nga ai lachyum re majaw ah hte ni nmai gaphkat jihkring ai gap tik tik di ga law dang hkra gasak ga yak tim pyaw tim rau di ga law....
Post a Comment