Slideshow Image 2

KNO NINGBAW KABA, (51) NING HPRING RAWT MALAN MUNGGA

26 comments:

Anonymous said...

Labau kaw nna, KIO a rawt malan mungga byin pru wa ai re. KNO a mungga gaw, gara labau kaw nna byin pru wa ai rai?

Anonymous said...

Lahta na myitsu wa/jan a comment hte maren sha KNO na labau gaw gara hku kun? Anhte wp myusha law malawng chye da ai gaw KIO/KIA ningbaw kaba Hpe sha chye ga ai law.

Anonymous said...

KIO a lam gaw, labau rai nga ai. KIO ningbaw ngu ai gaw, labau hpe woiwan nga ai ningshawng wa rai sai. Labau ngu ai gaw,mung shawa ni a du, baw, asak, sai, salat hte arang ban,tawk kajang da ai share shagan ni a labau re. Kanu mungdan gaw rudi nna, kanu mungdan kaw, prat dingsa gring nga na labau re. Maigan kaw na, n gup hte mai sau kaw, ka lajang da ai labau gaw, kadai hpe gawn malai tai ya nga a ta? Jet ai myu tsaw myit hte mung shawa maga hta shanglawm ga.

Masu woi hkrum ai UKA hpyen ma ding sa said...
This comment has been removed by a blog administrator.
Jatawng Naw said...

N chye yang zim nga ga! Hkau ni n chye ai lam ni mung grai naw nga ai law. Matut sawk sagawn yu ga!
Sutdu Bawm Wang La Raw daram myu tsaw myit rawng let pawngyawng myu sha ni matu myit ai lauban kadai mung nnga, nmu yu ai law. MYen mung kaw n mai nga hkra myen ni nau jep zingri ai majaw Thai mung de hprawng nga ra mat ai re. Company prat galai n nga kaw na, Jinghpaw myusha ni kaw na Lungseng hte lauban mying pru ai no.1 shawng re. KIO/KIA hpe mung gumhpraw n nan tam chye ai kaw nna lu ai hte garum nga ai slg wa re hpe chye lu ai.
KNO hpaw hpang ai lam gaw, shawng na KIO/KIA du slg ni myen hte gap hkat jahkring na myithkrum kau ai hpang e, salang myitsu law law hte bawngban jahkrum nna hpaw n htan dat ai lam re.Ya mung maigan du JW myitsu ni hte lam tam jahkrum let Myen hpyen ni hpe ninghkap n gun madun hpawng ni, UN rung ni, maigan kyithkai rung ni de laika shawn lam ni hpe galaw shakut nga ma ai law. Grau n na hpyen hprawng garum lam hte KIA/O ni hpe mung dangdi ai hte garum shakut ding yang rai nga ma ai hpe mung chye na ga.
N dai ten hta Pawngyawng Myusha lapran sumprat dawk ai lam n galaw ga! Jahte tam ya ai lam n galaw shut hkra sadi nga ga. Nang nlu garum tim, garum shakut nga ai ni hpe gaw shagrau ga! ngu ga saw dat ai.

Anonymous said...

Jataw naw e nang gaw UKA hpyen la galaw na matu hkalem hkrum yu ga sai kun?
n hkrum ga shi yang zim sha nga u...

hkridun said...

Ginrai na myu tsaw shang lawt hpyen la nkam nna zim sha shakut yu rai, nlu galaw jang mi masha wa hpe jahpyak ai nang hpe nlata ai mung ya na zawn na a ahkyang lai len a majaw rai na sai.UKA hpyen la nlu galaw nna pawt sharu hkawm ai Ala wa e
KIA/KIO hte KNO gaw myit mang ai lam gata lam maren sha re matsing da u,mungdan gata hta ndu dep ai kaw shinggan kaw dangdi dang dep shamu sha mawt lu na matu hpaw hpang ai wuhpung kaba re nang hkungga ra ai, ndai gaw nang tinggyeng a yaw shada ai lam nawng dang nna Du wa Bawm Wang La raw hpe mahta di, mungkan ting nga KNO hpe hkum jahpyak,yawng gaw amyu hpe tsawra nna dangdi dangdep let shakut nga ai hpe chye na da u.tinang byin mayu ai hpe maroi nni nna wuhpung yawng hpe shum jahpoi myit hkrum lam ngun jaw na lam,ngun byin ai ladat hpe tam nna hpaji jaw ai madang de sa ga.

Anonymous said...

masha ngu ai gaw gadai mung hpring tsup ai n-nga ai -- ya ja tawng naw hpe tsun ai wa nang gaw gade ram wa jaw dum taw ai rai----ya hpyen yen tsin yam ni hpe nang ga de garum ga sai rai-- sut du bawm wang laraw gaw nang tsun ai hku hkalem ai nga tim ya na sin yam ni hpe n-gu but hking 5000 ga rum ai le---dai hta n-ga nang n-chye ai grai naw nga ai --UKA hpyen la ga law ga ai wa dai masha gaw kam ging ai i--ganing re masha --hpa ji sha rin yang mai byin ai i -- dai masha hpe naw maram yu ra ai .baw nu nga ai nga na majoi n-mai tsun ai myit sha wang gaba hte myit yu sawn yu ga jet ai myu tsaw rai jang -------

hkridun said...

Ginrai na myu tsaw shang lawt hpyen la nkam nna zim sha shakut yu rai, nlu galaw jang mi masha wa hpe jahpyak ai nang hpe nlata ai mung ya na zawn na a ahkyang lai len a majaw rai na sai.UKA hpyen la nlu galaw nna pawt sharu hkawm ai Ala wa e
KIA/KIO hte KNO gaw myit mang ai lam gata lam maren sha re matsing da u,mungdan gata hta ndu dep ai kaw shinggan kaw dangdi dang dep shamu sha mawt lu na matu hpaw hpang ai wuhpung kaba re nang hkungga ra ai, ndai gaw nang tinggyeng a yaw shada ai lam nawng dang nna Du wa Bawm Wang La raw hpe mahta di, mungkan ting nga KNO hpe hkum jahpyak,yawng gaw amyu hpe tsawra nna dangdi dangdep let shakut nga ai hpe chye na da u.tinang byin mayu ai hpe maroi nni nna wuhpung yawng hpe shum jahpoi myit hkrum lam ngun jaw na lam,ngun byin ai ladat hpe tam nna hpaji jaw ai madang de sa ga.

Shawng Lam Brang said...

KIO hta lai nna, WP amyu shani hta laga uphung uhpawng n nga ai ngu nna hkam la ai. Hpung woi hpaw nna, Ningbaw Kaba mying ngun shakap la na malai, shawng lam hta asak ap nawng nga ai KIA share shagan, hpyen la ni hpe grau nna, kamhpa, hkungga jaw, chyeju dum nga ga ai. Myutsaw myit ngu hta, Amyu hte Mungdan hpe tsaw ai myit hta lai nna, laga myit mada lam n nga ai ngu nna, hkam la ai.

Anonymous said...

Ninbaw nga yang yawng yawng chye sai le.. ning kaba nga she bai shakap hkra i? mani hpa ganoi tai ai law ndai lang na KNO ni laika shapraw ai gaw?.. tim yawng hpe hkungga ai...

Anonymous said...

Ja gumhpraw jaw ban ai hte Myutsaw myit hpe shadaw ai baw n re, Myit masin hte sha Myutsaw myit hpe madun mai ai re. Dum hprang nna, Myit hkrum ga.

Masu woi hkrum ai UKA hpyen ma ding sa said...

Hkri dun ngu ai wa e nang gaw UKA a lam kade ram wa chye a ni?
Shing nrai Jing hpaw mung na ram ma ni hpe thai ga jarik kaw hpaji sharin ya na nga wa masu woi na hpyen la woi galaw ai wa[mying n kam tsun shi ai]rai kun???
KNO hpung a mai kaja ai lam hpe gaw hkung ga ai...
Rai tim laknak hpai hpung shajan gaw n hpaw ra na re...
UKA hpyen la nlu galaw na pawt sharu hkawm ai la wa ngu gaw hkum tsun...
Nang shani shana magrau grang grang makawp maga nhkap gasat nga ai nga masu ai UKA a lam atsawm naw sagawn yu u yaw....

Anonymous said...

Maigan shara shagu kaw gaw KNO hpung nga na re, ap nawng ai Hpe mung hkungga ga ai. Rai Tim maigan du WP myusha shagu gaw KNO member n'rai na n'htan , maigan du ai raitim du ai sha Ra kaw na KIO/KIA Hpe sha madi shadaw ga ai.

Anonymous said...

hpa mi nga nga rai tim dai ni KNO nga ai majaw visa lu ai grai chye ju kaba sai yaw,,, dai visa a marang e --bung li mung lu ga law n-na hpyen yen ni hpe mung shata shagu lu ga rum ai -- KIA /kIO ni hpe mung majan gasat ai kaw lu garum mat ai --n-ta na shat di mung hpa n-tsang ra mat ai majaw KNO malawm yawng hpe grai chye ju dum ai yaw--wun pawng myu sha ni a ning baw kaw hpang wa karai yehowa re yaw dai hta lai na gadai grau ai n-nga sai-- ----------

namlap said...

Masha ngu gaw hkum tsup ai kadai nnga ai karai kasang a mungga hta mara raw tsawra let amyu sha a shawng lam hpe shakut sa wa ga.nhtai lai ga KIA/O nga nna KNO mung nnga nmai rai nga ai dai ni karai kasang gaw yawng hpe shaman chyeju ren di jaw da sai hpe chyeju shakawn let shawng lam hta shakut sa wa ga.

Anonymous said...

KNO hpe...Karai kasang jaw ai majaw chyeju dum dik ai ndai wuhpung hpe hpaw na matu woi ga law ai myitsu ni hpe mung chyeju dum ai maigan du nna yak hkak jamjau dik nga yang KNO hpung a ma jaw VISA lu na ya ngai mung alu mung lu bang ,hpyen yen a matu mung man man lu jaw ,KIA de mung lu garum,ya na ta kaw mung mayu kasha hte hkungran na rai sai yaw Thank you KNO

KNO/UKA said...

KNO hpung shang masha ni hte KNO hpe chyeju dum ai ni Yawng hte e anhte UKA hpyen dap hta myen tai hpyen hpe shani shana n sim nsa ning hkap gasat na hpyen la ni kadai mung n nga mat sai majaw chyeju hpyen la/num wa galaw ya na hpe kam kaba hte saw shaga dat ga ai...

Yu Maya said...

Hpyi gade mi galai galai, Lapu gaw, lapu hta tai nga ga malai hte maren, Sut du gaw, rawt malan ningbaw kaba n mai byin wa nga ai. Rawt Malan ningbaw ngu gaw, yak hkat jam jau ai masa kaw nna, gyin shalat dat ai re. KIO gaw, 52 ning labau numdaw hpe awngdan lai wa sai. KNO gaw..???

Anonymous said...

Hpamajaw ndai mungga ka bang ai mi. ndai gaw KNO a rawt malan nre ai gaw. KIO/KIA a rawtmalan she re gaw e.Bawmwang a e bai dawm la kau u,gaya hpa she rai mat sai.Anhte a mung hpe tsaw ra ai gaw nga Mungdan na manu dan dik ai lung seng hpai nna pru mat wa, tsun yang gaw sinat 400 mari jaw sai hkrai hkrai tsun, jaw ra gaw e Na a lungseng dai hpe wa sa ai shaloi anhte myu tsaw hpyen la ni grai ba lai wa sai si ai ni mung lawm ai.Anhte hpyen la ni gaw shawnglam de Myen gasat hkawm ai sha shadu kau teng nga yang gaw HTAI mung de na a lungseng wa sa ai she rai taw nga ai le dum nga nni?

Anonymous said...

e-- hpa ni tsun taw nga ai ta-- myu sha lam hpe gara hku hpa ji jaw na nga gaw n-tsun -- masha na gawng kya ai mu jang tsun ja hpyet na sha chye ai -- ya na tsim yam kaw ga ra hku hpa ji jaw na nga kaw n-ka ja hpyat ai comment rai jang 20 pi du mat sai --- majan hpaw hpang ai gaw na hpaji jaw ai comment kaw 20 pi n-du ai -- jahpyat ai kaw 20 pi du mat sai --hahahaha-- dai myutsaw mung tsaw myit re yaw---hahahahaha

hkun said...

Dai ning she rawt malan a lam na yu ai brang ni e, rawt malan nhtoi shagu KNO ningbaw wa kaw nna mung KIO [amyu sha pandung]hpe madi shadaw ai a policy hpe reflect galaw ai mungga ndau ga ai 10 ning jan sai re hpe ya she hkum na gajawng nga mu.

KNO ngu nna hpaw ai gaw anhte Amyu Sha ni a mung masa pandung ngang gring nga lu na matu hte dai amyu sha lam hta tsap nga ai uhpung ni lam n'yit hkra balance galaw nga na matu rai nga ai. Simsa lam la, gaphkat jahkring nga ai aten, KIO gaw Myen hpe a htik ahtawk shaga na matu [ simsa lam la nga ai aten hta raitim Myen gaw shanhte hpe matsa bun na lam amu grai galaw lai wa sai] yak lai wa ai majaw, Myen hpe ja ja shaga nga na matu hpaw da ai lam rai.

Ya mung KNO hku nna lata tut majan pa hta garum nga ga ai, nkam yang shawnglam na myu tsaw hpyenla, mung shawa hpyenla ni hpe san yu ga. Hpyenla galaw hkrit nna hprawng hkawm ai ni a ga hpe hkum kam mu, dai zawn re hpyen hprawng masha hpe mu yang jawm shading sharai ga. Seng ang ai mungdan na KNO/ROKA branch ni de report galaw ga. KIA/UKA hpyenla lahkawn ai gaw, dai lahkawn ai uhpung a tinggyeng a matu nrai, amyu hte mungdan hpe makawp maga na matu rai nga ai.

KNO kaw nna June 2011 kaw nna ya du hkra shanwglam, mung masha tsinyam ni hta garum sa wa ai lam ni.

1). Mungdan shagu amyu sha lam hku woi zinlum let, hpyen yen tsinyam ni hpe dangdi lu ai made garum ai.

2). Du nga ai mungdan na asuya ni hte amyu hpe genocide hku gasat nga ai Myen a ladat jahkring na matu hte, anhte amyu sha ni maga tsap ya na matu a ja a wa tsun lai wa sai, tsun nga ai.

3). Hkye fund hku nna mungdan shagu madi shadaw na hpe jasu jahprang let galaw nga ai.

4). Shawnglam majan pa, hpyenyen mung shawa ni a ra gadawn nga ai hpe dangdi ai made madi shadaw nga ai.

5). Padang Hkrunlam Majan masing a ra ahkyak nga ai laknak arung arai n ding hprut hkra KNO ningbaw wa nan woi awn nna garum madi shadaw nga ai.

Ndai lahta na lam ni gaw amyu sha Pandung rai nga ai, amyu sha lawt lu na matu shakut ai hta shang lawm nga ai re.

KNO hpe negative campaign galaw nga ai ngu ai gaw, mai kaja ai amyu sha lam galaw ai hpe ding lun ai hte bung ai majaw ahkyak la sa wa ga ai. Anhte gaw KIO hte MoU bungli jawm galaw na lam myithkrum masat galaw da ai hte maren galaw sa nga ai re majaw, mung masa ngu ai gaw grai sung ai brang/hkawn ni e, matut hka ja ga. Shada ga law hkat dan ra ai kaw ga law hkat, shada amyu sha bandung JAWM galaw ra ai kaw jawm galaw nga ga ai majaw, sung sung myit yu nna she uhpung hpe [positive and constructive] dinglun ga.

Wadap ga-ngu nna tsap kahtam nga na aten nrai sai, lu ai arai lang nna Myen hpyenla gasat gawt kau nhtawm Shanglawt la na aten rai sai. Dai gaw hpan wa Karai dai ni anhte hpe lajang ya ai aten rai sai majaw, ahtik ahtawk nnga ai sha hpyenman de, man shayawng jawm gasat sa wa ga.

Shanglawt la mai ai lam [3] nga ai:

1). Anhte amyu sha ni a tara ai majan hta Karai Kasang lawm sai.

2). Mau hpa atsawm, mung shawa a myithkrum [cooperation] dai ni anhte lu sai.

3). Moi na zawn machyu pala, laknak anhte tam mari hkawm nra sai.

SHANGLAWT LU AI AMYU TAI WA GA. ANHTE AMYU A LABAU ANHTE KA GA.

Anonymous said...

KNO a mai kaja ai myu sha lam hpe gaw hkung ga ai.
Myu sha ni a matu KIA hyen hpung kaba nga nga sai hta UKA ngu ai hpyen hpung hpe bai hpaw jat ai a yaw sha da lam hte ma tsing hpe chyeju hte naw tsun dan rit.
Teng man ai myit hkrum lam hte padang dip wa lu u ga.

hkun said...

UKA ngu nna hpaw mat wa ai labau hpe yawng hpe sanlang dan na ahkang lu ai majaw kabu ai. KIA/KIO simsa lam la nga ai aten hta anhte amyu sha ni, KNU, SSA, MNSP hte kaga amyu sha ni hte hpyen lam hku matut mahkai [alliance] nna matut shagreng galaw ra ai lam ni nga lai wa sai. Hpyen wunkat, hpaji hpung jat sharin ai, hpyen masa hku matut mahkai ai lam ni galaw dingyang rai nga ai aten, KIO/KIA a masa gaw simsa lam la da ai majaw, Myen asuya hte ahtik ahtawk byin na n manu nga ai. Shing rai nga ai aten, Loi Tai Leng kaw SSA/RCSS [http://www.youtube.com/watch?v=MG2Mg8YY8N4] ginra hta hpyen du wunkat jawm galaw na matu bawngban sa wa sai. Dukaba Nban La hte hpyendap na hpa-awn ni jawm bawngban dawdan nna marai 10 hpe lata san nna, dai SSA/RCSS ginra hta KIA a malai wunkat la na matu dat dat sai. Dai hpyen wunkat ngut ai shaloi KIO/KIA gaw Myen hte simsa lam la da nga dingyang re majaw, ndau n manu ai hte Ginjaw na Du Kaba Nban La matsun nna Loi Tai Leng de yu wa ai Du Jangma Awngli gaw KNO dawnghkawn sharawt nhtawm dai KIA hpyendu ni wunkawt yu ai hpawng hta shanglawm magum bu lai wa sai. Shingrai Myen wa gaw maga mi de 2008 gawda ai tara hte KIA hpe laknak jahkrat, BGF galaw na matu shadut wa ai sat lawat ni a majaw, Du Kaba Nban La, Du Kaba Gun Maw ni hte bawng nna UKA hte KIA hpe shagreng nna hpyen shagreng sa wa na matu lajang saga ai. Sinna Gala hkran de aten naw nga ai aten jin jin byin na matu, Sinpraw hkran na laknak, machyu pala law law shalai da na matu ni bawngban lai wa sai. Raitim, KIA woi awn du 1-2 [Ginjaw Komiti hpawng hta bawngban dawdan ai lam nre] hte sha bawngban nna galaw sa wa ai re majaw, ndai lam ni nbyin wa nga ai. Dai re majaw dai ni du hkra Sinna hkran de anhte arai grung na yak nga ai.

Hpa majaw, UKA hku nna nga nga ra a ta ngu ai lam asan sha bai tsun ga nga yang, lachyum pru ai mung masa simsa lam galaw lu ai shani du hkra, UKA san san ra nga ga ai.Dai gaw anhte mungdan, amyu sha ni a matu insurance policy kaba langai hte bung nga ai. Anhte gaw shada shingjawng hkat na matu nrai, amyu sha ni a pandung kaba rai nga ai "SHANGLAWNG AWNG PADANG" lu na matu gasat sa wa ai hta n gun she tai nga na ga ai.

Anhte jawm galaw mai ai lam ni June 2011 ning kaw nna dai ni du hkra na majan ni hta asan sha mahtai ni mu nga na re. Sam mung Ba 4 ginra hta UKA hpung ni dung 36 hte 38 hku shanglawm gasat nga ai zawn, UKA hpyenla ni Ginjaw ginra ni hta arau bungli jawm galaw nga ga ai. Mung shawa hte dap shawa ni e, anhte a ginra hta ABSDF, Sam, Arakan hte kaga amyu bawsang ni hpyenman langai sha hte gasat nga ma ai. Shada dinglun hkat nga nna baw machyi, aten shama nga na malai, hpyenwa hpe gara hku jawm gasat shamyit na mahkrum masa hpe madaw jawm bawngban galaw sa wa ga ngu hpung dim dat nngai.

Anonymous said...

Gara hku mi nga nga ngai na myit hta gaw an hte myu sha ni hta hpyen dap{KIA}langai sha nga sha ngun ma yu ai law...

Anonymous said...

UKA n nga ra ai KIA nga jang ram sai lo......

Post a Comment