Slideshow Image 2

MUNGKAN HTA NO-1

Mungkan de kade daram mi htawng shatsawm masu tim lawu de na shadawn shadang hti hkum hpe yu maram dat yang annau ni a shawng lam hpe yu maram dawdan sa wa lu na re.
1-Mungkan hta grit nyem dik ai mungdan hta No,1
2-Rawtjat galu kaba bawngring lam n'nga dik ai hta No-1
3-Mungkan hta hpaji hparat madang nyem dik ai hta No-1
4-Mungkan hta matsan grit nyem dik ai hta No-1
5-Sut hpaga masa hkrat sum dik ai hte hpaga ginlen na hkrit tsang ra dik ai hta No-1
6-Shing gyim ahkaw ahkang n'lu, n'nga ginlut hkrum dik ai hta No-1
7-Mungkan hta hpyen gumshem up hkang masa hku shaning grai na up hkang ai hta lawm ai.
8-Mungkan hta dinghku majan shaning galu, na dik ai mungdan hta No-1
9-Mungkan hta laknak hpai ai hpyen law dik ai mungdan hta No-1
10-Ana ahkya law dik hte hkam kaja lam n'nga dik ai mungdan hta No-1
11-Tara n'lang ai roirip adip arip zingri ai hta No-1
12-Mungkan hta mayun kumhpa sha ai, myi man tam ai, maidang masawp ai, walang gale ai, bungli n'kangka ai mungdan hta No-1
13-Sadi n dung hkrit tsang ra dik ai mungdan hta lawm ai myen mung asuya gaw anhte myu sha ni hte bawsang ni a matu kade ram n'mai kam ai asuya re hpe lahta de na tang madun ai hpe hti yu sawn yu nna, dinglit mu mai nga ai zawn sakse re. Dai zawn re sakse sakgan nga taw ai mu tawn nga sai myen asuya a mung masa bawngban lam gaw, kam mai na kun?kam ai ni madaw manya shachyoi hkrum na kun? Myen hte matut bawngban ai gaw Jum shama sau shama she rai na re. Annau ni a manu dan dik ai myit hkrum mangrum dik ai ten hta, mungdan gasat di la na de she, mahkrun tam matut ganawng sa wa yang kaja na re. Dai zimsa lam ta masat htu sai, dingda sam ni karen hpu nau ni hte ya hkyak hkyak bai gap hkat nga ai dai mung sakse kaba langai rai nga ai, matut dating gasat ai she madung rai na re.
Hpyen yen tsin yam ni a matu grat dagra re masa sha n'mu dingsa, myen a htu tawn jung tawn ai, hpyen masa sha n'galai shai dingsa galoi n'mai kam ai ngu sawn lu ai majaw matut n'gun dating ga.

Baren Numraw

14 comments:

Baren said...

lahta na hta naw jat dat mayu nngai.[a]nang hpan malu masha kanichyang hpraw yama shapraw ai[b]Tara je yang
ai lam n'nga nteng dik ai mungdan.

myu tsaw mung tsaw said...

myen mung kaw na ga garan sai lam hpe KIO,KIA kaw na n dau dat ra sai.dai shaloi she lak lai ai masa lam ni pru wa na re.kadai amyu baw sang ni myen hte pawng nga nga an hte agam taw nga ya n mai sai..an hte a mung dan hpe an hte a asuya sha up hkang ra ai.an hte a dawng hkawn mung kan dawng hkawn kaw lawm ra ai.....

myu tsaw mung tsaw said...

FEDERAL mung daw hpe n ra sharawng ai.W.P MUNG DAN hpe sha ra sharawng ai..myen sawa up hkang ai n pu kaw n kam nga ai.ti nang asuya up hkang ai n pu kaw she nga mayu ai.....

Anonymous said...

KIO hpe jawm madi shadaw nna Jinghpaw Wunpawng mungdan Ngu nna ndau let gasat di la saga oii Nau na la nga nmai sai myen asuya Gaw galoi Tim galai shai na nre Hkum myit mada taw Sa yaw.

Anonymous said...

Myen gaw sam ni hpe bai gap nga masai law...

Chyang Ngau said...

Mungdan gap di ga, Simsa lam nla ga, Federal Union hku nsa ga nga tsun ai ni yawng e atsawm sha.. naw myit yu ga... Kaja wa sung sung myit yu ga... Anhte June shata kaw na dai ni du gasat ai anhte a awng badang a matu loi mi chyamai ai ngu ai mahtai hkrak lu magra jum ai padang matu anhte nmu ai. Loi mi laja lana gasat wa sai nga yang sanat pala nlu/ lak nak kaba hpe yen ai majaw dap htawt ai da... ndai lam hpe sha yu ga grai tsan hpa nmyit nsum ru ra ai.... matut gasat nga yang anhte myu sha ni prat grai bai chyana mat na ga lahtum nshut ai... n gasat saga ngu ai nre.. Ya ten na anhte a matu manu dik htum ai masa gaw anhte ra ai lam, chyamai dik mai byin dik ai hte manu dik ai hpe woi jahta nna simla sam la gaw manu dik rai na re. Hpa majaw, Simsa lam la ai ten Lak nak atsam htum shagreng da lu na matu re.... dai gaw manu dik rai na re..

Bum shayi said...

anhte Nu num ni mung shanglawt she lawan lu na gasat di ga nga yang gaw,lu ai laknak hpai nna wala ni hte rau gasat na jin jin re law.Nu num ni matu hkam sha jin dik mat sai,Wa la ni e nanhte n'gwi jang gaw anhte she bai galai shakre na saga ai.galoi mung roirip hkrum a Nu num ni matu myit n'gut dik ai.laknak hpai tawn ai lata ni n'gatsi mat u ga.Num ni galoi den den jin jin re sa law rawt saga.masin n'si ai,myen hpe masa sa sha kau na re.Nu num ni hpang madaw hkan na kun?rawt sai.

Anonymous said...

Jing hpaw ni mung Dan ga ran na nga ai n sen na ai hte ,garum na ma tu ,n hpyen gap n bungli 30hte lu sha ,tsi, hpyen n gun 70000,garum hkyen nga,

Anonymous said...

KBC A BUGA SHAGU DE, HKYING HKUM 24 AKYU HPYI NA MATU SAW SHAGA AI LAIKA HTA GAW "WUNPAWNG MUNGDAN" NGU NDAU DAT MASAI LAW....

Anonymous said...

Myen hpe n dau na sha ra sai

Anonymous said...

Gatsan ga na shiga ,
Aung san wa hpe shani sha gu ,wan hte galip nga n na ,tsawMawng wa hpe gaw ,indaw nawng gawkngu na ,seng lagu ai mara hte sumprang hte a nyaw ai katut sha nga ai ,Tanshwe wa hpe gaw wio la hkyen sai ,lagaw lam hte dun la na re da ,
Bai n na myen mung ga ang de lung din sha ru bun hkyen ,,

Wa hka tu

Anonymous said...

mung dan gap di na la nga jang mung kan rap daw hta gara hku shiga sha hpoi ra na kun mung kan ku la ta ma ka kaw na ni ga ra hku sak se tai ya lu na kun dai shawng she yawng naw jawm myit yu ga jawm bawng yu ga n gup ga hte sha gap di la sa ga law nga di na byin wa na n re ai hpa bung li galaw tim mung kan hta tara shang hka chye tsun dan chye galaw ra ai dai sha loi she mai byin na re dai lam ni gaw mai gan nga ai chyurum wp myu sha ni hku n na n gun dat let sha ra la ya ra na re ngu kam ai mung dan ka ta kaw na ni gaw tsun pa n ra ai ka sat na gaw jin jin re sai , ma re tim mung dan 1 byin pru wa na gaw ka sat ai hte sha n ngut ai k k sha man ya u ga wp myu sha ni yawng ah n tsa

Kanu ni said...

yawng myithkrum ai n.gun gaw kaba dik ai laknak hta grau ai re majaw dai ni na ten yawng myit hkrum nga sai re majaw kaja shanglawt lu na re.mungkan de ndau nra ai myen bawngban ai kaw nlawm jang gaw mungkan de ndau ai hte bung sai anhte sha myit marai shajin tawn ra sai.gasat di la saga.

hkri ma said...

myen a myiman hpe naw tau ya nga na kun?myen tsun ai hku naw myit shang sha chyai nga yang kaja nga ai kun?ndai lang gaw anhte Nu num ni she bawngban sa na saga ai.num ni dawdan galaw sa wa yang she kaja na sai kun?nden ja ja gwi gwi ja ja adawt saga.

Post a Comment