Slideshow Image 2

AHKYAK GALOI LA NA

Majoi Shingra bum npu na nam sumwum kaw rawng nga ai salang Prangtai gaw aten lu shagu masha ni galaw wa ai lam hpe tak maram chyai ai akyang rawng mat nu ai. 1988 ning July 23 ya shana Gen. Ne Win gaw mungdan ningbaw arawng aya kaw na hkring sa sai lam ndau dat ai shaloi, salang Prangtai tsun wu ai gaw:- Shat gawk kaw NYAU n nga sai majaw YU ni gabrawng wa na sai, nga nna tau maram nu ai.

Dai hpang Yangon mare kaw masha sen kaba kabrawng wa ai shaloi kade nna yang, shingdu kaw hkring sa masu nga ai Ne Win wa a matsun dan dawng wa nna myo kata kaw manghkang kaba byin wa na masa nga ai. Dai shaloi sumtsan mare hkan lit la nga ai hpyen hpung ni gaw mare kaba de shim lam sa la ra na ma ai majaw mare kaji hkan hpyen n-gun kya mat na sai. Dai shaloi rawt malan hpung shagu gaw mare kaji ni hpe apyaw sha shang zing la lu na masai, nga nna lagaw sha mi hkintum kau rai majan yu chyai na matu shara kaja la nna la yu nga nu ai. Dai shaloi kaja nan majan byin was sai. Raitim Myenmung ting na rawt malan hpung ni yawng gaw, Myen ni shada sat hkat ai poi hpe myit n-gun mi alu rai jawm yu wa masai.

2007 ning kaw hpungkyi ni woi awn nna marawn garu wa ai ten hta mung, bum ga de na Myen hpyen la ni gaw mare kaba de shim lam la na matu sa mat ma ai shaloi rawt malan hpung ni gaw byin pru wa ai ahkaw ahkang hpe la nna shanhte a buga hkan na mare ni hpe hkan zing bang wa na masai, nga nna kam let salang Prangtai gaw shawng na hte maren gasat poi yu na matu da ting nga nu ai. Raitimung Myen hpyen la ni gaw hpungkyi ni hpe hkan sat ai poi hpe sha mu dat ai majaw Myen mung na rawt malan hpung shagu a ntsa e myit mada lam n nga mat nu ai.

Shata jan mai ai lana mi hta, salang Prangtai gaw shi a manang ni hpe shaga la nna nam-up woi jahta ai hta:- Satan ni gaw shinggyim masha ni hta manghkang byin shagu ahkaw ahkang la nna shanhte a matu akyu ara galaw la chye ma ai. Shing rai manghkang nbyin yang pyi gaw manghkang shalat la nna ahkyak chye la ma ai. Raitimung, Myen mung na rawt malan hpung ni gaw gara hpung mung shi a shi byin pru wa ai ahkaw ahkang kaba ni langai hpe sha pyi gaw asung n chye jashawn la ma ai nga nna, shana tup mani hpa hku nna tsun chyai wa masai.

Salang Prangtai matut tsun ai hta:- Ji nu ni gaw grai zen ma ai. Du sat ni hta numma kaji kap jang dai numma kaba wa hkra chye shalat la ma ai. Dai du sat gaw numma kaba wa nna nsa hti mat ai shaloi ji nu ni a awngdang poi kaba shatai nhtawm adi ni jawm di bang ai marang e shanhte a amyu hpe sen lam wan lam mayat la lu ma ai.

Du na ra ai shata (April) praw langai ya shani Myen mung kaw ra lata poi nga na ma ai. Dai ra lata poi kaw ASSK gaw apyaw sha maw sha katut na nu ai. Dai shaloi manghkang byin wa na rai nna, rawt malan hpung ni gaw, nbyin ai hpe byin wa hkra shalat la mung n ra, shi a shi byin pru wa ai hpe akyu jawm jashawn la ai hte shanhte a yi-ngam gaw awngdang wa ai maga de hpungdim dat la lu na ma ai, nga nna myit mi arawt rai tsun ai hpe htingbu htingbyen ni mung jawm na nna aten dep ahkyak jawm la na matut matut jahta dat ai law.

Pyilan

13 comments:

Anonymous said...

Mai gan du ma nang ni yawng hpang de ,,jinghpaw mung ga gara na lam n nga sai ,,du ai mung Dan kaw ma yam ga lawet nga mat sa ka ,,myu the mung Dan a matu ,myit mada sha ra n nga mat sai ,,

Jatawng Naw said...

E law! Hkau ni, hpu nau ni e. Nnan kaw na lachyum npru bawngban hpawng galaw chyai ai re hpe an nau ni yawng chye sai.
Shawng na KIO/A ni gaw lai mat sai,51 ning tup lachyum n pru wamdam hkawm, pawngyawng sha ni yawng hpe shoichyum woi, hpyendap htawt hkawm rai nna, grai pu ba mat na masai re. Laban shani hta hpang wa ai rawt malan re majaw mung prat galu mat ang sai.Pawngyawng ga malai hta 'Laban shani hkra ai ningma gaw grai mai yak ai' nga ai grai teng nga sai.
Ya ihte ni prat ningnan Shapawngyawng shanglawt Hpyen hpung bai hpaw wa na hku she myit shajin da ga, mahkrun tam wa saga.Laban ninghtoi hpe gaw shakut nna,hkungga lara rai ga i.
Hpyen hpung nnan hpaw na matu myen ni a Bank ni hpe shang hpra ga! Ja lungseng dut mari seng kaba ni hpe shang hpya la na myit shajin ga law.Myen hkringmang ni hpe mung lam e hkap rim kau ga. Myen hte seng ai Lauban kaba ni hpe rim gyit nna, Dollar wan tsa lam hte pahkam hkam da na mung myit shajin, jahkrum sa ga law. Miwa, Kala(Pakistan), sam Thai lanak mayun dut ai ni hte mung jahkrum yu sa ga.
Pawngyawng annau ni myit maku ndaw mat shaloi jang, rawt sa ga!!
Karai Wa e,anhte Pawngyawng myu sha ni hpea tsam jaw rit. Tsadan luksuk ni hpe gasat dang kau lu na hpaji atsam jaw rit law. Pawngyawng(Kachin) shanglawt mungdan de woi wa rit law.

Anonymous said...

Mung ma sa jahta ai da ,,hpa ja hta ma ai kun ,,mau sa ,,,myen ni Wu ai ka tut Sam masai ,,,mung masa ,jahta nagaw nga , sha sa hkrap Dan na ,bai n htang wa. Ai da ,,,mau sa ,,,,,myi prwi ga tsut na hpa jet mung la wa ma ai da ,,mau sa ,,
WP ,,myu sha ni ,,n dai ten ga ,garan na n jahta Yang galoi,mung masa jahta na ,,,mausa,,,,,,,,,,,,

Anonymous said...

KIO gaw masu magaw ai wa re.
KIO gaw myu sha hpw dut sha ai wa re.
KIO gaw gasat sa wa ga.
KIO gaw mung dan dut sha ai wa re.
KIO gaw myu sha ni hpe jing ri ai wa re.
KIO gaw jawm dawm kau ga.
KIO gaw myu hpe tsaw ra ai nrai.

Lai wa sai ten hta kam hpa let lam sha gu hku nna ngun jaw,ja gumhprw ni jawm garum lai wa sai rai tim ya gaw grai yawn myit maji hkrum sai law.
WP myu sha ni e.....
KIO gaw an hte a kam hpa sha ra nrai mat sai le.
Grai ...yawn dit sai law...

Myujet said...

Njaw ai de,Nkaja ai de sha yu yang gaw nmai na re,ya lang la bawng ban hpawng hta kio ni maga awng dang ai ngu mu ai,myen hte hpa myit hkrum lam nla shi ai,yadu hlra hpyen madang kaw naw re.kade nna yang myen ni htu majan kaba bai hpaw chye ai.sadi maja ga lahte na kio hpe yawn nga ni.mai gan kaw mayam galaw nna nhkum garu mu mungdan de wa nna hpyen wa hpe wa gasat yu mu le,NGUP GAW BAWLAW LATA GAW LAGYAW nga baw nbyin na re .hkau ni e kio de madi shadaw gumhpraw gaw shagun yu sai ni.mara hlrai nau mu ai myit jasat gaw satan kaw nna wa ai re.da…..........

u shun said...

la nan hte lai kai ngu ai gaw lachum rawng ai kaw jai lang ai baw re bawnu sat lawat n nga daik ai hku hkum ka amyu sha ga wa ai baw hkum tsun myen hpe shakrip jaw na ni nawng zawn adan ahkan nga kadai n apak ai gaw myen hpe hkum sa sazen kau zim sha naw nga u nang karum ai gum hpraw jahpan hkrak di galaw da u mung dan lu jang htam shi jat wa nara ai

nnye la nau said...

Grai hkrak ai ladat ka dai Laika ngau she rai lu,,.gai annau Jinghpaw Wunpawng myu sha ni ya lang na bai hkyeng nga ai,.. Myen ni a Mang hkang hta nmau taw sa ga , nang dang galaw ai N htu, Si nat, Pa la hpai,Media ni hte gasat na matu Karai Wa kaw machye machyang chye ju hpyi nna shakrip ga yaw, Myit hta mang dang yang nbyin wa na lam nnga ai, Annau myit kaji na nmyit ga,,anut nut tik tik galaw na hku she sa wa ga , chye ju kaba sai...laika ka sara e

Myu Tsaw said...

Satan gaw masha hta grau zen ai majaw Adam yan Ewa hpe pyi gaw lu hkalem kau nna, Madu Yesu hpe mung atsam htum hte hkalem wa sai. Mahtai hpe yu yang, KK hkang da ai hpe kamhpa nna hkan shadik shatup ai ni kadai raitim, satan a man kaw kataw ya na n rai.

Satan gaw WP myusha hpe jahten lu ai atsam rawng hkra Jinghpaw laika ram ram chye hkra sharin tawn nu ai. Raitimung, satan wa ka ai Jinghpaw laika gaw satan wa a ga manaw nsen sha apru wa ai. Dai hpe chye na ya ai kadai raitimung, pawt singdawng ai hte tinang a hkum hpe tinang nan dam ari jaw ai lam n-galaw na re. Dai majaw WP myusha 99% gaw KIO hte myusha yawng jawm shakut sa wa nga ai hpe madi shadaw la chyalu rai nga sai majaw myit tsang n ra na re.

nnye la nau said...

Rai dik goi,...nkaja ai hku galaw ai lam gaw ang kang wa ai lam n-nga ai...KIA/KIO hpe n-noi nna laga lam hku nna sa wa ai Tinggyeng lam hku shamu shamawt lam mung nnga na NEGATIVE VIEW hku nna Mana wa zawn Grang nga ai gaw Hpawt ni ngu ai Ning Htoi jan hpe pyi mu hkrit wa re ngu hkap la ga ai,.. Tsawra hkung ga ai Hpu Shawng Hpu Ba Myit Su Ka Nu ka Wa KIO/KIA ningbaw ning la ni yawng hkam ja ai hte Satan hpe dang kau lu ai Zai ladat myit nyan galoi mung rawng nga u ga

Lazung said...

Salang langai tsun ai gaw, hpaji chye ai, ngu ai gaw, laika chye ai majaw tsun ai n re da. Madung gaw anhte WP myusha ni a lapran kaw zai ladat amyu myu lang nna sumprat bang ya ai hpe atsawm sha chye kau ya nna hpaji hte matai htang lu ai lam she re da.

Anya Wa said...

Salang Lazung e, dai zawn re nang na wa yu ai hpaji hte seng nna law law matut tsun na hpe ra sharawng ai. Salang wa tsun ai hpe atsawm myit yu ai shaloi yup nga ai kaw na hprang wa ai zawn nga ai. Kaga hpu nau ni mung hprang wa na ma ai. Ngai chye na tawn ai gaw laika law law chye ai ni hpe hpaji chye ai ni ngu she kam nga ai. Dai ni jinghku langai tsun ai hpe bai na la ai gaw, laika chye nna hpaji mung chye ai ni gaw myusha ni a matu pyengding zawn htoi kabrim ya lu ai. Laika chye tim, hpaji n chye ai wa gaw tinang a amyu ni hpe lam shadam kau chye ma ai nga nna tsun ai hpe na dat ai majaw baw ginsin mat ai kaw na ya du hkra rai n bran ai zawn nga nna myit ung ang mat re sai. Hpaji naw jaw la marit law.

Grau Anya Wa said...

Anya Wa e, nang gaw ngai hta grau zen ai. Hpa majaw nga yang, nang gaw ngai hpe jahprang dat lu ai wa rai ndai. Chyeju kaba sai.

Anonymous said...

myen sawa shachying ni mung jinghpaw laika chye ka sai...moi myen aungsan wa tsun ai english hpe kasat dang mayu jang gaw english ga chye ra ai da ..ya dai ni jinghpaw hpe myu shamyit namatu myen ni jing hpaw laika sha rin sai sadi ga..

Post a Comment